Ovanane mombongo
1 Omambo nga ouatjiri: Tji pe nomundu ngu ma zeri okurira omunane wombongo, eye ma zeri otjiungura otjiwatjiwa. 2 Omunane wombongo ma sokukara nokuhinatjipo; ma sokurira omurumendu womukazendu umwe, nomutima omuwa, nomuritjaere koviṋa nomuritjinde wanawa; eye ma sokusekirisa ovayenda moye; ma sokuyenena okuhonga ovandu; 3 eye ke nokusokurira omusuvere womanuwa poo omunazondjito zakotjomasa, nungwari ma sokurira ongozu nomunahange, nu ke nokusokunanukira ovimariva; 4 eye ma sokurira omuṱakamise wonganda ye nawa; ma sokukurisa ovanatje ve kutja ve kare nonḓuviro ku ye nondengero aihe. 5 Orondu omundu tje hi nokuyenena okuṱakamisa onganda ye omuini, ma sora vi okurisa ombongo ya Ndjambi? 6 Eye ma sokurira omundu ngwe kura mongamburiro kokutja e he risurisa mokuritongamisa kutja Satan e he mu wisire mombanguriro ya Ndjambi. 7 Nu wina eye ma sokurira omurumendu ngu ma pewa ondengero i ovandu mbe ri pendje yombongo, kokutja eye a ha yamburuka na ha wire mongwehe ya Satan.
Ovavatere mombongo
8 Momuano tjingewo, ovavatere wombongo wina mave sokukara notjikaro otjiwa, nu ngave rire ovandu mbe ha hungire pevari; owo kave sokunwa omavinu omengi; nu kave sokunanukira ovimariva. 9 Owo ve sokuṱakamisa nomeritjiviro womomutima omawa imbwi ouatjiri wongamburiro mbwa vandururwa. 10 Owo rutenga ve sokurorwa, nokuzambo tji pe hi nomundu ngu meve kuramene momurungu, otji mave yenene okukarera ombongo. 11 Novakazendu vawo wina ngave kare nomeritjindiro omawa, nu ave ha yamburura ovandu varwe; ngave kare nomitima omiwa nu ve rire ovaṱakame moviṋa avihe. 12 Omuvatere wombongo nga rire omurumendu womukazendu umwe uriri, nu nga rise ovanatje ve nawa nokuṱakamisa onganda ye nawa wina. 13 Ovavatere mba mbu mave ungura oviungura vyawo nawa mave munu ondengero mombongo, nu mave yenene okuhungira noupandi indji ongamburiro yawo mu Kristus Jesus.
Omaundikiro omanene
14 Tji me tjanga orutuu ndwi nai, ami me tjangovasi me yokukumuna tjimanga. 15 Nungwari tjinangara mba wombo okuya, orutuu ndwi maru ku tjivisa kutja eṱe ngatu ritjinde vi monganda ya Ndjambi. Onganda ndji oyo ombongo ya Ndjambi omunamuinyo; oyo ongunḓe nomazikameno wouatjiri. 16 Kape nomundu ngu ma sora okupataṋa kutja omaundikiro wongamburiro yetu owo, tjiri, omanene:
Jesus Kristus weya mouye momuhapo womundu,
wa varwa otja omusemba i Ombepo,
na munika kovaengeri;
eye wa zuvarisiwa mokati kaimba mbe he ri Ovajuda,
novandu mouparanga wouye auhe ave kambura mu ye,
neye a twarewa keyuru.
Ovanane mombongo
1 Omambo nga ouatjiri: Tji pe nomundu ngu ma zeri okurira omunane wombongo, eye ma zeri otjiungura otjiwatjiwa. 2 Omunane wombongo ma sokukara nokuhinatjipo; ma sokurira omurumendu womukazendu umwe, nomutima omuwa, nomuritjaere koviṋa nomuritjinde wanawa; eye ma sokusekirisa ovayenda moye; ma sokuyenena okuhonga ovandu; 3 eye ke nokusokurira omusuvere womanuwa poo omunazondjito zakotjomasa, nungwari ma sokurira ongozu nomunahange, nu ke nokusokunanukira ovimariva; 4 eye ma sokurira omuṱakamise wonganda ye nawa; ma sokukurisa ovanatje ve kutja ve kare nonḓuviro ku ye nondengero aihe. 5 Orondu omundu tje hi nokuyenena okuṱakamisa onganda ye omuini, ma sora vi okurisa ombongo ya Ndjambi? 6 Eye ma sokurira omundu ngwe kura mongamburiro kokutja e he risurisa mokuritongamisa kutja Satan e he mu wisire mombanguriro ya Ndjambi. 7 Nu wina eye ma sokurira omurumendu ngu ma pewa ondengero i ovandu mbe ri pendje yombongo, kokutja eye a ha yamburuka na ha wire mongwehe ya Satan.
Ovavatere mombongo
8 Momuano tjingewo, ovavatere wombongo wina mave sokukara notjikaro otjiwa, nu ngave rire ovandu mbe ha hungire pevari; owo kave sokunwa omavinu omengi; nu kave sokunanukira ovimariva. 9 Owo ve sokuṱakamisa nomeritjiviro womomutima omawa imbwi ouatjiri wongamburiro mbwa vandururwa. 10 Owo rutenga ve sokurorwa, nokuzambo tji pe hi nomundu ngu meve kuramene momurungu, otji mave yenene okukarera ombongo. 11 Novakazendu vawo wina ngave kare nomeritjindiro omawa, nu ave ha yamburura ovandu varwe; ngave kare nomitima omiwa nu ve rire ovaṱakame moviṋa avihe. 12 Omuvatere wombongo nga rire omurumendu womukazendu umwe uriri, nu nga rise ovanatje ve nawa nokuṱakamisa onganda ye nawa wina. 13 Ovavatere mba mbu mave ungura oviungura vyawo nawa mave munu ondengero mombongo, nu mave yenene okuhungira noupandi indji ongamburiro yawo mu Kristus Jesus.
Omaundikiro omanene
14 Tji me tjanga orutuu ndwi nai, ami me tjangovasi me yokukumuna tjimanga. 15 Nungwari tjinangara mba wombo okuya, orutuu ndwi maru ku tjivisa kutja eṱe ngatu ritjinde vi monganda ya Ndjambi. Onganda ndji oyo ombongo ya Ndjambi omunamuinyo; oyo ongunḓe nomazikameno wouatjiri. 16 Kape nomundu ngu ma sora okupataṋa kutja omaundikiro wongamburiro yetu owo, tjiri, omanene:
Jesus Kristus weya mouye momuhapo womundu,
wa varwa otja omusemba i Ombepo,
na munika kovaengeri;
eye wa zuvarisiwa mokati kaimba mbe he ri Ovajuda,
novandu mouparanga wouye auhe ave kambura mu ye,
neye a twarewa keyuru.
