Naaman ma verukisiwa
1 Naaman, omuhongore wotjimbumba tjOvasirie tjovita, wa ri omutengwandu nomunanḓengu tjinene wombara yOvasirie, orondu Muhona wa yandjere outoṋi kovarwe vOvasirie mena re. Eye wa ri omurwe omunene wovita, nungwari wa ri nomutjise wongana. 2 Motjirwa tjimwe tjawo nOvaisrael Ovasirie va huurire omukazona umwe wOvaisrael, ngwa karira omukarere womukazendu wa Naaman. 3 Eyuva rimwe omukazona ngwi wa tja nai komuhona we oserekaze: “Ami me zeri kutja andakuzu omuhona wandje ma i komuprofete ngu tura mOsamaria! Eye etje mu verukisa.” 4 Naaman tja zuva nai, otja ya kombara ne keiraera imbi omukazona mbya hungire. 5 Ombara ya tja: “Twende kombara yOvaisrael u tware orutuu ndwi ku yo.”
Naaman otja ya na twaerere ovimariva ovisilveri omayovi omirongo vitatu, novimariva ovingoldo omayovi hamboumwe, nozombanda ozoheze omurongo. 6 Orutuu ndwi rwa tja nai: “Orutuu ndwi maru hungire omukarere wandje Naaman. Ami me vanga kutja u mu verukise.”
7 Ombara ya Israel tji ya resa orutuu ndwi, otji ya nyondorora ozombanda zayo, ai ravaere nai tja: “Okutjavi ombara ya Sirie tji mai vanga kutja mbi verukise omurumendu ngwi? Oyo mai ripura kutja owami Ndjambi ngu nomasa womuinyo nowonḓiro are? Mape raisa ongahukiro kutja oyo mai vanga okuuta ozombata kuna ami.”
8 Omuprofete Elisa tja zuva imbi mbya tjitwa otja hinda ombuze kombara, na tja: “Okutjavi tji wa pindike nao? Hinda omurumendu ngo ku ami, nami me mu raisire kutja mOisrael mu nomuprofete!”
9 Naaman otja ya noukambe netemba re rovita, na kakurama pomuvero wondjuwo ya Elisa. 10 Elisa wa hinda omukarere okukaraera Naaman kutja e kerikohe monḓonḓu Jordan potuhambombari; neye otji ma verukisiwa komutjise we. 11 Nungwari Naaman wa ya a ṱomazenge tjinene; neye we rihungirira mu ye omuini na tja: “Ami mbe ripura kutja ma piti ku ami, a kumbu ku Muhona, Ndjambi we, a takere eke re kombanda yopoṋa pu pe nomutjise ne ndji verukisa! 12 Kombanda yanao, inḓa ozonḓonḓu ooya Abana noya Parpar, mOdamaskus, kazombwa pu ngamwa onḓonḓu aihe mOisrael are? Ami etje rikoha mu zo ne veruka!”
13 Ovakarere ve ve ya ku ye nave tja: “Muhona, andakuzu omuprofete we ku raerere otjiṋa otjizeu, ove otjo tji tjita. Nambano okutjavi tji u hi nokurikoha otja eye pa hee, no veruka?” 14 Naaman otja ya konḓonḓu Jordan na kaṱumba mu yo potuhambombari otja Elisa pa heya; neye wa veruka. Orutu rwe rwa yaruka ko, naru veruka otja orwokanatje. 15 Eye wa yaruka ku Elisa puna ovandu ve avehe na katja nai: “Nambano ami me tjiwa kutja kape na Ndjambi warwe posi ya Ndjambi wa Israel; arikana, muhona, kambura otjiyandjewa ku ami.”
16 Elisa wa zira na tja: “Tjimbe tja Muhona omunamuinyo ngu mbi karera, ami hi nokukambura ko otjiyandjewa.”
Naaman wa kara pokuningira kutja a kambure, nungwari eye ka vangere ko.
17 Naaman otja tja nai: “Tji u hi nokukambura otjiyandjewa tjandje, ndji pa omutwaro wehi nda yenena okutoorwa i ousinokambe uvari kutja mbi twaerere konganda, orondu okuza ku ndinondi ami hi nokupunguha ko ozombunguhiro zovinamuinyo nozoningiririsiwa koomukuru varwe posi ya Muhona. 18 Nambano me zeri kutja Muhona me ndji isire, tji me kongorere ombara yandje kondjuwo onḓere ya Rimon, ingwi omukuru wa Sirie, okuvatera omuhona wandje ngwi, na tji me kerikotamene ku ye pamwe nombara. Tjiri, Muhona nge ndji isire.”
