Omautho gokulangeka aayambi
(Lev. 8:1-36)1 “Nge to yapula Aaron noyana, ya ninge aayambi, oto ningi ngeyi. Oto kutha ongombe ondumentu yomutanda noonzi mbali oondumentu dhaa na oshipwe. 2 Kutha osiimela, ihe ino kutha efulika. Ninga iikwiila mu na omagadhi gooholivi, iikwiila yimwe mwaa na omagadhi nayimwe molupe lwekaka yomapapi ya gwayekwa omagadhi. 3 Yi tula montungwa e to yi yambele ndje, uuna to yamba ongombe ondumentu noonzi mbali oondumentu.
4 “Eta Aaron noyana kosheelo shetsalihangano e to ya yogo nawa nomeya. 5 Opo ihe zaleka Aaron omizalo dhuuyambi — ohema, omapepenguwo, eguyo lyokombanda, oshipapa shomontulo nekwamo. 6 Mu zaleka etsilu e to mangele ko epapa eyapuki. 7 Nena kutha omagadhi gokugwaya, ga tila komutse gwe e to mu gwayeke.
8 “Hedhitha ko oyana e to ya zaleke oohema; 9 ya zaleka omakwamo moombunda dhawo nomatsilu komitse dhawo. Osho ngaaka to yapula Aaron noyana. Oyo noluvalo lwawo oye na okulongela ndje muuyambi sigo aluhe.
10 “Eta ongombe ondumentu kosheelo shetsalihangano e to lombwele Aaron noyana, ya tenteke iikaha yawo komutse gwayo. 11 Dhipagela ongombe ondumentu koshipala shandje oshiyapuki posheelo shetsalihangano. 12 Kutha mombinzi yongombe e to yi gogo kooniga dhoshiyambelo nomunwe gwoye. Ombinzi onkwawo yi tila pekota lyoshiyambelo. 13 Nena kutha ko oofu dhomiikwamela, ekalokwa lyokehuli niitiyanathigo ayihe iyali niinkene mbyoka yi li kuyo e to yi lungunithile koshiyambelo yi yambelwe ndje. 14 Ihe onyama yongombe, ekunka lyayo nehoho lyayo yi lungunithila pondje yontanda. Ndika eyambo lyokukutha po oondjo dhaayambi.
15 “Kutha yimwe yomoonzi oondumentu e to lombwele Aaron noyana, ya tenteke iikaha yawo komutse gwayo. 16 Yi dhipaga e to kutha ombinzi yayo e to shashamine koombinga adhihe dhoshiyambelo. 17 Tetagula onzi miintimbu, yoga iikwamela yayo e to yi tula pomutse nopiintimbu iikwawo. 18 Onzi ayihe yi lungunithila koshiyambelo yi ninge iikulyandjambo. Oyo efikilondjambo kOmuwa, oyo eyambo lyezimba etoye kOmuwa.
19 “Kutha onzi onkwawo ondumentu e to lombwele Aaron noyana, ya tenteke iikaha yawo komutse gwayo. 20 Yi dhipaga e to kutha ko ombinzi yayo yimwe e to yi gwayeke koshipapatsi shokutsi kwokolulyo kwaAaron nokiipapatsi yomakutsi gokomalulyo goyana nokomilumenwe dhawo dhokiikaha yokomalulyo nokominwe dhawo ominene dhokoompadhi dhokomalulyo. Shashamina ombinzi onkwawo koombinga adhihe dhoshiyambelo. 21 Kutha mo ombinzi yimwe nombinzi ndjoka yi li koshiyambelo nomomagadhi gokugwaya e to ga shashamine Aaron noyana noonguwo dhawo. Osho ngaaka ye mwene, oyana noonguwo dhawo otaa yapulilwa ndje.
22 “Konzi kutha ko iinkene, omushila, oofu dhokiikwamela, ekalokwa lyokehuli, iitiyanathigo ayihe iyali niinkene yayo noshilama shokolulyo, molwashoka onzi ndjika oyeyapulo. 23 Montungwa yiikwiila mbyoka ya yapulilwa ndje, kutha mo oshikwiila shimwe moludhi kehe: oshikwiila shimwe sha ningwa nomagadhi gooholivi, shimwe inaashi ya omagadhi nashimwe shepapi. 24 Ayihe mbika yi tenteka peke lyaAaron nopomake goyana e to yi dhungadhunga koshipala shOmuwa. 25 Nena yi kutha po pomake gawo, u yi lungunithile koshiyambelo kombanda yefikilondjambo, yi ninge iikulyandjambo yokuyambelwa ndje. Ezimba lyondjambo ndjika ohali opalele ndje, ngame Omuwa.
