Ombuze kombongo ya Sardes
1 “Komuengeri wombongo ya Sardes tjanga nai: Ombuze ndji mai zu ku ingwi ngu nOzombepo hambombari za Ndjambi nozonyose hambombari. Ami me tjiwa avihe mbi mu tjita; me tjiwa kutja eṋe ku za mu nena rokutja mu nomuinyo, nungwari amwa koka. 2 Kareye katumba nu mu zeuparise ihi tji tji nomuinyo mokati keṋu ngunda atji hiya ṱa okumanuka. Orondu ami mba muna kutja ihi tji mwa tjita katjiya yenena komurungu wa Ndjambi wandje. 3 Zemburukeye indji Ombuze Ombwa ndji mwa zuvarisirwa, nu ndji mwa zuva; i ṱakamiseye nu mu ritanaure kourunde weṋu. Tji mu hi nokukara katumba, ami me mu yendere otja erunga, neṋe kamaamu tjiwa nangarire indji oiri ami ndji meya. 4 Nungwari tjiva veṋu mOsardes kave harisire ozombanda zawo ondova. Owo mave ryanga puna ami mozombanda ozombapa, tjinga ava pwa okuzezara. 5 Nu auhe ngu ma toṋa ma zarisiwa ozombanda ozombapa otja inḓa. Ami himee zemisa ko ena re membo romuinyo. Nu komurungu wa Tate novaengeri ve ami me zuvarisa ongahukiro kutja eye owandje.
6 “Ngu nomatwi nga puratene ku imbi Ombepo mbi mai hungire kozombongo.
Ombuze kombongo ya Filadelfia
7 “Komuengeri wombongo ya Filadelfia tjanga nai: Ombuze ndji mai zu ku ingwi omuyapuke nomunauatjiri. Eye u notjipaturure tja David, nu tja paturure omuvero, kape na ngu me u pata, nu tje u pata, kape na ngu me u paturura. 8 Ami me tjiwa imbi mbi mu tjita; me tjiwa kutja mu nomasa omaṱiṱi; mwa kara nonḓuviro komahongero wandje, nu mwa ṱakama mu ami. Ami mbe mu patururira omuvero omundu mbwe hi na maa yenene okuupata. 9 Purateneye nawa! Ovandu mba vyosinagoge ya Satan, imba ovanavizeze, mbe tja owo Ovajuda ave he ri Ovajuda, ami meve tjiti kutja ve ye okuwora ozongoro komurungu weṋu. Owo avehe mave tjiwa kutja ami mbe mu suvera. 10 Eṋe tjinga amwa ṱakamisa omarakiza wandje wokukara nonḓaro orure, ami wina otjinga ame mu ṱakamisa moruveze rwomarorero ngu maye ya kombanda youye auhe okuyekurora ovature avehe wokombanda yehi. 11 Ami meya tjimanga. Ṱakamiseye imbi mbi mu na vyo kutja ape ha ningi omundu ngu me mu yeka ondjambi yeṋu youtoṋi. 12 Auhe ngu ma toṋa ami me mu tjiti okurira ongunḓe mondjuwo ya Ndjambi wandje, neye ma kara mu yo nga aruhe. Ami me tjanga korutu rwe indi ena ra Ndjambi wandje na indi ena rotjihuro tja Ndjambi wandje, ihi Jerusalem otjipe, tji matji zu meyuru ku Ndjambi wandje. Nu wina me tjanga korutu rwe indi ena randje omuini epe.
13 “Ngu nomatwi nga puratene ku imbi Ombepo mbi mai hungire kozombongo.
Ombuze kombongo ya Laodisea
14 “Komuengeri wombongo ya Laodisea tjanga u tje: Ombuze ndji mai zu ku Amen, ingwi omuṱakame nomuhongonone watjiri; mu ye omu mu za avihe Ndjambi mbya uta. 15 Ami me tjiwa imbi mbi mu tjita; me tjiwa kutja kaweṋe ovatarazu nu kaweṋe ovapyu. Andakuzu eṋe uri oweṋe ovatarazu poo ovapyu! 16 Nungwari nambano tjinga amu ri pokati koutarazu noupyu, okutja kaweṋe ovapyu nu kaweṋe ovatarazu, ami otjinga ame mu tjeke motjinyo tjandje! 17 Eṋe mu tja: ‘Eṱe twa tumba, nu twa tumba tjinene; katu notjiṋa tji twa hepa.’ Nungwari kamu nokutjiwa kutja mwa ningisa ondjenda, nokutja mwa sokuṱirwa ondjenda! Oweṋe ovasyona novapoṱu, nu mu ri muzu. 18 Ami opu me zu okumupa ondunge yokutja mu rande ongoldo ku ami, ongoldo ongohoke, kokutja mu rire ovatumbe. Wina randeye ozombanda ozombapa mu zare, kokutja amu ha kara muzu namu ha ṱohoṋi. Wina randeye ovirivawa mu rivave momeho, kokutja mu mune. 19 Imba mbu mba suvera meve vere nokuvevyura, okutja mu panḓipare nu mu ritanaure kourunde weṋu. 20 Purateneye nawa! Ami mba kurama pomuvero nu me kongora. Tji pena ngu ma zuu eraka randje na yezurura omuvero, ami me hiti moye ne karya puna ye, neye ma ri puna ami. 21 Auhe ngu ma toṋa, ami me mu pe ousemba okukara pehi puna ami kotjihavero tjandje tjouhona, otja ami punga amba toṋa ne kara pehi puna Tate kotjihavero tje tjouhona.
22 “Ngu nomatwi nga puratene ku imbi Ombepo mbi mai hungire kozombongo!”
