Ombuze ku Sidkija
1 Muhona wa hungira ku ami, indu Nebukadnesar, ombara ya Babilon, notjimbumba tje tjovita tji tja vaterwa i ovira vyovita vyoviwaṋa nomihoko avihe mbya ri kehi ye, tji va rwisa Jerusalem novirongo vyopopezu na tjo. 2 Muhona, Ndjambi wa Israel, we ndji raera kutja mbi katje nai ku Sidkija, ombara ya Juda: “Ami, Muhona, me yandja otjihuro hi mouvara wombara ya Babilon, noyo mai tji nyosa. 3 Ove komoo poṋa; mo kamburwa no yandjewa momake wayo. Ove mo hakaene na yo omurungu nomurungu, nu mamu hungire kumwe; tjazumba ove otji mo i kObabilon. 4 Sidkija, puratena ku imbi mbi me hungirire ove. Ko nokuṱa motjirwa. 5 Mo ṱu onḓiro yohange, nu otja ovandu punga ava twimisire ovyomoro omuwa, indu tji va paka ooiho mukururume, mba ri ozombara komurungu woye, owo wina opunga amave ku twimisire ovyomoro omuwa momuhingo tjingewo. Mave ku riri amave tja nai: ‘Ombara yetu ya ṱu.’ Ami, ngu mbi ri Muhona, owami ngu mba hungire.”
6 Tjazumba otji mba yandja ombuze ndji kombara Sidkija mOjerusalem, 7 otjimbumba tjombara ya Babilon tjovita ngunda ama tji rwisa otjihuro Jerusalem. Otjimbumba hi wina aatji rwisa Lakis na Aseka, imbi ovihuro ovikwao mbya pangininwa ovita, nu mbya sewa po mOjuda.
Ovineya mokukutura ovakarere
8 Ombara Sidkija novature va Jerusalem va tjitire omazuvasaneno 9 wokukutura ovakarere vawo Ovaheberi, ovarumendu novakazendu, kokutja ape ha ningi omundu ngu ma kara nOmuisrael omukwao otja omukarere. 10 Otjiwaṋa atjihe novanane vatjo otji va zuvasanene okukutura ovakarere vawo, nokutja kamaave ve isa po ovakarere rukwao. Owo arire tji ve ve kutura. 11 Nungwari kombunda owo va rundurura omerikutiro wawo, ave yarura ovakarere mba mbu va kuturire nave keveṋiṋikiza kutja ve rire ovakarere rukwao.
12 Tjazumba Muhona, 13 Ndjambi wa Israel, we ndji raera kutja mbi tje nai kotjiwaṋa: “Ami mba tjitire omerikutiropamwe nooiho mukururume, indu tji mbe ve yamene kOvaengipte ne ve kutura kouhuura. Ami mbe ve raerere kutja 14 aruhe kombunda yozombura hambombari ve sokukutura omukarere auhe Omuheberi ngwe ve karera oure wozombura hamboumwe. Nungwari ooiho mukururume kave ningire ko na tja na ami, nu kave puratenene ko ku imbi mbi mbe ve raerere. 15 Nambano otjikando hi eṋe mwa rundurura omeripuriro weṋu nu mwa tjita imbi mbyaa vi tjata ku ami. Eṋe amuhe mwa zuvasana okukutura Ovaisrael ovakweṋu, nu mwa tjitira omerikutiropamwe momurungu wandje, mondjuwo yandje ami mu mbi rikotamenenwa. 16 Nungwari tjazumba mwa rundurura omeripuriro weṋu rukwao, namu he ndji raisire ondengero. Eṋe amuhe mwa kotora ovakarere avehe mbu mwa kuturire otja owo pu va zerire okukuturwa, notji mwe ve ṋiṋikiza okurira ovakarere veṋu rukwao. 17 Nambano ami, ngu mbi ri Muhona, otji me tja eṋe kamu karere nonḓuviro ku ami; kamu kuturire Ovaisrael ovakweṋu. Osemba, ami nambano me mu pe ongutukiro ndji: Ongutukiro yokuṱa movita, noyokuṱa i omutjise omuzeu nondjara. Me yandjere kutja oviwaṋa avihe mouye vi yaukisiwe i imbi ami mbi me tjiti ku eṋe. 18-19 Ovahongore va Juda nova Jerusalem, novahongore vondjuwo youhona, novapristeri novanane avehe va tjita omerikutiropamwe na ami mokukawondja pokati kotumbembera tuvari twondana ondume ndji va haṋa pokati. Nungwari owo va teya omerikutiropamwe nave ha ṱakamisa omambo womerikutiropamwe nga. Otji me tjiti kovandu mba ihi owo tji va tjita kondana ondume ndjo. 20 Ami meve yandja momake wovanavita na wo, nowaimba mbu mave vanga okuvezepa; noturova twawo matu riwa i ozonḓera zeyuru novipuka vyokuti. 21 Sidkija, ombara ya Juda, novahongore ve wina meve yandja momake wa imba mbu mave vanga okuvezepa. Meve yandja momake wotjimbumba tja Babilon tjovita tji tja isa nambano nai okumurwisa. 22 Tara, ami me yandja omarakiza, nowo mave kotoka kotjihuro hi. Owo mave tji rwisa, ave tji kambura nave tji nyosa. Ami me tjiti kutja ovirongo vya Juda vi rire ongaango mu mu ha tura omundu. Ami, ngu mbi ri Muhona, owami ngu mba hungire.”
