1 “One omagulu, pulakeneni, sho te ti,
nangoye evi, uva oohapu dhomokana kandje.
2 Omalongo gandje naga loke ngomvula,
noohapu dhandje nadhi ndonde ngomume,
ngaashi omata komwiidhi gwohuluhulu,
ngaashi omvula yontemuna kiimeno tayi lelema.
3 Otandi uvitha edhina lyOmuwa;
aakwetu, hambeleleleni uunene waKalunga ketu.
4 “Oye emanya; iilonga ye oyolela,
noondjila dhe adhihe odhu uka.
Kalunga omudhiginini kee na uugoyoki, omuyuuki nomunashili.
5 Ihe ne aahasha noinamu gwana okuninga aantu ye,
oshigwana shuulunde noshomakoto.
6 Oyo nduno ompito yokuhinda Omuwa ndjono,
shigwana ngoye oshilayi noshigoya?
Oye ho, Omushiti gwoye,
oye e ku ningi oshigwana.
7 “Dhiladhila utale nale, omathimbo gonale ndjiya;
pula ooho ye ku lombwele shoka sha ningilwe,
pula aakulupe ye ku hokololele iinima yonale.
8 Gwokombandambanda okwa pe iigwana omavi,
sho a yoolola aantu naantu.
Okwa utha omihoko mpoka dhi na okukala.
Oshigwana kehe okwe shi uthile oongamba dhasho
pamwaalu gwaana yaIsrael.
9 Oshoka oshitendelwa shOmuwa osho oshigwana she,
Jakob a yelekwa uuthiga we.
10 “Okwe mu adha mombuga, montale mu udha elilagano lyiilikama.
Okwe mu kunduka e mu tonatele
ongota gamene ondanda yeho lye mwene,
11 ongekodhi tali gamene oshihandhila shalyo,
notali tengelele kombanda yuukodhigona walyo
tali u kutha po noku u humbata komawawa galyo.
12 Omuwa awike e mu enditha,
nokapwa li kalunga kiigwana yilwe nando ogumwe puye.
13 Okwe mu londeke kiikulundundu yevi
nokwe mu palutha niilikolwa yomomapya.
Okwe mu thipitha omagadhi goonyushi moonkunkulumanya
nomagadhi gooholivi momamanya omakukutu.
14 Okwe mu pe omagadhi goongombe
nomahini goonzi nogiikombo;
okwe mu pe oonzi oonyali
noondumentu dho ondoka,
osiimela ombwanawa
nomaviinu ga dhindolwa.
15 “Jeshurun okwo ondoka e ta gu okafinyukila.
A ondoka nduno taa,
a ndinda, omagadhi gowala.
Okwe ekelehi Kalunga ngoka e mu shiti,
e ta dhini emanya lyehupitho.
16 Oya pendutha uulaadhi wOmuwa
mokulongela iikalunga yiigwana,
oye mu geyitha niinima yawo iinyanyalithi.
17 Oya yambele oompwidhuli, ndhoka dhaa shi Kalunga,
iikalunga mbyoka inaaye yi tseya nale,
iipeepeka opo ya holoka,
noohekulu inaye yi kakamena.
18 Emanya ndyoka lye ku vala, owe li dhini,
owa dhimbwa Kalunga ngoka e ku eta po.
19 Omuwa sho e shi mono, okwe ya ekelehi,
mondjahi ye a geele aamati naakadhona ye.
20 Okwa popi ta ti: ‘Onda hala ndi ya holeke oshipala shandje;
onda hala okutala ehulilo lyawo,
oshoka oyo oluvalo olutangalali,
oluvalo lwaa na uudhiginini.
21 Oya tukulutha ondjahi yandje molwiimenka yawo,
oya geyitha ndje niikalunga yawo.
Otandi ka tukulukitha ondjahi yawo oshigwana shaamakaha;
otandi ke ya geelitha koshigwana shanathangwa.
22 Oshoka omulilo ogwa hwamekwa mondjahi yandje,
ndele otagu tema sigo omoshaasi.
Otagu lungunike po evi niimeno yalyo,
otagu fike po omakankameno goondundu.
23 “ ‘Otandi ke ya ndumbila iiponga.
Iikuti yandje otandi ke yi ya umbila.
24 Otaa ka gundikwa kondjala nokolwiidhi;
otaa ka sa koshivu oshitilithi.
Otandi ke ya tumina iilikama yi na omayego omapyu
nomayoka ge na uuzigo.
25 Pondje egongamwele otali ka lyana,
nomeni momagumbo otamu kala ehaluko,
shamumati shamukadhona, okahanona pamwe nomukulupe.
26 Ndi tye: Onda hala oku ya komba po,
nokudhima po okudhimbulukiwa kwawo mokati kaantu.
