Evi ewanawa lyokukala
1 “Dhiginineni nawa iipango ayihe mbyoka tandi yi mu pe nena ndjika, opo mu kale mu na omwenyo, tamu indjipala notamu vulu okulala evi ndyoka Omuwa e li uvanekele oohokulu nokugana. 2 Dhimbulukweni, nkene Omuwa Kalunga keni e mu enditha ondjila ndjika onde mokutokola ombuga momimvo ndhika omilongo ne. Okwa tumu omaudhigu e mu yeleke, opo a koneke shoka mwa dhiladhila okuninga nongele otamu vulika kiipango ye. 3 Okwe mu sitha ondjala, e te mu pe omanna mu lye, iikulya mbyoka inaayi liwa nale kune nokoohokulu. Shika okwe shi ningi, opo e mu longe kutya omuntu iha kala e na omwenyo koshikwiila ashike, ihe okohapu kehe tayi zi mokana kwOmuwa. 4 Momimvo ndhika omilongo ne oonguwo dheni inadhi kulupa, noompadhi dheni inadhi zinda. 5 Dhimbulukweni kutya Omuwa Kalunga keni ohe mu utha noku mu putudha, naanaa ngaashi he ta tekula oyana. 6 Longeni ano, ngaashi Omuwa e mu lombwele: Dhiginineni iipango ye e tamu kala mwe mu tila. 7 Omuwa Kalunga keni ote mu fala mevi ndyoka lyo ondoka — evi lyomilonga nolyoothithiya, evi lyoonza tadhi fuluka omeya momasilu nokoondundu, 8 evi li na olunza lwosiima niishokelya, omandjembele, oonkwiyu, oondunga dhomuti gwomugranati, ooholivi nomagadhi goonyushi. 9 Mevi ndyoka itamu ka sa we ondjala nenge mu kale mu na oluhepo. Momamanya galyo omu na oshimanya shosheela oshiluudhe nomoondundu dhalyo otamu vulu okulikola oshikushu. 10 Otamu ka kala mu na ashihe mwa hala oku shi lya notamu ka hambelela Omuwa Kalunga keni molwevi ewanawa ndyoka e li mu pe.”
Inamu dhimbwa Omuwa
11 “Kotokeni tuu, mwaa dhimbwe Omuwa Kalunga keni; dhiginineni okuvulika kiipango, omautho noompango dhe tandi dhi mu pe nena. 12 Uuna mwa kala mu na ayihe mbyoka mwa hala okulya nomwa tunga omagumbo omawanawa mu kale mo, 13 nuuna iimuna noonzi dheni dha valathana, oshisiliveli noshingoli neliko lyeni lilwe tali indjipala, 14 kaleni mu shi shi kutya kamu na okwiitanga nokudhimbwa Omuwa Kalunga keni, ngoka e mu tembudha mo muEgipiti, moka mwa li aapika. 15 Okwe mu pititha ombuga ontilithi nonene yi na omayoka guuzigo noondje. Mombuga ya kalanda yaa na omeya okwe mu tsipukithile omeya memanya ekukutu. 16 Mombuga tuu moka okwe mu pe omanna mu lye, iikulya mbyoka inaayi liwa koohokulu. Okwe mu tumine uudhigu e mu yeleke, opo pehulilo a wape e mu ningile uuwanawa. 17 Inamu dhiladhila ano kutya one yene mwi iningi aayamba koonkondo dheni yene. 18 Dhimbulukweni kutya Omuwa Kalunga keni oye he mu pe oonkondo dhokuninga aayamba. Ote shi ningi, oshoka oye omudhiginini, sigo onena ta dhiginine ehangano ndyoka a hangana noohokulu. 19 Inamu dhimbwa nando Omuwa Kalunga keni nenge mu game kiikalunga mu yi longele noku yi simaneka. Ngele tamu shi ningi, otandi mu londodha kutya otamu ka hanagulwa po shili. 20 Ngele itamu vulika kOmuwa, nena otamu ka hanagulwa po naanaa mwa fa iigwana mbyoka te yi hanagula po, opo mu kale mo.”
