Okukala muuyelele
1 Kambadhaleni ano okuholela Kalunga, oshoka one oyana aaholike. 2 Okukalamwenyo kweni naku kale taku pangelwa kohole, ngashika Kristus a li e tu hole e ta gandja omwenyo gwe omolwetu, gu ninge eyambo lya nika nawa nolyo opalela Kalunga.
3 One aantu yaKalunga, onkee itashi vulika, mokati keni tamu uvika oluhondelo niilonga ya nyata yoludhi kehe nolwiho. 4 Osho wo inashi opala, ngele ne otamu popi oohapu tadhi sitha ohoni, omategu guugoya nenge oohapu dha nyata, shila omahambelelo okuhambelela Kalunga. 5 Ndhindhilikeni ihe nawa oshinima shika: kape na ando omuhondeli nenge omuntu kehe e li muulunde nenge omunalwiho, oshoka olwiho olwo okusimaneka iimenka, ta ka kala e na oshitopolwa mOshilongo shaKristus noshaKalunga.
6 Inamu etha, mu pukithwe nando okomuntu gumwe noohapu dhuugoya, oshoka omolwiinima ya tya ngaaka, ondjahi yaKalunga otayi ka adha aantu mboka ihaa vulika kuye. 7 Ano inamu kala mu na ekwatathano naantu ya tya ngaaka. 8 Nale omwa li aantu yomomilema, ihe ngashingeyi sho mwa ningi aantu yOmuwa, one omu li muuyelele. Onkee ano kaleni ngashika aantu yomuuyelele. 9 Oshoka uuyelele owo otau eta eteyo olindji ngashika uuwanawa, uuyuuki noshili. 10 Kambadhaleni okwiilonga okutseya shoka sho opalela Omuwa. 11 Inamu kala mu na ekwatathano naantu mboka haa longo iilonga yaa fele yomomilema. Ihe hololeni iinima ya tya ngaaka puuyelele. 12 Oshoka okutumbula iinima mbyoka haa ningi meholamo, osho ohoni yowala. 13 Ihe uuna iinima ayihe tayi ka hololwa puuyelele, nena uukwatya wayo otau ka kala puuyelele. 14 Oshoka shaa shoka sha hololwa puuyelele, otashi kala sha yela. Onkee ano otaku tiwa:
“Penduka, ngoye ngoka wa kotha, za mo meso!
Kristus note ku minikile.”
15 Ikonakoneni ano nawa, nkene mu na okukala. Inamu kala ngashika omagoya, kaleni ngaashi aanandunge. 16 Longitheni nawa ethimbo kehe mu li na, oshoka omasiku ngaka omawinayi. 17 Inamu kala ano omagoya, ihe kambadhaleni okukonakona kutya Omuwa okwa hala, mu ninge shike.
18 Inamu kolwa komaviinu, oshoka uunkolwi otau mu etele oshiponga, ihe udheni Ombepo Ondjapuki. 19 Hokololelathaneni oohapu dhomapisalomi, omaimbilo noondjimbo oondjapuki dhopambepo. Imbileni Omuwa omaimbilo nomapisalomi, mu simanekeni momitima dheni. 20 Hambeleleni aluhe Kalunga Tate molwaayihe medhina lyOmuwa gwetu Jesus Kristus.
Aakiintu naalumentu
21 Ilongeni evuliko mokati keni omolwetilo lyeni okutila Kristus.
22 Aakiintu, vulikeni kaalumentu yeni, ngaashi hamu vulika kOmuwa. 23 Oshoka omulumentu oku na epitikilo okupangela omukiintu gwe, naanaa ngashika Kristus e na epitikilo okupangela egongalo lye. Nokuli Kristus ye mwene oye Omuhupithi gwegongalo lye, nokutya olutu lwe. 24 Osho ngeyi aakiintu oye na okuvulika kaalumentu yawo miinima ayihe pamukalo naanaa ngoka egongalo tali vulika kuKristus.
25 Aalumentu, holeni aakiintu yeni, naanaa ngashika Kristus e hole egongalo lye nokwi igandja meso omolwalyo. 26 Oye okwe shi ningi, opo a yoololele Kalunga egongalo nohapu ye, nge e li yelitha noku li yoga momeya, 27 opo i iyetele po egongalo lyo opala, lya yogoka, lya yelithwa, lyaa na ontongo nenge egonyoto nenge onyata ya sha. 28 Ano aalumentu oye na okuhola aakiintu yawo, naanaa ngashika ye hole omalutu gawo yene. 29 Oshoka kaku na nando omuntu e tonde olutu lwe mwene, ihe kehe gumwe ohe lu palutha nohe lu sile oshimpwiyu, naanaa ngashika Kristus ha sile egongalo lye oshimpwiyu; 30 oshoka tse iilyo yolutu lwe, yegongalo lye. 31 Ngashika enyolo tali ti: “Onkee ano omulumentu oku na okuthiga po he nayina e ti ihanganitha nomukiintu gwe, ayehe yaali notaa ningi omuntu gumwe.” 32 Oshiholekwa shika sha hololwa menyolo ndika, osho oshinene. Ngame ondi uvite ko kutya otashi ulike Kristus negongalo lye. 33 Ihe otashi ulike wo kutya omulumentu kehe oku na okuhola omukiintu gwe, ngashika i ihole ye mwene, nomukiintu kehe oku na okusimaneka omulumentu gwe.
