Oluvalo lwaAhab talu dhipagwa po
1 MuSamaria omwa li aana yaAhab aamati ye li omilongo heyali. Jehu okwa nyola ontumwafo e te yi tumine aaleli yoshilando, aanashilando aawiliki naatonateli yoluvalo lwaAhab. Ontumwafo otayi ti: 2 “One aatonateli yoluvalo lwomukwaniilwa, ne omu na omatembakwiita, uukambe, omatati niilandohote. Shaa tuu mwa taamba ontumwafo ndjika, 3 hogololeni omumati gumwe a kotoka nawa gwomoluvalo lwomukwaniilwa, a ninge omukwaniilwa, ne mu kondje mu mu gamene.”
4 Aaleli yaSamaria oya li ya tila e taa ti: “Otatu vulu ngiini okukondjitha Jehu, sho omukwaniilwa Joram nenge omukwaniilwa Ahasia inaye shi tompola?” 5 Osho ngaaka elenga lyokutonatela mombala nelenga lyokutonatela oshilando ayehe kumwe naawiliki yoshilando naalangeli ya tumu elaka kuJehu tali ti: “Tse aapiya yoye notwi ilongekidha, tu ninge shoka to ti. Ihe tse itatu kwaniileke ngandi, ninga shoka to tala sho opala.”
6 Jehu okwe ya nyolele ontumwafo onkwawo tayi ti: “Ngele ano omwa gama kungame nomwi ilongekidha okulandula iipango yandje, etelii ndje omitse dhaana yomukwaniilwa Ahab muJesreel ngula yanakwasha pethimbo ngaandika.”
Aana yomukwaniilwa Ahab omilongo heyali oya li mesiloshimpwiyu lyaawiliki yoshilando shaSamaria, mboka ye ya putudha. 7 Ontumwafo yaJehu sho ya taambwa, aawiliki yaSamaria oya dhipaga aana yaAhab ayehe omilongo heyali, oya tula omitse dhawo miimbamba e taye dhi tumu kuJesreel.
8 Jehu sho a tseyithilwa kutya omitse dhaana yaAhab odhe etwa, okwa gandja elombwelo, dhi gongelwe moondumba mbali posheelo shoshilando, dhi kale nkoka sigo ongula tayi landula ko. 9 Ongula okwa piti mo, a yi kosheelo shoshilando e ta ti kaantu mboka ya li po: “Ngame onda tsu ondumbo nomukwaniilwa Joram e tandi mu dhipaga; ne kamu na ndjo moshinima shika. Ihe olye a dhipaga mbaka ayehe? 10 Shi tseyeni ano kutya shaa ohapu ya popiwa kOmuwa ta popi oluvalo lwaAhab, otayi ka tsa shili. Omuwa okwa gwanitha shoka a hunganekitha omuhunganeki gwe Elia.” 11 Nena Jehu okwa dhipaga po ezimo lyaAhab alihe lya li muJesreel nomalenga ge agehe, ookuume ke yopothingo naayambi ye, inapu kala nando ogumwe gwawo e na omwenyo.
Ezimo lyomukwaniilwa Ahasia tali dhipagwa po
12 Jehu okwa zi muJesreel e ta yi kuSamaria. Mondjila sho e ya pehala hali ithanwa “Okamba yoonzi”, 13 okwa tsakaneke yamwe yomezimo lyomukwaniilwa gwaJuda Ahasia e te ya pula ta ti: “One oolye?”
Mbeyaka oya yamukula ya ti: “Tse aakwawo yaAhasia, tatu yi kuJesreel, tu ka talele po aana yomunyekadhi Isebel noomvalekele megumbo ekwaniilwa.” 14 Jehu okwa lombwele aantu a ti: “Ya kwateni ye na omwenyo.” Oyo noye ya kwata, oye nokwe ya dhipagele popepi nomuthima gwaBeteked. Oya li aantu omilongo ne nayaali, noinapa hupa nando ondhi.
Iihupe ayihe yezimo lyaAhab tayi dhipagwa po
15 Jehu okwa zi nkoka nomondjila okwa tsakanekwa kuJonadab yaRekab. Jehu okwe mu kundu ta ti: “Tse nangoye otatu dhiladhila shimwe. Oto ka popila ndje?”
Jonadab okwa yamukula a ti: “Eeno, otandi ke ku kwatha.”
