Daniel ta galikanene oshigwana she
1 Darius Omumedia, ngoka omuna gwaKserkses, okwa lele oshilongo shaBabilon. 2 Momumvo gwotango gwepangelo lye onda koneke momanyolo omayapuki omwaalu gwoomvula omilongo heyali, uuna ndoka Jerusalem shi na okukala sha hanagulwa po pahapu yOmuwa, ngaashi e yi hololele omuhunganeki Jeremia. 3 Nonda galikana Kalunga nda mana mo, nde mu indile ndi idhilika iikulya, nda zala omahahi, nda kuutumba momutoko. 4 Onda galikana Omuwa Kalunga kandje nonda hempulula oondjo dhoshigwana shandje.
Onda ti: “Omuwa Kalunga, ongoye omunene, otse notatu ku simaneke. Ongoye omudhiginini gwehangano lyoye nou na esilohenda naamboka ye ku hole nohaa gwanitha iipango yoye.
5 “Otse twa yono, twa longo iihuna notwa kolokosha. Otwa tindi shoka we tu lombwele, tu shi ninge, notwa pilamene shoka we tu ulukile shu uka. 6 Inatu pulakena aamati yoye aahunganeki, mboka yu uvitha medhina lyoye, ya lombwele aakwaniilwa yetu, aaleli yetu, ootatekulu noshigwana ashihe. 7 Ongoye, Omuwa, aluhe oho ningi shoka shu uka, ihe otse hatu iyetele aluhe omupya tse yeneyene. Shika oshoshili kutse atuhe mboka twa kala muJudea nomuJerusalem nokAaisraeli ayehe mboka wa halakanithila niilongo popepi nokokule, oshoka oya li inaaye ku dhiginina, ye ku inekele. 8 Aakwaniilwa yetu, aaleli yetu nootatekulu ya ningi iisithahoni noya yono kungoye, Omuwa. 9 Ongoye omunamutimahenda nomudhimipo gwoondjo, nando tse twe ku tukulile oshipotha. 10 Inatu ku pulakena nando, Omuwa Kalunga ketu, sho we tu lombwele okudhiginina oompango ndhoka we dhi tu pa maapiya yoye aahunganeki. 11 Aaisraeli ayehe oya yono iipango yoye noya tindi okupulakena shoka we ya lombwele. Otwa yono kungoye, nosho ngeyi we tu ethele ethingano ndyoka lya nyolwa mompango yaMoses, omuntu gwoye. 12 Owa longo shoka wa ti, oto tu ningile naaleli yetu. Owa geele Jerusalem unene shi vule iilando ayihe kombanda yevi. 13 We tu undulile omageelo agehe ga nyolwa mompango yaMoses. Ihe tse inatu kambadhala nando okuli oku ku geyulukitha, Omuwa Kalunga ketu, tu ethe uulunde wetu nenge tu taambe oshili. 14 Ongoye, Omuwa Kalunga ketu, owa li wi ilongekidha oku tu geela nowe shi ningi, oshoka oho longo aluhe shoka shu uka, natse inatu ku pulakena.
15 “Omuwa Kalunga ketu, owa holola oonkondo dhoye, sho wa tembudha mo aantu yoye muEgipiti, noonkondo dhoye otadhi dhimbululwa natango. Otwa yono; otwa kolokosha. 16 Ongoye we tu popile shitonale, onkee ino geela we Jerusalem. Osho oshilando shoye, ondundu yoye ondjapuki. Iigwana ayihe miilongo yopuushiinda otayi ligamene Jerusalem naantu yoye omoluulunde wetu nuukolokoshi mboka wa ningwa kootatekulu. 17 Kalunga, uva omagalikano gandje nomaindilo gandje. Tungulula otempeli yoye ndjoka ya kumunwa po; yi tungulula, opo shaa ngoka a tseye kutya ongoye Kalunga. 18 Tu pulakena, Kalunga; tu tala, u mone omalwa ngoka tu li mugo nokuhepekwa kwoshilando shoka tashi kala edhina lyoye. Otatu ku galikana, oshoka ngoye omunamutimahenda, hamolwaashoka twa ningi nawa. 19 Omuwa, tu uva. Omuwa, tu dhimina po. Omuwa, tu pulakena, u shi ninge. Ino shelelelwa, opo shaa ngoka e shi tseye kutya ongoye Kalunga. Oshilando shika naantu mbaka oyoye.”