26 “Kutha ondete yonzi ndjika ondumentu e to yi dhungadhunga koshipala shOmuwa. Oshitopolwa shika otashi ningi shoye.
27 “Uuna omuyambi ta yapulwa, ondete noshilama shonzi tayi longithwa peyapulo, nayi yapulilwe ndje, yi ninge omagano gedhungadhungo, mu ga itulile ga ninge gaayambi. 28 Eutho ndika itali lunduluka nando, uuna aantu yandje taa yamba omakwatathanondjambo; ondete noshilama shoshimuna nashi ninge shaayambi. Omagano ngaka aantu otaye ga yambele ndje, ngame Omuwa.
29 “Konima yeso lyaAaron oonguwo dhe dhuuyambi nadhi thigululwe po koyana, ye dhi zale, uuna taa gwayekwa ya yapulilwe oshilonga. 30 Omuna gwaAaron ngoka te mu landula muuyambi e ta yi metsalihangano, a longele ndje mUuyapuki, na zale oonguwo ndhika omasiku gaheyali.
31 “Kutha onyama yonzi ondumentu ya longithwa meyapulo lyaAaron noyana, e to yi telekele pehala eyapuki. 32 Aaron noyana naye yi lile posheelo shetsalihangano pamwe niikwiila mbiyaka ya hupile montungwa. 33 Oye na okulya shoka sha longithwa momusindilo gwokudhima po oondjo dhawo peyapulo lyawo, sho taa langekwa miilonga. Aayambi oyo ayeke naa lye iikulya mbika, oshoka oyo iiyapuki. 34 Nongele onyama yimwe nenge iikwiila yimwe ya hupu ko e tayi lala sigo ongula, nayi lungunithwe po; inayi liwa we, oshoka oyo iiyapuki.
35 “Gwanitha omisindilo dheyapulo lyaAaron noyana omasiku gaheyali, naanaa ngaashi nde ku lombwele. 36 Esiku kehe ou na okuyamba ongombe ondumentu, yi ninge efikilondjambo, opo oondjo dhi dhimbwe po. Otayi yelitha oshiyambelo. Nena shi gwayeka nomagadhi gooholivi, shi ninge oshiyapuki. 37 Ninga shika esiku kehe momasiku gaheyali. Nena oshiyambelo otashi ningi naanaa oshiyapuki, ndele shaa ngoka nenge shaa shoka tashi shi gumu, otashi ningi oshiyapuki.”
Omayambo gesiku kehe
(Num. 28:1-8)38 “Esiku kehe ethimbo alihe koshiyambelo naku yambelwe oonzigona mbali dhomumvo gumwe. 39 Onzigona yimwe ou na oku yi yamba ongula, nonkwawo oto yi yamba lwokongulohi. 40 Onzigona yotango oto yi yamba pamwe noolita mbali dhosiimela ya pilulilwa mumwe nolita yimwe yomagadhi gooholivi ga yengwa. Tila mo ishewe olita yimwe yomaviinu, ga ninge omayambo. 41 Onzigona ontiyali yi yamba ongulohi pamwe niikulyandjambo noshinuwandjambo naanaa ngaashi ongula. Ezimba etoye lyondjambo ndjika ohali opalele ndje, ngame Omuwa. 42 Esiku kehe ethimbo alihe kala ho yamba efikilondjambo ndika koshipala shandje posheelo shetsalihangano. Opo mpoka tandi tsakaneke aantu yandje e tandi ku popitha. 43 Opo mpoka tandi tsakaneke Aaisraeli, nehala ndyoka otali yapulwa keadhimo lyandje. 44 Otandi yapula etsalihangano noshiyambelo, notandi yapula Aaron noyana, ya longele ndje muuyambi. 45 Otandi ka kala mokati kAaisraeli, ongame Kalunga kawo. 46 Otaa ka tseya kutya ongame Omuwa, Kalunga kawo, nde ya tembudha muEgipiti, opo ndi wape okukala mokati kawo. Ongame Omuwa, Kalunga kawo.”
