Ovirimunikise nomavandururiro wa Paulus
1 Ami mbi sokurihiva, nandarire kutja ingwi okurihiva kaku notjiṋa tji ku vatera. Nungwari nambano me hungire ovirimunikise nomavandururiro ngu mba pewa i Muhona. 2 Me tjiwa omukriste worive ngwa yererwe nga keyuru oritjatatu, ozombura omurongo na ine nḓa kapita. Ami hi nokutjiwa kutja eye wa yererwe orutu poo wa yererwe mombepo, Ndjambi porwe ongumatjiwa. 3-4 Me yarukire po, ami me tjiwa kutja omundu ngwi wa yererwe moparadisa. Hi nokutjiwa kutja eye wa yererwe orutu poo wa yererwe mombepo, Ndjambi porwe ongumatjiwa. Ingo eye oka kazuvira omambo omahimise nge ha sorwa okuhungirwa i omundu. 5 Omundu ngwi me mu hivire oviṋa mbi, nungwari ami hi nokurihiva omuini posi naimbi vyoungundi wandje. 6 Ami nandi mba vanga okurihiva, hi nokurira eyova, tjinga ame hungire ouatjiri. Nungwari me ritjaere kokurihiva, tjinga ambi hi nokuvanga kutja pe ninge omundu ngu me ndji vara kombanda yaihi tji ma munu ame tjiti poo tji ma zuu ame hungire.
7 Nungwari kutja e he ritongamisire oviṋa ovihimise, mbi mba muna, ami mba pewa okuiya monyama otja omuhindwa wa Satan okundjitona ozongomi, nokundjitjaera kutja e he ritongamisa. 8 Tutatu mba kumba ku Muhona kutja a ise po otjiṋa hi ku ami. 9 Nu eziriro re ra ri ndi: “otjari tjandje kove opu tjo, orondu omasa wandje maye yenenisiwa indu tji wa ngundipara.” Opu me zu okurihivira oungundi wandje, kokutja omasa wa Kristus ye rire ondjamo yandje. 10 Nopu me zu okukara nenyando moungundi, na momayambururiro, na momauzeu na mondatumisiro, na mozombamisiro motjimbe tja Kristus; Orondu tji mba ngundipara, owami omunamasa.
Paulus me rikendere ombongo yOvakorinte
11 Nambano ami mba tjita aayo owami eyova. Nungwari oweṋe mbu mwe ndji tjitisa nao. Hapo oweṋe mbu mwa sere okundjihiva. Orondu nandarire kutja ami hitjiṋa, hi ri kehi yovandu veṋu mbo mbu ku za “ovaapostele”. 12 Ovizemburukiro novihimise novyomasa, mbi raisa kutja owami omuapostele, mbe vi tjita mokati keṋu nomuretima omunene. 13 Indu eṋe mwa tjindwa navi komuhingo uṋe okukapita ozombongo ozongweṋu, posi yaindu tji mbi ha ningirire ombatero yotjimariva ku eṋe? Arikaneye, ndji isireye ouhasemba mbwi!
14 Nambano ihi otjikando otjitjatatu ami okurirongerera okuya ku eṋe, nu hi nokurira omutwaro ku eṋe. Hi nokuvanga ovimariva vyeṋu, nungwari me vanga eṋe. Nu hapo kavanatje ombe sokuhupisa ovanene vawo, nungwari ovanene ombe sokuhupisa ovanatje vawo. 15 Ami etje vanga okuyandja avihe mbi mbi na vyo, nangarire imbwi omuinyo wandje porwe, kokutja mbi mu vatere. Nami tji mbe mu suvera tjinene komeho okukapita, indu eṋe mamu ndji suvere kaṱiṱi are?
16 Osemba, ami hi mu pere ouzeu. Nungwari omundu mape ya a tja ami mba nongapara nga tji me mu uru novineya. 17 Indu mbi na pu mbe mu punda ovimariva na umwe wa imba mbu mba hindire ku eṋe are? 18 Ami mba ningirire Titus omukwetu omukambure okuya ku eṋe. Indu Titus u na pe mu pundire otjimariva are? Indu ami na ye katu ungura mombepo tjingeyo, nu katu twara ondjira tjingeyo are?
19 Ngahino eṋe mu tjangovasi eṱe aruhe nai tu kondja okuriyeura oveni komurungu weṋu. Kako, eṱe tu hungira otja Kristus punga e vanga kutja tu hungire komurungu wa Ndjambi. Navihe mbi tu tjita, vakwetu ovasuverwa, tu vi tjitira okuvatera eṋe. 20 Ami me tira kutja ngahino tji mbe ya ngo, me yokumuvaza amu he ri otja punga etje vanga, nokutja wina eṋe kamu nokundjimuna otja punga itjamu vanga. Me tira kutja me yokuvaza ozombata neruru nomazenge nokurivara oveni nomayambururiro notuyambo nomeritongamisiro nomazunganeno. 21 Wina me tira kutja tji mbe ya rukwao, Ndjambi wandje me ndji susuparisa komurungu weṋu, nokutja me ṱire imba ovengi veṋu oruhoze mba tura ondjo nu mbe he ritanaurire okuisa ouhakohoke noruvakiro nourunde woviṋa vyonyama, mbi va tjitire.