Jehu okwa ti kuye: “Pe ndje eke lyoye nduno.” Oya minikathana, naJehu okwe mu yambulile metemba lye 16 ta ti: “Landula ndje, u ki imonene ko ngoye mwene, nkene nda laadhipalela Omuwa.” Oyo noya yi pamwe sigo oSamaria. 17 Sho ya thiki ko, Jehu okwa dhipaga po ezimo lyaAhab alihe ko inaku hupa nando ondhi. Shika osho shika Omuwa a lombwelele Elia kutya otashi ka ningwa.
Aasimaneki yaBaal taa dhipagwa po
18 Jehu okwa hiya Aasamaria ayehe ya gongale e ta ti kuyo: “Omukwaniilwa Ahab okwa longele Baal kashona kowala, ihe ngame otandi ke mu longela ndi vulithe po. 19 Hiyeni aahunganeki yaBaal ayehe, aasimaneki ye ayehe naayambi ye ayehe, ya gongale. Inapa kala nando ogumwe inee ya; otandi ka yambela Baal omatselelandjambo omanene, ndele ngoka inaa holoka ko, ota ka dhipagwa.” (Ihe Jehu okwe shi ningi nomakoto, opo a kombe po aasimaneki yaBaal ayehe.) 20 Nena Jehu okwa ti: “Utheni esiku lyokusimaneka Baal.” Eutho olyu uthwa, 21 naJehu okwa tumu elaka noshilongo ashihe shaIsrael. Aasimaneki yaBaal ayehe oye ya; nokapwa li ngoka inaa holoka. Ayehe oya yi motempeli yaBaal, noya li yu udhilila ndo! 22 Nena Jehu okwa lombwele omutonateli gwoonguwo oondjapuki, a ka tale oonguwo e dhi gandje kaalongeli yaBaal. 23 Konima yaambika Jehu okwa yi motempeli yo naJonadab yaRekab e ta lombwele aantu ta ti: “Kotokeleni aasimaneki yaBaal oyo ayeke ya kale mo. Aalongeli yOmuwa inaye ya mo!” 24 Nena Jehu naJonadab oya yi mo, ya ka yambe oontselelandjambo nomafikilondjambo kuBaal. Ihe pondje yotempeli Jehu okwa adhika a tula po aalumentu omilongo hetatu nokwe ya lombwele a ti: “Ne otamu dhipaga aantu mbaka ayehe. Shaa ngoka ta hunutha po omuntu, otashi mu pula omwenyo gwe mwene!”
25 Nanziya Jehu sho a yamba omayambo, okwa ti kaalangeli nokomalenga: “Indeni mo, mu dhipage ayehe; inamu za nando ogumwe!” Oya ningine mo ye na omagongamwele ga tsa, ya dhipaga ayehe e taa kookololele omidhimba dhawo pondje. Nena oya yi meni lyuuyapuki wotempeli 26 e taa kutha mo ongundhi ondjapuki e taye yi fike po. 27 Oya teyagula po ongundhi ondjapuki notempeli ye yi shitukitha oshihundameno — sigo onena ndji.
28 Osho ngaaka Jehu a kombo mo esimaneko lyokulongela Baal muIsrael. 29 Ihe okwa holele uulunde waJeroboam yaNebat, ngoka a yonitha Aaisraeli mokusimaneka oontsezi dhiingoli ndhoka a dhikile muBetel nomuDan. 30 Omuwa okwa ti kuJehu: “Owa ningile oluvalo lwaAhab ashihe shoka nda halele u ninge. Omolwashika tandi ku uvanekele kutya oluvalo lwoye otalu kala muukwaniilwa waIsrael sigo oluvalo olutine.” 31 Ihe Jehu ina vulika nomwenyo gwe aguhe kiipango yOmuwa, Kalunga kaIsrael. Peha lyasho okwa landula oshiholelwa shaJeroboam yaNebat, ngoka a yonitha Aaisraeli.
Eso lyaJehu
32 Pethimbo ndyoka Omuwa okwa tameke okufupipika oshilongo shaIsrael. Omukwaniilwa gwaSiria Hasael okwa lala oshilongo shaIsrael ashihe 33 kuuzilo waJordan sigo Aroer pomulonga Arnon kuumbugantu — shika osha kwatelela mo iikandjo yaGilead noyaBaasha, kuuzilo nkoka kwa kala omazimo gaGad, gaReuben nogaManasse.
34 Ashihe shilwe shoka Jehu a ningi, mwa kwatelelwa iilonga ye yuupenda, osha nyolelwa membo lyondjokonona yaakwaniilwa yaIsrael. 35 Okwa si nokwa fumvikwa muSamaria, nomwana Jehoahas kwe mu landula muukwaniilwa. 36 Jehu okwa lelele Israel muSamaria omimvo omilongo mbali nahetatu.
