Ohapu tayi popi Kristus omwaalelwa komushigakano
1 Aamwameme, ngame sho nde ya kune oku mu uvithila oshili yaKalunga ndjoka ya holama, inandi longitha omukalo gwokupopya oohapu odhindji nenge guunongo wa dhenga pombanda. 2 Oshoka mokukala pune onda tokola, ndi dhimbwe ayihe, kakele kaJesus Kristus awike, nuunene eso lye lyokomushigakano. 3 Ano sho nde ya kune, onda li nda sa uunkundi nuumbanda, te kakama. 4 Moohapu nomeuvitho lyandje kamwa li mu na iitya yomuheka yopaunongo waantu, ihe omwa li mu na oonkondo dhOmbepo yaKalunga. 5 Onkee ano eitaalo lyeni kali na okukala lyi ikwatelela kuunongo waantu, ihe okoonkondo dhaKalunga.
Uunongo waKalunga
6 Uunongo mbuka otandi u popi owala pumboka ya koka pambepo. Kau shi uunongo wopauyuni mbuka nenge woonkondo ndhoka tadhi pangele uuyuni mbuka, ndhoka dhi li pokuhula po. 7 Ihe uunongo mboka tandi u popi, owo uunongo waKalunga mboka wa holama nowa holekwa aantu. Uunongo wa tya ngaaka Kalunga okwe u utha nale, manga uuyuni inaawu shitwa, u ninge esimano lyetu. 8 Kaku na nando ogumwe gwomaapangeli yuuyuni mbuka e u tseya. Oshoka ando oya li ya tseya uunongo mbuka, ando Omuwa gweadhimo inaye mu alela komushigakano. 9 Ihe ongaashi enyolo tali ti:
“Shoka omuntu nando ogumwe ine shi mona noine shi uva,
shoka kaku na nando ogumwe e shi dhiladhila,
osho tuu shoka Kalunga e shi longekidhile mboka ye mu hole.”
10 Ihe mokulongitha Ombepo ye Kalunga okwe tu tseyithile oshiholekwa shoka. Oshoka Ombepo ota konakona ayihe, noyomuule womadhiladhilo gaKalunga. 11 Ngaashi naanaa ombepo yomuntu, ndjoka yi li muye, oyo ayike ya tseya ashihe shokombinga ye, osho wo Ombepo yaKalunga oyo ayike ya tseya ashihe shokombinga yaKalunga. 12 Tse inatu pewa ombepo yuuyuni mbuka, ihe otwa pewa Ombepo ya zi kuKalunga, opo tu vule okutseya ashihe shoka Kalunga e shi tu pa.
13 Onkee ano itatu popi oohapu dha za melongo lyopaunongo waantu, ihe otatu popi oohapu dha za melongo lyOmbepo yaKalunga. Iinima yopambepo otatu yi fatululile mboka ye na Ombepo yaKalunga. 14 Ihe omuntu ngoka kee na Ombepo yaKalunga, ita vulu okutaamba omagano ga za mOmbepo tuu ngoka. Oye ite ga uvu ko. Otaga kala ge mu nikila uugoya, oshoka iinima yopambepo otayi uviwa ko owala kwaamboka yopambepo. 15 Omuntu ngoka e na Ombepo yaKalunga, ota vulu okukonakona iinima ayihe, ihe aantu yalwe itaa vulu okukonakona omuntu a tya ngaaka. 16 Ongaashi enyolo tali ti:
“Olye a tseya omadhiladhilo gOmuwa?
Olye ta vulu oku mu tsa omayele?”
Ihe tse otu na omadhiladhilo gaKristus.
Jesus omuvalelwa komushiyakano
1 Naame yo eshi nde uya kunye, ovamwatate, inandi uya ndi newapalo leendjovo ile lounongo oku mu udifila ehepaululo laKalunga. 2 Osheshi onda tokola ndi kale punye inandi shiiva oinima imwe, oJesus Kristus aeke, ou omuvalelwa komushiyakano. 3 Eshi nda li punye onda li ndi noungone noumbada nokukakama neenghono, 4 nokupopya kwange nokuudifa kwange kakwa li eendjovo dounongo tadi heke, ndelenee ehololo lOmhepo noleenghono, 5 opo eitavelo leni lihe likwatelele kounongo wovanhu, ndele okeenghono daKalunga.
6 Ndelenee ounongo ohatu u popi mokati kaava va wana, ndele haunongo wefimbo lounyuni ou, nowovapangeli vefimbo lounyuni ou, ava tava xulu po, 7 ndelenee hatu popi ounongo ou waKalunga wa li wa holekwa, ou Kalunga e u ufa nale omafimbo ounyuni manga aha li ko, u ninge efimano letu. 8 Ounongo ou inau shiivika kovapangeli vefimbo lounyuni ou, osheshi ngeno okwa li ve u shii, ngeno Omwene woshinge inave mu valela komushiyakano, 9 ndelenee ngaashi pa shangwa:
“Osho eisho inali shi mona, nokutwi inaku shi uda,
sho inashi ya momutima womunhu,
Kalunga okwe shi longekidila ava ve mu hole.”
10 Ndele fye Kalunga okwe shi tu hololela kOmhepo yaye, osheshi Omhepo tai konakona aishe, noule waKalunga. 11 Osheshi omunhu olyelye ta shiiva eshi shi li momunhu? Kakele omhepo yomunhu oyo aike ei i li muye. Ndele osho tuu kaku na ou ta shiiva ei i li muKalunga, Omhepo yaKalunga Oye aeke. 12 Ndelenee fye inatu tambula omhepo younyuni, ndelenee Omhepo tuu ei yomuKalunga, opo tu shiive eshi twe shi pewa oshali kefilonghenda laKalunga. 13 Oyo tuu ei hatu i tongo yo, haneendjovo tadi longwa kounongo wopanhu, ndelenee ododo twe di longwa kOmhepo, nokufatulula oinima yopamhepo opamhepo.
14 Ndelenee omunhu wopashitwe iha tambula osho shOmhepo yaKalunga, osheshi ohe shi tale oulai, oye ita dulu oku shi shiiva, osheshi shi nokukonekwa pamhepo. 15 Ndele omunhu wopamhepo oye ta koneke aishe, ndele ye mwene ehe shii okukonekwa nande okomunhu. 16 “Osheshi olyelye a shiiva omadiladilo Omwene, e mu longe eendunge?” Ndelenee fye otu nomadiladilo aKristus.
