Omatelekela gaBelshazzar
1 Ongulohi yimwe omukwaniilwa Belshazzar okwa hiya oomvalekele dha simana dheyuvi komatelekela, oyo noya nwine omaviinu pamwe. 2 Manga ya li taa nu, Belshazzar okwe etitha mo iitenga yoshingoli noyoshisiliveli niiyuma mbyoka he Nebukadnezzar e yi kutha motempeli yaJerusalem. Omukwaniilwa okwe yi tumu, opo a nwine mo pamwe noomvalekele dhe naakadhi noohonda dhe. 3 Iitenga niiyuma yoshingoli oye etwa mo mbala, noyo ayehe oya nwine mo omaviinu 4 noya tanga iikalunga ya hambulwa moshingoli, moshisiliveli, moshikushu, mosheela oshiluudhe noya hongwa miiti nomomamanya.
5 Ohaluka oshikaha shomuntu osha holoka nosha tameke okunyola kekuma lyuuwa lya gwayekwa okaalaka, mpoka pwa li pwa minikilwa kuuyelele woolamba. Omukwaniilwa nokwa mono oshikaha sho sha li tashi nyola.Ohaluka oshikaha shomuntu osha holoka nosha tameke okunyola kekuma… 6 Okwa shituka a pemba kuumbanda ye a tyololoka, ndele noongolo dhe odha li tadhi kakama. 7 Okwi igidha mokule nokwa gandja elaka, mu etwe oonganga, oompulile naakonekinyothi. Sho ye ya mo, omukwaniilwa okwa ti kuyo: “Shaa ngoka ta vulu okulesha enyolo ndika nota lombwele ndje shoka tali ti, ota ka zalekwa elwaakani etiliganembwilili lyopaukwaniilwa, elyenge lyoshingoli lyesimano mothingo ye, nota lengwa elenga etitatu moshilongo.” 8 Aanongo yambala oye ya mo, ihe kape na gumwe gwawo a li ta vulu okulesha enyolo nenge a lombwele omukwaniilwa shoka tali ti. 9 Nena omukwaniilwa Belshazzar okwa haluka noonkondo, oshipala she osha pembe shi vule shito, noomvalekele dhe odha li dha kunkwa.
10 Yina yomukwaniilwa oku uvu ombuya yomukwaniilwa noomvalekele dhe e te ya moshinyanga shoshituthi. Okwa ti: “Omukwaniilwa na kale e na omwenyo sigo aluhe! Ikolelela, ino tyololoka, u kale wa pemba. 11 Moshilongo shoye omu na omulumentu ngoka e na ombepo yookalunga aayapuki. Ho sho a li omukwaniilwa, omulumentu ngoka okwa holola oondunge oombwanawa, owino nuunongo wa fa wookalunga. Ho, omukwaniilwa Nebukadnezzar, okwe mu lenge omukuluntu gwaayanekeli, oonganga, oompulile naakonekinyothi. 12 Oku na omayele, uunongo nuunkulungu mokufatulula oondjodhi, mokuyelitha ootumbutumbu nomokuholola iiholekwa. Tuma ko ano, u ithane omulumentu ngoka Daniel — omukwaniilwa okwe mu luka Beltshazzar — note ke ku lombwela ayihe mbika shoka tayi ti.”
Daniel ta fatulula enyolo
13 Daniel okwe etwa mbala koshipala shomukwaniilwa. Omukwaniilwa okwa ti kuye: “Ongoye tuu Daniel, gumwe gwomaapika Aajuda mboka tate e ya kwata muJuda? 14 Ondu uvu kutya ombepo yookalunga aayapuki oyi li mungoye, onkee ongoye onkulungu nou na ontseyo nuunongo. 15 Aanongo noonganga oya li ye etwa mpaka, ya leshe enyolo ndika noya lombwele ndje shoka tali ti, ihe inaa vula nando okuholola shoka tali ti. 16 Ngashingeyi ondu uvu kutya ngoye oto vulu okumona iiholekwa nokufatulula shoka tayi ti. Ngele oto vulu okulesha enyolo ndika noto lombwele ndje shoka tali ti, nena oto zalekwa elwaakani etiliganembwilili lyopaukwaniilwa, elyenge lyoshingoli mothingo yoye noto lengwa elenga etitatu moshilongo.”
17 Daniel okwa yamukula: “Kala nomagano goye nenge u ga pe gulwe. Ihe enyolo otandi li ku leshele, Nkeyama, notii ku lombwele shoka tali ti.