19 Elisa wa tja: “Twende mohange!” Nu Naaman wa ya.
Nu tja kayenda ondjira okasupi uriri, 20 omukarere wa Elisa, Gehasi, e rihungirira mu ye omuini na tja: “Omuhona wandje wa isa Naaman okuyenda e he mu sutire otjiṋa! Eye atja kambura ihi Omusirie ngo tje mu pe. Tjimbe tja Muhona omunamuinyo, ami me hakahana okumutezera ne kakambura otjiṋa ku ye!” 21 Neye otja tezera Naaman. Nu Naaman tja muna omurumendu ngu ma utuka kombunda ye otja heruka metemba re rovita okumutjakanena na pura a tja: “Kwa tjitwa otjiṋa otjivi?”
22 Gehasi wa zira a tja: “Kako! Nungwari omuhona wandje we ndji hindi okukuraera kutja pe ya ovandu vevari vokambumba kovaprofete nambano nai, mba zu kehi rozondundu ra Efraim; neye ma vanga kutja u ve pe ovimariva ovisilveri omayovi yetatu, nozombanda mbari ozoheze.”
23 Naaman wa zira a tja: “Arikana, kambura ovimariva ovisilveri omayovi hamboumwe.” Eye wa kara pokuriyarikaṋa ku ye na twa ovimariva mbi mozondjaṱu mbari, ne ze yandja kovakarere ve vevari puna inḓa ozombanda mbari, ne ve rakiza kutja ve vi tjinde amave kayenda komurungu wa Gehasi. 24 Nowo tji va kavaza kondunda ku kwa tura Elisa, Gehasi otja toora ozondjaṱu mbari nḓa ne ze hitisa mondjuwo. Tjazumba otja hinda ovakarere mba vevari va Naaman kutja ve yaruke. 25 Gehasi wa hita mondjuwo na kakurama momurungu womuhona we. Nu Elisa we mu pura a tja: “Wa ire pi?”
Eye wa zira na tja: “Ayee, kako, hi nokoṋa ku mba ire, muhona.”
26 Nungwari Elisa wa tja nai: “Himba ri mbo mombepo, omurumendu worive tja heruka metemba re okukutjakanena are? Indwi karuveze rwokukambura ovimariva nozombanda, nomiṋinga nomivite, nozonḓu nozongombe, novakarere! 27 Nambano omutjise wa Naaman mau ya move, nove nozondekurona zoye mamu kara na wo nga aruhe!”
Gehasi tja ya, wa kavera omutjise mbwi, nomukova we wa rira omuvapa twee.
Naaman ma verukisiwa
1 Naaman, omuhongore wotjimbumba tjOvasirie tjovita, wa ri omutengwandu nomunanḓengu tjinene wombara yOvasirie, orondu Muhona wa yandjere outoṋi kovarwe vOvasirie mena re. Eye wa ri omurwe omunene wovita, nungwari wa ri nomutjise wongana. 2 Motjirwa tjimwe tjawo nOvaisrael Ovasirie va huurire omukazona umwe wOvaisrael, ngwa karira omukarere womukazendu wa Naaman. 3 Eyuva rimwe omukazona ngwi wa tja nai komuhona we oserekaze: “Ami me zeri kutja andakuzu omuhona wandje ma i komuprofete ngu tura mOsamaria! Eye etje mu verukisa.” 4 Naaman tja zuva nai, otja ya kombara ne keiraera imbi omukazona mbya hungire. 5 Ombara ya tja: “Twende kombara yOvaisrael u tware orutuu ndwi ku yo.”
Naaman otja ya na twaerere ovimariva ovisilveri omayovi omirongo vitatu, novimariva ovingoldo omayovi hamboumwe, nozombanda ozoheze omurongo. 6 Orutuu ndwi rwa tja nai: “Orutuu ndwi maru hungire omukarere wandje Naaman. Ami me vanga kutja u mu verukise.”
7 Ombara ya Israel tji ya resa orutuu ndwi, otji ya nyondorora ozombanda zayo, ai ravaere nai tja: “Okutjavi ombara ya Sirie tji mai vanga kutja mbi verukise omurumendu ngwi? Oyo mai ripura kutja owami Ndjambi ngu nomasa womuinyo nowonḓiro are? Mape raisa ongahukiro kutja oyo mai vanga okuuta ozombata kuna ami.”
8 Omuprofete Elisa tja zuva imbi mbya tjitwa otja hinda ombuze kombara, na tja: “Okutjavi tji wa pindike nao? Hinda omurumendu ngo ku ami, nami me mu raisire kutja mOisrael mu nomuprofete!”