27 Ando onda li inaandi angala aatondi,
aatamaneki ye shi tale ko pombambo yo ya tye:
Otwa li aanankondo, nOmuwa haye a longo ayihe mbika.’
28 Oshoka oshigwana shika kashi na omayele
nokashi na nando owino.
29 Ando ya li aanandunge,
ando oye shi dhimbulula,
ando ya mono ehulilo lyawo.
30 Gumwe ota vulu ngiini okutidha po eyuvi,
nayaali omayuvi omulongo?
Emanya lyawo olye ya landitha po,
nOmuwa okwe ya gandja po.
31 Oshoka emanya lyawo inali fa emanya lyetu,
osho aatondi yetu taa tumbula.
32 Omuviinu gwawo ogwa za momuviinu gwaSodom
nomoshitsambe shaGomorra.
Omandjembele gawo oge na uuzigo,
nomahila gawo omalulululu ga fa onyango.
33 Omaviinu gawo uuzigo weyoka,
omalulululu nguuzigo wontoka.
34 “Omuwa ota dhimbulukwa shoka aatondi yawo ya ninga;
ota tegelele ethimbo lyo opala, opo e ya geele.
35 Egeelo olyandje; otandi ka futa.
Pethimbo lyu uthwa oompadhi dhawo otadhi tenguka;
esiku lyekano lyawo oli li popepi,
nepangulo lyawo otali ya mbala.
36 Omuwa ota ka uthila aantu ye
nota sile aapiya ye olukeno,
sho ta mono kutya oya nzanzama,
nehulilo lyawo oli li popepi.
37 Nena ota pula ta ti: ‘Ookalunga kawo oye li peni,
nopeni pe na emanya ndyoka ye li inekele?
38 Ookalunga mboka ya li oofu dhoontselelandjambo dhawo
noya nu omaviinu giinuwandjambo yawo, oye li peni?
Naa ye ye mu kwathe, opo mu kale megameno lyawo.
39 “ ‘Talii ko, ngame ongame awike Kalunga,
nokaku na gulwe ontega nangame.
Otandi dhipaga e tandi mwenyeke,
otandi dhenge e tandi aludha,
nokaku na ngoka ta hupitha moshikaha shandje.
40 Otandi yelutha omaako gandje lwokegulu e tandi ti:
Oshili, ngaashi ndi na omwenyo aluhe sigo aluhe,
41 Uuna tandi upike egongamwele lyandje hali adhima
e tii li kwata, ndi tameke okupangula,
nena aakondjithi yandje otandi ya geele
naatondi yandje otandi ya galulile uutondwe wawo.
42 Iikuti yandje otayi ka kolwa kombinzi,
negongamwele lyandje tali ka lya onyama:
ombinzi yaadhipagwa noyoonkwatwa,
nomitse dhoondjayi dhaatondi.’
43 “Ne iigwana, tangeni aantu yOmuwa,
oshoka ota ka pula ombinzi yaantu ye;
ota ka geela aakondjithi ye
nota ka tsakanitha eyelithoyapulo lyevi lye naantu ye.”
44 Moses naJosua yaNun oya totomona oohapu adhihe dheimbilo ndika momakutsi gAaisraeli.
Omakumagidho gaMoses gahugunina
45 Moses sho a mana okunongeka aantu omalongo gaKalunga, 46 okwa ti: “Vulikeni shili kiipango ayihe mbika tandi yi mu pe nena ndjika. Yi hokololeleni aana yeni, opo ya vulike shili komalongo gaKalunga agehe.
47 Omalongo ngaka kage shi osima yowala; ogo omwenyo gweni. Vulikeni kugo notamu kala mu na omwenyo omule mevi lyahandiyaka yaJordan ndyoka tamu ke li lala.”
48 Esiku ndyoka Omuwa okwa lombwele Moses e ta ti: 49 “Londa u ye koondundu Abarim, moshilongo shaMoab ontega noshilando Jeriko, inda kondundu Nebo e to tala evi lyaKaanan, ndyoka tandi li pe Aaisraeli. 50 Oto ka sila kondundu ndjoka, ngaashika omumwanyoko Aaron a sile kondundu Hor, 51 oshoka ne amuhe yaali inamu inekela ndje montaneho yAaisraeli. Sho mwa li pomeya gaMeriba popepi nomukunda Kadesh mombuga Zin, inamu vulika kungame montaneho yAaisraeli. 52 Eeno, evi lyo lyene oto li tala, ihe ito yi mo mulyo, evi ndyoka tandi li pe Aaisraeli.”
1 “Pwilikineni, omaulu, ame eshi handi popi,
nedu nali ude eendjovo domokanya kange.
2 Elongo lange nali ndodele ngaashi odula,
neendjovo dange nadi kunguluke ngaashi omume,
ngaashi odula yomudimbi tai loko oxuluxulu
ndele ngaashi oshikungulu shodula kombada yoimeno.
