Oohapu dhaDavid dhahugunina
1 David yaIsai okwa li omuntu omunene gwaKalunga, a hogololwa kuKalunga kaJakob, a ninge omukwaniilwa, ngoka a li omutoti gwomaimbilo omawanawa. Oohapu dhaDavid dhahugunina odho ndhika:
2 Ombepo yaKalunga otayi popi mungame;
etumwalaka lye oli li komilungu dhandje.
3 Kalunga kaIsrael okwa popi;
omugameni gwaIsrael a ti kungame:
“Omukwaniilwa ngo ta lele nuuyuuki,
ngoka ta lele mevuliko kuKalunga,
4 okwa fa etango tali minikile kegulu lyaa na iikogo,
etango ndyoka tali tayimitha omwiidhi opo gwa lokwa.”
5 Kalunga ota ka yambeka oluvalo lwandje,
oshoka okwa hangana nangame ehangano lyaaluhe,
euvathano ndyoka itaali yonuka po we,
euvaneko ndyoka itaali lunduluka nando.
Shika osho shoka nda yuulukwa nale;
otashi ka ninga esindano lyandje,
naKalunga ote shi gwanitha.
6 Ihe aakaanakalunga oya fa omano taga ekelwahi;
kape na ngoka te ga kwata noonyala dhowala.
7 Shila oto longitha oshipani shosheela, nenge oshitsitho;
otaa ka lunguna po thilu.
Aakwiita omapenda yaDavid
8 Omadhina gaakwiita yaDavid oofule ogo ngaka: omutango oJosheb Bashebet gwokuTakemon. Okwa li omuwiliki mokati koofule ndatu, okwa kondjitha negonga lye aalumentu omathele gahetatu e te ya dhipaga molugodhi lwoshikando shimwe.
9 Omutiyali gwomoofule oye Eleasar lyaDodo gwomoludhi lwaAho. Esiku limwe okwa li naDavid ya kulumanena Aafilisti mboka ya gongalele olugodhi. Aaisraeli ya shuna, 10 ihe Eleasar okwa thikama omuthika e ta kondjitha Aafilisti, sigo oshikaha she sha vulwa sha kanyatela kegonga. Omuwa okwa sindana esindano enene esiku ndyoka. Konima yelotelo Aaisraeli oya galukile kuEleasar e taa kutha ko omatati komidhimba.
11 Omutitatu gwomoofule ndatu oye Shamma yaAge a za kuHarar. Aafilisti oya li ya gongala puLehi, mpoka pwa li epya lyuukunde. Aaisraeli oya yi Aafilisti ontuku, 12 ihe Shamma okwa kala mepya, e li popile e ta dhipaga Aafilisti. Omuwa okwa sindile esindano enene esiku ndyoka.
13 Lwopetameko lyethimbo lyokuteya, oofule ndatu dhomomilongo ndatu oya yi kekololo lyaAdullam, nkoka David a li, manga ongundu yAafilisti ya li ya yunga ontanda mesilu lyaRefaim. 14 Pethimbo ndyoka David okwa li mepopilongulu lyokondundu, netanga limwe lyAafilisti olya li lya kwata po Betlehem. 15 David okwa li u uvite uupongo e ta ti: “Ando pu kale omuntu te etele ndje omeya gokunwa ga za momuthima gu li posheelo shaBetlehem.” 16 Aakwiita mbeyaka yatatu oofule oya taakana montanda yAafilisti e taa teke omeya momuthima e taye ga eta kuDavid. Ihe ina hala oku ga nwa; okwe ga tile pevi omayambo kOmuwa 17 e ta ti: “Omuwa, itandi vulu oku ga nwa! Onda fa tandi nu ombinzi yaalumentu mboka ya hupula oomwenyo dhawo!” Onkee okwa tindi oku ga nwa. Mbika oyo iilonga yuupenda yaakwiita yatatu oofule.
18 Abisai, omumwayina gwaJoab, (yina oZeruia) okwa li omuwiliki gwomapenda omilongo ndatu. Negonga lye okwa kondjitha aalumentu omathele gatatu e te ya dhipaga e ta yelwa mokati komilongo ndatu. 19 Okwa li ependa lyomilongo ndatu e ta ningi omuwiliki gwawo, ihe ka li a fa yatatu mboka oofule.