18 “Kalunga gwokombandambanda okwa kwaniileke ho Nebukadnezzar e mu ningi omukwaniilwa omunene nokwe mu pe esimano nuunenepangelo. 19 Okwa li omunenenene nomutilithi; aantu yomiigwana ayihe, yomomaludhi agehe noyomomalaka agehe oya kakama koshipala she. Ngele okwa li a hala okudhipaga ntumba, ina nyengwa oku shi ninga; ngele okwa li a hala okugamena ngandi, a kale e na omwenyo, ina nyengwa oku shi ninga. Okwa yele nguka nenge a shundula ngwiyaka, ngaashi a hala. 20 Ihe molwaashoka a ningi omunuuntsa, omwiinenepeki nomudhudhu, okwa nakulwa mo moshipangelapundi she e ta kanitha esimano lye. 21 Okwa tidhwa mo mokati kaantu, noondunge dhe odha fe dhiiyamakuti. Okwa kala pamwe nuusinokuti ta li omwiidhi a fa ondumetana nota lala melundu a hipa komume. Hugunina okwa zimine kutya Kalunga gwokombandambanda ota lele uukwaniilwa auhe note u pe shaa ngoka ye mwene e mu hogolola.
22 “Ihe ngoye, omwana, ino ifupipika, nando owa tseya ayihe mbika. 23 Owa kondjitha Omuwa gwomegulu e to eta mo iitenga niiyuma ya kuthwa motempeli ye. Ongoye, oomvalekele dhoye, aakiintu yoye noohonda dhoye mwa nwine mo omaviinu e tamu tanga iikalunga ya hambulwa moshingoli, moshisiliveli, moshikushu, mosheela oshiluudhe noya hongwa miiti nomomamanya — iikalunga mbyoka itaayi vulu nando okumona ko nenge okuuva ko noitayi vulu okutseya sha. Ihe ngoye ino simaneka nando Kalunga ngoka tu utha ongele okukalamwenyo kwoye nenge okusa, naangoka ta lele ayihe to yi ningi. 24 Omolwaashoka Kalunga a tumu oshikaha shika, shi nyole oohapu ndhika.
25 “Shika sha nyolwa, osho shika: ‘Sha yalulwa, sha yalulwa, sha vihwa, sha topolwa.’ 26 Notashi ti nduno: sha yalulwa, Kalunga okwa yalula omasiku guukwaniilwa woye nokwe u hulitha po; 27 sha vihwa, owa tulwa koshiviha nowa monika omupu; 28 sha topolwa, oshilongo shoye osha topolelwa Aamedia nAapersia.”
29 Mbalambala Belshazzar okwa lombwele aapiya ye, ya zaleke Daniel elwaakani etiliganembwilili lyopaukwaniilwa nelyenge lyoshingoli mothingo. Nokwe mu lenge elenga etitatu moshilongo. 30 Uusiku tuu mboka Belshazzar, omukwaniilwa gwaBabilon, okwa dhipagwa, 31 naDarius, Omumedia gwomimvo omilongo hamano nambali, okwa lala oshilongo.
Oitendele yaBelsassar
1 Ohamba Belsassar okwa dungila omalenga aye eyovi limwe oitendele inene, ndele ta nu omaviinyu moipafi yomalenga aa eyovi. 2 Ndele Belsassar eshi a shambukwa komaviinyu, okwa lombwela ndele ta ti: oiyuma inya yoshingoldo noyoshisiliveli ya kufwa kuxe Nebukadnesar motembeli yomuJerusalem, nai ka talwe, opo ohamba nomalenga aye novambada noikumbu yaye va nwine mo moiyuma ei. 3 Opo nee oiyuma inya ya kufwa motembeli, mongulu yaKalunga muJerusalem, oya etwa nee. Nohamba nomalenga aye novambada vaye noikumbu yaye ova nwina mo, 4 ndele ova nwa omaviinyu nokutanga nokuhambelela oikalunga yoshingoldo noyoshisiliveli noyoshikushu noyoshivela noyoiti noyomamanya. 5 Mokafimbo tuu oko opa holoka ominwe deke lomunhu da shangela mekuma litoka lolupale lohamba, kombinga inya ya shaama noshikwatelwalamba; ndele ohamba oya mona ominwe da shangela mo.Opa holoka ominwe deke lomunhu da shangela mekuma… 6 Ndele oshipala shohamba osha shituka, nomadiladilo aye okwe mu halula, ndele eenho daye oda tyololoka neengolo daye oda kakama. 7 Ndele ohamba oya ingida mokule, eendudu nOvakaldea veenyofi va etwe mo. Opo nee ohamba oya lombwela ovanongo vomuBabilon ndele tai ti: “Keshe ou ta dulu okulesha eshangelo eli ndele te li tomonene nge, oye ta ka dikwa oshikutu shiwa shitilyana nelyenge loshingoldo mofingo yaye, ndele ta lengwa elenga etitatu moshilongo.” 8 Opo nee ovanongo aveshe vohamba ove uya mo, ndelenee vo ova nyengwa okulesha eshangelo linya noku li tomonena ohamba. 9 Opo nee ohamba Belsassar oya haluka unene, noshipala shaye osha shituka, nomalenga aye yo okwa kanghwa.
