Omapulo kombinga yoondjokana
1 Kombinga yaambyoka mwa nyola, otandi ti ngeyi: Omulumentu ngoka itaa hokana, ota ningi nawa. 2 Ihe omoluuhalu woluhondelo omulumentu kehe oku na okukala e na omukiintu gwe mwene, nomukiintu kehe oku na okukala e na omulumentu gwe mwene. 3 Omulumentu kehe na gwanithile omukiintu gwe oompumbwe dhe. Osho wo nomukiintu na gwanithile omulumentu gwe oompumbwe dhe. Kehe gumwe oku na okugwanithila mukwawo oompumbwe dhe. 4 Omukiintu omuhokanwa ke shi omupangeli gwolutu lwe mwene, ihe omulume oye omupangeli gwalwo. Osho wo nomulumentu ke shi omupangeli gwolutu lwe mwene, ihe omukadhi oye omupangeli gwalwo. 5 Inamu idhilikathana, shila uuna mu uvathana, mu shi ninge okathimbo kowala, opo ethimbo ndyoka mu li longithe mokugalikana Kalunga. Konima yaashoka indeni kumwe ishewe pandjokana ngaashi shito, opo mwaa gwile memakelo lyaSatana, sho itaamu vulu okwiidhidhimika.
6 Shika itandi shi mu lombwele ando pamukalo gwoshipango, ihe opampito ndjoka nde yi pewa. 7 Onda hala, ando aantu ayehe ya kale ngaashi ngame; ihe omuntu kehe okwa pewa kuKalunga omagano gontumba, gumwe oongaka namukwawo oongeyaka.
8 Mboka inaamu ya moondjokana naaselekadhi otandi mu lombwele: Osho opala, ngele itamu yi moondjokana, opo mu fe ndje. 9 Ihe ngele itamu shi vulu, indeni moondjokana, oshoka okuya moondjokana okuhwepo ku vule okuhepekwa kehalo.
10 Mboka ye li moondjokana, otandi ya lombwele oshipango sha zi kOmuwa, kashi shi shandje mwene: Omukiintu ina henga po omulumentu gwe. 11 Ngele ote shi ningi, oku na okukala itaa yi we moondjokana nenge a hangane ishewe nomulumentu gwe. Omulumentu ina henga po nando omukadhi.
12 Aantu yalwe otandi ya lombwele omadhiladhilo gandje, haangoka gOmuwa: Omulumentu omukriste ngoka e na omukadhi kee shi omwiitaali, nomukadhi okwa zimina okukala naye, omulumentu ngoka ine mu henga po. 13 Omukiintu omukriste ngoka a hokanwa komulumentu kee shi omwiitaali nokwa zimina okukala naye, nena omukiintu ngoka ine mu henga po. 14 Oshoka omulumentu kee shi omwiitaali, ota vulu okutaambwa kuKalunga, sho a hangana nomukadhi omwiitaali. Osho tuu wo omukiintu kee shi omwiitaali, ota vulu okutaambwa kuKalunga, sho a hangana nomulumentu gwe omwiitaali. Ando okwa li hasho, ando uunona wawo otau talwa wa fa uunona waapagani, ihe ngashingeyi otau vulu okutaambwa kuKalunga. 15 Ihe ngoka kee shi omwiitaali, ngele okwa hala okuhenga po mukwawo ngoka omukriste, ne shi ninge. Miinima ya tya ngeyi omunandjokana omukriste, omulumentu nenge omukiintu, okwa manguluka okuhogolola; oshoka Kalunga okwe mu ithanene okukalamwenyo ku na ombili. 16 Meme ngoye omukriste, oto shi tseya ngiini kutya ito vulu okuhupitha omulumentu gwoye? Tate ngoye omukriste, oto shi tseya ngiini kutya ito vulu okuhupitha omukiintu gwoye?
