Juda naTamar
1 Pethimbo ndyoka Juda okwa tembuka paamwahe nokwa ka kala pamwe nomulumentu, edhina lye Hira, gwokoshilando Adullam. 2 Oko nkoka i itsu omukadhona gwaShua, omulumentu Omukaanani. Okwe mu hokana, 3 e te mu valele omumati e te mu luku Er. 4 Okwa ningi ishewe omusimba e ta vala omumati nokwe mu luku Onan. 5 Okwa vala ishewe omumati e te mu luku Shela. Omumati nguka sho a valwa, Juda okwa li muKesib.
6 Juda okwa kongele osheeli she Er omukiintu edhina lye Tamar. 7 Er okwa li inaa opalela Omuwa, nomolwashoka Omuwa okwe mu etha a se. 8 Juda okwa lombwele omumwayina gwaEr Onan a ti: “Inda, u ka lale nomuselekadhi gwomumwanyoko. Gwanitha oshilonga shoye, opo omumwanyoko a kale e na oluvalo.” 9 Ihe okwa li e shi shi kutya uunona kau shi we, onkee shaa tuu a lala nomuselekadhi gwomumwayina, omasita goluvalo okwe ga sitamene pevi, opo kaaha valele omumwayina oluvalo. 10 Shika osha geyitha Omuwa e te mu dhipaga po ishewe. 11 Nena Juda okwa ti koshitenya she Tamar: “Shuna kaandjaho, u kale omuselekadhi, sigo omumwandje Shela ta koko.” Okwa popi ngaaka, oshoka a tila, pamwe Shela naye wo ota ka dhipagwa, ngaashi aamwayina ya ningwa. Tamar okwa shuna kaandjawo.
12 Konima yethimbo ele omukulukadhi gwaJuda, omuna gwaShua, okwa si. Oosa sho dha halakana, Juda nakuume ke Hira gwomuAdullam oya yi kuTimna, a ka kululithe oonzi dhe. 13 Yamwe oya lombwele Tamar kutya hemweno ota yi kuTimna, a ka kululithe oonzi dhe. 14 Tamar okwa hula mo oonguwo dhuuselekadhi e ta siikile oshipala she newiiwili e ta ka kuutumba posheelo shaEnaim, oshilando shi li pondjila yokuya kuTimna. Okwa li a tseya kutya onkelo yaJuda Shela oya koka, ihe ine mu pewa, e mu hokane po natango.
15 Juda sho e mu mono, okwa li e shi ohonda, oshoka okwa siikila oshipala she. 16 Okwa kanduka mondjila, a yi kuye e ta ti: “Ila, tu lale.” (Ine mu dhimbulula kutya oye oshitenya she.)
Tamar okwa ti: “Oto futu ndje shike?”
17 Juda okwa yamukula a ti: “Otandi ke ku tumina okakombwena komoshigunda shandje.”
Tamar okwa ti: “Eewa, ihe ongele to pe ndje ombambyona yi kale po, sigo wa tumu oshikombo.”
18 Juda okwa pula a ti: “Ombambyona oyashike?”
Tamar okwa yamukula a ti: “Okalinga koshihako shoye nongodhi yako nondhimbo ndjoka u na moshikaha shoye.” Okwe yi mu pe. Nena okwa lala naye e ta ningi ela. 19 Tamar okwa shuna kaandjawo e ti isuukulula ewiiwili nokwa zala oonguwo dhe dhuuselekadhi.
20 Juda okwa tumu kuume ke Hira, a fale oshikombo ye a etelele iinima yombambyona, ihe Hira ina mona Tamar. 21 Okwa pula aantu yopuEnaim ta ti: “Ohonda ndjiyaka ya li pondjila mpano, oyi li peni?”
Aantu oya yamukula ya ti: “Kapwa li ohonda yasha mpaka.”