10 Ina yohamba eshi a uda eenghundafana dohamba nomalenga ayo, oye okwe uya kolupale. Ina yohamba okwa popya ndele ta ti: “Ohamba nai kale nomwenyo alushe! Ino halukifwa ashike komadiladilo oye, ino shitukifa oshipala shoye. 11 Moshilongo shoye omu nomulumenhu e nomhepo yookalunga vayapuki. Pomafiku axo ye okwa monika e nomayele neendunge nounongo, ngaashi ounongo wookalunga. Onghee hano xo, Nebukadnesar okwe mu ninga elenga lakula lovanongo vomishangwa, leendudu, lOvakaldea nolovakoneki veenyofi; ohamba xo, osho ya ninga, 12 osheshi omhepo iwa, neendunge nomayele okutomona eendjodi nokufatulula eetumbutumbu nokuholola oinima ya futikwa, okwa monika muye, muDaniel, edina laye eli a lukwa kohamba Beltesasar. Paife Daniel na ifanwe, oye te ku tomonene omayele eshangelo eli.” 13 Opo nee Daniel okwa etwa koshipala shohamba. Ohamba oya lombwela Daniel ndele tai ti: “Oove tuu Daniel, umwe womovapika Ovajuda, ohamba tate, e va kwata muJuda nokwe va eta oku? 14 Ame onde ku uda nokutya, ove ou nomhepo yookalunga nomayele neendunge nounongo muhapu wa monika mwoove. 15 Ndele paife ovanongo neendudu ova etwa koshipala shange va leshe eshangelo eli nova tomonene nge eendunge dalo, ndelenee vo ova nyengwa okutomona eendunge deshangelo eli. 16 Ndelenee ame onde ku uda, nokutya ove oho dulu okuyandja omafatululo, ndele to holola oinima ya futikwa. Ndele paife, ngeenge to dulu okulesha eshangelo eli nokutomonena nge eendunge dalo, ove oto ka dikwa oshikutu shitilyana nelyenge loshingoldo mofingo yoye, ndele to lengwa elenga etitatu moshilongo.” 17 Opo Daniel a nyamukula, ndele ta ti moipafi yohamba: “Kala noinima yoye, neeshali doye di pa omunhu umwe. Ndele ame onda hala ndi leshele ohamba eshangelo eli nondi tomonene eendunge dalo. 18 Hano tatekulu ohamba! Kalunga ou wOkombadambada okwa pele xo Nebukadnesar ouhamba neenghono netumbalo nefimanopangelo. 19 Ndele molweenghono odo, Ye e di mu pele, oiwana aishe nomapata aeshe nomalaka aeshe okwa kakama nokwa tila koshipala shaye. Ndele ye okwa dipaa ou a hala, nokwa xupifa ou a hala, ndele okwa lenga ou a hala nokwa xutula ou a hala. 20 Ndelenee omutima waye eshi we linenepeka nomhepo yaye eshi ye litumba mokulikukutika, oye okwa tewa mouhamba ndele a kufwa yo efimano laye. 21 Ndele ye okwa tewa mo mokati kovanhu, omutima waye owa kala ngaashi ou woifitukuti, ndele ye okwa kala mokati keefino, nokwa lya omwiidi ngaashi eengobe. Nomume yokeulu oya tutika olutu laye, fiyo okwa koneka, kutya Kalunga wOkombadambada oku neenghono okupangela oshilongo shovanhu noku shi yandja kwaau a hala. 22 Ndelenee oove, omona waye, Belsassar, ino lininipika nande komutima woye, nande ashishe eshi ou shi shii, 23 ndelenee ove we linenepeka nokutwila Omwene weulu ondubo. Ndele oikwatelwa yongulu yaye oya etwa koshipala shoye. Ndele ove nomalenga oye novambada voye noikumbu yoye omwa nwina mo omaviinyu. Noikalunga yoshingoldo noyoshisiliveli noyoshikushu noyoivela noyoshiti noyomamanya owe i litangela, oyo tuu ihai mono ko, ihai udu ko, yo ihe shii sha, ndelenee Kalunga ou e kwete meke laye omufudo woye neendjila doye adishe di li koshipala shaye, Oye tuu ou ove ino mu fimaneka. 24 Osho nee eke eli ola tumwa kuye neshangelo eli la shangwa. 25 Ndele eshangelo eli la shangelwa ko, oleli: ‘Mene, mene, tekel, ufarsin.’ 26 Netomono londjovo eli: Mene, otashi ti: Kalunga okwa vala omuvalu woshilongo shoye, ndele e shi mana po. 27 Tekel, otashi ti: ove wa yelekwa koshiyelekifo, ndele wa monika omupu. 28 Peres, otashi ti: oshilongo shoye osha tetaulwa ndele sha yandjwa kOvamedia nOvapersia.” 29 Opo Belsassar a lombwela, ndele ova dika Daniel oshikutu shitilyana nelyenge loshingoldo mofingo yaye, ndele omolwaye naku ingidwe, oye elenga lakula etitatu okupangela moshilongo.
30 Oufiku tuu winya Belsassar, ohamba yOvakaldea, okwa dipawa, 31 naDarius Omumedia okwa nangala oshilongo, ye a li e nomido omilongo hamano nambali.