Gabriel ta fatulula ehunganeko
20 Onda tsikile okugalikana tandi hempulula oondjo dhandje noondjo dhoshigwana shandje Israel. Ondi indile Omuwa Kalunga kandje, a tungulule otempeli ye ondjapuki. 21 Manga nda li te galikana, Gabriel, ngoka nda mwene memoniko lyonale, okwe ya ta tuka u uka kungame. Olya li ethimbo lyeyambo lyokomatango. 22 Okwa fatulula a ti: “Daniel, onde ya ndi ku kwathe, u uve ko omahunganeko. 23 Uuna wa tameke okwiindila Kalunga, okwe ku yamukula. Oku ku hole, nonkee nde ya ndi ku lombwele eyamukulo. Ngashingeyi pulakena nawa, manga tandi fatulula emoniko.
24 “Iiwike omilongo heyali oyo uule wethimbo ndyoka Kalunga u uthile oshigwana shoye noshilando shoye oshiyapuki. Nena uukolokoshi otau hulu, oondjo otadhi dhimwa po nomayono otaga kuthwa po; uuyuuki waaluhe otau ka tulwa po, emoniko nehunganeko otali kolekwa, notempeli ondjapuki otayi ka yapulululwa. 25 Ndhindhilika shika noku shi uva ko: Okuza pethimbo ndyoka elombwelo tali gandjwa lyokutungulula Jerusalem sigo omuwiliki omuhogololwa gwaKalunga te ke ya, otaku piti iiwike iheyali. Jerusalem otashi ka tungululwa nomapandaanda gasho nomapopilokanka gasho, notashi ka kala po iiwike omilongo hamano niiyali, ihe ethimbo ndika otali ka kala ndyoka lyomalwa. 26 Pehulilo lyethimbo ndika omuwiliki omuhogololwa gwaKalunga ota ka dhipagwa iipundjamenye yowala. Oshilando notempeli otayi ka hanagulwa po kematukilo lyaakwiita yomupangeli omunankondo. Ehulilo otali ke ya lya fa efundja tali eta iita nehanagulo ndyoka lya longekidhwa kuKalunga. 27 Omupangeli ota ka koleka ehangano noyendji oshiwike shimwe; etata lyethimbo ndika sho lya piti po, ota ka hulitha po oontselelandjambo niikulyandjambo. Oshiyelekela shiitonditha otashi ka tulwa peha lya yeluka lyotempeli e tashi kala mpoka, sigo ngoka e shi tula po, ta adha ehulilo ndyoka Kalunga e li mu longekidhila.”
Daniel ta ilikanene Israel
1 Momudo wotete waDarius yaAhasveros womoludi laMedia, ou a ninga ohamba yoshilongo shOvakaldea, 2 momudo tuu winya wotete wepangelo laye, ame, Daniel, onda mona momishangwa, nokutya omuvalu womido wa shiivifilwa omuxunganeki Jeremia kondjovo yOmwene, nokutya Jerusalem tashi ka kala onduba yomakulukuma omido omilongo heyali. 3 Ndele ame onda taalela kOmwene Kalunga ndi mu etele eilikano lange nomaindilo mokulidilika nda djala oshako nonda vava omute. 4 Ndele ame onda ilikana Omwene, Kalunga kange, ndele nda hepaulula nda tya: “Akutu Omwene, Kalunga kanene nowa tilika, Ove ou to diinine ehangano nouwanghenda kwaava ve ku tila nokuwanifa oipango yoye. 5 Ofye otwa nyona, twa ninga eshi inashi yuka, twa kolokosha, ndele twa lundakana, ndele twa yapuka mo moipango yoye nomeenghedimhango doye. 6 Ndele fye inatu pwilikina ovapiya voye ovaxunganeki, ava va popya medina loye keehamba detu nokovakulunhu vetu nokootate vetu nokovanhu aveshe vomoshilongo. 7 Omwene, Oove omuyuki, ndelenee fye ohatu fyohoni ngaashi i li nena eli, heeno, ovalumenhu vomuJuda noonakukalamo muJerusalem, nOvaisraeli aveshe ava vopopepi naavenya vokokule vomoilongo aishe oko we va halakanifa, ohava fyohoni omolweliteeko eshi vo ve ku liteeka. 8 Omwene, fye neehamba detu novakulunhu vetu nootatekulu, ohatu fyohoni, osheshi fye otwa nyona kwoove. 9 Omwene Kalunga ketu Ye oku nefilonghenda nedimepo lomatimba, osheshi fye otwa twa ondubo naye, 10 ndele inatu pwilikina ondaka yOmwene Kalunga ketu fye tu ende ngeno meemhango daye odo twe di hololelwa kovapiya vaye, ovaxunganeki. 11 Ndelenee Ovaisraeli aveshe ova tauluka omhango yoye, ndele ova yapuka mo, osheshi inava pwilikina ondaka yoye. Onghee hano nefingo neano le tu tililwa eli la shangelwa momhango yaMoses, omupiya waKalunga, osheshi ofye twa nyona kuye. 12 Ndele eendjovo daye e di tonga kufye nokovatokolindjovo vetu ava ve tu tokola, Ye e di wanifa moku tu tumina omupya munene inau monika koshi yeulu, ngaashi sha ningwa muJerusalem. 13 Ngaashi mwa shangwa momhango yaMoses, osho yo omupya aushe ou we uya kombada yetu. Ndele fye inatu indila onghenda kOmwene, Kalunga ketu, opo fye tu lidilulule mowii wetu notu tale nawa oshili yaye. 14 Osho nee Omwene okwa pashukila omupya opo Ye e tu undulile, osheshi Omwene Kalunga ketu, Ye omuyuki moilonga yaye aishe, he i longo, ndelenee fye inatu pwilikina ondaka yaye.
