Paulus ta popile oshilonga she
1 Ongame mwene Paulus tandi mu kumagidha, ngame ngoka tamu ti kutya omumbanda, ngele ndi li pune, ihe onda fula, ngele ndaa po pune. Otandi mu indile molwombili nomolwolukeno lwaKristus. 2 Inamu thiminika ndje, ndi kale nda fula, ngele tandi ya kune. Oshoka onde shi inekela kutya otandi vulu okukala ndaa na uumbanda pumboka wo taa ti kutya tse otatu hingwa komahalo gaantu yomuuyuni mbuka. 3 Eeno, osho oshili kutya tse otu li muuyuni, ihe ihatu hingwa komahalo gaantu yomuuyuni mbuka. 4 Iikondjitho mbyoka tatu longitha molugodhi nduka, kayi shi yomuuyuni mbuka, ihe oyo iikondjitho ya kola tatu yi pewa kuKalunga, tayi vulu okuhanagula po omapopilongulu omanene. Otatu hanagula po omadhiladhilo agehe gomaifundjaleko. 5 Otatu kumuna po einenepeko kehe ndyoka tali inenepekele okutseya Kalunga; otatu tula edhiladhilo kehe meti notatu li vulikitha kuKristus. 6 Ngele mwa vulika tango koshili, nena otatu ka kala ihe twi ilongekidha okugeela etangalalo kehe.
7 Taleni iinima, ngaashi tayi monika. Ngele pe na ngoka ti itala kutya ye ogwaKristus, na dhiladhile natango. Ongaashi naanaa ye mwene e li gwaKristus, osho natse wo aantu yaKristus. 8 Ngame itandi ka sa ohoni, nonando ndi itangele epitikilo ndyoka twa pewa kOmuwa, opo tu mu kwathe, haku mu hanagula po. 9 Inandi hala shoka te popi, shi talwe ongaangoka te kambadhala oku mu tilitha noontumwafo dhandje. 10 Otaku tiwa kutya oontumwafo dhaPaulus odha pupyala nodhi na oohapu oonkunkutu, ihe ngele ta holoka ye mwene, omutalala noohapu dhe kadhi na omupondo gwasha. 11 Ngoka ta dhiladhila ngaaka, na kale e shi shi kutya kape na nando eyooloko lyasha pokati kaashoka tatu shi nyola moontumwafo dhetu uuna twaa li pune, naashoka tatu ningi, uuna ndoka tu li pune.
12 Eeno, osho oshili kutya tse inatu fula, tu vule okwiitula mongundu yontumba nenge okwiiyeleka nayamwe yomwaamboka taa itumbaleke. Oyo aagoya ngiini! Otaa iyeleke notaa itokolele yo yene pakuyeleka kwawo. 13 Tse eitango lyetu itali kondo oongamba, ihe otali kala li li meni lyoongamba dhiilonga mbyoka Kalunga e tu uthila. Miilonga mbyoka omwa kwatelwa iilonga yetu yomokati keni. 14 Onkee ano ne sho mu li meni lyoongamba ndhoka, natse wo inatu dhi konda, sho twe mu etele elaka etoye tali hokolola Kristus. 15 Ano tse itatu itangele iilonga mbyoka ya longwa kuyalwe, mboka ya ya kondje yoongamba ndhoka Kalunga e dhi tu uthile. Ihe otwi inekela kutya eitaalo lyeni sho tali koko, nena otatu ka vula ihe okulonga iilonga iinene mokati keni yi vule mbika, shampa ashike aluhe tatu longo meni lyoongamba ndhoka Kalunga e tu uthila. 16 Nena otatu vulu ihe okuuvitha elaka etoye miilongo yilwe, kondje yoongamba dhoshilongo sheni, ihe itatu ki itangela nando iilonga mbyoka ya longwa nale kuyalwe.
17 Ano ngaashi enyolo tali ti: “Kehe ngoka a hala okwiitanga, ni itangele shoka Omuwa e shi longo.” 18 Oshoka omuntu ngoka to opalele Omuwa, oye ngoka iti itumbaleke ye mwene, ihe ota tege, a tumbalekwe kOmuwa.
Elipopilo lomuyapostoli
1 Aame Paulus mwene ohandi mu kumaida omolwonheni nolukeno laKristus, ame ou ndi li moipafi yeni, vati, nda fa nde lininipika, ndele ngeenge ndi li kokule nanye, ihandi tila, 2 ndele ohandi indile ngeenge handi uya kunye, ndiha pumbwe okulongifa ouladi ou handi diladila okuholoka nao ndi nonyati kuvamwe ava tave tu fekele nokutya, ohatu ende pambelela. 3 Nande ohatu ende mombelela, ihatu kondjo pambelela; 4 osheshi oilwifo yetu kai fi yopambelela, ndelenee oya pama koshipala shaKalunga okuhanauna po eenguluhote. 5 Ohatu hanauna po omapopilongulu, nelinenepekifo keshe tali nenepekele okushiiva kwaKalunga, nakeshe ediladilo ohatu li tula meti li dulike kuKristus, 6 ndele twe lilongekida okuhandukila okuhadulika keshe, ngeenge eduliko leni ola holoka nawa.
7 Taleni osho shi li komesho yeni. Ngeenge ope na ou a pama momadiladilo aye nokutya, oye owaKristus, oye na diladile muye mwene, nokutya ngaashi oye waKristus, osho nafye yo. 8 Ndele nande ndi litange unene kanini molwepangelo letu olo Omwene e li tu pa oku mu tunga, nohaku mu ngumauna po, ihandi ka fifwa ohoni. 9 Eshi ohandi shi ti, kuha monike nda fa nda hala oku mu tilifa neenhumwafo dange. 10 Osheshi eenhumwafo daPaulus, vati, odi neenghono noda pama, ndelenee okuholoka kwaye kwopalutu okwa nyika oungone nokupopya kwaye kaku noshilonga. 11 Oye ou ta ti ngaha, na kale e shi shii, ngaashi tu li meendjovo domeenhumwafo detu, eshi tu li kokule, osho tu li nomoilonga, eshi tu li punye.
12 Osheshi fye otuhe nonyati okulitula ile okuliyeleka noonima ava tave lieta nokulitanga, ndele vehe neendunge, osheshi tave liyeleke navo vene, notave lishaameke navo vene, 13 ndele fye ihatu litange tu koye oshiyelekifo, ndelenee pashiyelekifo osho Kalunga e shi tu ufila opo tu fike nokunye. 14 Osheshi itatu lovelele kokule unene, twa fa itatu fiki kunye, osheshi okuudifa evaengeli laKristus otwa fika nokunye. 15 Ihatu litange unene tu litangele ngeno oilonga yovanhu, ndele otu neteelelo olo, eitavelo leni eshi tali kulu, opo nee fye, pailonga oyo twe i longa ohatu ka kula mokati keni, 16 opo tu udife evaengeli komadu e li kombada yeni, tuha kale nokulitangela osho sha longwa nale, oko fye inatu longa. 17 “Ndelenee ou te litange, ne litangele mOmwene;” 18 osheshi haye ou te litange ye mwene a dule ngeno eyeleko, ndelenee oyou Omwene te mu tange.
