Kombinga yokukala kwomuntu
1 Edhina lya simana oli vule omugwayo gwa nika nawa, nesiku lyokusa oli vule esiku lyokuvalwa.
2 Okuya koshigumbo taku lilwa oosa oku vule okuya kegumbo li na oontselela, oshoka eso olyo ehulilo lyaantu ayehe, nomunamwenyo ote shi dhiladhila momutima gwe.
3 Okunika uupongo oku vule okuyola, oshoka oshipala ngele shi na oshizimbi, nena omwenyo ogu li nawa.
4 Omutima gwaanandunge otagu kala moshigumbo shoosa, manga omutima gwaagoya gu li megumbo lyenyanyu.
5 Okupulakena egando lyomunandunge oku vule okupulakena eimbilo lyomagoya.
6 Oshoka iikwekwela yaagoya oya fa omityotyomo dhomano taga pi kohi yombiga. Shika owaleelela.
7 Okwiihakanena iimaliwa otaku goyapaleke omunandunge, noombumbo otadhi nyateke omutima.
8 Ehulilo lyoshinima oli vule etameko lyasho.
Omutalanteni oku vule omwiinenepeki.
9 Ino uluma okugeya mombepo yoye, oshoka ondjahi ohayi kala meni lyegoya.
10 Ino tya: “Omasiku gonale oshike ga li omawanawa ge vule gongashingeyi?” Oshoka ito shi popi moondunge.
11 Owino ombwanawa ya fa uuthiga, oyo ekwatho lyaamboka ye na omwenyo. 12 Oshoka owino oyo egameno, ngaashi iimaliwa oyo egameno, ihe ekwatho lyuunongo olyo ndika — owino otayi gamene omwenyo gwamwene gwayo.
13 Tala iilonga yaKalunga, oshoka olye ta vulu okuutha shoka a shita sha goyoka?
14 Nyanyukwa esiku ewanawa, nomesiku lyiiponga dhimbulukwa kutya Kalunga okwe li shiti ngaashika ndiyaka; omuntu ke shi shi shoka tashi mu adha konakuyiwa.
15 Ayihe onde yi mono momasiku gandje gowala: oku na aayuuki mboka taa sile muuyuuki wawo noku na aakaanakalunga mboka taa kalele uukeenakalunga wawo olule. 16 Ino ninga omuyuuki unene ngoye ino imonitha omunawino wa tsa pombanda — omolwashike wa hala okuhula po? 17 Ino ninga omukeenakalunga unene noino ninga egoya — omolwashike to si po mbala esiku inaali thika? 18 Osho opala okudhiginina shimwe nokwaagamuka ko koshikwawo, oshoka ngoka ha tila Kalunga, ota henuka ayihe mbika.
19 Owino otayi koleke omunawino shi vule oofule omulongo ya kala moshilando.
20 Oshoka kombanda yevi kaku na omuyuuki ngoka ta longo uuwanawa auke ye ita yono.
21 Ino pulakena oohapu adhihe aantu taa popi, opo waa uve omupiya gwoye te ku tuku. 22 Oshoka omwenyo gwoye mwene ogwa tseya kutya oho tuku ooyakweni.
23 Ayihe mbika onde yi konakona nowino. Onda popi nda ti: “Onda hala ndi ninge omunawino,” ihe osha kala ndje kokule. 24 Onkalo yowino oyi li kokule nomuule unene, olye ta vulu oku yi pikula? 25 Momwenyo gwandje onda tameke okukonakona nokutedhatedha nokukonga owino, opo ndi tseye kutya uukeenakalunga owo uugoya, nuugoya owo okwaanandunge.
26 Onda mono sha oshilulululu shi vule eso, omukiintu. Oye omwigo, omutima gwe etavu niikaha ye oonkandja. Omwaanawa koshipala shaKalunga ota manguluka miikaha ye, ihe omulunde ote mu kwata po. 27 Eeno, osho shoka nde shi dhimbulula, omuuvithi a ti, sho nda kambadhala okuyeleka oshinima noshikwawo, ndi mone ehuku. 28 Shoka nde shi kongakonga, ihe inandi shi mona, osho shika: Maantu eyuvi onda mono mo omulumentu gumwe omunashili, ihe inandi mona mo omukiintu omunashili nando ogumwe momwaalu tuu ngoka. 29 Tala, onda mono ashike kutya Kalunga okwa shiti aantu aayuuki, ihe yo yene ohayi ikongele iihelele oyindji.
