Job ma unaunine Ndjambi
1 Kombunda yomapanga we tjiva haamene puye oure wotjivike, Job wa uta okuhungira na sengi eyuva rongwatero ye, 2-3 a tja:
“Ndjambi, senga eyuva rongwatero yandje,
senga ouṱuku ami mu mba pandukwa.
4 Ndjambi, rundurura eyuva ndo ri rire onḓorera.
O zemburuka ko eyuva ndo rukwao;
ape ya ko ondjerera rukwao mu ro.
5 Oro ngari rire eyuva ronḓorera noromuzororema;
vandeka eyuva ndo novikamba,
neyuva ari yerisa ko ozohanya zaro.
6 Zemisa ouṱuku mbo moure wombura aihe,
nu ngaa u varwa rukwao;
7 ngau rire ouṱuku ongaango,
nu mbu hi nondjoroka.
8 Raera ozondjai kutja ze senge eyuva ndo,
inḓa nḓe tjiwa okupendura Otjitjupamuriro.
9 O yerisa onyose yomuhuka;
nouṱuku mbo aa u tji ko.
10 Senga ouṱuku mbo mbwa tjita kutja mbi kwatwe,
nu mbwe ndji twa moumba na mondjenda.
11 “Me zeri kutja andakuzu
mba kokera mezumo ra mama,
poo e koka moruveze ndo ndu mba kwatwa.
12 Okutjavi mama tje ndji pukatera pomatumbo we?
Okutjavi tje ndji nyamisisa komavere we?
13 Andakuzu mba kokere moruveze ndo,
andakuzu nai mba suva,
14 amba rara otja ozombara novanane,
mba tungurura ozondjuwo zouhona ozonguru.
15 Nu etje rara tjimuna ovahivirikwa
mbe urisa ozondjuwo zawo nongoldo nosilveri,
16 poo tjimuna okanatje ku ka kwatwa aka koka.
17 Momaendo ovandu ovanauvi mave isa ouvi wawo,
novarumendu ovaungure mba urwa
korusenina mave munu orusuvo mu wo.
18 Nangarire ovapandekwa mave kara nohange,
ava kuturwa kondokohero na
komarakiza omakukutu wovatjevere vawo.
19 Imo ovatjiukwa novahatjiukwa ve ṱeki pamwe;
novakarere wina va kuturwa.
20 “Okutjavi ove tji mo tjiti kutja
ovandu ve kare mombamisiro?
Okutjavi tji mo yandja ondjerera
kovandu mbe noruhoze?
21 Owo mave undju onḓiro,
nungwari kamaai ya ko;
owo ve ritoororera eyendo
povihuze ngamwa avihe.
22 Owo ve kara nohange,
tji va koka nave pakwa.
23 Ndjambi u horeka ondjira yawo,
nu u i pata komikuma avihe.
24 Moruveze rwokurya ami me riri,
nu moruveze rwokunwa ami me tjeme.
25 Otjiṋa atjihe tji mbi tira tji rira ouatjiri;
natjihe tji mbi nooma na
tjo tji ya kombanda yandje.
26 Ami hi nohange, nu hi norusuvo,
nomauzeu wandje kamaaye yanda ko.”
Job ma unaunine Ndjambi
1 Kombunda yomapanga we tjiva haamene puye oure wotjivike, Job wa uta okuhungira na sengi eyuva rongwatero ye, 2-3 a tja:
“Ndjambi, senga eyuva rongwatero yandje,
senga ouṱuku ami mu mba pandukwa.
4 Ndjambi, rundurura eyuva ndo ri rire onḓorera.
O zemburuka ko eyuva ndo rukwao;
ape ya ko ondjerera rukwao mu ro.
5 Oro ngari rire eyuva ronḓorera noromuzororema;
vandeka eyuva ndo novikamba,
neyuva ari yerisa ko ozohanya zaro.
6 Zemisa ouṱuku mbo moure wombura aihe,
nu ngaa u varwa rukwao;
7 ngau rire ouṱuku ongaango,
nu mbu hi nondjoroka.
8 Raera ozondjai kutja ze senge eyuva ndo,
inḓa nḓe tjiwa okupendura Otjitjupamuriro.
9 O yerisa onyose yomuhuka;
nouṱuku mbo aa u tji ko.
10 Senga ouṱuku mbo mbwa tjita kutja mbi kwatwe,
nu mbwe ndji twa moumba na mondjenda.
11 “Me zeri kutja andakuzu
mba kokera mezumo ra mama,
poo e koka moruveze ndo ndu mba kwatwa.
12 Okutjavi mama tje ndji pukatera pomatumbo we?
Okutjavi tje ndji nyamisisa komavere we?
13 Andakuzu mba kokere moruveze ndo,
andakuzu nai mba suva,
14 amba rara otja ozombara novanane,
mba tungurura ozondjuwo zouhona ozonguru.
15 Nu etje rara tjimuna ovahivirikwa
mbe urisa ozondjuwo zawo nongoldo nosilveri,
16 poo tjimuna okanatje ku ka kwatwa aka koka.
17 Momaendo ovandu ovanauvi mave isa ouvi wawo,
novarumendu ovaungure mba urwa
korusenina mave munu orusuvo mu wo.
18 Nangarire ovapandekwa mave kara nohange,
ava kuturwa kondokohero na
komarakiza omakukutu wovatjevere vawo.
19 Imo ovatjiukwa novahatjiukwa ve ṱeki pamwe;
novakarere wina va kuturwa.
20 “Okutjavi ove tji mo tjiti kutja
ovandu ve kare mombamisiro?
Okutjavi tji mo yandja ondjerera
kovandu mbe noruhoze?
21 Owo mave undju onḓiro,
nungwari kamaai ya ko;
owo ve ritoororera eyendo
povihuze ngamwa avihe.
22 Owo ve kara nohange,
tji va koka nave pakwa.
23 Ndjambi u horeka ondjira yawo,
nu u i pata komikuma avihe.
24 Moruveze rwokurya ami me riri,
nu moruveze rwokunwa ami me tjeme.
25 Otjiṋa atjihe tji mbi tira tji rira ouatjiri;
natjihe tji mbi nooma na
tjo tji ya kombanda yandje.
26 Ami hi nohange, nu hi norusuvo,
nomauzeu wandje kamaaye yanda ko.”
