Etililo lyOmbepo Ondjapuki
1 Ano esiku lyaPentekoste sho lya thikana, ooitaali ayehe oya adhika ya gongala peha limwe. 2 Ombaadhilila aantu oyu uvu oshihomo oshinene tashi zi kegulu noshu udhitha ondjugo moka ya li ya kuutumba. 3 Oyo oya mono ihe omalaka ga fa gomulilo taga halakanene mokati kawo, nomuntu kehe ngoka a li mo, okwa lambelwa kulimwe. 4 Oyo ayehe oyu udhithwa ihe Ombepo Ondjapuki e taa tameke okupopya omalaka omakwiilongo, ngashika naanaa Ombepo e ya pe owino oku ga popya.
5 MuJerusalem omwa li mu na aalumentu Aajuda haa simaneke Kalunga ya za kiilongo ayihe yokombanda yevi. 6 Oyo sho yu uvu oshihomo shika, oya gongala kumwe ongundu onene. Ayehe oya li ya kumwa, oshoka kehe gumwe gwomokati kawo oku uvu, ooitaali taa popi melaka lyaandjawo. 7 Oyo oya haluka noya kumwa e taa pulathana: “Aantu mbaka taa popi ngashingeyi, kaye shi ayehe Aagalilea? 8 Ongiini ano, sho kehe gumwe gwomutse e ya uvite taa popi elaka lyoshilongo shaandjawo moka a valelwa? 9 Otse otwa za kuPartia, kuMedia nokuElam, kuMesopotamia, muJudea nokuKappadokia, kuPontus nokuAsia, 10 kuFrigia naPamfilia, kuEgipiti nokomikunda dhaLibia ndhoka dhi li popepi naKireni. Yamwe yomutse oya za kuRoma, 11 Aajuda naapagani mboka yi itedhululila muujuda. Yamwe yomutse oya za kuKreta nokuArabia. Ihe tse atuhe otu ya uvite taa popi iilonga iinene yaKalunga melaka lyetu.” 12 Aantu ayehe oya haluka noya kumwa. Oyo oya ti: “Shika otashi ti ngiini ano?”
13 Ihe ooyakwawo yalwe oya sheke ooitaali ya ti: “Aantu mbaka oya kolwa.”
Euvitho lyaPetrus
14 Nena Petrus okwa thikama pamwe naayapostoli ooyakwawo omulongo nagumwe. Oye okwa tameke okupopitha ongundu yaantu newi enene a ti: “Aajuda ooyakwetu, nane yalwe amuhe mboka mwa kala muJerusalem, pulakenii ndje ndi mu lombwele: 15 One otamu dhiladhila kutya aantu mbaka oya kolwa, ihe hasho. Otundi oyo ngaa ontimugoyi yongula. 16 Shika osho shoka sha popiwa komuhunganeki Joel. Kalunga ota ti:
17 ‘Pomasiku gahugunina otandi ka ninga ngeyi, Omuwa ta ti.
Otandi ka tilila Ombepo yandje maantu ayehe;
aana yeni aamati naakadhona otaa ka hunganeka,
aamati aagundjuka otaa ka mona omamoniko,
aasamane aakulupe otaa ka yaguma.
18 Eeno, maayakuli yandje ayehe, aalumentu naakiintu,
otandi ka tilila mo Ombepo yandje pomasiku ngoka,
oyo notaa ka hunganeka.
19 Otandi ka holola iilongankondo pombanda kegulu,
niikumithalonga pevi, kombanda yevi.
Otaku ka holoka ombinzi nomulilo nolwithi lwa gundakana.
20 Etango otali ka luudha,
nomwedhi otagu ka tiligana gwa fa ombinzi,
esiku ndyoka lyOmuwa enene
nolya simana manga inaali thikana.
21 Ihe kehe ngoka ti ithana edhina lyOmuwa, ota hupithwa.’
22 “Aaisraeli ne, pulakeneni oohapu ndhika! Jesus Omunasareti okwa li omulumentu a hogololwa kuKalunga. Kalunga okwe shi mu hololele kiilongankondo, kiikumithalonga nokomandhindhiliko ngoka Kalunga e mu longitha mokati keni. One omu shi shi nawa. 23 Pahalo lye nopawino ye Kalunga okwa kala e shi tokola nale kutya Jesus ota ka gandjwa miikaha yeni notamu ke mu dhipaga. One nomwa longitha aalumentu aalunde oku mu alela komushigakano. 24 Ihe Kalunga okwe mu yumudha kuusi. Oye okwe mu mangulula mo muuwehame weso, oshoka eso inali vula oku mu kwata uupika. 25 Oshoka David ote mu popi ta ti:
‘Ethimbo alihe onda mono Omuwa e li komeho gandje.
