1 “Aalumentu ne, aamwameme nootate, pulakeneni, sho tandi ipopile koshipala sheni.” 2 Ano sho yu uvu te ya popitha mOshihebeli, oya mwena thilu. Nena Paulus okwa tsikile ihe okupopya ta ti:
3 “Ngame Omujuda, nda valelwa muTarsus shomuKilikia nonda putudhilwa muka muJerusalem. Omulongi gwandje oGamaliel. Ngame onda longwa nawa okutseya ompango yookuku nonda li omulaadhi mokulongela Kalunga pamukalo naanaa ngoka mu li ngashingeyi. 4 Nokuli ngame onda hepekele nonda dhipaga aantu mboka haa landula ondjila yuukriste. Onda li nda kwata aalumentu naakiintu nonde ya edhilile mondholongo. 5 Omuyambimukuluntu niilyo ayihe yoshigongi shaatokoli otaa vulu okukoleka kutya ote popi oshili. Oyo naanaa mboka ya li ya pe ndje oontumwafo dha nyolelwa Aajuda ooyakwetu yomuDamaskus, opo ndi ye ko, ndi ke ya kwate nondi ya ete kuJerusalem ya mangwa nomalyenge, ya wape okugeelwa.”
Paulus ta hokolola eitedhululo lye
(Iil. 9:1-19Iil. 26:12-18)6 “Ano mokweenda kwandje, manga nda li mondjila pokati komutenya tandi ihilile kuDamaskus, ohaluka yowala onda adhiminwa kuuyelele uunene wa zi megulu nowa kondeke ndje. 7 Nena ondi ihata pevi nondu uvu ewi tali popitha ndje tali ti: ‘Saulus, Saulus, omolwashike to tidhagana ndje?’ 8 Ongame onda pula ihe nda ti: ‘Ongoye lye ano, Omuwa?’ Oye okwa yamukula ndje a ti: ‘Ongame Jesus Omunasareti, oongoka to mu tidhagana.’ 9 Aalumentu mboka ya li pamwe nangame, oya mono uuyelele, ihe ewi ndyoka lya popitha ndje, inaye li uva. 10 Nena onde mu pula nda ti: ‘Omuwa, ondi na okuninga shike?’ Oye okwa lombwele ndje ihe ta ti: ‘Thikama, inda kuDamaskus. Oko hoka to ka lombwelwa ashihe shoka Kalunga a hala, u ninge.’ 11 Uuyelele mbuka owa tsikitha omeho gandje, onkee aalumentu mboka ya li pamwe nangame, oya kwata ndje keti e taa fala ndje kuDamaskus.
12 “Okwa li ku na omulumentu gumwe, edhina lye Ananias, ha simaneke Kalunga nonakuvulika kompango, ngoka a li a simanekwa kAajuda ayehe yomuDamaskus. 13 Oye okwe ya kungame, a hedha ponto yandje nokwa lombwele ndje e ta ti: ‘Mumwameme Saulus, mona ko ishewe!’ Pethimbo olyo tuu ndyoka onda mono ko nonde mu tala. 14 Opo ihe okwa lombwele ndje e ta ti: ‘Kalunga ngoka ootate ya kala haye mu longele, okwe ku hogolola, opo u tseye ehalo lye, ngoye u mone Omuntu gwe omuyuuki nou uve ewi lye, sho te ku popitha. 15 Oshoka ongoye oto ka ninga onzapo ye okuhokololela aantu ayehe shoka we shi mono nowe shi uvu. 16 Nokuli ngashingeyi oto tegelele we shike? Thikama, u ithane edhina lye ngoye u shashwe, noondjo dhoye dhi dhimwe po.’ ”
Paulus ti ithanwa, a ka uvithile aapagani
