Ovikurya mbya punguhirwa Ovisenginina
1 Nambano otja konyama ndja punguhirwa oomukuru vovisenginina pe ri nai.
Matu tjiwa kutja eṱe atuhe tu nondjiviro. Ondjiviro i tjita kutja omundu e rihive, nungwari indwi orusuvero ru tunga ombongo. 2 Tji pena ngu ma tjangovasi eye u notjiṋa tji ma tjiwa, tjiri, eye ke nondjiviro omundu ndje sokukara na yo. 3 Nungwari omundu ngwa suvera Ndjambi eye u tjiukwa i Ndjambi.
4 Nu nambano otja kokurya onyama ndja punguhirwa oomukuru vovisenginina pe ri nai: Matu tjiwa kutja mukuru wotjisenginina eye katjiṋa kombanda yehi, nokutja kape na Ndjambi warwe posi na ingwi umwe. 5 Nandi pa kara imba mbu ku za “oomukuru”, kutja omeyuru poo okombanda yehi, nu nandarire kutja pena “oomukuru” ovengi “novahona” ovengi, 6 eṱe tu na Ndjambi umwe uriri: Tate mu mwa za oviṋa avihe, nu ngu twa utirwa; nu tu na Muhona umwe uriri, Jesus Kristus, mu mwa utwa oviṋa avihe, neṱe mu tu nomuinyo.
7 Nungwari ondjiviro ndji kai ri movandu avehe. Ovandu tjiva va iririra oomukuru vovisenginina tjinene, kutja nga ku ndinondi tji mave ri onyama, owo ve tjangovasi oyo ya punguhirwa omukuru wotjisenginina. Komuhingo mbwi omeritjiviro wawo womomutima nga vazewa aya ngundipara, otji maye kurungisirwa ko. 8 Novikurya kavi nakututjita kutja tu kare nomahakaeneno ngu ma engara ohee kuna Ndjambi; tji tu hi nakurya, katu notjiṋa tji matu pandjara; nu tji twa ri, katu notjiṋa tji matu toṋa.
9 Nungwari ṱakamiseye kutja omasa wongamburiro yeṋu aye ha rire ombutarisiro ku imba mbe ri ovingundi mongamburiro. 10 Nove ngu u nondjiviro ndji tji wa karira mondjuwo onḓere yoomukuru vovisenginina, nu omundu ngu nomeritjiviro womomutima omangundi e ku munu, indu otjiṋa hi katji nakumupa omasa kutja a rye onyama ndja punguhirwa oomukuru vovisenginina are? 11 Omundu otjingundi ngwi otji ma pandjara motjimbe tjondjiviro yoye ndji; neye hapo omukambure omukweṋu Kristus ngwa ṱira. 12 Nu tji mwa tjiti ouvi kovakambure ovakweṋu ovingundi momitima mokuvezeuparisa kutja ve tjite imbi mbi ve kambura kutja onavi okutjita, eṋe momuano mbwi mamu tjiti ourunde komurungu wa Kristus. 13 Novikurya, mbi me ri, tji mavi putarisa omukwetu, ami himee ri ko onyama rukwao, tjinga ambi hi nokuvanga okurira ombutarisiro komukwetu.
Ovikurya mbya punguhirwa Ovisenginina
1 Nambano otja konyama ndja punguhirwa oomukuru vovisenginina pe ri nai.
Matu tjiwa kutja eṱe atuhe tu nondjiviro. Ondjiviro i tjita kutja omundu e rihive, nungwari indwi orusuvero ru tunga ombongo. 2 Tji pena ngu ma tjangovasi eye u notjiṋa tji ma tjiwa, tjiri, eye ke nondjiviro omundu ndje sokukara na yo. 3 Nungwari omundu ngwa suvera Ndjambi eye u tjiukwa i Ndjambi.
4 Nu nambano otja kokurya onyama ndja punguhirwa oomukuru vovisenginina pe ri nai: Matu tjiwa kutja mukuru wotjisenginina eye katjiṋa kombanda yehi, nokutja kape na Ndjambi warwe posi na ingwi umwe. 5 Nandi pa kara imba mbu ku za “oomukuru”, kutja omeyuru poo okombanda yehi, nu nandarire kutja pena “oomukuru” ovengi “novahona” ovengi, 6 eṱe tu na Ndjambi umwe uriri: Tate mu mwa za oviṋa avihe, nu ngu twa utirwa; nu tu na Muhona umwe uriri, Jesus Kristus, mu mwa utwa oviṋa avihe, neṱe mu tu nomuinyo.
7 Nungwari ondjiviro ndji kai ri movandu avehe. Ovandu tjiva va iririra oomukuru vovisenginina tjinene, kutja nga ku ndinondi tji mave ri onyama, owo ve tjangovasi oyo ya punguhirwa omukuru wotjisenginina. Komuhingo mbwi omeritjiviro wawo womomutima nga vazewa aya ngundipara, otji maye kurungisirwa ko. 8 Novikurya kavi nakututjita kutja tu kare nomahakaeneno ngu ma engara ohee kuna Ndjambi; tji tu hi nakurya, katu notjiṋa tji matu pandjara; nu tji twa ri, katu notjiṋa tji matu toṋa.
9 Nungwari ṱakamiseye kutja omasa wongamburiro yeṋu aye ha rire ombutarisiro ku imba mbe ri ovingundi mongamburiro. 10 Nove ngu u nondjiviro ndji tji wa karira mondjuwo onḓere yoomukuru vovisenginina, nu omundu ngu nomeritjiviro womomutima omangundi e ku munu, indu otjiṋa hi katji nakumupa omasa kutja a rye onyama ndja punguhirwa oomukuru vovisenginina are? 11 Omundu otjingundi ngwi otji ma pandjara motjimbe tjondjiviro yoye ndji; neye hapo omukambure omukweṋu Kristus ngwa ṱira. 12 Nu tji mwa tjiti ouvi kovakambure ovakweṋu ovingundi momitima mokuvezeuparisa kutja ve tjite imbi mbi ve kambura kutja onavi okutjita, eṋe momuano mbwi mamu tjiti ourunde komurungu wa Kristus. 13 Novikurya, mbi me ri, tji mavi putarisa omukwetu, ami himee ri ko onyama rukwao, tjinga ambi hi nokuvanga okurira ombutarisiro komukwetu.
