Ouvi wa Jerusalem nonguturiro yatjo
1 Owee kOjerusalem, ihi otjihuro tji tja zunḓaka notjipirukire, tji tji ṋiṋikiza ovature vatjo otjini! 2 Otjo katji puratenene ku Muhona, nu katji yakurire omavyuriro we. Otjo katji riyamekere ku Ndjambi nu katji ningirire ombatero ye. 3 Ovahongore vatjo ve ri otja ozongeyama nḓe tya ovimboro; ovapangure vatjo ve ri otja ozombungu nḓe nondjara, nḓe raruka tjinene nai nga tji ze hi nokuisa eṱupa nga komuhuka. 4 Ovaprofete vatjo ovehina ko na tja novehinouṱakame; ovapristeri vatjo ve ṱunda imbi mbya yapurwa, nu ve rundurura omatwako wa Ndjambi otja kombango yawo oveni. 5 Nungwari Muhona ingee u ri motjihuro. Eye u tjita ousemba nu ka tataiza. Omuhuka auhe nokuhinokukaerisa eye u eta ombanguriro kotjiwaṋa tje. Nungwari otjiwaṋa otjihasemba tji kara pokutjita ourunde, nu katji nohoṋi.
6 Muhona ma tja nai: “Ami mba yandeka oviwaṋa okumana; mba yandeka oviwaṋa okumana; mba nyona ovihuro vyawo nu otumbo notuhungu twavyo e vi esa ovitambatundu. Ovihuro vya isiwa omatundu; omivanda vya isiwa tjo, nu kamu tji novature. 7 Ami mbe ripura kutja otjiwaṋa tjandje matji kara nondengero ku ami atji yakura omavyuriro wandje, nokutja otjo kamaatji zembi imbi mbi mbe tji honga. Nungwari tjimanga otjo tje ritjinda navi otja indu aruhe.”
8 Muhona ma tja nai: “Undjeye nambano, undjeye eyuva ndi me sekama okuyandja ondjo! Ami mbe ripura okuworonganisa oviwaṋa nomauhona kokutja ve mune omasa womazenge wandje. Ehi arihe mari nyosiwa i omuriro womazenge wandje.
9 “Ami otji me rundurura omitima vyovandu vomihoko, nowo otji mave kumbu ku ami erike, nu ka koomukuru varwe. Owo avehe mave kara nonḓuviro ku ami. 10 Nandarire okuza kokure kOsudan otjiwaṋa tjandje tji tja rimbara matji ndji etere oviyambo vyozombunguhiro. 11 Moruveze ndo, eṋe, tjiwaṋa tjandje, kamu nokuhepa okuṱohoṋi mena rozondjito ozombi nḓu mwa tjita ku ami. Ami me isa mo ngamwa auhe ngu ri omuritongamise notjirangaranga mokati keṋu, neṋe kamaamu ndji pirukire rukwao kondundu yandje ondjapuke. 12 Ihi otjiwaṋa otjirisusuparise notjisyona ami me tji esa mokati keṋu tji matji paha ombatero ku ami. 13 Ovaisrael mba hupu kave nokutjita ouvi komundu ngamwa auhe, kave nokukora ovizeze nu kave nokutikura. Owo mave ṋingapara ave kara nokuhinatjipo, nu kave nokumumaparisiwa i omundu.”
Eimburiro rondjoroka
14 Imbureye nu mu yoroke, Vaisrael! Nyanda nomutima woye auhe, Jerusalem. 15 Muhona wa yandisa omberero yoye; eye wa isa mo ovanavita na ove avehe. Muhona, Ombara ya Israel, u ri puna ove; kape noumba mbwa sokutiriwa. 16 Omayuva maye ya ovandu mu mave tja nai kOjerusalem: “O tira, tjihuro tja Sion! Omaoko woye aye ha rekareka nao uriri. 17 Muhona, Ndjambi woye u ri puna ove; eye u nomasa okukupa outoṋi. Muhona ma nyanda move, nu morusuvero rwe eye me ku pe omuinyo omupe. Eye ma imbura nu ma kara nenyando move, 18 ma kara nenyando tjimuna ovandu momayuva womikandi.” Muhona ma tja nai: “Ami mba yandisa oumba woye, nu mba isa ko ohoṋi yoye. 19 Oruveze maru ya ami mu me yandeke ovekuṋiṋikize; me yama ovaremane avehe, nu me kotora ovahuurwa konganda. Ami me rundurura ohoṋi yawo i rire ondjozikiro, nu ouye auhe mau ve tanga. 20 Oruveze maru ya! Ovandu voye mba rimbara ami meve kotora konganda; Meve tjiti ovatjiukwa mouye auhe nu meve ṋingaparisa rukwao.” Muhona ongwa hungire.
