Elia ma twarewa keyuru
1 Oruveze tji rwa yenena kutja Muhona a tware Elia motjivepo keyuru, Elia otja ya puna Elisa okuza mOgilgal. 2 Mondjira Elia wa tja nai ku Elisa: “Arikana, kara mba, Muhona tjinga e ndji hindi kObetel.” Nungwari Elisa wa zira a tja: “Tjimbe tja Muhona na ove, ami himee ku esa.” Nowo otji va ya pamwe kObetel.
3 Nokambumba kovaprofete ku ka ri mObetel ke ya ku Elisa nake mu pura nai: “Mo tjiwa kutja Muhona ma isa po omuhona woye pove ndinondi are?”
Neye wa zira a tja: “Ii, ami me tjiwa; nungwari ngatu mwine.”
4 Elia wa tja nai ku Elisa: “Arikana, kara mba, Muhona tjinga e ndji hindi kOjeriko.”
Nungwari Elisa wa zira na tja: “Tjimbe tja Muhona omunamuinyo na ove, ami himee ku esa.” Nowo otji va ya pamwe kOjeriko.
5 Nokambumba kovaprofete ku ka ri mOjeriko ke ya ku Elisa nake mu pura nai: “Mo tjiwa kutja Muhona ma isa po omuhona woye pove ndinondi are?”
Neye wa zira a tja: “Ii, ami me tjiwa; nungwari ngatu mwine.”
6 Elia wa tja nai ku Elisa: “Arikana, kara mba, Muhona tjinga e ndji hindi konḓonḓu Jordan!”
Nungwari Elisa wa zira a tja: “Tjimbe tja Muhona omunamuinyo na ove ami himee ku esa.” Nowo otji va ya. 7 Nokambumba kovaprofete omirongo vitano ke ve kongorera kOjordan. Elia na Elisa va kakurama ponḓonḓu, nu inga okambumba kovaprofete nga ka kakurama ohumburuko na wo. 8 Elia otja hukura ongwava ye ne i manga na tono na yo omeva, nomeva ya haṋika mokati, nowo va konda onḓonḓu ndji munda mbwina pehi nda kaha. 9 Nowo tji va za nokukonda, Elia wa tja ku Elisa: “Ndji raera otjiṋa tji movanga kutja mbi ku tjitire, ngunda ambi hiya isiwa po pove!”
Elisa wa zira a tja: “Arikana, ndji pa orukondwa rwomasa rwombepo yoye potuvari ndu maru ndji tjiti kutja mbi rire omukupingene.”
10 Elia wa zira na tja: “Omaningiriro nga omazeu okuyeyenenisa. Nungwari tji mo ndji munu ame isiwa po pove, omaningiriro woye maye yenenisiwa; nu tji u hi nokundjimuna, owo kaye nokuyenenisiwa.”
11 Nowo ngunda amave kayenda amave hungire, kamanga otji pa munika etemba romuriro ndaari nanwa i oukambe womuriro, oro re ya pokati kawo. Nu Elia wa twarewa keyuru motjivepo. 12 Elisa tja muna etemba ndi, wa ravaera ku Elia na tja: “Tate, tate! Temba ra Israel novahinge varo!” Elisa tjinga e ha mwine Elia rukwao otja kambura ombanda ye ne i nyondorora mokati moruhoze.
13 Tjazumba Elisa otja toora ongwava ndja wa mu Elia, a yaruka na kakurama kotjikere tjonḓonḓu Jordan. 14 Wa kambura ongwava ya Elia ndji na tono na yo omeva na tja: “Muhona, Ndjambi wa Elia, u ri pi?” Neye tja tona omeva rukwao, owo otji ya haṋika mokati; neye arire tja kondo munda mbwina. 15 Novaprofete, imba omirongo vitano va Jeriko, ve mu muna nave tja: “Omasa wombepo ya Elia ye ri mu Elisa.” Nowo ve kemutjakanena, ave u onḓurumika komurungu we 16 nave tja nai ku ye: “Tara, pove mba pena eṱe ovarumendu ovanamasa omirongo vitano. Arikana, tu esa tu kapahe omuhona woye. Ngahino ombepo ya Muhona ye mu twara nai kemuesa kondundu yorive poo motjana tjorive.”