Okuyapulilwa oupristeli
1 “Oku va yapulila oshilonga shoupristeli va longele nge, ove u noku va ningila ngaha: Kufa ongobe yomhedi onyasha needi mbali dihe noshiponga, 2 nomungome uhe nonhafi, noukuki vehe nonhafi mwa lungilwa omaadi noukuki voupapi vehe nonhafi va vaekwa nomaadi. U noku di ninga oufila utoka wa nakwa. 3 Ndele u tula mokambale kamwe ndele u eta mokambale pamwe nongobe yomhedi needi mbali. 4 Ifana Aron novana vaye ovamati ve uye koshivelo shetwali leongalo ndele va kosha nomeva. 5 Kufa oikutu ndele dika Aron oshikutu shokoshi noshikutu shokombada shoshikutu shokomapepe noshikutu shokomapepe shovene nokapapa koponhulo, ndele mu mangifa omwiya woshiyata shoshikutu shokomapepe, 6 nembale li tula komutwe waye, ndele to tula ko oshishani shiyapuki. 7 Opo nee to kufa omaadi okuvaeka, a tila komutwe waye noku mu vaeka. 8 Novana vaye ovamati yo, va ifana, va dika oikutu yokoshi, 9 va mangifa nomwiya woshiyata, Aron novana vaye ovamati, komitwe davo mangifa oumbale, opo va shiive okukala moshilonga shoupristeli ngaashi onghedimhango yaalushe. Osho ngaha hano ove u nokunangeka Aron novana vaye ovamati moshilonga shoupristeli.
10 “Nongobe yomhedi u noku i eta komesho yetwali leongalo. NaAron novana vaye ovamati ve nokutula omake avo komutwe wongobe yomhedi. 11 Toma ongobe yomhedi moipafi yOmwene poshivelo shetwali leongalo. 12 Opo nee ove u nokukufa mo mohonde yongobe yomhedi noku i polola nomunwe woye keembinga doaltari. Nohonde aishe ya xupa po u noku i tilashi koshi yoaltari. 13 Ndele kufa oipuununwa yokomandjadja nokaxulixuli neefiyo noinghene yado, ndele to i lungwinifa koshiyambelo i yambelwe nge. 14 Ndelenee ombelela yongobe yomhedi ekungha layo noshandja shayo shi xwika po momundilo pondje yonhanda. Olo etimbayambo.
15 “Opo nee kufa odi imwe yomhedi, naAron novana vaye ovamati nava tenheke omake avo komutwe wayo, 16 Opo u nokudipaa odi yomhedi nokukufa ohonde yayo noku i tilila koaltari kombinga nombinga. 17 Nodi yomhedi u noku i tukula oinhimbu, ndele kosha omandjadja ayo nomakondo ayo, ndele a tula kombada yoinhimbu ikwao nokomutwe. 18 Opo nee u nokuxwika po odi aishe koaltari. Olo exwikiloyambo kOmwene, edimba liwa, heeno, olo omundiloyambo kOmwene.
19 “Opo nee u nokukufa odi yomhedi ikwao, naAron novana vaye ovamati ve nokutenheka omake avo komutwe wayo. 20 Opo nee to dipaa odi yomhedi, ndele to kufa mohonde yayo ndele to i polola kokutwi kwokolulyo kwaAron nokokutwi kwokolulyo kwovana vaye ovamati nosho yo komunwe wavo wakula womeke lokolulyo nomunwe wakula wokomhadi yavo yokolulyo. Nohonde ya xupa po ove i tilila kombinga nombinga yoaltari. 21 Opo nee kufa mo mohonde ei i li koaltari nomomaadi okuvaeka noku i shamina kuAron nokoikutu yaye ngaashi yo kovana vaye ovamati, nokoikutu yovana vaye ovamati pamwe naye, opo ye a shiive okukala omuyapuki noikutu yaye yo novana vaye ovamati noikutu yavo yo pamwe naye. 22 Ndele kufa omakaadi odi, nomakaadi okomushila nosho yo omakaadi e li komandjadja nokaxulixuli neefiyo mbali nomakaadi aa e li kudo noshilama shokolulyo, osheshi oyo odi yeyapulo, 23 Kufa omungome umwe weundu nomungome wa lungilwa omaadi noshikuki shimwe shokapapi sha kufwa mokambale mu nomingome dihe nonhafi aka ke li koshipala shOmwene. 24 I tula momake aAron nomomake ovana vaye ovamati ndele i dungadungifa i ninge edungadungifwayambo koshipala shOmwene. 25 Opo nee to i kufa mo momake avo u i xwike po kombada yexwikiloyambo, i ninge edimba liwa koshipala shOmwene. Olo omundiloyambo kOmwene. 26 Ndele kufa ombadja yodi yeyapulo laAron u i dungadunge ngaashi edungadungifwayambo koshipala shOmwene. Opo nee yo tai ningi oshitukulwa shoye.