17 “Nena onda shuna kuJerusalem, nomanga nda li te galikana motempeli, onda mono emoniko, 18 ndi wete Omuwa ta lombwele ndje ta ti: ‘Endelela, u ze mo muJerusalem, oshoka aantu yaamuka itaa ka itaala nando shoka to ya lombwele, sho to hokolola ndje.’ 19 Ngame onde mu yamukula nda ti: ‘Omuwa, oyo oye shi shi kutya onda li handi yi moosinagoga okukwata nokudhenga aantu ayehe mboka ye ku itaala. 20 Nokuli nomumati omuhokololi gwoye Stefanus sho a dhipagwa, nangame wo opo nda li. Onda li nda panda okudhipagwa kwe nonda li tandi tonatele oonguwo dhaadhipagi ye.’ 21 Ihe Omuwa okwa lombwele ndje ta ti: ‘Inda ko, oshoka otandi ke ku tuma kokule kaapagani.’ ”
22 Sigo oompoka aantu oya pulakene Paulus, opo ihe oya tameke okwiigidha mokule ya ti: “Na ze po! Na dhipagwe! Oye ina gwana we okukala e na omwenyo!” 23 Oyo oya li taa igidha yo taa dhungadhunga oonguwo dhawo e taa fundu evi. 24 Nena omuwiliki omukuluntu gwaakwiita Aaroma okwa lombwele aamati ye, ya fale Paulus meni lyepopilongulu. Oye okwe ya lombwele, ye mu pule noku mu dhenga, opo yu uve kutya omolwashike Aajuda taye mu kugilile ngeyi. 25 Ihe sho ye mu manga, ya vule oku mu dhenga noongola, Paulus okwa pula omukuluntu gwaakwiita, ngoka a li a thikama puyo e ta ti: “Osha pitikwa tuu pampango okudhenga Omuroma, manga ina pangulwa, a monike ondjo?”
26 Omukuluntu nguno sho e shi uvu, okwa yi komuwiliki omukuluntu gwaakwiita e te mu pula ta ti: “Oto ningi ngiini ngawo? Omulumentu nguka Omuroma.”
27 Nena omuwiliki omukuluntu gwaakwiita okwa yi kuPaulus nokwe mu pula a ti: “Lombwela ndje, ngoye ngele Omuroma?”
Paulus okwe mu yamukula a ti: “Eeno, osho.”
28 Omuwiliki gwaakwiita okwa ti: “Ngame onda mono uukwashigwana mbuka wAaroma, sho nda futu epangelo iimaliwa oyindji.”
Paulus okwe mu yamukula a ti: “Ihe ngame Omuromalela kevalo.”
29 Mbalambala aalumentu mboka ya li ye na okupula Paulus, oye mu etha. Nokuli omuwiliki gwaakwiita okwa li a tila, sho a dhimbulula kutya nani Paulus ngoka e mu mangitha nomalyenge, oye Omuroma.
Paulus moshigongi shaatokoli
30 Omuwiliki omukuluntu gwaakwiita okwa li a hala okutseya kutya oshike naanaa Aajuda taa tamanekele Paulus. Onkee esiku lya landula okwa lombwele aamati ye, ya mangulule mo Paulus momalyenge. Nena oye okwa hiya ihe aayambi aakuluntu naakuluntu ayehe yAajuda, ye ye koshigongi shawo nokwe eta mo Paulus e te mu thikameke komeho gawo.
Paulus ta hepaululile Ovajuda okukala kwaye
1 “Ovalumenhu nye ovamwatate nootate, pwilikineni elipopilo lange koshipala sheni.” 2 Ndele vo eshi va uda ta popi Oshiheberi, ova mwenena, ye ta ti:
3 “Aame Omujuda, nda dalelwa muTarso shomuKilikia, ndele ame onda tekulwa omu, moshilando eshi opeemhadi daGamaliel, nda longwa okushiiva shili omhango yootate, nonda li handi kondjele Kalunga ngaashi nanye yo osho mu li nena. 4 Ame onda kondjifa ondjila ei fiyo okufya, nda manga ovalumenhu novakainhu noku va idilila modolongo. 5 Ngaashi omupristeli omukulunhu noshiongalele ashishe shovakulunhu ovo eendobwedi dange. Ovo tuu va pele nge eenhumwafo da shangelwa ovamwatate ovo va kala muDamaskus, nonda ile ko, opo ndi va ete kuJerusalem va mangwa va ka handukilwe.