Nungwari Elisa wa zira a tja: “Amu i ko!”
17 Nowo tjinga ava kara pokumuṋiṋikiza tjinene, arire tja tja: “Nu naa twendeye!” Ovarumendu imba omirongo vitano opu va kapahera Elia ngamwa akuhe oure womayuva yetatu; nungwari kave mu mwine. 18 Nowo otji va kotoka ku Elisa nguye ve undjire mOOnguJeriko; neye wa tja nai ku wo: “Hi mu raerere kutja amu i ko are?”
Ovihimise vya Elisa
19 Ovandu tjiva votjihuro Jeriko va katja nai ku Elisa: “Tara, otja tji mo tjiwa, otjihuro hi otjiwa, nungwari omeva watjo omavi, nu ye imbirahisa ovakazendu omazumo nokuhukurisa ovinamuinyo morukondwa ndwi.”
20 Elisa wa rakiza a tja: “Tweye mo omongwa motjitjuma otjipe, nu mu tji ete ku ami.” Nowo ve tji eta ku ye. 21 Tjazumba otja ya koruharwi rwotjihuro na kayumba mo omongwa na tja: “Muhona ma tja nai: ‘Ami me kohorora omeva nga. Owo kaye nokueta onḓiro poo okuimbirahisa omazumo nokuhukurisa.’ ” 22 Nomeva nga ya kara omakohoke nga ku ndinondi otja Elisa pa hungira.
23 Nu Elisa wa za mOjeriko na i kObetel; neye ngunda e ri mondjira, otji pa pita ovanatje ovazandu motjihuro mbaa ve mu yereke amave ravaere nai: “Munaparu, twende! Munaparu twende!”
24 Elisa wa taviza kombunda, ne ve munu narire tje ve sengi mena ra Muhona. Nu pa purukuta ozongu mbari ozonḓenḓu motjihwa naze sasaura ovanatje omirongo vine na vevari vawo.
25 Okuzambo Elisa wa ya kondundu Karmel, nu kombunda wa yaruka kOsamaria.
Elia ma twarewa keyuru
1 Oruveze tji rwa yenena kutja Muhona a tware Elia motjivepo keyuru, Elia otja ya puna Elisa okuza mOgilgal. 2 Mondjira Elia wa tja nai ku Elisa: “Arikana, kara mba, Muhona tjinga e ndji hindi kObetel.” Nungwari Elisa wa zira a tja: “Tjimbe tja Muhona na ove, ami himee ku esa.” Nowo otji va ya pamwe kObetel.
3 Nokambumba kovaprofete ku ka ri mObetel ke ya ku Elisa nake mu pura nai: “Mo tjiwa kutja Muhona ma isa po omuhona woye pove ndinondi are?”
Neye wa zira a tja: “Ii, ami me tjiwa; nungwari ngatu mwine.”
4 Elia wa tja nai ku Elisa: “Arikana, kara mba, Muhona tjinga e ndji hindi kOjeriko.”
Nungwari Elisa wa zira na tja: “Tjimbe tja Muhona omunamuinyo na ove, ami himee ku esa.” Nowo otji va ya pamwe kOjeriko.
5 Nokambumba kovaprofete ku ka ri mOjeriko ke ya ku Elisa nake mu pura nai: “Mo tjiwa kutja Muhona ma isa po omuhona woye pove ndinondi are?”
Neye wa zira a tja: “Ii, ami me tjiwa; nungwari ngatu mwine.”
6 Elia wa tja nai ku Elisa: “Arikana, kara mba, Muhona tjinga e ndji hindi konḓonḓu Jordan!”
Nungwari Elisa wa zira a tja: “Tjimbe tja Muhona omunamuinyo na ove ami himee ku esa.” Nowo otji va ya. 7 Nokambumba kovaprofete omirongo vitano ke ve kongorera kOjordan. Elia na Elisa va kakurama ponḓonḓu, nu inga okambumba kovaprofete nga ka kakurama ohumburuko na wo. 8 Elia otja hukura ongwava ye ne i manga na tono na yo omeva, nomeva ya haṋika mokati, nowo va konda onḓonḓu ndji munda mbwina pehi nda kaha. 9 Nowo tji va za nokukonda, Elia wa tja ku Elisa: “Ndji raera otjiṋa tji movanga kutja mbi ku tjitire, ngunda ambi hiya isiwa po pove!”
