Ongumbiro yokupewa ousemba
1 Muhona, okutjavi tji u ri kokure nai;
nokutjavi tji u rihoreka motuveze twoumba?
2 Momeritongamisiro wawo
ovanauvi ve tatumisa ovasyona;
ve kamburwe momihingo vyawo vyovineya,
mbi va twira po varwe.
3 Omunauvi u rihivira ozonḓuma zomutima we;
nu ovakorokope ve senga nokunyengura Muhona.
4 Omunauvi kena ko na tja na Muhona;
momeritongamisiro we u tja
Ndjambi ka vere omundu,
nokutja kaku na Ndjambi.
5 Omunauvi u ṋingapara moviṋa avihe,
eye ka zuu nawa ozombanguriro za Ndjambi;
u kandaiza ovemupirukire avehe.
6 Eye u rihungirira a tja: “Ami himee teratera
nu himee kara ko neputi.”
7 Eraka re re ura nozosengiro,
novizeze, nozondandero;
eye u hakahana okuhungira
omambo wonyengo nouvi.
8 Eye u ṱara kongotwe yozonganda
ama undju okuzepa ovandu ovehinandjo;
u yevayeva okuyandeka ovasyona.
9 Eye u ṱara otja ongeyama motjihwa,
ama undju okukambura omusyona;
u ve kambura mombate ye ne ve kokozora.
10 Omusyona ma saravara mbo a hahaurwa,
omasa omandandi ye mu havere.
11 Omunauvi u rihungirira nai:
“Ndjambi ke na ko na tja!
Eye wa pata omeho we nu kemee ndji munu!”
12 Sekama, Muhona!
Vera ovanauvi mba, Ndjambi!
O zembi imba mba ningisa ondjenda!
13 Omunauvi ma yambururire tjike Ndjambi
ame rihungirire nai momutima:
“Eye ke nokundjivera ko?”
14 Nungwari ove, Ndjambi, u muna nu
u rikendera oumba nomatetarero womutima;
nu aruhe we rimanena okuvatera.
Omuyaraare u riyameka kove;
nove aruhe u vatera ozosewa.
15 Teya omasa wovarunde nowovanauvi;
ve verera omauhasemba ngu va tjita,
nga tji ve hi nokuyetjita ko rukwao.
16 Muhona oove ombara aruhe nga aruhe.
Imba mbe rikotamena koomukuru varwe
mave zengi mehi re.
17 Muhona, ove mo zuvire
ozongumbiro zovanandjenda;
mo ve pendaparisa.
18 Ove mo zuvire ozondjuriro
zovatatumisiwa nozozosewa;
mo ve pangura osemba
kokutja ovandu ave ha uhara
amave tjiti outwe rukwao mehi.
Ongumbiro yokupewa ousemba
1 Muhona, okutjavi tji u ri kokure nai;
nokutjavi tji u rihoreka motuveze twoumba?
2 Momeritongamisiro wawo
ovanauvi ve tatumisa ovasyona;
ve kamburwe momihingo vyawo vyovineya,
mbi va twira po varwe.
3 Omunauvi u rihivira ozonḓuma zomutima we;
nu ovakorokope ve senga nokunyengura Muhona.
4 Omunauvi kena ko na tja na Muhona;
momeritongamisiro we u tja
Ndjambi ka vere omundu,
nokutja kaku na Ndjambi.
5 Omunauvi u ṋingapara moviṋa avihe,
eye ka zuu nawa ozombanguriro za Ndjambi;
u kandaiza ovemupirukire avehe.
6 Eye u rihungirira a tja: “Ami himee teratera
nu himee kara ko neputi.”
7 Eraka re re ura nozosengiro,
novizeze, nozondandero;
eye u hakahana okuhungira
omambo wonyengo nouvi.
8 Eye u ṱara kongotwe yozonganda
ama undju okuzepa ovandu ovehinandjo;
u yevayeva okuyandeka ovasyona.
9 Eye u ṱara otja ongeyama motjihwa,
ama undju okukambura omusyona;
u ve kambura mombate ye ne ve kokozora.
10 Omusyona ma saravara mbo a hahaurwa,
omasa omandandi ye mu havere.
11 Omunauvi u rihungirira nai:
“Ndjambi ke na ko na tja!
Eye wa pata omeho we nu kemee ndji munu!”
12 Sekama, Muhona!
Vera ovanauvi mba, Ndjambi!
O zembi imba mba ningisa ondjenda!
13 Omunauvi ma yambururire tjike Ndjambi
ame rihungirire nai momutima:
“Eye ke nokundjivera ko?”
14 Nungwari ove, Ndjambi, u muna nu
u rikendera oumba nomatetarero womutima;
nu aruhe we rimanena okuvatera.
Omuyaraare u riyameka kove;
nove aruhe u vatera ozosewa.
15 Teya omasa wovarunde nowovanauvi;
ve verera omauhasemba ngu va tjita,
nga tji ve hi nokuyetjita ko rukwao.
16 Muhona oove ombara aruhe nga aruhe.
Imba mbe rikotamena koomukuru varwe
mave zengi mehi re.
17 Muhona, ove mo zuvire
ozongumbiro zovanandjenda;
mo ve pendaparisa.
18 Ove mo zuvire ozondjuriro
zovatatumisiwa nozozosewa;
mo ve pangura osemba
kokutja ovandu ave ha uhara
amave tjiti outwe rukwao mehi.