27 “Ndele ove u nokuyapula ombadja yedungadungifwayambo noshilama sheyelulwayambo shovapristeli nokutya, osho shomodi yeyapulo laAron nolovana vaye ovamati sha dungadungifwa nosha yelulwa. 28 Ndele sho shi nokuningilwa Aron novana vaye ovamati ngaashi onghedimhango yaalushe kombinga yovana vaIsrael, osheshi osho eyelulwayambo lovapristeli. Noshi nokukala eyelulwayambo kombinga yovana vaIsrael lomomapanduloyambo avo nokutya, eyelulwayambo lavo kOmwene.
29 “Oikutu iyapuki yaAron nai ninge yovana vaye ovamati konima yaye, va kale ve i djala vo ngeenge tava vaekwa notava yapulilwa oshilonga shoupristeli. 30 Omona waye omumati ou ta ningi omupristeli ponhele yaye ndele ta ka ya metwali leongalo a ka yakule metwali liyapuki ye e nokukala e i djala omafiku aheyali.
31 “Ndele ye e nokukufa odi yeyapulo nokuteleka ombelela yayo monhele iyapuki. 32 Opo nee Aron novana vaye ovamati ve nokulya ombelela yodi nomungome ou u li mokambale poshivelo shetwali leongalo. 33 Vo ve nokulya shomwaayo vo va kwatakanifwe nayo vo eshi va nangekwa moshilonga shoupristeli nova yapulwa, ndelenee omuyeni aha lye ko kuyo, shaashi yo oiyapuki. 34 Nongeenge tapa xupu sha kefiku lomongula shomeyambo leyapulo ile shomomungome, nye mu nokuxwika po eshi sha xupa po. Sho itashi liwa, shaashi sho oshiyapuki.
35 “Osho ngaha hano ove u nokuninga naAron novana vaye ovamati ngaashi nde mu lombwela. Okuyapulwa kweni taku kala oule womafiku aheyali.
36 “Efiku keshe mu nokulongekida ongobe yomhedi omolwekwatakanifo nokuyeleka oaltari moku i kwatakanifa. Nou noku i vaeka opo u i yapule. 37 Momafiku aheyali u nokukwatakanifa oaltari noku i yapula. Osho ngaha hano oaltari tai ka ninga iyapukielela. Keshe eshi tashi kumu koaltari, tashi kala sha yapulwa.
Exwikiloyambo lefiku keshe
38 “Eshi u noku shi longekida koaltari eshi: oudjona vavali vomudo umwe keshe efiku. 39 Odjona imwe u noku i yamba ongula nodjona ikwao u noku i yamba onguloshi 40 pamwe noufila wa nakwa u fike pokilograma imwe wa pilulilwa omaadi a yengwa e fike polita imwe, ndele ngaashi oshikunwayambo omaviinyu e fike polita imwe. 41 Nodjona ikwao u noku i yamba onguloshi. Ove u noku i longekida panghedi yeendjayambo dongula, noikunwayambo yado ngaashi edimba liwa. Olo eyambo lomundilo kOmwene. 42 Olo li nokukala exwikiloyambo laalushe komapupi nomapupi poshivelo shetwali leongalo, koshipala shOmwene, omo Ame handi ka shakena nanye ndi popye nanye omo. 43 Ndele omo ohandi ka shakena novana vaIsrael, netwali tali ka yapulwa molwoshingefimano shange. 44 Osho ngaha hano Ame ohandi ka yapula etwali leongalo noaltari. NaAron novana vaye ovamati Ame ohandi ke va yapula yo, opo va yakule nge moshilonga shoupristeli. 45 Ndele Ame ohandi ka kala mokati kOvaisraeli; nokukala Kalunga kavo, 46 ndele vo otava ka shiiva nokutya, Aame Omwene Kalunga kavo, ou nde va pitifa mo medu laEgipiti, opo ndi kale mokati kavo, Aame Omwene Kalunga kavo.