Oye oku li kolulyo lwandje, opo ndaa punduke.
26 Onkee omutima gwandje ogu udha enyanyu
nelaka lyandje otali ligola;
nokuli ngame nando ondi li monkalo yokusa,
otandi vululukwa nombili metegameno.
27 Oshoka omwenyo gwandje ito gu ethele maasi.
Ngoye ito pitika, omuntu gwoye omwiinekelwa a ole.
28 Ongoye u ulukile ndje oondjila ndhoka tadhi fala komwenyo.
Ngame nonda nyanyukwa,
oshoka ou li pungame.’
29 “Aamwameme, onda hala, ndi mu fatululile kombinga yatatekulu David. Oye okwa si e ta fumvikwa, nombila ye oyi li sigo onena mpaka putse. 30 Oye okwa li omuhunganeki nokwa li a tseya omauvaneko ngoka Kalunga e ge mu uvanekela. Kalunga okwa ganene David egano kutya ota ka langeka gumwe gwomoyana koshipundi she shuukwaniilwa naanaa, ngashika David a li. 31 David okwa mono shoka Kalunga ta ka ninga, onkee okwa popi eyumuko lyaKristus sho a ti:
‘Kalunga ine mu ethela maasi,
olutu lwe inalu vula okwoola.’
32 OJesus tuu nguka Kalunga e mu yumudha kuusi, natse atuhe oonzapo dhoshinima shika. 33 Oye okwa yeluthilwa pombanda kolulyo lwaKalunga e ta taamba kuye Ombepo Ondjapuki, ndjoka He e yi uvaneka. Ano shoka mu wete nomu uvite ngashingeyi, osho omagano ngoka Jesus e ge tu tilile. 34 Oshoka David ye mwene ina londa megulu, aawe, oye okwa ti:
‘Omuwa okwa lombwele Omuwa gwandje:
Kala omutumba mpaka kolulyo lwandje,
35 sigo tandi tula aatondi yoye kohi yoompadhi dhoye.’
36 “Onkee ano Aaisraeli ayehe oye na okutseya kutya Jesus ngoka mwe mu alele komushigakano, Kalunga okwe mu ningi Omuwa naKristus.”
37 Aantu sho yu uvu oohapu ndhoka, odhe ya dhenge pomutima. Oyo noya pula Petrus naayapostoli ooyakwawo ya ti: “Aamwameme, otu na okuninga shike?”
38 Petrus okwe ya yamukula a ti: “Itedhululeni, mu ethe uulunde, kehe gumwe gwomune polwe, mu shashelwe medhina lyaJesus Kristus. Nena Kalunga ota dhimi po oondjo dheni note mu pe omagano gOmbepo Ondjapuki. 39 Oshoka euvaneko ndika Kalunga okwe li mu uvanekela, one naana yeni naantu ayehe mboka ye li kokule, oomboka ayehe Omuwa Kalunga ketu te ya ithana, ye ye kuye.”
40 Petrus okwe ya tompo nokwe ya kumagidha noohapu dhilwe odhindji a ti: “Etheni, mu hupithwe mo megeelo ndyoka tali ka adha aakolokoshi mboka.” 41 Oyendji yomuyo oyi itaale oohapu dhe noya shashwa. Esiku ndyoka Omuwa okwa gwedhele ko ongundu yooitaali, aantu ye thike pomayuvi gatatu. 42 Oyo oya kala taa longwa kaayapostoli e taa topola shoka ye shi na naayapostoli noya lile pamwe e taa galikana Kalunga pamwe.
Okukalamwenyo kwooitaali yotango
43 Iilongankondo niikumithalonga oyindji mbyoka Kalunga e yi longitha aayapostoli, oye etele kehe gumwe uumbanda netilo. 44 Ooitaali ayehe oya tsikile okukala muukumwe neliko lyawo alihe oye li tula mumwe. 45 Oyo oya landitha po omapya gawo niimuna yawo e taa topolelathana iimaliwa mbyoka, nakehe gumwe okwa pewa shoka e shi pumbwa. 46 Esiku kehe oya tsikile okugongala pamwe motempeli mombepo yimwe e taa li iikulya yawo pamwe momagumbo gawo noye yi li nenyanyu noneifupipiko. 47 Oyo oya kala nokuhambelela Kalunga noya li ya hokiwa kaantu ayehe. Esiku kehe Omuwa okwa gwedhele ko aahupithwa kongundu yawo.
