Salomo ta pula oondunge
(1 Aak. 3:1-15)1 Salomo yaDavid okwa koleke uukwaniilwa woshilongo Israel, nOmuwa, Kalunga ke, okwe mu laleke nuuyamba e te mu ningi omunenenene.
2 Omukwaniilwa Salomo okwa hiya aakuluntu ayehe mboka haa wilike aalumentu eyuvi nenge ethele naakwanepangelo ayehe, aakuluntu yomagumbo ayehe noshigwana ashihe, 3 e te ya lombwele ya ye pamwe naye keha lyelongelokalunga kuGibeon. Oya yi ko, oshoka oko kwa li etsalihangano lyOmuwa, ndyoka lya li lya tungwa mombuga kuMoses, omumati gwaKalunga. 4 (Oshikethahangano osha li sha pungulwa muJerusalem metsali ndyoka lya dhikwa komukwaniilwa David, sho a ka talele ko oshikethahangano kuKiriat Jearim.) 5 Oshiyambelo oshikushu shoka sha li sha ningwa kuBezalel yaUri, omutekulu gwaHur, osha li wo muGibeon komeho getsalihangano lyOmuwa. Omukwaniilwa Salomo noshigwana ashihe oya simanekele Omuwa nkoka. 6 Omukwaniilwa okwa simanekele Omuwa komeho getsalihangano, sho a yamba iimuna eyuvi omafikilondjambo koshiyambelo shoshikushu.
7 Uusiku mboka Omuwa okwi ihololele Salomo e te mu pula ta ti: “Owa hala, ndi ku pe shike?”
8 Salomo okwa yamukula a ti: “Ongoye owa hololele aluhe tate David ohole yoye onene nowa landulitha ndje tate muukwaniilwa. 9 Omuwa Kalunga, gwanitha euvaneko lyoye we li uvanekele tate. Ongoye wa kwaniileke ndje, ndi lele aantu oyendji yaa shi kuyalulwa, 10 onkee ano pe ndje owino nuunongo tandi u pumbwa moku ya lela. Ngele hasho, otandi vulu ngiini okulela oshigwana shoye oshinene shi thike mpano?”
11 Kalunga okwa yamukula Salomo a ti: “Owa hogolola nawa, oshoka ino pula uuyamba nenge omaliko nenge esimano nenge eso lyaatondi yoye nenge omwenyo omule kombanda yevi, ihe owi indile owino nuunongo, opo u vule okulela aantu yandje, mboka nde ye ku pe, u ya lele. 12 Otandi ku pe owino nuunongo. Otandi ku pe wo uuyamba, omaliko nesimano enene u vule aakwaniilwa ayehe mboka ye ku tetekela nenge mboka taye ke ku landula.”
Oonkondo dhaSalomo nuuyamba we
(1 Aak. 10:26-29)13 Salomo okwa zi ko keha lyelongelokalunga muGibeon, moka mwa li etsalihangano lyOmuwa, e ta shuna kuJerusalem. Nkoka okwa lele Israel. 14 Salomo okwa gongele omatembakwiita geyuvi limwe nomathele gane naakawilinkambe omayuvi omulongo nagaali. Yamwe yomuyo okwa kala nayo muJerusalem nayalwe okwe ya langeke miilando yilwe. 15 Muuyuni we oshisiliveli noshingoli oya li ya ha muJerusalem ya fa evi, nomisendeli odha li odhindji dha fa omikwiyu muShefela. 16 Aalongeli yomukwaniilwa oye ke mu landela uukambe kuMusri naKilikia 17 nomatembakwiita okuEgipiti. Oya landa uukambe nomatembakwiita kaakwaniilwa Aaheti nAasiria. Omatembakwiita oga gu iimaliwa iisiliveli 600 kehe limwe nuukambe owa gu 150 kukehe.
Eyambo laSalomo muGibeon
1 Ndele Salomo yaDavid okwa pama mouhamba waye. NOmwene Kalunga kaye okwa li pamwe naye nokwe mu nenepeka unene.
2 Ndele Salomo okwa kundafana nOvaisraeli aveshe, novaneyovi novanefele novatokoli nonomukulunhu keshe womuIsrael, ovakulunhu vomapata. 3 Ndele Salomo noshiongalele ashishe pamwe naye va ya koshikulundu shokuyambela shomuGibeon. Osheshi oko kwa li etwali laKalunga, olo la dikwa mombuwa kuMoses, omupiya wOmwene. 4 Ndelenee David okwa li a kufa oshikefa shaKalunga muKiriat-Jearim nokwe shi eta monhele oyo David e i shi longekidila. Osheshi David e shi longekidila etwali muJerusalem. 5 Noaltari yoshikushu yo osho sha ningwa kuBesaleel yaUri yaHur, osha li komesho yetwali lOmwene. Ndele Salomo noshiongalele ve ke shi konga. 6 Ndele Salomo okwa yamba koaltari yoshikushu shetwali leongalo koshipala shOmwene nokwa yambela ko omaxwikiloyambo eyovi limwe.
Eilikano laSalomo, ounongo noupuna waye
7 Oufiku tuu ou Kalunga okwe lihololela Salomo ndele ta ti kuye: “Indile nge eshi we shi hala Ame ndi shi ku pe.” 8 Ndele Salomo okwa nyamukula Kalunga: “Ove wa fila tate David onghenda inene ndele wa ninga nge ohamba ponhele yaye. 9 Omwene Kalunga, ondjovo yoye we i lombwela tate David paife nai ninge yoshili. Osheshi wa ninga nge ohamba yovanhu vahapu ngaashi ondwi yedu. 10 Pe nge hano paife ounongo nomayele opo ndi dule okufikama nokwaaluka komesho yoshiwana eshi. Osheshi olyelye ta dulu okupangela oshiwana eshi shinene?” 11 Opo nee Kalunga ta ti kuSalomo: “Shaashi ove u nomutima wa tya ngaha, ndele ino indila oupuna, omamona nefimano neemwenyo dovatondadi voye ile u mone omwenyo mule, ndelenee we liindilila ounongo nomayele, u dule okupangela oshiwana shange, musho Ame nde ku ninga ohamba, 12 onghee hano ove to ka pewa ounongo nomayele. Ame ohandi ke ku pa yo oupuna nomamona nefimano, eehamba odo de ku tetekela inadi kala nao, naado tadi ku shikula itadi ka kala nao.” 13 Ndele Salomo okwa dja koshikulundu shomuGibeon, ketwali leongalo, nokwe uya kuJerusalem, ndele ta pangele Ovaisraeli.
Omatemba novalondi veenghambe vaSalomo
14 Ndele Salomo okwa ongela omatemba oita novalondi veenghambe, onghee okwa li e nomatemba oita eyovi nomafele ane novalondi veenghambe omayovi omulongo naavali. Okwe va nangeka muJerusalem nomoilando ikwao. 15 Nohamba osho ya ninga nokutya, muJerusalem mwa li oshisiliveli noshingoldo nomamanya nomiti domisederi dihapu, ngaashi omikwiyu domedu la lalakana. 16 Ovakalelipo vaSalomo va pashukila euyemo leenghambe okudja kuMusri nokuKuve 17 nolomatemba oita okudja kuEgipiti. Vo ova landifa eenghambe nomatemba oita keehamba dOvaheti nodOvaarami eesekeli doshisiliveli omafele ahamano metemba nefele nomilongo nhano monghambe.