15 “Hano paife Omwene Kalunga ketu, Ove ou wa tembula oshiwana shoye muEgipiti neke loye leenghono ndele we li ningila edina ngaashi li li nena eli. Fye otwa nyona, fye inatu dulika. 16 Akutu Omwene, molwouyuki woye kandula po ehandu loye noupyuhandu woye koshilando shoye Jerusalem, omhunda yoye iyapuki, osheshi omolwomanyonauno etu nowii wootatekulu Jerusalem noshiwana shoye sha ninga ondjovo yesheko mokati kovanhu aveshe ve tu dingilila. 17 Hano paife, Kalunga ketu, uda okwiilikana kwomupiya woye nokwiindila kwaye, molwoye, Omwene, u yelifile oshipala shoye otembeli yoye, ei i li eputu. 18 Kalunga kange, endeka okutwi kwoye Ove u ude, pashukifa omesho oye Ove u tale okuhalakanifwa kwetu noshilando sha lukilwa edina loye, osheshi ihatu eta omailikano etu koshipala shoye molwouyuki wetu, ndelenee omolwefilonghenda loye linene. 19 Omwene, uda! Omwene, tu dimina po owii wetu! Omwene, didilika, u shi ninge molwoye mwene, ino kala ko, Kalunga kange. Osheshi oshilando shoye novanhu voye ova lukilwa edina loye.”
Oivike omilongo heyali
20 Fimbo ame handi popi natango ndele handi ilikana nohandi hepaulula omatimba ange nomatimba oshiwana shange, Israel, ndele handi eta koshipala shOmwene Kalunga kange omaindilo ange, handi indilile omhunda iyapuki yaKalunga kange, 21 fimbo handi popi natango meilikano, omulumenhu winya, Gabriel, ou nde mu monene memoniko lange linya, okwe uya kwaame ta endelele e uya popepi nefimbo leyambo longuloshi. 22 Ndele ye okwa longa nge ndele a tonga naame, ndele ta ti: “Daniel, ame onde uya paife, ndi ku pukulule, ove u ude ko. 23 Pehovelo lokwiindila kwoye, okwa dja ondjovo ndele ame onde uya ndi i holole, osheshi oove muwa unene. Didilika hano ondjovo ei, ove u shiive emoniko olo. 24 Oivike omilongo heyali oya tokolelwa oshiwana shoye noshilando shoye shiyapuki. Opo nee eliteeko tali xulu po, nowii tau xulifwa po noilonga ii tai xulifwa po, nouyuki waalushe tau hololwa, ndele emoniko nexunganeko tali pamekwa noshihako, naau Omuyapuki e dule aveshe, ota vaekwa. 25 Hano paife, kala u shi shii, ove u ude: kokudja kondaka oyo, kutya Jerusalem oshi nokuwapekwa nokutungululwa, fiyo okOmwene Omuvaekwa oku na oivike iheyali. Ndele oivike omilongo hamano naivali ngeenge ya pita, otashi ka wapekwa nokutungululwa neendabo dasho nohotekuma yasho, ndelenee omomafimbo madjuu. 26 Ndele oivike omilongo hamano naivali ngeenge ya pita, Omuvaekwa ota dipawa, ndele hamolwaye mwene. Oshilando notembeli otai ka hanaunwa kovanhu vomupangeli te shi totele, ndele exulilo laye tali ka kala mefundja. Ndele fiyo okexulilo tapa kala omalwoodi nomahanauno, ngaashi sha tokolwa. 27 Ndele ye ota ka ninga eudafano la pama navahapu, li kale oule woshivike shimwe, ndele pokati koshivike ye ota ka xulifa etomenoyambo neendjayambo. Ndele omuhanauni ote ke uya nomavava oixuna. Eshi itashi xulu po fimbo etokolo la nunwa tali tililwa kombada yomuhanauni.”