Ovanhu tava kumaidwa okudimbulukwa oilonga iwa yOmwene
1 “Oipango aishe ame ohandi ku lombwele nena, i diinineni shili, opo mu kale mu nomwenyo ndele mu hapupale, ndele mu shiive okuya mo medu olo noku li nangala, Omwene e li udanekela nokwaana kooxo. 2 Ndele ove u nokudimbulukwa ondjila aishe oyo Omwene Kalunga koye e ku endifa mombuwa efimbo li fike pomido omilongo nhee e ku ninipike noku ku tala, opo a shiive eshi shi li mo momutima woye, ove ngeenge to ka diinina tuu oipango yaye ile ahowe. 3 Ndele Ye e ku ninipika nokwe ku fifa ondjala nokwe ku lifa omanna aa inaa shiivika kwoove nooxo, opo e ku shiivifile nokutya, hakomungome auke omunhu ta kala e nomwenyo, ndelenee oye ta kala e nomwenyo kondjovo keshe tai di mokanya kOmwene. 4 Oikutu yoye inai kulupa neemhadi doye inadi dinda momido odo omilongo nhee. 5 Kala u shi shii hano momutima woye nokutya, Omwene Kalunga koye ote ku longo ngaashi omulumenhu ta longo omona waye omumati, 6 ndele diinina oipango yOmwene Kalunga koye mokweenda neendjila daye, noku mu tila. 7 Osheshi Omwene Kalunga koye te ku twala medu liwa, nedu li nomilonga di nomeva taa kunguluka, neefifiya nomilonga dokoshi yedu tadi kunguluka momafilu nomeemhunda. 8 Edu loilyavala nomahangu nomiviinyu nomikwiyu nomiti dagranate, edu li neemono di nomaadi mahapu nomaadi eenyiki, 9 edu mulo ito ka pumbwa okulya omungome woye noluhepo, mulo ito pumbwa sha. Edu, omamanya alo oshivela, ndele meemhunda dalo to ka fa mo ongopolo. 10 Ove oto ka lya nokukuta ndele to ka hambelela Omwene Kalunga koye omolwedu liwa Ye e li ku pa.
11 “Lungama hano, uha dimbwe Omwene Kalunga koye, ndele uha dimbwe okudiinina oipango yaye nomalombwelo aye neenghedimhango daye odo ame handi ku lombwele nena eli. 12 Ove ngeenge ho li ndele to kuta, ngeenge ho tungu eengulu diwa ndele ho kala mo, 13 neengobe doye noimuna yoye ngeenge tai hapupala noshisiliveli noshingoldo ngeenge tashi hapupala naashishe u shi na ngeenge tashi hapupala, 14 nomutima woye otau linenepeke ndele to dimbwa Omwene Kalunga koye, ou e ku pitifa mo medu laEgipiti, eumbo loupika, 15 ou e ku endifa mombuwa inene noya tilika mokati komayoka e noudiyo neendje, ombuwa ihe nomeva, ou e ku pa omeva memanya likukutu, 16 ou e ku pa okulya omanna mombuwa, aa inaa shiivika kooxo, opo u ninipikwe noku ku tala, heeno, opo e ku ningile nawa pomafiku okomesho, 17 ndele ove ho diladila momwenyo woye: Eenghono dange mwene neenghono deke lange ode likolifila nge oupuna ou. 18 Ndelenee dimbulukwa Omwene Kalunga koye nokutya, Ye ote ku pe eenghono okulikolifila oupuna, opo Ye a pameke ehangano olo Ye e li udanekela ooxo nokwaana, ngaashi li li nena eli.
19 “Ndelenee ove ngeenge ho dimbwa Omwene Kalunga koye ndele to tondokele koikalunga imwe ndele to i longele ndele to i linyongamene, opo nee ame ohandi mu lombwele shili nena eli nokutya, nye otamu ka kombwa po sheke. 20 Ngaashi Omwene a komba po oiwana komesho yeni, osho ngaha nye otamu ka kombwa po shaashi inamu dulika kondaka yOmwene Kalunga keni.