3 Osheshi ame handi udifa edina lOmwene.
Fimanekeni Kalunga ketu!
4 “Ye emanya; oilonga yaye oya wana ya pwa.
Osheshi eendjila daye adishe do omatokolo.
Oye Kalunga koudiinini, ndele ehe nowadi.
Ye omuyuki nomunashili.
5 Vo ove mu pwidukila.
Vo va li vehe fi ovana vaye, ndelenee oshififohoni,
epupi la lunduka nola pilauka.
6 Osho ngaha hano ngeno to shi alulile Omwene,
ove oshiwana shilai shihe neendunge?
Ndishi Oye xo, ou e ku shita;
ndishi Oye e ku ninga, Ye e ku longekida?
7 “Dimbulukwa omafiku omefimbo lonale,
diladila omido domapupi onale.
Pula kuxo, ye ote ke shi ku shiivifila,
nokovakulunhu voye, vo otave ke shi ku lombwela.
8 Ou wOkombadambada,
eshi a tukulila oiwana oitukulwafyuululwa yavo,
Ye eshi a tongola ovana vovanhu,
opo nee Ye a taula eengaba doiwana,
di fike pomuvalu wOvaisraeli.
9 Osheshi oshitukulwa shOmwene, osho oshiwana shaye,
heeno, Jakob, oye oshitukulwafyuululwa shaye.
10 “Ye okwe mu mona mombuwa,
mofuka ya tilika i yadi okukwena.
Ye okwe mu tambula meameno laye nokwe mu kalela noshisho,
nokwe mu amena ngaashi omuni yeisho laye.
11 Ngaashi onhwa tai tengelele oshihadi shayo
ndele tai tengelele kombada youdilona vayo oku va amena,
Ye e va tambula meameno laye
ndele te va humbata momavava aye.
12 Omwene Oye aeke e mu endifa
ndele inapa kala nande oshikalunga shimwe puye.
13 Oye okwe mu endifa koikulundudu yedu
ndele ye okwa lya oilya yomapya.
Ndele okwe mu nyamifa omaadi eenyiki memanya
nomaadi omomamanya makukutu,
14 omaadi eengobe nomashini eedi,
pamwe nomakaadi oudjona needi deemhedi.
Eengobe deemhedi domuBasan noikombo
pamwe nounyenye woilya.
Ove wa nwa ohonde yeeviinyu, omaviinyu taa eta onhutu.
15 “Opo nee Jesurun okwa ondoka nokwa umba omalunha,
ove wa ondoka, wa pama, wa nyina,
ndele ye okwa efa Kalunga, ou e mu ninga,
nokwa dina emanya laye lexupifo.
16 Vo ova pendula ehandu laye mokulongela oikalunga imwe.
Ve mu handukifa omolwoixuna.
17 Vo ova yambela eendemoni, do kadi fi Kalunga,
oikalunga ei inai shiivika kuvo,
oikalunga ipe, ya monika paife,
ei inai tilika kooxe.
18 Ove ino dimbulukwa emanya olo le ku dala,
ndele wa dimbwa Kalunga ou e ku pa omwenyo.
19 “Opo nee Omwene, eshi e shi mona, Ye okwe va ekelashi,
osheshi Ye a handukila ovana vaye ovamati noukadona.
20 Ndele Ye okwa tile: ‘Ame nda hala oku va holeka oshipala shange.
Ame nda hala okutala exulilo lavo tali ka ninga la tya ngahelipi.
Osheshi vo oludi la nyonauka shili,
vo ovana muvo muhe na oudiinini.
21 Vo ova pendula ouladi wange mwaashi shihe fi Kalunga.
Vo va handukifa nge molwoikalunga yavo yongaho.
Opo nee Ame ohandi ka pendula ouladi wavo
molwoshiwana shihe fi oshiwana,
noshiwana shihe neendunge, ohandi va handukifa.
22 Osheshi omundilo wa tema mehandu lange,
ndele tau ka xwama fiyo omoshovafi shokoshi,
ndele tau ka lungwinifa edu alishe nouyadi walo
ndele tau ka tema omakanghameno eemhunda.
23 “ ‘Ame ohandi ka ndubila kombada yavo oiponga.
Handi va yashe noikuti yange.
24 Vo otava ka nooka kondjala
nokuxula po koupyu tau lungwinike
nokomaudu taa dipaa.
Ame ohandi ke va tumina omayoo oilyani
noudiyo waai tai alangata mondwi yedu.
25 Eongamukonda tali dipaa pondje
nomeendjuwo domeni omahaluhalu,
ovamati ovanyasha noukadona,
okahanana kokomavele pamwe neenghwakutoka.
