Eigidho lyeitedhululo
1 Pulakeneni, ne Aaisraeli, kelilo lyoosa tandi li mu hekumununine:
2 Omukadhona Israel a pundukila po,
ita penduka tuu we!
Okwa lala i iyekelahi pevi,
nokape na ngo te mu yambula po.
3 Omuwa Omupangeliawike ota ti: “Oshilando shoka shomuIsrael tashi tumu aakwiita eyuvi, ethele alike tali galuka ko; noshikwawo shoka tashi tumu ethele, omulongo ayeke taa ka galuka ko.”
4 Omuwa ota lombwele Aaisraeli ta ti: “Ileni kungame, notamu ka kala mu na omwenyo. 5 Inamu ya ko kuBeersheba, mu ka ninge elongelokalunga. Inamu kambadhala okumona ndje kuBetel, oshoka Betel otashi ka hanagulwa po. Inamu ya kuGilgal, oshoka aantu yasho otaa ka pangulilwa muupika.”
6 Kongeni Omuwa, notamu ka kala mu na omwenyo. Ngele itamu shi ningi, ota ka koloka ko a hwama a fa omulilo ta lambele Aaisraeli. Omulilo otagu ka lungunitha po Aabetel, nokape na ngoka ta vulu oku gu dhima. 7 Yaye ne mboka hamu goyokitha ompango nohamu lyatele pevi uuyuuki!
8 Omuwa okwa mbumbinga oonyothi,
Oshothi nOkalimbanombwa.
Omilema ote dhi shitukitha uuyelele,
nomutenya uusiku.
Ota gongaleke omeya gomefuta
note ga wayulile kombanda yevi.
Edhina lye oye Omuwa.
9 Ota hanagula po aanankondo nomapopilongulu gawo.
10 Ne aantu ohamu tondo ngoka ta popile uuyuuki nohamu hugu ngoka ta hokolola oshili mompangu. 11 Ne omwa thindile oohepele kongudhi nomwe ya yugu iilya yawo. Osho nduno itamu ka kalelela mo momagumbo goondhopi ga tungika nenge mu nwe omaviinu ga za miitsambe yeni yo opala. 12 Ngame ondi shi oondjo dheni odhindji nomayono geni omadhigu. Ohamu tidhagana aantu aawanawa, ohamu taamba oombumbo nohamu thininike aafupi, yaa tokolelwe eutho lyu uka miihokolola. 13 Onkee omunandunge oha mwena pethimbo ndika ewinayi.
14 Lalakaneneni okulonga uuyuuki, haashoka sha goyoka, opo mu kale mu na omwenyo. Nena Omuwa Kalunga Omunankondoawike ota kala shili nane, ngaashi mwa hala a kale. 15 Tondeni uuwinayi, holeni uuyuuki nokutala kutya uuyuuki otau pangele miihokolola. Pamwe Omuwa ota sile ohenda aantu yoshigwana shika mboka ya hupu ko ye na omwenyo.
16 Omuwa Kalunga Omunankondoawike ota ti ngeyi: “Otaku kala etakumo nelilagano lyoluhodhi momapandaanda goshilando. Naanamapya otaa ki ithanwa, ye ye ya lile oosa ya tegama naalilasa aafutwa. 17 Otaku ka kala etakumo miitsambe ayihe yomiviinu. Ayihe mbika otayi ka ningwa, oshoka otandi ya, ndi mu geele.” Ndhika odha popiwa kOmuwa.
18 Uudhigu ou thike peni tau ke mu adha mboka mwa yuulukwa esiku lyOmuwa! Esiku ndyoka otali mu etele uuwanawa washike? Esiku ndyoka otali ke mu ningila esiku lyomilema nohalyuuyelele. 19 Otali ka kala ngomuntu ta fadhuka po onkoshi e ta tsakaneke emwanka. Nenge ngomuntu ngoka te ya kegumbo nosho ta kwatelele kekuma, ota lika keyoka! 20 Esiku lyOmuwa otali ke etelela omilema nohauyelele; otali ka kala esiku eluudhe lyaa na eminikilo.
21 Omuwa ota ti: “Otandi tondo iituthi yeni yomalongelokalunga; itandi vulu oku yi idhidhimikila! 22 Sho tamu etele ndje omafikilondjambo niikulyandjambo, itandi yi taamba nando; itandi taamba iimuna mbyoka mwo ondodha notamu yi etele ndje omayambo. 23 Mwenekeni embolongondjo lyoondjimbo dheni; inandi hala okupulakena uuharpa weni. 24 Peha lyasho, tondokitheni eutho lya fa efundja nuuyuuki wa fa omulonga itaagu pwine.
25 “Aaisraeli ne, inandi mu pula nando oontselelandjambo niikulyandjambo momimvo ndhiyaka omilongo ne, sho nde mu enditha mombuga. 26 Ihe ngashingeyi, molwashoka mwa simaneke oshiyelekela shaSakkut, oshikalungakwaniilwa sheni, naKewan, oshikalunganyothi sheni, otamu ka humbata iiyelekela mbyoka, 27 sho tandi mu fala muupika handiyaka yaDamaskus,” Omuwa osho ta ti, oongoka e na edhina lye Kalunga Omunankondoawike.
