Omiano vya Lemuel
1 Omiano ina ya Lemuel, ombara ya Masa, mbye mu ronga na vyo, ovyo mbi:
2 “Hi tje vi kove, muatje wandje, ove ngu u ri omukwatwa wandje, nu ngu u ri omayenenisiro womakwizikiro wandje? 3 O yandja omasa woye novimariva vyoye kovakazendu mokunanukira wo, na imba mbe zunḓa ozombara. 4 Puratena, Lemuel, ozombara kaze sokunwa omavinu, novahivirikwa kave sokuripurukisa nomanuwa omazeu! 5 Tji mave nu tjapo mave zembi omazikamisiro wouhona, nave rundurura ousemba wa imba avehe mbe ri mouhepe. 6 Yandja omanuwa omazeu komundu ngu ma yaraara, nomavinu ku ingwi ngu noruhoze tjinene. 7 Eye nga nwe a zembe ousyona we, nu e he rizemburuka nozongondjero ze rukwao.
8 “Hungirira ovandu mba seta eraka, novahumandu avehe wina. 9 Ve hungirira, nu rira omupangure omusemba u tjite ousemba kovahepe na kovasyona.”
Omukazendu omusore
10 Owaṋi ngu ma munu omukazendu omusore! Eye omukazendu omunanḓengu pomawe omahuze.
11 Omutima womurumendu mau yenene okuriyameka ku ye, nu ingwi omurumendu kamaa kaere okumunina po oviṋa ngamwa avihe.
12 Eye u raisira omurumendu we ouwa porwe, nu ke mu tjitire ouvi ngunda e nomuinyo.
13 Aruhe u tunga ovitungwa nomainya wozonḓu, nomake we ye ungura noupatje.
14 Eye u ri otja ondjuwoyomomeva yovarandise; u kaeta ovikurya okuza kokure.
15 U penduka ngunda akwa zorere na yandja ovikurya kovandu vonganda ye na kovakarere ve ovasuko.
16 U ripura nehi romakunino ne ri randa; nu imbi mbya munu moviungura vyomake we ma kunu na vyo otjikunino tjomivite.
17 Eye omukazendu ngu ungura tjinene, omunamasa nepatje.
18 U muna kutja oviungura vye vi kayenda nawa; nangarire ouṱuku emunine re kari zemi.
19 U woza ozosepa ze, na tungu ombanda ye omuini.
20 Eye u nyatururira ovasyona omake, na ropororere ovahepe omaoko we.
21 Ke rikendere onganda yawo mokupepera, avehe tjinga ave nozombanda zoupyu.
22 U riungurira ovinguma, nu u zara ozombanda nḓa ungurwa porupera oruheze nozoserarovazu.
23 Omurumendu we u tjiukwa mombongarero, eye tji ma haama motjira puna ovanane vehi.
24 U ungura ozombanda ne ze randisa, nomakwamo u ye yandja komurandise.
25 Eye u nomasa nu wa yozikwa, nu ke rikendere eyuva ramuhuka.
26 Tji ma hungire, u hungira nounongo, nomahongero we owo omanahange.
27 Eye u ṱakamisa nawa otjikaro tjonganda yawo, nu ka ri omboroto yotjirweyo.
28 Ovanatje ve ovazandu ve sekama nu ave mu hivi kutja omuindandu; nomurumendu we wina u mu tanga, 29 ama tja nai: “Ovakazendu ovengi ve tjita oviṋa ovihimise; nungwari ove u ri kombanda yawo avehe.”
30 Ourenga u wovisa, noupwe u zenga; omukazendu ngu nondira ku Muhona u sokuyozikwa.
31 Mu peye ondjozikiro otja ondjambi mu imbi mbya ungura nomake we; noviungura vye ngavi mu etere ondjozikiro komurungu wovandu avehe.
Omiano vya Lemuel
1 Omiano ina ya Lemuel, ombara ya Masa, mbye mu ronga na vyo, ovyo mbi:
2 “Hi tje vi kove, muatje wandje, ove ngu u ri omukwatwa wandje, nu ngu u ri omayenenisiro womakwizikiro wandje? 3 O yandja omasa woye novimariva vyoye kovakazendu mokunanukira wo, na imba mbe zunḓa ozombara. 4 Puratena, Lemuel, ozombara kaze sokunwa omavinu, novahivirikwa kave sokuripurukisa nomanuwa omazeu! 5 Tji mave nu tjapo mave zembi omazikamisiro wouhona, nave rundurura ousemba wa imba avehe mbe ri mouhepe. 6 Yandja omanuwa omazeu komundu ngu ma yaraara, nomavinu ku ingwi ngu noruhoze tjinene. 7 Eye nga nwe a zembe ousyona we, nu e he rizemburuka nozongondjero ze rukwao.
8 “Hungirira ovandu mba seta eraka, novahumandu avehe wina. 9 Ve hungirira, nu rira omupangure omusemba u tjite ousemba kovahepe na kovasyona.”
Omukazendu omusore
10 Owaṋi ngu ma munu omukazendu omusore! Eye omukazendu omunanḓengu pomawe omahuze.
11 Omutima womurumendu mau yenene okuriyameka ku ye, nu ingwi omurumendu kamaa kaere okumunina po oviṋa ngamwa avihe.
12 Eye u raisira omurumendu we ouwa porwe, nu ke mu tjitire ouvi ngunda e nomuinyo.
13 Aruhe u tunga ovitungwa nomainya wozonḓu, nomake we ye ungura noupatje.
14 Eye u ri otja ondjuwoyomomeva yovarandise; u kaeta ovikurya okuza kokure.
15 U penduka ngunda akwa zorere na yandja ovikurya kovandu vonganda ye na kovakarere ve ovasuko.
16 U ripura nehi romakunino ne ri randa; nu imbi mbya munu moviungura vyomake we ma kunu na vyo otjikunino tjomivite.
17 Eye omukazendu ngu ungura tjinene, omunamasa nepatje.
18 U muna kutja oviungura vye vi kayenda nawa; nangarire ouṱuku emunine re kari zemi.
19 U woza ozosepa ze, na tungu ombanda ye omuini.
20 Eye u nyatururira ovasyona omake, na ropororere ovahepe omaoko we.
21 Ke rikendere onganda yawo mokupepera, avehe tjinga ave nozombanda zoupyu.
22 U riungurira ovinguma, nu u zara ozombanda nḓa ungurwa porupera oruheze nozoserarovazu.
23 Omurumendu we u tjiukwa mombongarero, eye tji ma haama motjira puna ovanane vehi.
24 U ungura ozombanda ne ze randisa, nomakwamo u ye yandja komurandise.
25 Eye u nomasa nu wa yozikwa, nu ke rikendere eyuva ramuhuka.
26 Tji ma hungire, u hungira nounongo, nomahongero we owo omanahange.
27 Eye u ṱakamisa nawa otjikaro tjonganda yawo, nu ka ri omboroto yotjirweyo.
28 Ovanatje ve ovazandu ve sekama nu ave mu hivi kutja omuindandu; nomurumendu we wina u mu tanga, 29 ama tja nai: “Ovakazendu ovengi ve tjita oviṋa ovihimise; nungwari ove u ri kombanda yawo avehe.”
30 Ourenga u wovisa, noupwe u zenga; omukazendu ngu nondira ku Muhona u sokuyozikwa.
31 Mu peye ondjozikiro otja ondjambi mu imbi mbya ungura nomake we; noviungura vye ngavi mu etere ondjozikiro komurungu wovandu avehe.
