Omukwaniilwa gwaJuda Ahasia
(2 Aak. 8:25-292 9:21-28)1 Aajerusalem oya kwaniileke Ahasia, onkelo yaJoram, peha lyahe, oshoka oyanamati ayehe aakuluntu oya adhika ya dhipagwa po kaayugani mboka yi ile kontanda pamwe nAayarabi. 2-3 Ahasia okwa kwaniilekwa mepipi lyomimvo omilongo mbali nambali, nokwa lele muJerusalem omumvo gumwe. Ahasia naye wo okwa landula oshinkoti shezimo lyomukwaniilwa Ahab, oshoka yina Atalia-omuna gwaAhab nomutekulu gwaomukwaniilwa Omri gwaIsraelokwe mu tsu omayele ngoka ge mu fala muuwinayi. 4 Okwa yono kOmuwa, oshoka konima yeso lyahe, aanezimo lyaAhab oya kala aagandjindunge ye noya longekidha eyonukopo lye. 5 Pamayele gawo okwa hangana nomukwaniilwa gwaIsrael Joram, ya kondjithe Hasael, omukwaniilwa gwaSiria. Aakwiita oya pwakele muRamot shaGilead, naJoram okwe ehamekwa molugodhi. 6 Okwa galukile koshilando Jesreel, a ka pangwe iishaho ye, naAhasia okwa yi ko, e ke mu talele po.
7 Kalunga okwa longitha etalelopo ndika kuJoram, li etele Ahasia eyonukopo. Manga Ahasia a li hoka, ye naJoram oya tsakanekwa komulumentu edhina lye Jehu yaNimshi, ngoka Omuwa e mu hogololele eyonopo lyezimo lyaAhab. 8 Jehu sho a li ta tsakanitha elombwelo lyaKalunga, a yone po ezimo lyaAhab, okwi itsu kongundu yaawiliki Aajuda naamwahegona yaAhasia, mboka ya longele Ahasia. Jehu okwe ya dhipaga ayehe. 9 Ahasia okwa landulwa e ta adhika a holama muSamaria. Oye mu fala kuJehu e taye mu dhipaga. Oya fumvike omudhimba gwe, opo ya simaneke hekulu, omukwaniilwa Jehosafat, ngoka a longele Omuwa pankondo dhe adhihe.
Inapa thigwa nando omunezimo lyaAhasia ngoka ta vulu okulela oshilongo.
Atalia, omukwaniilwa omukiintu gwaJuda
(2 Aak. 11:1-3)10 Atalia, yina yomukwaniilwa Ahasia, sho a koneke kutya omwana a dhipagwa, okwa dhipagitha aawagona ayehe muJuda. 11 Ahasia okwa li e na omumwahe omukiintu, edhina lye Jehosheba, a hokanwa komuyambi Jehoiada. Okwa hupitha po Joas, gumwe gwomaana yokombanda aamati yaAhasia. Okwe mu kutha mofuthi maana yokombanda mboka ya li taa dhipagwa e te mu holeke pamwe nomuyamuthi gwe mongulu yokulala motempeli. Atalia ina wapa oku mu dhipagitha. 12 Joas okwa kala a holekwa omimvo hamano, manga Atalia ta pangele oshilongo.
Ahasia ta dipawa kuJehu
1 Opo nee oonakukalamo muJerusalem va ninga Ahasia, onghelo yaye, ohamba ponhele yaye. Osheshi eengudu odo de uya monhanda pamwe nOvaarabi, ova dipaa Ovana vaye aveshe ovakulunhu. Ndele Ahasia yaJehoram ohamba yaJuda, a ninga ohamba. 2 Omido daAhasia da li omilongo mbali nambali, ye eshi a ninga ohamba, nokwa pangela omudo umwe muJerusalem. Nedina laina la li Atalia, omona waOmri. 3 Naye yo okwa enda neendjila depata laAhab, osheshi ina okwe mu pukifa, e mu twala mouhenakonashanakalunga. 4 Ndele ye okwa ninga osho shii moipafi yOmwene, ngaashi epata laAhab, osheshi vo va li ovapukululi vaye konima yefyo laxe, ndele ve mu nyona po. 5 Papukululo lavo okwa fikama yo pamwe naJoram yaAhab, ohamba yaIsrael, a homone Hasael, ohamba yaAram, puRamot shomuGilead. Ndelenee Joram a yashwa kOvaarami, 6 nokwa aluka a veluke muJisreel koiveta e i yashelwa puRama mokulwa naHasael, ohamba yaAram. Ndele Ahasia yaJoram, ohamba yaJuda, e uya okutalela po Joram yaAhab muJisreel, shaashi ta vele.
7 Ndelenee enyonauko laAhasia la dja kuKalunga, onghee hano okwa li e nokuuya kuJoram. Eshi a fika ko, okwa ya pamwe naJoram okushakeneka Jehu yaNimsi, ou a vaekwa kOmwene, a hanaune po epata laAhab. 8 Ndele Jehu eshi ta wanifa etokolo lepata laAhab, okwa shakeneka ovakulunhu vaJuda novana ovamati vovamwaina vaAhasia, ovapiya vaAhasia, nokwe va dipaa. 9 Konima yoinima ei okwa konga Ahasia, ndele ve mu kwata, fimbo a hondama muSamaria, ndele ve mu eta kuJehu. Ndele ve mu dipaa ndele tave mu pake, osheshi vo tava ti: “Ye omona waJosafat, ou a konga Omwene nomutima aushe.” Ndele meumbo laAhasia kamwa li nande umwe a wana okupangela.
Atalia te likongele epangelo
10 Atalia, ina yaAhasia, eshi a mona nokutya omona waye omumati okwa dipawa, okwa yandja elombwelo ovakwahamba aveshe vomuJuda va dipawe. 11 Ndelenee Josabat, omona omukainhu wohamba, okwa ku fa Joas yaAhasia nokwe ka vaka mo movana ovo vohamba va li ve nokudipawa, nokwe ka eta pamwe nomunyamifi wako mondjuwo yokunangala. Ndele Josabat, omona wohamba Joram, omwalikadi womupristeli Jehoiada, osheshi ye okwa li omumwaina waAhasia, okwe mu holeka, onghee hano Atalia ine mu dipaa. 12 Nokwa li a holekwa puvo mongulu yOmwene omido hamano fimbo Atalia ta pangele oshilongo.