9 Naaman otja ya noukambe netemba re rovita, na kakurama pomuvero wondjuwo ya Elisa. 10 Elisa wa hinda omukarere okukaraera Naaman kutja e kerikohe monḓonḓu Jordan potuhambombari; neye otji ma verukisiwa komutjise we. 11 Nungwari Naaman wa ya a ṱomazenge tjinene; neye we rihungirira mu ye omuini na tja: “Ami mbe ripura kutja ma piti ku ami, a kumbu ku Muhona, Ndjambi we, a takere eke re kombanda yopoṋa pu pe nomutjise ne ndji verukisa! 12 Kombanda yanao, inḓa ozonḓonḓu ooya Abana noya Parpar, mOdamaskus, kazombwa pu ngamwa onḓonḓu aihe mOisrael are? Ami etje rikoha mu zo ne veruka!”
13 Ovakarere ve ve ya ku ye nave tja: “Muhona, andakuzu omuprofete we ku raerere otjiṋa otjizeu, ove otjo tji tjita. Nambano okutjavi tji u hi nokurikoha otja eye pa hee, no veruka?” 14 Naaman otja ya konḓonḓu Jordan na kaṱumba mu yo potuhambombari otja Elisa pa heya; neye wa veruka. Orutu rwe rwa yaruka ko, naru veruka otja orwokanatje. 15 Eye wa yaruka ku Elisa puna ovandu ve avehe na katja nai: “Nambano ami me tjiwa kutja kape na Ndjambi warwe posi ya Ndjambi wa Israel; arikana, muhona, kambura otjiyandjewa ku ami.”
16 Elisa wa zira na tja: “Tjimbe tja Muhona omunamuinyo ngu mbi karera, ami hi nokukambura ko otjiyandjewa.”
Naaman wa kara pokuningira kutja a kambure, nungwari eye ka vangere ko.
17 Naaman otja tja nai: “Tji u hi nokukambura otjiyandjewa tjandje, ndji pa omutwaro wehi nda yenena okutoorwa i ousinokambe uvari kutja mbi twaerere konganda, orondu okuza ku ndinondi ami hi nokupunguha ko ozombunguhiro zovinamuinyo nozoningiririsiwa koomukuru varwe posi ya Muhona. 18 Nambano me zeri kutja Muhona me ndji isire, tji me kongorere ombara yandje kondjuwo onḓere ya Rimon, ingwi omukuru wa Sirie, okuvatera omuhona wandje ngwi, na tji me kerikotamene ku ye pamwe nombara. Tjiri, Muhona nge ndji isire.”
19 Elisa wa tja: “Twende mohange!” Nu Naaman wa ya.
Nu tja kayenda ondjira okasupi uriri, 20 omukarere wa Elisa, Gehasi, e rihungirira mu ye omuini na tja: “Omuhona wandje wa isa Naaman okuyenda e he mu sutire otjiṋa! Eye atja kambura ihi Omusirie ngo tje mu pe. Tjimbe tja Muhona omunamuinyo, ami me hakahana okumutezera ne kakambura otjiṋa ku ye!” 21 Neye otja tezera Naaman. Nu Naaman tja muna omurumendu ngu ma utuka kombunda ye otja heruka metemba re rovita okumutjakanena na pura a tja: “Kwa tjitwa otjiṋa otjivi?”
22 Gehasi wa zira a tja: “Kako! Nungwari omuhona wandje we ndji hindi okukuraera kutja pe ya ovandu vevari vokambumba kovaprofete nambano nai, mba zu kehi rozondundu ra Efraim; neye ma vanga kutja u ve pe ovimariva ovisilveri omayovi yetatu, nozombanda mbari ozoheze.”
23 Naaman wa zira a tja: “Arikana, kambura ovimariva ovisilveri omayovi hamboumwe.” Eye wa kara pokuriyarikaṋa ku ye na twa ovimariva mbi mozondjaṱu mbari, ne ze yandja kovakarere ve vevari puna inḓa ozombanda mbari, ne ve rakiza kutja ve vi tjinde amave kayenda komurungu wa Gehasi. 24 Nowo tji va kavaza kondunda ku kwa tura Elisa, Gehasi otja toora ozondjaṱu mbari nḓa ne ze hitisa mondjuwo. Tjazumba otja hinda ovakarere mba vevari va Naaman kutja ve yaruke. 25 Gehasi wa hita mondjuwo na kakurama momurungu womuhona we. Nu Elisa we mu pura a tja: “Wa ire pi?”
Eye wa zira na tja: “Ayee, kako, hi nokoṋa ku mba ire, muhona.”
26 Nungwari Elisa wa tja nai: “Himba ri mbo mombepo, omurumendu worive tja heruka metemba re okukutjakanena are? Indwi karuveze rwokukambura ovimariva nozombanda, nomiṋinga nomivite, nozonḓu nozongombe, novakarere! 27 Nambano omutjise wa Naaman mau ya move, nove nozondekurona zoye mamu kara na wo nga aruhe!”
Gehasi tja ya, wa kavera omutjise mbwi, nomukova we wa rira omuvapa twee.