20 Benaia yaJehoiada gwokuKabzeel okwa li omukwiita gulwe a simana omolwiilonga yuufule, mwa kwatelwa edhipago lyaakwiita yaali Aamoabi ya simana. Esiku limwe lyolumi okwa ningine monyombo e ta dhipaga onime. 21 Okwa dhipaga wo Omuegipiti, omulumentu omutilithi a li e na egonga. Benaia okwe mu ponokele e na onkulundhimbo, a nakula mo egonga miikaha yOmuegipiti e te mu dhipaga nalyo. 22 Mbyoka oyo iilonga yuupenda yaBenaia, gumwe gwomapenda omilongo ndatu. 23 Okwa li a simana mokati kawo, ihe ka li a fa yatatu mboka oofule. David okwe mu ningi omukuluntu gwetanga lyaalangeli ye mwene. 24-39 Yamwe yomomapenda omilongo ndatu oyo mbaka:
Asahel, omumwayina gwaJoab
Elhanan yaDodo gwokuBetlehem
Shamma naElika yokuHarod
Helez gwokuPelet
Ira yaIkkesh gwokuTekoa
Abieser gwokuAnatot
Mebunnai gwokuHusha
Salmon gwokuAhoh
Maharai gwokuNetofa
Heleb yaBaana gwokuNetofa
Ittai yaRibai gwokuGibea muBenjamin
Benaia gwokuPiraton
Hiddai gwokomasilu gaGaash
Abialbon gwokuAraba
Asmavet gwokuBahurim
Eliahaba gwokuShaalbon
Omuna gwaJashen
Jonatan
Shamma gwokuHarar
Ahiam yaSharar gwokuHarar
Elifelet yaAhasbai gwokuMaaka
Eliam yaAhitofel gwokuGilo
Hezro gwokuKarmel
Paarai gwokuArab
Igal yaNatan gwokuZoba
Bani gwokuGad
Zelek gwokuAmmon
Naharai gwokuBeerot, omuhumbati gwomatati gaJoab
Ira naGareb yokuJattir
Uria Omuheti.
Oya li aakwiita ya simana omilongo ndatu nayaheyali ayehe kumwe.
Eendjovo daxuuninwa daDavid
1 Edi eendjovo daxuuninwa daDavid. David yaIsai,
omulumenhu ou a lengwa unene kuKalunga,
omuvaekwa waKalunga kaJakob,
nomwiimbi womapsalome muwa waIsrael:
2 “Omhepo yOmwene tai popi mwaame,
neendjovo daye di li kelaka lange.
3 Kalunga kaIsrael okwa tya,
Emanya laIsrael la lombwela nge:
“Omupangeli wovanhu, omuyuki,
ou ta pangele metilokalunga,
4 oye ngaashi etendo leluwa mepito letango,
ngaashi ongula ihe noilemo tai vadima
edu eshi tali eta oxuluxulu, odula eshi ya loka.
5 Epata lange osho tuu li li koshipala shaKalunga?
Osheshi Ye a ninga ehangano laalushe naame lashili,
li shii okulineekelwa.
Heeno, Ye ta tutuminifile nge exupifo alishe nelao alishe.
6 Ndelenee ovapilalali aveshe ve li ngaashi omaano a ekelwashi,
itaa kwatwa neke,
7 ndele keshe ou a hala oku a kuma,
te lidilile noshivela ile noshiti sheonga,
opo nee oo taa xwikwa po nomundilo monhele tuu oyo e li.”
Ovaladi vaDavid
8 Omadina ovaladi vaDavid oyaa: Josef-Bassebet, Omutakmoni, omukulunhu waava vatatu, okwa dungadunga eonga laye kombada yoonakudipawa omafele ahetatu efiku limwe alike. 9 Nokwa shikulwa kuEliaser yaDodo, Omuahohi. Oye umwe womovakwanyati vovaladi vatatu naDavid; eshi va fikamene Ovafilisti, ovo va ongala okulwa, novalumenhu vaIsrael va dja po, 10 ye okwa fikama nokwa dipaa Ovafilisti fiyo eke laye la loloka neke laye la kanyatela keongamukonda, onghee hano mefiku tuu olo Omwene e va pa efindano linene. Novakwaita va aluka ve mu shikula ashike okwoongela oixuulwa. 11 Nokwa shikulwa kuSamma yaAge, Omuharari. Ovafilisti eshi va ongala puLehi, oko kwa li oshipambu shepya shi yadi omakunde novanhu va ya onhapo yOvafilisti, 12 ye okwa fikama pokati koshipambu shepya e shi kufa nokwa taataa Ovafilisti. Osho hano Omwene e va pa efindano linene.