Elisa wa zira a tja: “Arikana, ndji pa orukondwa rwomasa rwombepo yoye potuvari ndu maru ndji tjiti kutja mbi rire omukupingene.”
10 Elia wa zira na tja: “Omaningiriro nga omazeu okuyeyenenisa. Nungwari tji mo ndji munu ame isiwa po pove, omaningiriro woye maye yenenisiwa; nu tji u hi nokundjimuna, owo kaye nokuyenenisiwa.”
11 Nowo ngunda amave kayenda amave hungire, kamanga otji pa munika etemba romuriro ndaari nanwa i oukambe womuriro, oro re ya pokati kawo. Nu Elia wa twarewa keyuru motjivepo. 12 Elisa tja muna etemba ndi, wa ravaera ku Elia na tja: “Tate, tate! Temba ra Israel novahinge varo!” Elisa tjinga e ha mwine Elia rukwao otja kambura ombanda ye ne i nyondorora mokati moruhoze.
13 Tjazumba Elisa otja toora ongwava ndja wa mu Elia, a yaruka na kakurama kotjikere tjonḓonḓu Jordan. 14 Wa kambura ongwava ya Elia ndji na tono na yo omeva na tja: “Muhona, Ndjambi wa Elia, u ri pi?” Neye tja tona omeva rukwao, owo otji ya haṋika mokati; neye arire tja kondo munda mbwina. 15 Novaprofete, imba omirongo vitano va Jeriko, ve mu muna nave tja: “Omasa wombepo ya Elia ye ri mu Elisa.” Nowo ve kemutjakanena, ave u onḓurumika komurungu we 16 nave tja nai ku ye: “Tara, pove mba pena eṱe ovarumendu ovanamasa omirongo vitano. Arikana, tu esa tu kapahe omuhona woye. Ngahino ombepo ya Muhona ye mu twara nai kemuesa kondundu yorive poo motjana tjorive.”
Nungwari Elisa wa zira a tja: “Amu i ko!”
17 Nowo tjinga ava kara pokumuṋiṋikiza tjinene, arire tja tja: “Nu naa twendeye!” Ovarumendu imba omirongo vitano opu va kapahera Elia ngamwa akuhe oure womayuva yetatu; nungwari kave mu mwine. 18 Nowo otji va kotoka ku Elisa nguye ve undjire mOOnguJeriko; neye wa tja nai ku wo: “Hi mu raerere kutja amu i ko are?”
Ovihimise vya Elisa
19 Ovandu tjiva votjihuro Jeriko va katja nai ku Elisa: “Tara, otja tji mo tjiwa, otjihuro hi otjiwa, nungwari omeva watjo omavi, nu ye imbirahisa ovakazendu omazumo nokuhukurisa ovinamuinyo morukondwa ndwi.”
20 Elisa wa rakiza a tja: “Tweye mo omongwa motjitjuma otjipe, nu mu tji ete ku ami.” Nowo ve tji eta ku ye. 21 Tjazumba otja ya koruharwi rwotjihuro na kayumba mo omongwa na tja: “Muhona ma tja nai: ‘Ami me kohorora omeva nga. Owo kaye nokueta onḓiro poo okuimbirahisa omazumo nokuhukurisa.’ ” 22 Nomeva nga ya kara omakohoke nga ku ndinondi otja Elisa pa hungira.
23 Nu Elisa wa za mOjeriko na i kObetel; neye ngunda e ri mondjira, otji pa pita ovanatje ovazandu motjihuro mbaa ve mu yereke amave ravaere nai: “Munaparu, twende! Munaparu twende!”
24 Elisa wa taviza kombunda, ne ve munu narire tje ve sengi mena ra Muhona. Nu pa purukuta ozongu mbari ozonḓenḓu motjihwa naze sasaura ovanatje omirongo vine na vevari vawo.
25 Okuzambo Elisa wa ya kondundu Karmel, nu kombunda wa yaruka kOsamaria.
