David mokati kOvafilisti
1 David we rihungirira nai mu ye omuini: “Rimwe romayuva nga Saul me ndji zepa. Otjiṋa otjisemba ku ami okongwi okuhenena kehi rOvafilisti. Nu Saul ma isa okundjipaha aruhe mehi rOvaisrael nami me kara nokuhinatjipo.” 2 David otja sekama, a i puna ovarumendu ve omasere hamboumwe ku Akis, omuzandu wa Maok, ombara ya Gat, avehe puna omaṱunḓu wawo. 3 David wa ri puna ovakazendu ve aveyevari, Ahinoam wa Jesreel, na Abigail, omuhepundu wa Nabal, Omukarmel. 4 Saul tja zuva ombuze yokutja David wa taurire kOgat, arire tja isa okumutjera rukwao.
5 David wa tja ku Akis: “Tji mba munu ondjingonekero move, ndji esa mbi ture mokarongo okaṱiṱi. Kahepero, muhona, omukarere woye okutura puna ove motjihuro tjouhona.” 6 Akis otje mu pa otjihuro Siklag meyuva tjingero ndo. Siklag opu tja za okurira otjihuro tjozombara za Juda nga ku ndinondi. 7 Oruveze David ndwa kara mehi rOvafilisti, rwa ri ombura imwe nomieze vine.
8 David novarumendu ve va rwisa Ovagesuri nOvageseri nOvaamalek, mba turire mehi ndo oruveze orure tjinene okuza kOtelem okuhungama Sur nga kehi ra Engipte. 9 David tja rwisa ehi ndi, ka syere po omurumendu poo omukazendu nomuinyo, nu wa huura ozonyanda nozongombe nousino nozongamero nozombanda. Nu David tjaa kotoka ku Akis, 10 Akis aruhe ee mu pura a tja “Ndinondi mwa kahuurire pi?” Nu David ee mu ziri a tja: “Omehi rokeyuva kokumuho kwa Juda poo omehi rokeyuva kokumuho rOvajerakmeel poo omehi rokeyuva kokumuho rOvakeni.” 11 Nungwari kapa ri omurumendu poo omukazendu ngwa hupisiwa i David okumueta kOgat, orondu tje ripura nai: “Tjapo ngaave tu horora kutja David wa tjiti nai na nai.” Imbwi ombwa ri omuhingo David mbuya tjiti oruveze aruhe ndwa turire mehi rOvafilisti. 12 Akis wa kara nongamburiro mu David na tja: “Eye we ritondisa omuini tjinene nai kotjiwaṋa tje Israel, nu ma karerere omukarere wandje nga aruhe.”
David mokati kOvafilisti
1 David we rihungirira nai mu ye omuini: “Rimwe romayuva nga Saul me ndji zepa. Otjiṋa otjisemba ku ami okongwi okuhenena kehi rOvafilisti. Nu Saul ma isa okundjipaha aruhe mehi rOvaisrael nami me kara nokuhinatjipo.” 2 David otja sekama, a i puna ovarumendu ve omasere hamboumwe ku Akis, omuzandu wa Maok, ombara ya Gat, avehe puna omaṱunḓu wawo. 3 David wa ri puna ovakazendu ve aveyevari, Ahinoam wa Jesreel, na Abigail, omuhepundu wa Nabal, Omukarmel. 4 Saul tja zuva ombuze yokutja David wa taurire kOgat, arire tja isa okumutjera rukwao.
5 David wa tja ku Akis: “Tji mba munu ondjingonekero move, ndji esa mbi ture mokarongo okaṱiṱi. Kahepero, muhona, omukarere woye okutura puna ove motjihuro tjouhona.” 6 Akis otje mu pa otjihuro Siklag meyuva tjingero ndo. Siklag opu tja za okurira otjihuro tjozombara za Juda nga ku ndinondi. 7 Oruveze David ndwa kara mehi rOvafilisti, rwa ri ombura imwe nomieze vine.
8 David novarumendu ve va rwisa Ovagesuri nOvageseri nOvaamalek, mba turire mehi ndo oruveze orure tjinene okuza kOtelem okuhungama Sur nga kehi ra Engipte. 9 David tja rwisa ehi ndi, ka syere po omurumendu poo omukazendu nomuinyo, nu wa huura ozonyanda nozongombe nousino nozongamero nozombanda. Nu David tjaa kotoka ku Akis, 10 Akis aruhe ee mu pura a tja “Ndinondi mwa kahuurire pi?” Nu David ee mu ziri a tja: “Omehi rokeyuva kokumuho kwa Juda poo omehi rokeyuva kokumuho rOvajerakmeel poo omehi rokeyuva kokumuho rOvakeni.” 11 Nungwari kapa ri omurumendu poo omukazendu ngwa hupisiwa i David okumueta kOgat, orondu tje ripura nai: “Tjapo ngaave tu horora kutja David wa tjiti nai na nai.” Imbwi ombwa ri omuhingo David mbuya tjiti oruveze aruhe ndwa turire mehi rOvafilisti. 12 Akis wa kara nongamburiro mu David na tja: “Eye we ritondisa omuini tjinene nai kotjiwaṋa tje Israel, nu ma karerere omukarere wandje nga aruhe.”