26 Ngeno ndi tye: Ame nda hala oku mu fudila po,
nokudima po edimbulukifo leni mokati kovanhu,
27 Ame ngeno inandi angala okuhandukifwa komutondadi,
ovatondadi vavo ngeno va pilikile eendjovo va tye:
Eke letu la yeluka nOmwene ina ninga sha mwaashishe eshi.’
28 “Osheshi sho oshiwana shihe nomapukululo,
ndele muvo ka mu neendunge.
29 Vo ngeno ovanaendunge, ngeno ve shi shiiva,
vo va diladile exulilo lavo.
30 Umwe ta dulu ngahelipi okutaataa eyovi
ndele vavali okutaataa omayovi omulongo,
ongeenge emanya lavo inali va landifa po
nOmwene ngeenge ine va efa po.
31 Osheshi emanya lavo kali li ngaashi emanya letu,
heeno, ovatondadi vetu vene, vo ovatokoli.
32 Osheshi omuviinyu wavo wa dja momiviinyu domuSodom
nomoikokola yomuGomorra.
Eeviinyu davo odi noudiyo,
notadi imi omashila malula.
33 Omaviinyu avo oudiyo weyoka,
nombili yavo oudiyo wefu.
34 “Haame ngeno nde a tuvikila
a uvikilwa mo noshihako melimba lange?
35 Ehandu olange, Ame ohandi futu
mefimbo tuu olo omhadi yavo tai punguluka.
Osheshi efiku lehanauno lavo oli li popepi,
ndele eshi she va sheyelwa tashi uya diva.
36 Osheshi Omwene ota ka yukifa oshiwana shaye,
ndele ta ka kenukila ovapiya vaye,
Ye eshi ta mono nokutya, eenghono davo da pwa,
ndele inapa fyaala sha.
37 Opo nee Ye ta ka tya: ‘Oikalunga yavo oi li peni,
nemanya ve li lineekela;
38 ava va lya omakaadi omatomenoyambo avo
nova nwa omaviinyu oikunwayambo yavo?
Vo nava kale ofika noku mu kwafa,
opo va kale eameno kombada yavo.
39 “ ‘Taleni hano, nokutya Aame tuu ou,
ndele kape na oshikalunga shimwe ponho yange.
Ame handi dipaa ndele Ame handi tula omwenyo.
Ame ohandi teyaula po, ndele Ame ohandi velula;
ndele pehe na nande umwe ta xupifa momake ange.
40 Osheshi Ame ohandi ka yelula eke lange keulu
ndele handi ti, Oshili, ngaashi Ame handi kala
ndi nomwenyo fiyo alushe,
41 Ame ngeenge nda upika eongamukonda lange tali taima
neke lange tali hovele okuwanifa etokolohandu lange,
Ame ohandi ka handukila ovanaita naame
nokukwatela ovatondadi vange onghone.
42 Oikuti yange tai ka kolwa kohonde,
neongamukonda lange tali ka lya ombelela;
okohonde yomudipawa noyonghwate
okomitwe dovakulunhu vovatondadi vange.’
43 “Kuwilileni nye oiwana, molwoshiwana shange,
osheshi Ye ota ka pula ohonde yovapiya vaye,
ndele ta ka handukila ovatondi vaye
nokukwatakanifa oshilongo shaye noshiwana shaye.”
44 Ndele Moses e uya nokwa tonga eendjovo adishe deimbilo eli momatwi oshiwana, ye pamwe naJosua yaNun.
45 Ndele Moses eshi a mana okupopya eendjovo adishe edi kOvaisraeli aveshe, 46 ye okwe va lombwela: “Diinineni eendjovo adishe edi nde mu londwela nado nena eli, mu di lombwele ovana veni, va diinine shili eendjovo adishe domhango ei. 47 Osheshi eendjovo edi kadi fi dongaho kunye, ndelenee odo oukalimwenyo weni, ndele molweendjovo edi tamu ka hapupalifa omafiku eni moshilongo omo tamu ka ya nokutauluka Jordan mu shi nangale.”
48 Opo nee Omwene okwa lombwela Moses mefiku tuu olo ndele ta ti: 49 “Londa komhunda ei yaAbarim, nokutya omhunda Nebo, ei i li medu laMoab, la shaama naJeriko, ndele tala edu laKaanan, olo handi ke li pa ovana vaIsrael efyuululo lavo. 50 Ndele ove to ka fila komhunda oyo to i londo, ndele to ka ongelwa kovakwapata voye, ngaashi omumwanyoko Aron a fila komhunda yaHor, ndele okwa ongelwa kovakwapata vaye, 51 shaashi nye mwa nyona kwaame mokati kovana vaIsrael pomeva eemhata muKades mombuwa yaSin, osheshi nye inamu yapula nge mokati kovana vaIsrael. 52 To ka tala edu olo komesho yoye, ndelenee ito ka ya mo medu olo, Ame handi ke li yandja kovana vaIsrael.”