Okuuya kwOmhepo Iyapuki Eongalo tali totwa
1 Ndele efiku laPentekoste eshi la fika, vo aveshe ova hangika va ongala monhele imwe. 2 Ndele ohaluka, meulu omwa dja oshihomo ngaashi oshikungulu shinene tashi ende, ndele osha yadifa ondjuwo aishe omu va kala omutumba. 3 Ndele opa monika kuvo omalaka a fa omundilo a tukauka nakeshe limwe tali wile kombada yakeshe umwe womokati kavo. 4 Vo aveshe ova yadifwa Omhepo Iyapuki, ndele ova hovela okupopya omalaka amwe e lili Omhepo ngaashi e va pa oku shi popya.
5 Ndele muJerusalem mwa kala ovalumenhu Ovajuda ovatilikalunga vokoiwana aishe yokoshi yeulu. 6 Ndele oshihomo eshi, eshi sha udika, ongudu yovanhu oya ongala noya kumwa, osheshi keshe tuu ou okwe va uda tava popi elaka lambulavo. 7 Vo aveshe ova haluka va kumwa ndele tava ti: “Taleni, aveshe ava tava popi kave fi Ovagalilea hamba? 8 Ongahelipi hano fye atushe eshi hatu va udu tava popi elaka eli mulo twa dalwa. 9 Fye ava tu li po Ovaparti nOvamedia nOvaelami naava twa kala muMesopotamia novomuJudea nomuKappadokia novomuPontus novomuAsia, 10 novomuFrigia novomuPamfilia novomuEgipiti novomoikandjo oyo yaLibia ya ama kuKireni, nOvaroma ovo va kala omu, nOvajudelela novauyimo mOujuda, 11 nOvakreta nOvajarabia, ofye keshe ou, ohatu mu udu ta popi oilonga inene yaKalunga melaka letu vene.” 12 Vo aveshe ova kumwa ndele va limbililwa va pulafana, tava ti: “Eshi oshishike hano?” 13 Ndele vakwao ve va sheka tava ti: “Vo ova kumwa omaviinyu manyenye.”
Petrus ta udifile ovanhu exunganeko laJoel
14 Opo nee Petrus a fikama naava omulongo naumwe, a yelula ondaka yaye mokule, ndele ta ti kuvo: “Ovalumenhu nye Ovajuda nanye Ovajerusalem amushe, kaleni mu shi shii, nye mu pwilikine eendjovo dange. 15 Osheshi ava inava kolwa, ngaashi nye tamu diladila, ongula nokuli, okafimbo okatitatu, 16 ndele eshi osho tuu osho sha tilwe komuxunganeki Joel:
17 ‘Omomafiku axuuninwa otaku ningwa,
Kalunga osho ta ti:
Ame ohandi tilile kombada yombelela aishe Omhepo yange,
novana veni ovamati novana veni oukadona otava xunganeke,
novanyasha veni tava ka mona omamoniko,
novaxungu veni otava ka twa eendjodi.
18 Heeno, nokombada yovapiya vange ovalumenhu novakainhu
ohandi tilile ko Omhepo yomOmhepo yange omomafiku enya,
ndele vo otava ka xunganeka.
19 Ndele handi holola oikumwifa pombada keulu
nomadidiliko kombada yedu:
ohonde nomundilo noilemo yomwifi.
20 Etango otali shituka omilaulu,
ohani ohonde,
efiku olo linene lOmwene la fimana fimbo inali fika.
21 Ndele taku ningi, keshe tuu ou ta ifana edina lOmwene ota ka xupifwa.’
22 “Ovalumenhu nye Ovaisraeli, pwilikineni eendjovo edi: Jesus Omunasareti, omulumenhu tuu ou mwe mu hepaululilwa kuKalunga moilonga yeenghono nomoinyengandunge nomomadidiliko oo Kalunga e mu longifa mokati keni, ngaashi nye vene mu a shii, 23 Oye tuu ou e mu yandjelwa ketokolo loshito nokonuno ei, Kalunga kwa li e i kwete nale, nye omwe mu valelifa komushiyakano nomwe mu dipaifa komake aavo inava shiiva omhango. 24 Oye ou Kalunga okwe mu nyumuna ndele okwe mu mangulula mouyehame wefyo, ngaashi efyo laha la li neenghono oku mu kwatelela mo.