Okweenda kuyapuki kwOvakriste
1 Ningeni hano ovahopaeleli vaKalunga ngaashi ovana ovaholike, 2 nye mu kale nokweenda mohole ngaashi Kristus kwa li e mu hole nokwe liyandja molwetu oshali, eyambo, edimba liwa, la hokiwa kuKalunga.
3 Ndelenee oluhaelo nakeshe tuu onyata youlunde ile olwisho inali tumbulwa nande vali mokati keni, ngaashi sha wapalela ovayapuki, 4 neendjovo defifohoni nomashendjo oulai inali udika mo, ndelenee edi domapandulo. 5 Osheshi nye omu shi shii nawa, nye mu shi wete, keshe omuhaeli ile omulinyateki noulunde, nomunalwisho, osheshi ou omulongeli woikalunga, ke noshitukulwa shefyuululo mouhamba waKristus nowaKalunga.
6 Paha kale ou te mu pukifa neendjovo dongaho, osheshi omolwaai ehandu laKalunga otali hange ovana vokuhadulika; 7 hano inamu kwatafana nayo pamwe naavo. 8 Osheshi nale omwa li omulaulu, ndelenee paife mwa ninga ouyelele mOmwene. Kaleni nokweenda ngaashi ovana vouyelele, 9 osheshi ouwa keshe nouyuki noshili, oyo oshiimati shOmhepo. 10 Ndele shipashipeni eshi tashi wapalele Omwene, 11 ndele inamu kala mu neendafano nande linini noilonga yomulaulu ihai imike, ndelenee oshipu mu i hanyene. 12 Osheshi ohoni yongaho nokuli okutonga eshi tave shi longo meholeko. 13 Ndelenee aishe ei tai ka pewa oushima eshi tai hololwa pouyelele, osheshi ashishe eshi tashi ka hololwa, osho ouyelele. 14 Onghee ta ti:
“Penduka ove ou ho kofa, ndele nyumuka movafi,
Kristus ote ku minikile.”
15 Litaleni hano nawa nhumbi hamu ende, hangaashi omalai, ndelenee ongaashi ovanaendunge; 16 longifeni nawa efimbo, osheshi omafiku omai. 17 Onghee hano inamu kala muhe neendunge, ndele shiiveni ehalo lOmwene olilipi. 18 Inamu kolwa komaviinyu omo hamu di eliefo, ndelenee yadifweni kOmhepo; 19 hokololelafaneni omapsalome nomalwiimbo opamhepo, nokwiimbila nokuhambelela Omwene momitima deni, 20 nokupandula alushe Kalunga, Tate, omolwaaishe medina lOmwene Jesus Kristus, 21 mu dulikafane keshe tuu komukwao mokutila Kristus.
Ehombolo lOvakriste
22 Ovakainhu, dulikeni kovalumenhu veni ongaashi kOmwene. 23 Osheshi omulumenhu oye omutwe womukainhu, ngaashi Kristus yo Oye omutwe weongalo, Ye Omuxupifi wolutu. 24 Ndelenee ngaashi eongalo hali dulika kuKristus, osho tuu ngaha ovakainhu nava dulike kovalumenhu vavo moinima aishe.
25 Onye ovalumenhu, holeni ovakainhu veni ngaashi Kristus e hole eongalo, nokwe liyandja molwalo, 26 opo e li yapule noku li yelifa mekosho lomeva oneendjovo, 27 opo a dule okukaleka ofika moipafi yaye mwene eongalo la yelifwa lihe nedilo ile eengonyoto ile oinima inai wapala, ndelenee li kale liyapuki nolihe noshipo. 28 Osho ngaha novalumenhu ve nokuhola ovakainhu vavo ngaashi omalutu avo vene; oye ou e hole omukainhu waye, oye oku lihole ye mwene. 29 Osheshi kape na ou ha tondo ombelela yaye mwene, ndelenee ohe i palula nohe i tekula, ngaashi Kristus ha tekula eongalo laye. 30 Osheshi ofye oinhimbu yolutu laye noyombelela yaye nomakipa aye. 31 “Onghee hano omulumenhu e nokufiya po xe naina nokulimangela komukainhu waye, vo vavali tava ningi omunhu umwe.” 32 Oshiholekwa eshi oshinene, ndelenee ohandi tongo Kristus neongalo laye. 33 Ndelenee keshe womunye na kale yo e hole omukainhu waye mwene ngaashi e lihole ye mwene, ndele omukainhu na fimaneke omulumenhu waye.
