Omaopaleko gaAsa
1 Ombepo yaKalunga oye ya muAzaria yaOded, 2 oye nokwa yi komukwaniilwa Asa. Okwi igidha a ti: “Omukwaniilwa Asa nAajuda amuhe nAabenjamin, pulakenii ndje! Omuwa ota kala nane, ngele otamu kala naye. Ngele otamu mu kongo, ote ke mu ihololela, ihe ngele otamu mu pilamene, ote ke mu etha. 3 Opwa piti ethimbo ele Israel kee na Kalunga kashili, kee na aayambi yoku ya longa nokee na ompango. 4 Ihe uudhigu sho wa holoka, oya galukile kOmuwa, Kalunga kaIsrael. Oye mu kongo noye mu mono. 5 Momasiku ngeyaka kapwa li ngoka ta vulu okuya nokushuna kee na oshiponga shasha, oshoka moshilongo kehe omwa li uudhigu nevundakano. 6 Oshigwana shimwe osha hepeke oshigwana oshikwawo, noshilando shimwe osha hepeke oshilando oshikwawo, oshoka Kalunga okwa li te ya undulile omalwa nomupya. 7 Ihe ne ikoleleleni ne inamu tyololoka nando. Iilonga mbyoka tamu longo, oyi na ondjambi.”
8 Asa sho a uvu ehunganeko ndyoka lya popiwa kuAzaria yaOded, okwa nkondopala e ta vudha mo iimenka ayihe moshilongo shaJuda naBenjamin niimenka ayihe miilando mbyoka e yi kwatele po mevi lyokoondundu dhaEfraim. Okwo opaleke wo oshiyambelo shOmuwa shoka shi li mehale lyotempeli.
9 Aantu oyendji oye ya kombinga yaAsa ya zi komazimo gaEfraim, gaManasse nogaSimeon e taa kala moshilongo she, oshoka oya dhimbulula kutya Omuwa oku li pamwe naye. Asa okwe ya gongele ayehe kumwe nAajuda nAabenjamin. 10 Oya gongala muJerusalem momwedhi omutitatu gwomumvo omutimulongo nomutitano guukwaniilwa waAsa. 11 Esiku ndyoka oya yamba omagandjelondjambo kOmuwa ga zi miihakanwa mbyoka ye etelele: oongombe omathele gaheyali noonzi omayuvi gaheyali. 12 Oya ningi ehangano, moka ya zimine okulongela Omuwa, Kalunga koohekulu, nomitima dhawo adhihe noomwenyo dhawo adhihe. 13 Shaa omuntu, omugundjuka nenge omukuluntu, omulumentu nenge omukiintu, ngoka inaa simaneka Omuwa, Kalunga kaIsrael, okwa li e na okudhipagwa. 14 Oya popi pombanda ya gana medhina lyOmuwa, ya dhiginine ehangano, nena oya kugilile taa ligola nokuhika omankuma. 15 Aajuda ayehe oya li ya nyanyukwa, oshoka ya hangana ehangano ndika nomitima dhawo adhihe. Oya nyanyukilwa okulongela Omuwa, oye nokwe ya taamba e te ya pe ombili koombinga adhihe.
16 Omukwaniilwa Asa okwa shundula yinakulu Maaka, kaa kale we muunenentu, oshoka okwa li a hambulitha oshimenka oshinyanyalithi Asheera, oshikalungakiintu sholuvalo. Asa okwa ke po oshimenka shoka, e shi tetagula e ta fikile iintimbu yasho mesilu lyaKidron. 17 Asa nando ina hanagula po omahala agehe giinonoma yuupagani moshilongo, okwa kala i inekela Omuwa mokukala kwe akuhe. 18 Okwa tula motempeli iinima ayihe mbyoka he Abia e yi yoololela Kalunga, osho wo oshingoli noshisiliveli shoka ye mwene e shi yoololele Kalunga. 19 Inaku kala we iita sigo okomumvo omutimilongontano gwelelo lye.
Asa ta xulifa po oikalunga
1 Opo nee Omhepo yaKalunga ye uya kuAsaria yaOded; 2 nokwa fikama a ka shakeneke Asa ndele ta ti kuye: “Pwilikinei nge, Asa nOvajuda nOvabenjamin aveshe! Omwene ota kala pamwe nanye, ngeenge tamu kala pamwe naye, ndele ngeenge tamu mu kongo, otamu ke mu mona. Ndelenee ngeenge tamu mu efa, naye yo ote ke mu efa. 3 Efimbo lile Ovaisraeli va li vehe na Kalunga kashili, vehe nomupristeli ta longo, kave nomhango. 4 Ndelenee moudjuu wavo eshi va shuna kOmwene Kalunga kaIsrael, ndele ve mu konga, Ye okwe ve lihololela. 5 Pomafiku enya kakwa li ku nombili yeendafano noyokupita mo noyokuuya mo, shaashi ovanhu aveshe voilongo va hangika komalimbililo manene. 6 Noshiwana she lidenga noshiwana, oshilando noshilando, osheshi Kalunga e va limbilika eshi e va tumina omaudjuu e lili nae lili. 7 Ndelenee nye kaleni mwa pama, omake eni aha tyololoke, osheshi oshilonga sheni shi nondjabi.” 8 Ndele Asa eshi a uda eendjovo edi nexunganeko laAsaria yaOded, ye e di popya, okwe liladipaleka nokwa hanauna po oitondifa yomoshilongo ashishe shaJuda noshaBenjamin nomoilando oyo yokeemhunda daEfraim, ye e i nangala. Noaltari yOmwene oyo ya li komesho yolupale, okwe i tungulula. 9 Opo nee ye a ongela Ovajuda aveshe nOvabenjamin, novanailongo yo vomuEfraim novomuManasse novomuSimeon, ovo va li puvo. Osheshi vahapu va dja mo muIsrael ve uya kuye eshi va mona nokutya, Omwene Kalunga okwa li pamwe naye. 10 Ndele ova ongala muJerusalem mohani onhinhatu momudo omutimulongo nanhano womepangelo laAsa, 11 ndele mefiku tuu olo va yambela Omwene eengobe omafele aheyali needi omayovi aheyali domoixuulwa oyo ve i kwata. 12 Ndele va ninga ehangano nokutya, va konge Omwene Kalunga kooxe nomitima davo adishe neemwenyo davo adishe. 13 Ndele keshe ou ita kongo Omwene Kalunga kaIsrael, ota ka dipawa, okaana ile omukulunhu, omulumenhu ile omukainhu. 14 Ndele va anena Omwene nondaka inene nokukuwilila nokushika omanghuma oshikushu nomanghuma eembinga. 15 NOvajuda aveshe va shambukwa keemwenyo omolweano, osheshi va ana nomitima davo adishe ndele va konga Omwene nehalo lavo alishe. Ndele Ye okwe ve lihololela, nOmwene e va pa etulumuko keembinga adishe. 16 Heeno, ohamba Asa ya kufa ina Maaka ouhamba, osheshi ye okwa dikila Asera oshitondifa. Ndele Asa okwa ka po oshitondifa, nokwe shi xwandaula nokwe shi xwika po mefilu laKidron. 17 Oikulundu yokuyambela yomuIsrael inai xula po, ndelenee omutima waAsa wa li inau tukauka pomafiku aye aeshe. 18 Nokwa twala mongulu yaKalunga eeshali daxe diyapuki neeshali daye mwene diyapuki: oisiliveli noingoldo noinima i lili nai lili. 19 Ndele inapa kala vali oita fiyo okomudo omutimilongo nhatu nomutitano wepangelo laAsa.