Ouvi wa Jerusalem nonguturiro yatjo
1 Owee kOjerusalem, ihi otjihuro tji tja zunḓaka notjipirukire, tji tji ṋiṋikiza ovature vatjo otjini! 2 Otjo katji puratenene ku Muhona, nu katji yakurire omavyuriro we. Otjo katji riyamekere ku Ndjambi nu katji ningirire ombatero ye. 3 Ovahongore vatjo ve ri otja ozongeyama nḓe tya ovimboro; ovapangure vatjo ve ri otja ozombungu nḓe nondjara, nḓe raruka tjinene nai nga tji ze hi nokuisa eṱupa nga komuhuka. 4 Ovaprofete vatjo ovehina ko na tja novehinouṱakame; ovapristeri vatjo ve ṱunda imbi mbya yapurwa, nu ve rundurura omatwako wa Ndjambi otja kombango yawo oveni. 5 Nungwari Muhona ingee u ri motjihuro. Eye u tjita ousemba nu ka tataiza. Omuhuka auhe nokuhinokukaerisa eye u eta ombanguriro kotjiwaṋa tje. Nungwari otjiwaṋa otjihasemba tji kara pokutjita ourunde, nu katji nohoṋi.
6 Muhona ma tja nai: “Ami mba yandeka oviwaṋa okumana; mba yandeka oviwaṋa okumana; mba nyona ovihuro vyawo nu otumbo notuhungu twavyo e vi esa ovitambatundu. Ovihuro vya isiwa omatundu; omivanda vya isiwa tjo, nu kamu tji novature. 7 Ami mbe ripura kutja otjiwaṋa tjandje matji kara nondengero ku ami atji yakura omavyuriro wandje, nokutja otjo kamaatji zembi imbi mbi mbe tji honga. Nungwari tjimanga otjo tje ritjinda navi otja indu aruhe.”
8 Muhona ma tja nai: “Undjeye nambano, undjeye eyuva ndi me sekama okuyandja ondjo! Ami mbe ripura okuworonganisa oviwaṋa nomauhona kokutja ve mune omasa womazenge wandje. Ehi arihe mari nyosiwa i omuriro womazenge wandje.
9 “Ami otji me rundurura omitima vyovandu vomihoko, nowo otji mave kumbu ku ami erike, nu ka koomukuru varwe. Owo avehe mave kara nonḓuviro ku ami. 10 Nandarire okuza kokure kOsudan otjiwaṋa tjandje tji tja rimbara matji ndji etere oviyambo vyozombunguhiro. 11 Moruveze ndo, eṋe, tjiwaṋa tjandje, kamu nokuhepa okuṱohoṋi mena rozondjito ozombi nḓu mwa tjita ku ami. Ami me isa mo ngamwa auhe ngu ri omuritongamise notjirangaranga mokati keṋu, neṋe kamaamu ndji pirukire rukwao kondundu yandje ondjapuke. 12 Ihi otjiwaṋa otjirisusuparise notjisyona ami me tji esa mokati keṋu tji matji paha ombatero ku ami. 13 Ovaisrael mba hupu kave nokutjita ouvi komundu ngamwa auhe, kave nokukora ovizeze nu kave nokutikura. Owo mave ṋingapara ave kara nokuhinatjipo, nu kave nokumumaparisiwa i omundu.”
Eimburiro rondjoroka
14 Imbureye nu mu yoroke, Vaisrael! Nyanda nomutima woye auhe, Jerusalem. 15 Muhona wa yandisa omberero yoye; eye wa isa mo ovanavita na ove avehe. Muhona, Ombara ya Israel, u ri puna ove; kape noumba mbwa sokutiriwa. 16 Omayuva maye ya ovandu mu mave tja nai kOjerusalem: “O tira, tjihuro tja Sion! Omaoko woye aye ha rekareka nao uriri. 17 Muhona, Ndjambi woye u ri puna ove; eye u nomasa okukupa outoṋi. Muhona ma nyanda move, nu morusuvero rwe eye me ku pe omuinyo omupe. Eye ma imbura nu ma kara nenyando move, 18 ma kara nenyando tjimuna ovandu momayuva womikandi.” Muhona ma tja nai: “Ami mba yandisa oumba woye, nu mba isa ko ohoṋi yoye. 19 Oruveze maru ya ami mu me yandeke ovekuṋiṋikize; me yama ovaremane avehe, nu me kotora ovahuurwa konganda. Ami me rundurura ohoṋi yawo i rire ondjozikiro, nu ouye auhe mau ve tanga. 20 Oruveze maru ya! Ovandu voye mba rimbara ami meve kotora konganda; Meve tjiti ovatjiukwa mouye auhe nu meve ṋingaparisa rukwao.” Muhona ongwa hungire.