22 Hira okwa shuna kuJuda e ta ti: “Inandi mu mona ko. Aantu otaa ti kutya kakwa li nando ohonda hwiyaka.”
23 Juda okwa ti: “Iinima mbyoka ne yi pungule. Inatu hala, aantu ye tu yole. Onda kambadhala oku mu futa, ihe ino mu mona ko.”
24 Sho pwa piti oomwedhi ndatu, Juda okwa lombwelwa taku tiwa: “Oshitenya shoye Tamar a pundukile moluhondelo noku na ela.” Juda okwa gandja elaka tali ti: “Mu pitithii mo, mu ke mu fike po a se.”
25 Sho a li ta pitithwa mo, okwa tumu elaka kuhemweno tali ti: “Epunda onde li pewa kumwene gwiinima mbika. Yi tala nawa, ngoye u mone kutya oyalye-okalinga koshihako nongodhi yako nondhimbo.”
26 Juda okwe yi dhimbulula e ta ti: “Oku li mondjila, ngame inandi mu gwanithila oshinakugwanithwa shandje, oshoka inandi mu pa omumwandje Shela, e mu hokane po.” Okuza mpoka Juda ina lala we naye.
27 Ethimbo lye lyokuvala sho lya thikana, osha holoka kutya ota ka vala epaha. 28 Manga a li ta thetwa, gumwe gwaakwanambwiyu okwa pititha mo okwaako; omuvalithi okwe ku kwata e te ku manga okangodhi okatiligane e ta ti: “Nguka osheeli.” 29 Ihe okwa shunitha mo okwaako kwe, omumwayina oye a valwa tango. Nena omuvalithi okwa ti: “Owa gwaya mo ngiini,” e te mu luku Perez. 30 Nena omumwayina okwa valwa e na ongodhi ontiligane poshikesho e te mu luku Sera.
Juda naTamar
1 Mefimbo tuu olo Juda okwa dja po povamwaxe nokwa ya komulumenhu womuAdullam nedina laye Hira. 2 Ndele Juda okwa mona ko omona okakadona komulumenhu Omukaanan nedina lako oSua. Ye okwe mu hombola ndele okwa nangala naye. 3 Ndele ye okwa ninga oufimba nokwa dala okaana okamati, ndele Juda okwe ka luka Er. 4 Okwa ninga vali oufimba nokwa dala okaana okamati ndele Juda okwe ka luka Onan. 5 Ndele ye okwa dala vali okaana okamati ndele Juda omwalikadi e ka luka Shela. Ndele okwa li muKesib eshi e ka dala. 6 Ndele Juda okwa kongela oshiveli shaye, Er, omwalikadi, nedina laye oTamar. 7 Ndelenee Er, oshiveli shaJuda, inashi wapalela Kalunga. Onghee Omwene okwe mu efa a fye. 8 Opo nee Juda okwa tya kuOnan: “Inda u ka nangale nomwalikadi wamumwanyoko u mu hombole u etele mumwanyoko oludalo.” 9 Ndelenee Onan okwa li e shi shii nokutya, oludalo itali ka ninga laye, onghee hano keshe efimbo a nangala nomwalikadi wamumwaina, ine mu xuxwila a etele mumwaina oludalo. 10 Ndele eshi sha ningwa kuye, oshii momesho Omwene. Onghee Ye okwe mu efa a fye. 11 Opo nee Juda okwa tya kuTamar oshitenya shaye: “Kala ngaashi omufiyekadi meumbo laxo fiyo omona wange Shela ta kulu. Osheshi ye a diladila: ‘Naau yo kashiimba ota fi ngaashi ovamwaina!’ ” Osho ngaha Tamar a ya a ka kale meumbo laxe.