Ombuze ku Sidkija
1 Muhona wa hungira ku ami, indu Nebukadnesar, ombara ya Babilon, notjimbumba tje tjovita tji tja vaterwa i ovira vyovita vyoviwaṋa nomihoko avihe mbya ri kehi ye, tji va rwisa Jerusalem novirongo vyopopezu na tjo. 2 Muhona, Ndjambi wa Israel, we ndji raera kutja mbi katje nai ku Sidkija, ombara ya Juda: “Ami, Muhona, me yandja otjihuro hi mouvara wombara ya Babilon, noyo mai tji nyosa. 3 Ove komoo poṋa; mo kamburwa no yandjewa momake wayo. Ove mo hakaene na yo omurungu nomurungu, nu mamu hungire kumwe; tjazumba ove otji mo i kObabilon. 4 Sidkija, puratena ku imbi mbi me hungirire ove. Ko nokuṱa motjirwa. 5 Mo ṱu onḓiro yohange, nu otja ovandu punga ava twimisire ovyomoro omuwa, indu tji va paka ooiho mukururume, mba ri ozombara komurungu woye, owo wina opunga amave ku twimisire ovyomoro omuwa momuhingo tjingewo. Mave ku riri amave tja nai: ‘Ombara yetu ya ṱu.’ Ami, ngu mbi ri Muhona, owami ngu mba hungire.”
6 Tjazumba otji mba yandja ombuze ndji kombara Sidkija mOjerusalem, 7 otjimbumba tjombara ya Babilon tjovita ngunda ama tji rwisa otjihuro Jerusalem. Otjimbumba hi wina aatji rwisa Lakis na Aseka, imbi ovihuro ovikwao mbya pangininwa ovita, nu mbya sewa po mOjuda.
Ovineya mokukutura ovakarere
8 Ombara Sidkija novature va Jerusalem va tjitire omazuvasaneno 9 wokukutura ovakarere vawo Ovaheberi, ovarumendu novakazendu, kokutja ape ha ningi omundu ngu ma kara nOmuisrael omukwao otja omukarere. 10 Otjiwaṋa atjihe novanane vatjo otji va zuvasanene okukutura ovakarere vawo, nokutja kamaave ve isa po ovakarere rukwao. Owo arire tji ve ve kutura. 11 Nungwari kombunda owo va rundurura omerikutiro wawo, ave yarura ovakarere mba mbu va kuturire nave keveṋiṋikiza kutja ve rire ovakarere rukwao.
12 Tjazumba Muhona, 13 Ndjambi wa Israel, we ndji raera kutja mbi tje nai kotjiwaṋa: “Ami mba tjitire omerikutiropamwe nooiho mukururume, indu tji mbe ve yamene kOvaengipte ne ve kutura kouhuura. Ami mbe ve raerere kutja 14 aruhe kombunda yozombura hambombari ve sokukutura omukarere auhe Omuheberi ngwe ve karera oure wozombura hamboumwe. Nungwari ooiho mukururume kave ningire ko na tja na ami, nu kave puratenene ko ku imbi mbi mbe ve raerere. 15 Nambano otjikando hi eṋe mwa rundurura omeripuriro weṋu nu mwa tjita imbi mbyaa vi tjata ku ami. Eṋe amuhe mwa zuvasana okukutura Ovaisrael ovakweṋu, nu mwa tjitira omerikutiropamwe momurungu wandje, mondjuwo yandje ami mu mbi rikotamenenwa. 16 Nungwari tjazumba mwa rundurura omeripuriro weṋu rukwao, namu he ndji raisire ondengero. Eṋe amuhe mwa kotora ovakarere avehe mbu mwa kuturire otja owo pu va zerire okukuturwa, notji mwe ve ṋiṋikiza okurira ovakarere veṋu rukwao. 17 Nambano ami, ngu mbi ri Muhona, otji me tja eṋe kamu karere nonḓuviro ku ami; kamu kuturire Ovaisrael ovakweṋu. Osemba, ami nambano me mu pe ongutukiro ndji: Ongutukiro yokuṱa movita, noyokuṱa i omutjise omuzeu nondjara. Me yandjere kutja oviwaṋa avihe mouye vi yaukisiwe i imbi ami mbi me tjiti ku eṋe. 18-19 Ovahongore va Juda nova Jerusalem, novahongore vondjuwo youhona, novapristeri novanane avehe va tjita omerikutiropamwe na ami mokukawondja pokati kotumbembera tuvari twondana ondume ndji va haṋa pokati. Nungwari owo va teya omerikutiropamwe nave ha ṱakamisa omambo womerikutiropamwe nga. Otji me tjiti kovandu mba ihi owo tji va tjita kondana ondume ndjo. 20 Ami meve yandja momake wovanavita na wo, nowaimba mbu mave vanga okuvezepa; noturova twawo matu riwa i ozonḓera zeyuru novipuka vyokuti. 21 Sidkija, ombara ya Juda, novahongore ve wina meve yandja momake wa imba mbu mave vanga okuvezepa. Meve yandja momake wotjimbumba tja Babilon tjovita tji tja isa nambano nai okumurwisa. 22 Tara, ami me yandja omarakiza, nowo mave kotoka kotjihuro hi. Owo mave tji rwisa, ave tji kambura nave tji nyosa. Ami me tjiti kutja ovirongo vya Juda vi rire ongaango mu mu ha tura omundu. Ami, ngu mbi ri Muhona, owami ngu mba hungire.”
