Satan ma roro Job rukwao
1 Eyuva tji re ya kutja oviutwa vyeyuru vi munike rukwao komurungu wa Muhona, Satan tjandje u ri mokati kavyo. 2 Muhona wa pura Satan a tja: “Ove mo zu pi?”
Satan wa zira a tja: “Ami mba ri ame ryanga akuhe, ame tapakaṋa mehi.”
3 Nu Muhona arire tje mu pura a tja: “Ove hapo wa tara komukarere wandje Job are? Kape na umwe kombanda yehi omuṱakame nomusemba otja ye. Eye u rikotamena ku ami, nu u ritjevera kouvi ngamwa auhe. Ove we ndji popa kutja mbi mu hihamise e hi notjiṋa tja tjiti; nungwari Job ingee omuṱakame otja tja ri.”
4 Satan wa zira a tja: “Omundu ma yenene okuisa oviṋa vye avihe kutja eye a kare nomuinyo. 5 Nungwari nambano ove tji wa tjiti aayo wa hihamisa orutu rwe, eye me ku sengire momurungu woye.”
6 Muhona arire tja tja nai ku Satan: “Osemba, eye ngo u ri mouvara woye, nungwari o mu zepa.”
7 Satan otja zapo pu Muhona na i, neye wa pitisa ovirwaro morutu rwa Job aruhe. 8 Job wa kahaama pondundu yomutwe na toora orutau rwonyungu na nyaa na rwo ovirwaro vye. 9 Omukazendu we wa tja nai ku ye: “Ove ingee mo panḓere pouṱakame woye are? Yamburura Ndjambi uriri u ṱokukoka!”
10 Job wa zira a tja: “Ove mo hungire otja eyova. Ndjambi tje tu hindire otjiṋa otjiwa, tu tji yakura. Matu unaunine tjike, eye tje tu hindire otjiwonga?” Mu avihe mbi, Job ka hungirire embo nangarire rimwe evi ku Muhona.
Omapanga wa Job maye ya
11 Omapanga yetatu wa Job ya ri Elifas, ngwa zire kotjihuro Teman, na Bildad, ngwa zire kehi ra Suak, na Sofar, ngwa zire kehi ra Naama. Owo tji va zuvire oviwonga avihe mbye ere ku Job, otji ve ripura okukemuhuhumiṋa. 12 Ngunda averi kokure va muna Job, nungwari owo kave mu zemburukire ko. Nu tji ve mu zemburuka, arire tji va yaruka okurira nokuura, amave nyondorora ozombanda zawo moruhoze namave yumbu ehi meyuru na moviuru vyawo. 13 Owo va kara pehi puna ye oure womayuva nomauṱuku hambombari nokuhinokuhungira embo nangarire rimwe, tjinga ava muna omuhingo Job mbwaa hihamwa tjinene.
Satan ma roro Job rukwao
1 Eyuva tji re ya kutja oviutwa vyeyuru vi munike rukwao komurungu wa Muhona, Satan tjandje u ri mokati kavyo. 2 Muhona wa pura Satan a tja: “Ove mo zu pi?”
Satan wa zira a tja: “Ami mba ri ame ryanga akuhe, ame tapakaṋa mehi.”
3 Nu Muhona arire tje mu pura a tja: “Ove hapo wa tara komukarere wandje Job are? Kape na umwe kombanda yehi omuṱakame nomusemba otja ye. Eye u rikotamena ku ami, nu u ritjevera kouvi ngamwa auhe. Ove we ndji popa kutja mbi mu hihamise e hi notjiṋa tja tjiti; nungwari Job ingee omuṱakame otja tja ri.”
4 Satan wa zira a tja: “Omundu ma yenene okuisa oviṋa vye avihe kutja eye a kare nomuinyo. 5 Nungwari nambano ove tji wa tjiti aayo wa hihamisa orutu rwe, eye me ku sengire momurungu woye.”
6 Muhona arire tja tja nai ku Satan: “Osemba, eye ngo u ri mouvara woye, nungwari o mu zepa.”
7 Satan otja zapo pu Muhona na i, neye wa pitisa ovirwaro morutu rwa Job aruhe. 8 Job wa kahaama pondundu yomutwe na toora orutau rwonyungu na nyaa na rwo ovirwaro vye. 9 Omukazendu we wa tja nai ku ye: “Ove ingee mo panḓere pouṱakame woye are? Yamburura Ndjambi uriri u ṱokukoka!”
10 Job wa zira a tja: “Ove mo hungire otja eyova. Ndjambi tje tu hindire otjiṋa otjiwa, tu tji yakura. Matu unaunine tjike, eye tje tu hindire otjiwonga?” Mu avihe mbi, Job ka hungirire embo nangarire rimwe evi ku Muhona.
Omapanga wa Job maye ya
11 Omapanga yetatu wa Job ya ri Elifas, ngwa zire kotjihuro Teman, na Bildad, ngwa zire kehi ra Suak, na Sofar, ngwa zire kehi ra Naama. Owo tji va zuvire oviwonga avihe mbye ere ku Job, otji ve ripura okukemuhuhumiṋa. 12 Ngunda averi kokure va muna Job, nungwari owo kave mu zemburukire ko. Nu tji ve mu zemburuka, arire tji va yaruka okurira nokuura, amave nyondorora ozombanda zawo moruhoze namave yumbu ehi meyuru na moviuru vyawo. 13 Owo va kara pehi puna ye oure womayuva nomauṱuku hambombari nokuhinokuhungira embo nangarire rimwe, tjinga ava muna omuhingo Job mbwaa hihamwa tjinene.