Eimbilokemo molwaIsrael neifano kelidilululo
1 Eumbo laIsrael, uda ondjovo ei, Ame handi i yelula ngaashi eimbilokemo molweni! 2 Okakadona kaIsrael ka wila po, ko itaka ka penduka po vali. Ngaashi ou a natwa po osho tali nangala kedu lalo. Kape na ou te ka yambula po.
3 Osheshi Omwene Kalunga ota ti ngaha: “Moshilando mwa dja eyovi limwe, tapa fyaala efele limwe. Ndele mwaashi mwa dja efele limwe, tapa xupifilwa eumbo laIsrael omulongo.”
4 Osheshi Omwene ota ti keumbo laIsrael: “Kongeni nge, opo nee tamu ka kala nomwenyo! 5 Ndelenee inamu kala nokukonga Betel, ndele inamu uya kuGilgal, noinamu ya kuBerseba. Osheshi Gilgal otashi ka ya shili moukwatwa, ndele Betel tashi ka manwa po sheke.” 6 Kaleni nokukonga Omwene, opo tamu ka kala nomwenyo, opo Ye aha tukile eumbo laJosef ngaashi omundilo, ou tau xwike, ndele itapa monika nande umwe te u dimi muBetel. 7 Onye ava hamu lundulula etokolo oshimha, ndele ouyuki tamu u ekeleshi poshi! 8 Oye ou a shita eenyofi, Omunghalavili nOshofi, ndele ta lundulula omulaulu neluwa, ndele ta laulike omutenya oufiku, ou ta ifana omeva efuta, ndele te a lokifile kombada yedu, 9 Oye ou ta etele divadiva ovanaenghono ehanauno nosho ehanauno tali uya kohotengulu! 10 Vo ohava tondo omulumenhu ou ha popile ouyuki poshivelo, ndele vo hava fifimana ou ha popi oshili. 11 Onghee hano eshi tamu lyataula omukwanaluhepo ndele tamu kufa kuye oilya yefendelo, nye ava hava tungu eengulu nomamanya a hongwa, ndelenee nye itamu ka kala mudo. Nye omwa twika oikokola iwa yomiviinyu, ndelenee itamu ka nwa omaviinyu ayo. 12 Osheshi Ame ondi shi shii nokutya, omatauluko eni oku li mahapu nomatimba eni madjuu, nye ava hamu tondo omuyuki, ndele tamu tambula ombubo, ndele tamu endameke ondjovo iyuki yomuxupi poshivelo. 13 Onghee hano omunaendunge ota kala nokumwena mefimbo la tya ngaha, osheshi olo efimbo lii. 14 Kongeni eshi shiwa, haashi shii, opo mu kale nomwenyo, nOmwene Kalunga komatanga ovakwaita opo a kale pamwe nanye, ngaashi tamu ti. 15 Nye omu nokutonda eshi shii nokuhola eshi shiwa, ndele diinineni ouyuki poshivelo, kashiimba Omwene Kalunga komatanga ovakwaita ta ka filonghenda oshixupe shaJosef.
16 Onghee hano, Omwene Kalunga komatanga ovakwaita. Ye Omwene ta ti ngaha: “Meendabo adishe ope nekemo, momapandavanda tava ka tya: Woo, Woo! Ndele tava kala nokunyika oluhodi, novanongo vokulila nava ifanwe okwiimba omaimbilo eefya. 17 Nosho yo moikokola aishe yomiviinyu tamu ka kala ekemo, osheshi Ame handi ende mokati kayo, Omwene ta ti.”
18 Woo ava hava djuulukwa efiku lOmwene! Efiku lOmwene tali ka kala la tya ngahelipi kunye? Tali ka kala omulaulu, haouyelele. 19 Ngaashi umwe ou ta i onhapo onghoshi, ndelenee ta shakeneke emwangha, ile te uya keumbo, ndele ta kolelele kekuma, ndele ta lika keyoka! 20 Efiku lOmwene olo omulaulu kali fi ouyelele, heeno, olo oshiwiwili kali nonhe youyelele.
21 “Ame handi tondo, Ame handi dini oivilo yeni, ndele inandi hokwa oiongalele yeni yoivilo. 22 Osheshi nande tamu etele nge omaxwikiloyambo pamwe neendjayambo deni, Ame inandi i hokwa. Nepanduloyambo leenhana deni da ondolwa Ame ihandi li tale nohokwe. 23 Kufei po oshihomo shomaimbilo eni! Ame inandi hala okupwilikina ondaka yonyalilo yoye. 24 Ndelenee etokolo liyuki nali kunguluke ngaashi omeva, nouyuki ngaashi ekungulukilo lomeva itali pwinine. 25 Nye eumbo laIsrael, omwa etela nge tuu omatomenoyambo neendjayambo momido adishe omilongo ine mombuwa, 26 ndelenee mwa humbata ohamba yeni Sakkut naKevan nomafano eni, oikalunga yeni yonyofi, ei mwe i liningila. 27 Onghee hano Ame ohandi ke mu twala moukwatwa kombada yaDamaskus, Omwene ta ti, edina laye Kalunga komatanga ovakwaita.”