Inamu ilundulula
17 Kehe gumwe na kale pamagano ngoka e ga pewa kOmuwa, a kale ngaashi a li, uuna a adhika keithano lyaKalunga. Ndika olyo eutho momagongalo agehe. 18 Kalunga ngele e ku ithana wa fukalekwa, ino kambadhala okulundulula efukaleko. Ngele wi ithanwa inoo fukala, ino ifukalekitha. 19 Okukala wa fukalekwa nenge inoo fukalekwa hasho shi na oshilonga. Shoka shi na oshilonga, osho okuvulika kiipango yaKalunga. 20 Kehe gumwe na kale pomuthika gwe mpoka a li, uuna a adhika keithano lyaKalunga. 21 Ngele owa li omupika sho Kalunga e ku ithana, kashi na mbudhi we. Ihe ngele ou na ompito yokumanguluka, shi ninga. 22 Oshoka omupika ngoka i ithanwa kOmuwa, a ninge omukriste, okwa mangululwa kOmuwa. Osho wo omumangululwa ngoka i ithanwa kuKristus, oye omupika gwe. 23 Kalunga okwe mu kulile niikulila yi na ondilo. Inamu ninga aapika yaantu. 24 Aamwameme, koshipala shaKalunga kehe gumwe na kale pomuthika mpoka a li, uuna i ithanwa.
Omapulo kombinga yaamboka inaaya ya moondjokana naaselekadhi
25 Kombinga yaamboka inaaya ya moondjokana, inandi pewa oshipango kOmuwa, ihe omadhiladhilo gandje ongangoka nda silwa ohenda kOmuwa, oge shi kwiinekelwa.
26 Sho nda tala omathimbo ngaka omadhigu, otandi dhiladhila kutya, osho opala kehe omuntu, ngele ta kala pomuthika mpoka e li ngashingeyi. 27 Ngele ou li moondjokana, ino etha po omukiintu gwoye. Ngele owi ikalela, ino konga omukiintu. 28 Ihe ngele to hokana, ito yono; nosho wo omukadhona ngele ta hokanwa, ita yono. Ondi mu uvitile owala ohenda omoluudhigu womokukalamwenyo kwaamboka taa hokana.
29 Aamwameme, onda hala okutya: Ethimbo lyokukalamwenyo kwetu olyo efupi. Onkee ano mboka ya hokana, naa kale ya fa inaaya hokana. 30 Mboka taa lili, naa kale ya fa inaaya sa oluhodhi; mboka taa yolo, naa kale ya fa mboka inaaya nyanyukwa. Mboka taa ilandele sha, naa kale ya fa inaayi ilikolela sha. 31 Mboka taa lalakana niinima yomuuyuni mbuka, naa kale ya fa inaayi itula muyo. Oshoka uuyuni mbuka kau li kokule nokuhula po.
32 Ngame onda hala, mu kale mwaa na iimpwiyu. Omulumentu ngoka inaa hokana, oti ipyakidhile owala niilonga yOmuwa, oshoka ota kambadhala okwoopalela Omuwa. 33 Ihe omulumentu ngoka a hokana, oti ipyakidhile niinima yomuuyuni, oshoka okwa hala okwoopalela omukadhi, 34 onkee ano okwa mangwa koombinga adhihe mbali. Omukiintu inaa hokanwa nenge ngoka omukadhona okwi ipyakidhila niilonga yOmuwa, oshoka okwa hala oku mu pa olutu nombepo ye. Ihe omukiintu a hokanwa oti ipyakidhile niinima yomuuyuni mbuka, oshoka okwa hala okwoopalela omulumentu gwe.
35 Otandi popi ngeyi, oshoka onda hala oku mu kwatha, haku mu manga. Onde mu halela okulonga shoka oshiwanawa noshi li mondjila, mu wape okwiigandja moshilonga shOmuwa.
36 Kombinga yayaali ya adhika ya yalekathana e taa tokola, yi idhilike oondjokana, otandi ti: Omumati ngele ita vulu okwiidhidhimika, nena naa hokane. Ngele taa hokana, itaa yono. 37 Omumati ngoka u uvite kutya ota vulu okwiikalela inaa hokana, nopwaa na ethiminiko lyomuntu, ne shi ninge. Ngele ota vulu okwiipangela noku na etokolo, nena oto opaleke, ngele ita hokana. 38 Onkee ano omumati ngoka ta hokana omuyalekwa gwe, ota opaleke, naangoka itee shi ningi, sho a hala okwiikalela, ota ningi nawa unene.