25 Osheshi David te mu tongo:
‘Alushe handi mono Omwene koshipala shange,
osheshi Oye e li kolulyo lange,
ndiha tengauke.
26 Onghee tuu omutima wange u nehafo
nelaka lange tali nyakukwa,
nolutu lange tali tulumukwa meteelelo.
27 Osheshi omwenyo wange Ove ito u efele moshovafi
nOmuyapuki woye ito mu efa a mone eolelo.
28 Osheshi Ove ho shiivifile nge eendjila domwenyo,
oto ka yadifa nge ehafo lokoshipala shoye.’
29 “Ovalumenhu nye ovamwatate, efeni, ndi mu lombwele nouladi, ndi popye tatekulu David, ye okwa fya, ndele okwa pakwa, ombila yaye oi li nonena eli mokati ketu. 30 Ndele oye eshi a li omuxunganeki, okwa li e shi shii Kalunga e mu anenene eano nokutya, umwe womoludalo laye e nokukala omutumba kolukalwa laye louhamba. 31 Hano mokutala komesho okwa popya enyumuko laKristus, eshi ta ti: ‘Omwenyo waye inau fiwa mo moshovafi, nombelela yaye inai mona eolelo.’ 32 Jesus Oye tuu ou Kalunga okwe mu nyumuna, nafye atushe eendobwedi doshinima eshi. 33 Hano eshi a kala kolulyo laKalunga, a yelulilwa ko, okwa pewa kuXe Omhepo Iyapuki, ou a udanekelwa, Ye okwe mu tilila, Oye ou mwe mu mona nomwe mu uda. 34 Osheshi David haye a londele meulu, ndelenee ye mwene ota ti:
‘Omwene okwa lombwela Omwene wange:
Kala omutumba kolulyo lange,
35 fiyo handi ningi ovatondi voye
oshilyatelo shokeemhadi doye.’
36 “Hano eumbo alishe laIsrael nali shiive shili, Jesus tuu ou, mwe mu valela komushiyakano, Kalunga okwe mu ninga Omwene naKristus.”
Ovanhu omayovi atatu tava shashwa
37 Ndelenee vo eshi ve di uda, ode va twa komitima, ndele ova tya kuPetrus nokovayapostoli vakwao: “Ovalumenhu nye ovamwatate, fye otu nokuninga ngahelipi!” 38 Ndele Petrus okwa tya kuvo: “Lidilululeni, nakeshe ou ne lishashifile medina laJesus Kristus, mu diminwe po omatimba eni, ndele nye otamu ka pewa oshiyandjwa shOmhepo Iyapuki. 39 Osheshi omaudaneko aa e mu udanekelwa onye vene novana veni, naaveshe venya ve li kokule, ovo aveshe Omwene Kalunga ketu te ke va ifana.” 40 Ndele neendjovo dihapu di lili ye a hepaulula nokwe va kumaida ta ti: “Liyandjeni nye mu xupifwe mo moludalo eli la pilalala.” 41 Hano ava va tambula nehafo eendjovo daye ova shashwa, mefiku olo mwa wedelwa mo ovanhu ve fike pomayovi atatu.
Eongalo lotete
42 Ndele vo ova diinina okukala melongo lovayapostoli nomekwatafano lavo, nomokupambula omungome nomokwiilikana. 43 Ndele eemwenyo daaveshe da hangika ketilo, novayapostoli va longa oinyengandunge noilongadidiliko. 44 Ndele aveshe ava va itavela ova kala kumwe, nemona lavo ove li tula mumwe. 45 Ndele ova landifa po omapya avo noinima yavo, nove i tukulila aveshe opaemhumbwe dakeshe. 46 Ndele momafiku aeshe ova kala nomutima umwe motembeli nomomaumbo, va pambula omungome ndele ova lile eendja davo nehafo nomitima da yela, 47 ova hambelela Kalunga nova li ve nonghenda iwa novanhu aveshe. Keshe efiku Omwene a wedela mo mongudu yavo ava tava xupifwa.