Epata laAhab novaxunganeki vaBaal tava manwa po
1 Ndele Ahab okwa li e novana ovamati omilongo heyali muSamaria. Opo nee Jehu a shanga onhumwafo nokwe i tumina omalenga omoshilando, ovakulunhu novatekuli vovana ovamati vaAhab muSamaria, ndele ta ti: 2 “Onhumwafo ei ngeenge ya fika kunye, fimbo ovana ovamati vomwene weni ve li punye, nomatemba oita neenghambe odi li punye noshilando sha pamekwa shi nohotekuma noilwifo, 3 hoololeni hano womovana ovamati vomwene weni ou muwa ndele e dule vakwao ndele mu kalekeni omutumba kolukalwapangelo laxe ndele kondjeleni eumbo lomwene weni.” 4 Ndelenee venya va kwatwa koumbada unene ndele tava ti: “Taleni, eehamba mbali da nyengwa oku mu lwifa, fye ohatu shi dulu ngahelipi?” 5 Opo nee omalenga omouhamba novakulunhu voshilando novakulunhu novatekuli va shiivifila Jehu, tava ti: “Fye ovapiya voye; naashishe to shi tu lombwele, fye ohatu ke shi ninga. Itatu ka ninga nande umwe ohamba. Ninga eshi sha yuka momesho oye.” 6 Opo nee e va shangela onhumwafo onhivali, ndele ta ti: “Ngeenge mwa ama kwaame ndele tamu dulika kwaame, kufeni hano omitwe dovalumenhu venya, ovana ovamati vomwene weni, ndele ileni mongula pefimbo tuu eli kwaame muJisreel.” Osheshi ovana ovamati vohamba, ovalumenhu omilongo heyali, ova li povanenenhu voshilando, ovo ve va tekula. 7 Nonhumwafo eshi ya fika kuvo, ova kufa ovana ovamati vohamba, ndele ve va dipaa, ovalumenhu omilongo heyali. Nomitwe davo ve di tula moimbaba ndele ve di tuma kuye kuJisreel. 8 Nomutumwa eshi e uya ndele te mu shiivifile, ta ti: “Venya va eta omitwe dovamati vohamba,” ye ta ti: “Di tula meenduba mbali poshivelo, fiyo mongula.” 9 Nokwa pita mo ongula nokwa kala ofika ndele ta ti kovanhu aveshe: “Nye kamu netimba. Taleni, ame naava va li pwaame, twa hangakena tu lwife omwene wange, ndele ame nde mu dipaa. Ndelenee olyelye a dipaa ovalumenhu aveshe ava? 10 Kaleni mu shi shii hano nokutya, ondjovo yOmwene nande imwe itai wile poshi, ondjovo oyo Omwene e i popila epata laAhab; Omwene okwa ninga osho e shi lombwela omupiya waye Elia.” 11 Opo nee Jehu a dipaa aveshe vomepata laAhab la xupa la li muJisreel, novanenenhu aveshe vaye novalineekelwa vaye novapristeli vaye, fiyo inapa xupa nande umwe ou a xupifwa.
12 Opo nee ye a fikama ndele ta i kuSamaria. Ndele ye eshi e uya kondjila yaBet-Eked shovafita, 13 Jehu a hanga ovakwapata vaAhasia, ohamba yaJuda, ndele ta ti: “Onye oolyelye?” Ndele vo ova nyamukula: “Fye ovakwapata vaAhasia, ndele twe uya tu talele po ovana ovamati vohamba novana ovamati vaina yohamba.” 14 Ndele ye ta ti: “Va kwateni ve nomwenyo!” Ndele vo ove va kwata ve nomwenyo ndele ve va dipaa pomufima womuBet-Eked, ovalumenhu omilongo nhee navavali, ina efa nande umwe womuvo a xupe po.
15 Nokwa dja ko ndele ta mono Jonadab yaRekab, ou e mu shakeneka. Ndele ye ote mu kundu ndele ta ti kuye: “Omutima woye wa yuka tuu ngaashi ame ndi li naave?” Ndele Jonadab ta nyamukula: “Heeno.” Jehu ta ti: “Hano, tu paafane omake.” Opo nee winya ta yandje eke laye. Ndele okwe mu londeka metemba laye, 16 ndele ta ti: “Ila, tu yeni, u tale nohokwe ouladi wange omolwOmwene.” Ndele vo ove mu londeka metemba laye. 17 Ndele ye eshi e uya muSamaria, ye okwa dipaa aveshe ovo va xupa vomepata laAhab muSamaria, fiyo e li komba po pandjovo yOmwene, e i lombwela Elia.