39 Omukiintu a hokanwa ita vulu okumanguluka, manga omulume e na omwenyo. Ihe ngele a si, nena omukiintu a tya ngaaka okwa mangulukila okuhokanwa komulumentu gulwe, ihe oondjokana dha tya ngaaka odhi na okukala dhopakriste. 40 Ihe osho opala unene, ngele omukiintu a tya ngaaka ita yi we moondjokana. Ngaka ogo omadhiladhilo gandje ngoka tandi tala kutya onde ga pewa kOmbepo yaKalunga.
Oonakuhombola noonakulikalela tava kumaidwa
1 Hano mokupopya oinima ei mwe i shangela nge ohandi ti: Osha wapalela omulumenhu a kale ita kumu omukainhu. 2 Ndelenee mokuyepa oluhaelo omulumenhu keshe na kale nomukainhu waye mwene, nomukainhu keshe na kale e nomulumenhu waye mwene. 3 Omulumenhu na wanife eemhumbwe domukainhu waye, nomukainhu osho na kale nomulumenhu waye. 4 Omukainhu ke nelipangelo okupangela olutu laye, omulumenhu oye tuu, osho tuu nomulumenhu ke nelipangelo okupangela olutu laye, ndelenee omukainhu oye tuu. 5 Inamu lidilikafana, okuninga mwe shi pangela mu likalele manga, opo mu liyandje keilikano, nye mu ye vali pamwe, opo muha shindwe kuSatana omolwokuhelipangela kweni. 6 Ndelenee eshi onde shi tya omolweitavelo, hashipango. 7 Ame onda hala ngeno ovanhu aveshe va kale ngaashi ame ndi li; ndele keshe umwe a pewe oshali yaye kuKalunga, umwe ei nomukwao inya.
8 Ndelenee ovo inava hombola novafiyekadi, ohandi va lombwele: otashi va wapalele ngeenge tava kala ngaashi ame ndi li. 9 Ndele ngeenge itava dulu okulipangela, nava hombole, osheshi okuhombola ku dule okuxwikwa kouhalu.
10 Ndelenee ava va hombola ohandi va lombwele, haame, ndele Omwene, nokutya, omukainhu ina henga omulumenhu waye. 11 Ndele ngee a hengana, na kale ina hombolwa, ile nava paafane ombili nomulumenhu waye; nomulumenhu aha henge omukainhu waye.
12 Ndelenee ava vamwe, ame ohandi va lombwele, haOmwene, ngee oku na omumwatate e nomukainhu ehe fi omwiitaveli, ndele a hokwa okukala puye, ine mu henga; 13 nosho yo ngeenge oku na omukainhu e nomulumenhu ehe fi omwiitaveli, nokwa hala okukala naye, ina henga omulumenhu waye. 14 Osheshi omulumenhu ehe fi omwiitaveli, a yapulwa omolwomukainhu, nomukainhu ehe fi omwiitaveli a yapulwa omolwomulumenhu omwiitaveli; ngeno kakwa li ngaha, ngeno ovana veni ova nyata, ndelenee paife ovo ovayapuki. 15 Ndelenee ou ehe fi omwiitaveli ngee a hala oku mu henga, ne mu henge, omumwatate omulumenhu nomumwameme omukainhu vehe fi ovapika voinima ya tya ngaha; osheshi Kalunga e mu ifanena ombili. 16 Osheshi oto shi shiiva peni omukainhu ove, nokutya, oto dulu okuxupifa omulumenhu woye, ile omulumenhu ove, oto shi shiiva peni, nokutya, to dulu okuxupifa omukainhu woye?