12 Ndele eshi pa pita efimbo lile, omona okakadona kaSua, omwalikadi waJuda, okwa fya; efimbo lokulila eefya eshi la pwa, ye okwa ya kuTimna, ye pamwe nakaume kaye Hira, Omuadullam, a ka talele po ovakululi veedi. 13 Ndele vo ova shiivifila Tamar, ndele tava ti kuye: “Tala, xomweno ota i kuTimna a ka kulule eedi daye.” 14 Opo nee ye okwe lidula oikutu youfiyekadi waye nokwe liuvikila oshiuvikifo nokwe lidingila nasho. Ndele ye okwa ya a ka kale omutumba poshivelo shaEnaim, shi li pondjila yaTimna. Osheshi ye okwa mona nokutya Shela okwa kula, ndelenee ye ine mu pewa omwalikadi waye. 15 Juda eshi e mu mona, okwa li e shi ye omulandifi woipala, shaashi okwa uvika oshipala shaye; 16 ndele ye okwa ya kuye pomunghulo wondjila ndele ta ti: “Tu nangale fye naave,” osheshi ye ina shiiva nokutya ye oshitenya shaye. Ndele ye okwa pula: “Oto pe nge shike ngeenge to nangala naame?” 17 Ndele ye okwa nyamukula ta ti: “Ame ohandi ku tumine okakombo kohambo koimuna.” Opo ye ta ti: “Shapo oto pe nge ombabyona, fimbo to ka tumine nge?” 18 Ndele ye ta ti: “Ombabyona oyashike ngeno handi ku pe?” Opo nee ye a nyamukula ta ti: “Oshihakolinga shoye nokanyemba kasho nodibo yoye, ei i li meke loye.” Ye okwe i mu pa ndele okwa nangala naye, ndele winya okwa pewa oufimba kuye. 19 Ndele omukainhu okwa penduka ndele okwa ya ndee te lidula oshiuvikifo ndele ta djala oikutu yaye youfiyekadi.
20 Ndele Juda okwa tuma ko okakombo, e ka pa kaume kaye Omuadullam, e ka fikife ko, opo ye a tambule meke lomwalikadi ombabyona. Ndele ye ine mu mona ko. 21 Opo nee ye a pula kovanhu onhele yaye ta ti: “Omulandifi woipala winya, ha kala pondjila muEnaim oku li peni?” Ndele venya ova nyamukula tava ti: “Apa ihapa kala omulandi woipala.” 22 Opo nee ye a shuna nokwa ya kuJuda ndele ta ti: “Ame inandi mu mona. Novanhu vomonhele inya otava ti: ‘Penya ihapa kala omulandifi woipala.’ ” 23 Opo nee Juda ta ti: “Na kale nayo, fye tuha fifwe ohoni. Tala, ame nde mu tumina okakombo, ndelenee ove ino mu mona.”
24 Ngeno eshi pa pita eehani nhatu, Juda okwa shiivifilwa nokutya: “Tamar, oshitenya shoye okwa haelwa, nokwa ninga oufimba mokuhaelwa!” Ndele Juda okwa nyamukula ta ti: “Mu twaleni ko a ka xwikwe po.” 25 Fimbo ta twalwa okwa shiivifila xemweno ndele ta ti: “Oufimba wange owomulumenhu woinima ei!” Ndele ye okwa tya: “Tala hano nawa oshihakolinga eshi nokanyemba aka nodibo ei kutya oyalyelye?” 26 Ndele Juda okwe i tala ndele ta ti: “Ye omuyuki e dule nge, osheshi ame inandi mu pa omumwange omumati Shela.” Ndele ye ina endafana vali naye.
27 Ndele ye eshi kwa li e na okudala, medimo laye mwa li epasha. 28 Ndele fimbo ta dala, kamwe oka eta eke lako, nomudalifi okwe li kwata nokwa mangela ko olufipa litilyana ndele a tya: “Aka oko ka dalwa tete.” 29 Ndelenee ko eshi ka shunifa mo eke lako, omumwaina okwa dalwa. Ndee ye okwa tya: “Ove we lieta mo ngahelipi!” Ndele vo ove ka luka Peres. 30 Opo nee mumwaina, ou a li e nolufipa litilyana meke laye, okwa dalwa; ndele ve mu luka Sera.