6 “Ndelenee opa ningwa, fimbo nda li mondjila nde lishilila popepi naDamaskus, pokati komutenya, ohangelela ouyelele uhapu womeulu owa dingilila nge. 7 Ndele ame onde lishata poshi nonda uda ondaka ya popifa nge: ‘Saul, Saul, oshike to taataa nge?’ 8 Ame onda nyamukula: ‘Omwene, Oove lyelye?’ Ye okwa lombwela nge: ‘Aame Jesus Omunasareti, ou to mu taataa.’ 9 Ndele ava va li pamwe naame, ova mona shili ouyelele, ndele ondaka yaau a popifa nge, inave i uda, 10 ndele ame onda tya: ‘Omwene, ondi nokuninga shike?’ Omwene okwa lombwela nge, ta ti: ‘Fikama, u ye muDamaskus, omo to ka lombwelwa oinima aishe we i tokolelwa u i longe.’ 11 Ndele ame, eshi nda twikifwa keenhe douyelele, onda kwatwa komhango kwaava va li pamwe naame, osho ngaha nde uya muDamaskus.
12 “Ndele omo mwa li Ananias, omulumenhu omuyuki konghedi yomhango, a fimanekwa kOvajuda aveshe. 13 Ye okwe uya kwaame, a ehena pwaame, ndele ta ti: ‘Saul, omumwatate, pashuka!’ Opo tuu opo ame nda ninga omunamesho, nonde mu tala. 14 Ndele ye okwa tya: ‘Kalunga kootate e ku hoolola nale u shiive ehalo laye, ove u mone Omuyuki, ndele u ude ondaka yomokanya kaye. 15 Osheshi ove u nokuninga ondobwedi koshipala shovanhu aveshe, yaai we i mona naai we i uda. 16 Ndele paife, oto teelele vali shike? Fikama ashike, u ka shashwe, ove u koshwe omatimba oye, nokwiifana edina lOmwene.’
17 “Ndele eshi nda aluka ko, onde uya kuJerusalem, nonda ilikanena motembeli, onda fya ombabanghukuta, 18 ndele nde mu mona. Ye okwa lombwela nge: ‘Endelela u dje mo muJerusalem paife, osheshi itava tambula ehepaululo loye lokuhepaulula nge.’ 19 Ndele ame onda tya: ‘Omwene, voovene ove shi shii, ame nhumbi nda kwata ovaitaveli voye, ndele nde va dengifa meeshinagoga, 20 ndele ohonde yaStefanus, ondobwedi yoye, eshi ya tilwashi, naame yo oko nda li nonda li nde shi itavela, nonda kelela oikutu yovadipai vaye.’ 21 Ndele Ye okwa lombwela nge: ‘Inda ko, ohandi ku tumu kokule kovapaani.’ ”
22 Fiyo okondjovo ei ove mu pwilikina, ndele va ingida pombada, ndele tava ti: “Ou a tya ngaha na dje ko kombada yedu, osheshi inashi wapala a kale e nomwenyo.” 23 Ndele eshi va li tava ingida, tava ekeleshi oikutu yavo, ndele tava fundaula edu pombada, 24 omuneyovi okwe va lombwela ve mu twale meni longulu, opo a shiive osho she va ingidifa, okwe va lombwela a pulwe mokudengwa neeshokoto.
Oukwaroma waPaulus tau mu popile
25 Ndele vo eshi ve mu nangeka, ve mu dengife eeshokoto, Paulus okwa tya komunefele ou a li ofika opo: “Otamu dulu tuu okudenga Omuroma fimbo ina tokolwa?” 26 Omunefele eshi e shi uda okwa ya, ndele e ke shi lombwela omuneyovi, ndele ta ti: “Owa hala okuninga shike, omulumenhu ou Omuroma?” 27 Ndele omuneyovi okwa ya kuPaulus, ndele ta pula kuye: “Lombwele nge, oove ngeenge Oumuroma?” Ye okwa nyamukula: “Heeno.” 28 Opo nee omuneyovi ta ti: “Oukwashilongo ou onde u lilikolela noimaliwa ihapu.” Paulus ta ti: “Ame omudalwa Omuromelela.” 29 Opo tuu opo, venya va li va hala, ve mu denge, ove mu efa diva. Omuneyovi yo eshi a uda kutya Paulus Omuroma, a tila, eshi e mu mangifa.
30 Ndele mefiku la shikula, shaashi a hala okushiiva nawa omolwashike Ovajuda ve mu hokololifa, okwe mu mangululifa ndele a lombwela ovapristeli ovakulunhu noshiongalele ashishe shovakulunhu shi ongale, ndele a twala mo Paulus ndele te mu tula moipafi yavo.