13 Ndele vatatu vomovakulunhu venya omilongo nhatu va ya ndele ve uya mefimbo leteyo kuDavid kekololo laAdullam, fimbo onhanda yOvafilisti ya li mefilu laRefaim. 14 Ndele pefimbo olo David okwa li mohotemhunda. Nongudu yovanangeli Ovafilisti ya li muBetlehem. 15 Ndele David okwa li a hala omeva ndele ta ti: “Ngeno ndi pewe okunwa omeva omondungu oyo i li poshivelo shaBetlehem.” 16 Opo nee ovakwanyati vatatu va honyaeka monhanda yOvafilisti ndele va teka omeva mondungu yaBetlehem ya li poshivelo, ndele ve a humbata nove a eta kuDavid. Ndele ye ina hala oku a nwa. Okwe a tilashi poshi, kokufimaneka Omwene, 17 ndele ta ti: “Omwene, itandi dulu ndi nwe omeva aa, osheshi onda fa handi nu ohonde yovalumenhu ava, ve ke a talele mokweekelashi eemwenyo davo!” Ndele okwa anya oku a nwa. Ei oilonga youpenda yovakwanyati vatatu.
18 Ndele Abisai, omumwaina waJoab, ina oSeruja, oye omukulunhu womapenda omilongo nhatu. Nokwa lwifa neonga laye ovalumenhu omafele atatu, nokwe va dipaa. Osho ngaha okwa mona efimano mokati komapenda omilongo nhatu. 19 Okwa li a fimana mokati kaava omilongo nhatu, onghee a ninga omukwatelikomesho wavo, ashike efimano laye inali fika pu laavenya vatatu. 20 Benaja yaJehoiada womuKabseel okwa li omukwaita omuladi; moilonga yaye youladi okwa dipaa eendjai mbali dOvamoab. Nokwa dipaa yo onghoshi mekololo mefiku lombabi. 21 Ye okwa dipaa yo Omuegipiti omutongolume, nokwa li neonga lefo linene. Benaja okwe mu ponokela nodibo yaye yomutwe wakula, ndele te mu nyeka eonga laye, nokwa dipaa Omuegipiti neonga laye mwene. 22 Ei oyo oilonga youpenda yaBenaja yaJehoiada umwe womapenda enya omilongo nhatu. 23 Okwa li a fimana komesho yaava omilongo nhatu, ndelenee efimano laye inali fika pulaavenya vatatu. David okwe mu ninga omukulunhu wovanangeli vaye.
24 Asahel, omumwaina waJoab okwa li mwaava omilongo nhatu. Elhanan yaDodo womuBetlehem, 25 Samma, Omuharodi, Elika, Omuharodi, 26 Heles, Omupalti, Ira yaIkkes, Omutekoa, 27 Abieser, Omuanatot, Mebunnai, Omuhusai, 28 Salmon, Omuahohi, Maharai, Omunetofa, 29 Heleb yaBaana, Omunetofa, Ittai yaRibai womuGibea shovana vaBenjamin, 30 Benaja, Omupiratoni, Hiddai womuNahab-Gaas, 31 Abialbon, Omuarba, Asmavet, Omubahurim, 32 na Eliaba, Omusalboni. Ovana ovamati vaJashen Jonatan, 33 Samma, Omuharari, Ahiam yaSarar, Omuharari. 34 Elifelet yaAhasbai waMaaka, Eliam yaAhitofel, Omugiloni, 35 Hesro, Omukarmel, Paarai, Omuarba. 36 Igal yaNatan womuSoba, Bani Omugad. 37 Selek, Omuammoni, Naharai, Omubeerot, omuhumbati woiti yaJoab yaSeruja. 38 Ira, Omuiitri, Gareb, Omuiitri. 39 Uria, Omuheti, aveshe kumwe omilongo nhatu navaheyali.