Ombuze kombongo ya Sardes
1 “Komuengeri wombongo ya Sardes tjanga nai: Ombuze ndji mai zu ku ingwi ngu nOzombepo hambombari za Ndjambi nozonyose hambombari. Ami me tjiwa avihe mbi mu tjita; me tjiwa kutja eṋe ku za mu nena rokutja mu nomuinyo, nungwari amwa koka. 2 Kareye katumba nu mu zeuparise ihi tji tji nomuinyo mokati keṋu ngunda atji hiya ṱa okumanuka. Orondu ami mba muna kutja ihi tji mwa tjita katjiya yenena komurungu wa Ndjambi wandje. 3 Zemburukeye indji Ombuze Ombwa ndji mwa zuvarisirwa, nu ndji mwa zuva; i ṱakamiseye nu mu ritanaure kourunde weṋu. Tji mu hi nokukara katumba, ami me mu yendere otja erunga, neṋe kamaamu tjiwa nangarire indji oiri ami ndji meya. 4 Nungwari tjiva veṋu mOsardes kave harisire ozombanda zawo ondova. Owo mave ryanga puna ami mozombanda ozombapa, tjinga ava pwa okuzezara. 5 Nu auhe ngu ma toṋa ma zarisiwa ozombanda ozombapa otja inḓa. Ami himee zemisa ko ena re membo romuinyo. Nu komurungu wa Tate novaengeri ve ami me zuvarisa ongahukiro kutja eye owandje.
6 “Ngu nomatwi nga puratene ku imbi Ombepo mbi mai hungire kozombongo.
Ombuze kombongo ya Filadelfia
7 “Komuengeri wombongo ya Filadelfia tjanga nai: Ombuze ndji mai zu ku ingwi omuyapuke nomunauatjiri. Eye u notjipaturure tja David, nu tja paturure omuvero, kape na ngu me u pata, nu tje u pata, kape na ngu me u paturura. 8 Ami me tjiwa imbi mbi mu tjita; me tjiwa kutja mu nomasa omaṱiṱi; mwa kara nonḓuviro komahongero wandje, nu mwa ṱakama mu ami. Ami mbe mu patururira omuvero omundu mbwe hi na maa yenene okuupata. 9 Purateneye nawa! Ovandu mba vyosinagoge ya Satan, imba ovanavizeze, mbe tja owo Ovajuda ave he ri Ovajuda, ami meve tjiti kutja ve ye okuwora ozongoro komurungu weṋu. Owo avehe mave tjiwa kutja ami mbe mu suvera. 10 Eṋe tjinga amwa ṱakamisa omarakiza wandje wokukara nonḓaro orure, ami wina otjinga ame mu ṱakamisa moruveze rwomarorero ngu maye ya kombanda youye auhe okuyekurora ovature avehe wokombanda yehi. 11 Ami meya tjimanga. Ṱakamiseye imbi mbi mu na vyo kutja ape ha ningi omundu ngu me mu yeka ondjambi yeṋu youtoṋi. 12 Auhe ngu ma toṋa ami me mu tjiti okurira ongunḓe mondjuwo ya Ndjambi wandje, neye ma kara mu yo nga aruhe. Ami me tjanga korutu rwe indi ena ra Ndjambi wandje na indi ena rotjihuro tja Ndjambi wandje, ihi Jerusalem otjipe, tji matji zu meyuru ku Ndjambi wandje. Nu wina me tjanga korutu rwe indi ena randje omuini epe.
13 “Ngu nomatwi nga puratene ku imbi Ombepo mbi mai hungire kozombongo.
Ombuze kombongo ya Laodisea
14 “Komuengeri wombongo ya Laodisea tjanga u tje: Ombuze ndji mai zu ku Amen, ingwi omuṱakame nomuhongonone watjiri; mu ye omu mu za avihe Ndjambi mbya uta. 15 Ami me tjiwa imbi mbi mu tjita; me tjiwa kutja kaweṋe ovatarazu nu kaweṋe ovapyu. Andakuzu eṋe uri oweṋe ovatarazu poo ovapyu! 16 Nungwari nambano tjinga amu ri pokati koutarazu noupyu, okutja kaweṋe ovapyu nu kaweṋe ovatarazu, ami otjinga ame mu tjeke motjinyo tjandje! 17 Eṋe mu tja: ‘Eṱe twa tumba, nu twa tumba tjinene; katu notjiṋa tji twa hepa.’ Nungwari kamu nokutjiwa kutja mwa ningisa ondjenda, nokutja mwa sokuṱirwa ondjenda! Oweṋe ovasyona novapoṱu, nu mu ri muzu. 18 Ami opu me zu okumupa ondunge yokutja mu rande ongoldo ku ami, ongoldo ongohoke, kokutja mu rire ovatumbe. Wina randeye ozombanda ozombapa mu zare, kokutja amu ha kara muzu namu ha ṱohoṋi. Wina randeye ovirivawa mu rivave momeho, kokutja mu mune. 19 Imba mbu mba suvera meve vere nokuvevyura, okutja mu panḓipare nu mu ritanaure kourunde weṋu. 20 Purateneye nawa! Ami mba kurama pomuvero nu me kongora. Tji pena ngu ma zuu eraka randje na yezurura omuvero, ami me hiti moye ne karya puna ye, neye ma ri puna ami. 21 Auhe ngu ma toṋa, ami me mu pe ousemba okukara pehi puna ami kotjihavero tjandje tjouhona, otja ami punga amba toṋa ne kara pehi puna Tate kotjihavero tje tjouhona.
22 “Ngu nomatwi nga puratene ku imbi Ombepo mbi mai hungire kozombongo!”