17 Ndelenee keshe omunhu na kale nokweenda ngaashi Omwene e mu pa, mwaai Kalunga e mu ifanena. Nelombwelo eli handi lombwele omaongalo aeshe. 18 Ngee pe na umwe a ifanwa ndele a hangika a pita etanda, ine liningifa a fa ina pita etanda; nongeenge ope na ou a ifanwa ndele ina pita etanda, ye ine lipitififa etanda. 19 Okupita etanda kaku na sha, nokukala ino pita etanda kashi na sha, ndelenee ewanifo loipango yaKalunga olo alike. 20 Keshe umwe na kale mwaai a hangika keifano. 21 Ngee wa hangika omupika eshi wa ifanwa, ino nyika oufiye, ndele ngeenge oto mono omhito okupewa emanguluko, hixwe u li tambule. 22 Osheshi ou a ifanenwa mOmwene a hangwa omupika, oye omumangululwa wOmwene; nosho tuu ou a ifanwa a hangika omudalwa, oye omupika waKristus. 23 Onye omwa kulilwa noikulila idjuu, inamu ninga ovapika vovanhu. 24 Ovamwatate, keshe tuu ou na kale koshipala shaKalunga mwaai a hangika mo keifano laye.
25 Mokutonga oukadona inandi pewa oshipango shOmwene, ndele ohandi tongo omayele ange ngaashi ou a filwa onghenda kOmwene, onghee ondi shi okulineekelwa. 26 Hano ame ohandi diladila, omolwoudjuu wefimbo tali ehene popepi, osha wapala omunhu keshe a kale ngaashi e li. 27 Ove ngeenge we limangeleka kumwe nomukainhu, ino konga emangululo; ngeenge ino limangeleka komukainhu, ino konga omukainhu. 28 Ndele ngeenge to hombola, ito nyono; nokakadona ngeenge taka ka hombolwa, itaka nyono, ndelenee ava tave shi ningi ovo tave ke lietela oudjuu wopalutu, ndele nda hala ndi mu xupife muwo.
29 Ndelenee ovamwatate, ohandi ti: efimbo olo olixupi, onghee hano ava ve novakainhu, nava kale momafiku aa a xupa, va fa kave va kwete. 30 Naava tava lili, va fe ovo itava lili, naava va hafa, va fe ovo itava hafe, naava tave lilandele sha, va fe ovo vehe na sha. 31 Naava hava longifa ounyuni ou, va kale va fa ovo ihave u longifa; osheshi olupe lounyuni ou otali xulu po.
32 Ndele onda hala mu kale muhe noisho. Omulumenhu ina hombola oku na oshisho shaai yOmwene, nhumbi a wapalele Omwene; 33 ndelenee ou a hombola e na oisho yopaunyuni nokutya, nhumbi a wapalele omukainhu waye; 34 nomadiladilo aye taa kala a tukauka. Osho tuu omukainhu ehe na vali omulumenhu, nokakadona, ove noisho yaai yOmwene, opo va kale ovayapuki kolutu nokomhepo, ndelenee omuhombolwa oku noisho yopaunyuni nokutya, nhumbi ta wapalele omulumenhu waye. 35 Eshi ohandi shi mu lombwele molwouwa weni vene, haku mu telifa omwiyo, ndelenee opo mu kale meenghedi diwa nye mu kale mOmwene muhe na epiyaano. 36 Ndele ngee ope na ou a konga okakadona ndele okwa hala oku mu hombola, nava hombolafane, osheshi itava nyono. 37 Ndele ou e na okakadona nota dulu okupangela omahalo aye opambelela, nena oshiwa a kale ine ka hombola. 38 Hano ou ta hombola okakadona kaye ota ningi nawa; naau ita hombola, ota ningi nawa unene.
39 Omukainhu a mangelwa kumwe nomulumenhu waye fimbo ye e nomwenyo, ndele omulumenhu waye ngeenge ta fi, ye a manguluka a hombolwe kwaau a hala, shimha tashi ningilwa mOmwene. 40 Ndele ngeenge ta kala ngaashi e li, elao laye olinene; olo ediladilo lange, nondi shi shii naame yo ondi nOmhepo yaKalunga.