Ounongo newaneneno noluhepo
1 Edina la fimana li dule omaadi mawa, nefiku lokufya li dule efiku lokudalwa. 2 Sha wapala okuya meumbo li neefya, shi dule okuya meumbo li noitelekela. Osheshi linya olo exulilo lovanhu aveshe, nomunamwenyo ote shi diladila momwenyo waye. 3 Oluhodi li dule okuyola, osheshi tashi wapalele omwenyo ngeenge oshipala sha nyika oufiye. 4 Omutima wovanaendunge u li meumbo li neefya, ndelenee omutima womalai u li meumbo lehafo. 5 Sha wapala okupwilikina ehanyeno lomunaendunge shi dule okupwilikina eimbilo lomalai. 6 Osheshi ngaashi omano taa topatopa koshi yombiya, osho okuyola kwelai. Okwo yo ongahoelela. 7 Oshili, eliko loipupulu tali laipike omunaendunge, nombubo tai nyono po omutima. 8 Exulilo loshinima li dule ehovelo lasho. Omutalanheni e dule omulinenepeki. 9 Ino endelela okulihandukifa nomwenyo woye, osheshi ehandu tali kala monhulo yelai. 10 Ino tya: “Omolwashike hano omafiku onale a li mawa e dule aa opaife?” Osheshi ito shi pula neendunge! 11 Ounongo u fike pamwe noshifyuululwatukulwa nekwafo laava hava tale etango. 12 Osheshi epopilo lounongo olo ngaashi epopilo loimaliwa. Ndelenee ekwafo lokushiiva, olo ounongo tau kwatelele omwenyo mwaau e u na.
13 Tala nokutala oilonga yaKalunga, osheshi olyelye ta dulu okuyukifa osho Ye e shi endamekifa? 14 Kala wa hafa mefiku liwa, ndele mefiku lii, kala u shi shii nokutya, Kalunga okwa ninga efiku eli ngaashi linya; osheshi omunhu ita pewa sha mwaai tai mu shikula. 15 Aishe nde i mona momafiku ange oyo yongaho: oku novayuki tava nyonauka ko mouyuki wavo, ndele oku na ovahenakalunga tava kala nomwenyo efimbo lile mowii wavo, 16 Ino kala unene omuyuki ndele ino limonifa omunaendunge unene. Omolwashike wa hala ngeno okulinyona po? 17 Ino kala unene omukolokoshi, ndele ino kala elai. Omolwashike ngeno u fye efimbo manga inali fika? 18 Oshe ku wapalela ngeenge ho kala nokwaama kushimwe, ndelenee eke loye liha efe shinya, osheshi ou ha tila Kalunga, ota xupifwa mwaaishe oyo. 19 Ounongo tau kwafa omunongo nekwafo linene li dule ovapangeli omulongo vomoshilando. 20 Osheshi kombada yedu kape na nande omunhu omuyuki, ou ha ningi ngeno ouwa auke, ndele ita nyono. 21 Ino dimbulukwa eendjovo adishe we di popiwa kovanhu, opo uha ude omupiya woye te ku tuku. 22 Osheshi omutima woye mwene yo u shi shii nhumbi wa tuka vakweni luhapu. 23 Ashishe eshi nde shi yelekela nounongo. Onda tile: “Ame nda hala ndi ninge omunongo,” ndelenee ounongo wa kala kokule naame. 24 Aishe oyo i li kokule nomokulekule, olyelye ta dulu oku i shiiva?
25 Momutima wange nda hovela okulilonga nokudiladila nokukonga ounongo nokushiiva osho sha konekwa, opo ndi shiive nokutya, ouhenakalunga owo oulai, noulai owo okukala kuhe neendunge. 26 Ndele nda mona sha shilula shi dule efyo: Omukainhu e nomutima wa fa eendjadja, nomake aye e li ngaashi omalyenge. Omunhu ou ta wapalele Kalunga ota xupifwa muye, ndelenee omulongi woulunde ta kwatwa kuye. 27 Tala, osho tuu eshi nde shi mona, omuudifi ta ti mokukonga kwaye efikilo lekonakono nokutula kumwe shimwe nashikwao, 28 osho omwenyo wange we shi konga efimbo lile, ndelenee inau shi mona. Onda mona omulumenhu umwe movalumenhu eyovi, ndelenee mwaaveshe venya inandi mona mo nande omukainhu umwe. 29 Tala, eshi ashike nde shi mona nokutya, Kalunga okwa ninga omunhu a kale a yuka, ndelenee voovene ohave likongele eemhangela dihapu dii.