Jehu ta hanauna po Baal
18 Ndele Jehu okwa shiva ovanhu aveshe va ongale ndele ta ti kuvo: “Ahab okwa longela Baal kanini, Jehu ote mu longele neenghono. 19 Ifaneni hano paife kwaame ovaxunganeki aveshe vaBaal, novapiya vaye aveshe novapristeli vaye aveshe. Nande umwe aha yongolwe, osheshi ndi neyambo linene okuyambela Baal. Keshe umwe ta yongolwa, ita ka kala nomwenyo.” Ndelenee Jehu e shi ninga nekengelelo, opo a dule okudipaa ovapiya vaBaal. 20 Jehu ta ti vali: “Yapulileni Baal efimbo loshivilo.” Ndele ve shi vilikila. 21 Jehu okwa tuma yo muIsrael ashishe. Novapiya aveshe vaBaal ve uya, osho inapa fyaala nande umwe ou ine uya, ndele va ya motembeli yaBaal, fiyo otembeli yaBaal ya yada tuu ndo. 22 Nokwa lombwela omukulunhu welimba loikutu: “Etela ovapiya aveshe vaBaal oikutu.” Nokwe va etela oikutu. 23 Opo nee Jehu okwa ya mo motembeli yaBaal pamwe naJonadab yaRekab, ndele ta ti kovapiya vaBaal: “Panapaneni nokutala ngeenge mokati keni omu nomupiya wOmwene ile ovapiya vaBaal ovo aveke ve li mo.” 24 Ndele va ya mo va ka yambe omatomenoyambo nomaxwikiloyambo. Ndelenee Jehu okwa tula pondje ovalumenhu omilongo hetatu ndele e va lombwela: “Ou womunye ta efa umwe womovalumenhu ava ndele va yandja momake eni, omwenyo waye otau ka ya ponhele yomwenyo wawinya.” 25 Ndele ye eshi a mana elongekido lexwikiloyambo, Jehu ta ti kovakwaita ovananhapo nomalenga: “Ileni mu va dipae. Inamu efa nande umwe a pite mo!” Ndele ve va dipaa neongamukonda, novakwaita ovananhapo nomalenga ve va umbila pondje. Opo nee va ya moshilando shotembeli yaBaal, 26 ndele va eta pondje eengudi domotembeli yaBaal ndele ve di xwika po, 27 nongudi yemanya ve i tataula, notembeli yaBaal ve i ngumauna po, ndele ve i ninga oungulu vokwiila mepya fiyo onena eli. 28 Osho ngaha hano Jehu a komba mo Baal muIsrael. 29 Ndelenee Jehu ina efa omatimba aJerobeam yaNebat, ou a hongaula Israel okunyona, nokutya ine liteeka keenhana doingoldo da li muBetel nomuDan.
30 Opo nee Omwene ta ti kuJehu: “Shaashi wa ninga eshi sha yuka momesho ange, pamadiladilo aeshe omomwenyo wange wa ningila epata laAhab, ovana voye ovamati fiyo okepupi etine tava ka kala omutumba kolukalwapangelo laIsrael.” 31 Ndelenee Jehu ina diinina nokweenda nomutima aushe momhango yOmwene Kalunga kaIsrael. Ye ina yapuka mo momatimba aJerobeam ou a hongaula Israel okunyona.
Efyo laJehu
32 Pomafiku enya Omwene okwa hovela okutaula Israel, ndele Hasael okwe va taataa moshilongo ashishe shaIsrael: 33 okudja kuJordan fiyo okoushilo, oshilongo ashishe shaGilead, Ovagad nOvarubeni nOvamanasse, okudja kuAroer, osho shi li pomulonga waArnon, Gilead naBasan.
Efyo laJehu
34 Noinima imwe tai hepaulula Jehu naaishe e i ninga, noilonga yaye yeenghono, inai shangelwa mbela membo lomafimbo eehamba daIsrael? 35 Ndele Jehu okwa ka nangala pooxe nokwa pakwa muSamaria. Nomona waye Joahas a ninga ohamba ponhele yaye. 36 Nomafiku oo Jehu a pangela Israel muSamaria a li omido omilongo mbali nahetatu.