Ovirimunikise nomavandururiro wa Paulus
1 Ami mbi sokurihiva, nandarire kutja ingwi okurihiva kaku notjiṋa tji ku vatera. Nungwari nambano me hungire ovirimunikise nomavandururiro ngu mba pewa i Muhona. 2 Me tjiwa omukriste worive ngwa yererwe nga keyuru oritjatatu, ozombura omurongo na ine nḓa kapita. Ami hi nokutjiwa kutja eye wa yererwe orutu poo wa yererwe mombepo, Ndjambi porwe ongumatjiwa. 3-4 Me yarukire po, ami me tjiwa kutja omundu ngwi wa yererwe moparadisa. Hi nokutjiwa kutja eye wa yererwe orutu poo wa yererwe mombepo, Ndjambi porwe ongumatjiwa. Ingo eye oka kazuvira omambo omahimise nge ha sorwa okuhungirwa i omundu. 5 Omundu ngwi me mu hivire oviṋa mbi, nungwari ami hi nokurihiva omuini posi naimbi vyoungundi wandje. 6 Ami nandi mba vanga okurihiva, hi nokurira eyova, tjinga ame hungire ouatjiri. Nungwari me ritjaere kokurihiva, tjinga ambi hi nokuvanga kutja pe ninge omundu ngu me ndji vara kombanda yaihi tji ma munu ame tjiti poo tji ma zuu ame hungire.
7 Nungwari kutja e he ritongamisire oviṋa ovihimise, mbi mba muna, ami mba pewa okuiya monyama otja omuhindwa wa Satan okundjitona ozongomi, nokundjitjaera kutja e he ritongamisa. 8 Tutatu mba kumba ku Muhona kutja a ise po otjiṋa hi ku ami. 9 Nu eziriro re ra ri ndi: “otjari tjandje kove opu tjo, orondu omasa wandje maye yenenisiwa indu tji wa ngundipara.” Opu me zu okurihivira oungundi wandje, kokutja omasa wa Kristus ye rire ondjamo yandje. 10 Nopu me zu okukara nenyando moungundi, na momayambururiro, na momauzeu na mondatumisiro, na mozombamisiro motjimbe tja Kristus; Orondu tji mba ngundipara, owami omunamasa.
Paulus me rikendere ombongo yOvakorinte
11 Nambano ami mba tjita aayo owami eyova. Nungwari oweṋe mbu mwe ndji tjitisa nao. Hapo oweṋe mbu mwa sere okundjihiva. Orondu nandarire kutja ami hitjiṋa, hi ri kehi yovandu veṋu mbo mbu ku za “ovaapostele”. 12 Ovizemburukiro novihimise novyomasa, mbi raisa kutja owami omuapostele, mbe vi tjita mokati keṋu nomuretima omunene. 13 Indu eṋe mwa tjindwa navi komuhingo uṋe okukapita ozombongo ozongweṋu, posi yaindu tji mbi ha ningirire ombatero yotjimariva ku eṋe? Arikaneye, ndji isireye ouhasemba mbwi!
14 Nambano ihi otjikando otjitjatatu ami okurirongerera okuya ku eṋe, nu hi nokurira omutwaro ku eṋe. Hi nokuvanga ovimariva vyeṋu, nungwari me vanga eṋe. Nu hapo kavanatje ombe sokuhupisa ovanene vawo, nungwari ovanene ombe sokuhupisa ovanatje vawo. 15 Ami etje vanga okuyandja avihe mbi mbi na vyo, nangarire imbwi omuinyo wandje porwe, kokutja mbi mu vatere. Nami tji mbe mu suvera tjinene komeho okukapita, indu eṋe mamu ndji suvere kaṱiṱi are?
16 Osemba, ami hi mu pere ouzeu. Nungwari omundu mape ya a tja ami mba nongapara nga tji me mu uru novineya. 17 Indu mbi na pu mbe mu punda ovimariva na umwe wa imba mbu mba hindire ku eṋe are? 18 Ami mba ningirire Titus omukwetu omukambure okuya ku eṋe. Indu Titus u na pe mu pundire otjimariva are? Indu ami na ye katu ungura mombepo tjingeyo, nu katu twara ondjira tjingeyo are?
19 Ngahino eṋe mu tjangovasi eṱe aruhe nai tu kondja okuriyeura oveni komurungu weṋu. Kako, eṱe tu hungira otja Kristus punga e vanga kutja tu hungire komurungu wa Ndjambi. Navihe mbi tu tjita, vakwetu ovasuverwa, tu vi tjitira okuvatera eṋe. 20 Ami me tira kutja ngahino tji mbe ya ngo, me yokumuvaza amu he ri otja punga etje vanga, nokutja wina eṋe kamu nokundjimuna otja punga itjamu vanga. Me tira kutja me yokuvaza ozombata neruru nomazenge nokurivara oveni nomayambururiro notuyambo nomeritongamisiro nomazunganeno. 21 Wina me tira kutja tji mbe ya rukwao, Ndjambi wandje me ndji susuparisa komurungu weṋu, nokutja me ṱire imba ovengi veṋu oruhoze mba tura ondjo nu mbe he ritanaurire okuisa ouhakohoke noruvakiro nourunde woviṋa vyonyama, mbi va tjitire.
