Ombuze ndja hungirirwa Jerusalem
1 Indji ondji ri ombuze ndja hungirirwa Otjana tjOtjirimunikise.
Mape tjitwa tjike? Okutjavi ovandu avehe votjihuro tji mave rondo komitutu vyozondjuwo okukatjitira ko omikandi? 2 Otjihuro atjihe matji zungana ama tji rokoha nokuyoroka.
Ovarwe voye mba ṱa movita mbi, kave ṱire motjirwa. 3 Ovanane voye avehe va taura, nowo va kamburwa ngunda ave hiya yaha otjiku nangarire tjimwe; ozombangaṋe zoye azehe za huurwa, ozo za tupuka okuyenda kokure. 4 Nambano ndji eseye mbi kare erike, mbi ririre tjinene imba ovandu vandje avehe mba koka. Amu kondjo okundjihuhumiṋa. 5 Indwi orwo oruveze rwomazunganeno norwomatombakaneno norwomapurukiro mOtjana tjOtjirimunikise, nu Muhona Ndjambi Omunamasaaehe, we vi hinda ku eṱe. Orumbo rwotjihuro tjetu rwa teyerwa pehi, novature mave kwire ombatero kozondundu.
6 Ovarwe wovita vehi ra Elam ve ya ava kavire koukambe nave ripangaṋa nomauta noviku. Novarwe wovita vehi ra Kir ve rirongera notuvao. 7 Omikutu omiwamiwa vyehi ra Juda vye ura nomatemba wovita; ovarwe wovita mba kavira koukambe va kurama momurungu womivero vya Jerusalem. 8 Okuriyeura akuhe kwa Juda otji kwa yanda.
Otjiṋa hi tji tja tjitwa, ove otji wa eta ovirwise, mbi wa isa mondjuwo yovirwise. 9 Eṋe mwa muna omiṱa korumbo rwotjihuro tja David kutja vya ri omingi. Mwa woronganisa omeva wErindi rOkehi. 10 Eṋe mwa vara ozondjuwo mOjerusalem, nu mwe ze haṋa kutja mu mune mo omawe ngu mamu zeuparisa na wo orumbo rwatjo. 11 Mokati kotjihuro eṋe mwa ungura erindi ndi mari ṱiza omeva ngu maye pupu okuza kerindi indi ekuru. Nungwari eṋe kamu karere ko na tja na Ndjambi ngwa tyere avihe mbi rukuru, nu ngwe vi utire.
12 Meyuva ndo, Muhona Ndjambi Omunamasaaehe, otje mu isana kutja mu rire nu mu kare moruhoze, nokutja mu hore oviuru vyeṋu, nu mu zare ozombanda zomakutu. 13 Moruveze rwanao eṋe mwa kara nenyando namu yoroka. Mwa zepa ozongombe nozonḓu amu ri onyama namu nu omavinu. Eṋe mwa tja: “Ngatu rye nu ngatu nwe, ngahino muhuka matu koka.”
14 Muhona Omunamasaaehe, wa hungira ku ami a tja: “Kamaamu isirwa ouvi mbwi ngunda amu nomuinyo. Ami ngu mbi ri Muhona Ndjambi Omunamasaaehe, mba hungire.”
Sebna ma rongwa
15 Muhona Ndjambi Omunamasaaehe, we ndji raera kutja mbi yende ku Sebna, omutjevere omunene wondjuwo youhona, nu mbi katje nai ku ye: 16 “Hapo mo tjangovasi oove aṋi? U nousemba watjike okurikororera eyendo moruuwa? 17 Tara, Muhona me ku toora, nu me ku nakaura kokure. 18 Eye me ku toora ondumburiri, ne ku yumbu mehi eparanga. Ove mo ṱire mbo meṋe yomatemba woye wovita nguyo ritongamisire. Oove ondjambu konganda yomuhona woye. 19 Muhona me ku ramba moviungura vyoye, nu me ku isa mo moruveze rwoye rwounane.”
20 Muhona wa tja nai ku Sebna: “Otjiṋa hi tji tja tjitwa, ami me isana omukarere wandje Eljakim, omuzandu wa Hilkija. 21 Ami me mu zarisa ombanda yoye younane, ne mu kutu ekwamo roye ne mu pe ousemba auhe ove mbu wa ri na wo. Eye ma rire ihe yovature va Jerusalem nOvajuda. 22 Me mu pe ousemba auhe kehi yombara, indji ondekurona ya David. Eye ma kara novipaturure vyondjuwo youhona; tja paturura kape na ngu ma pata, nu tja pata kape na ngu ma paturura. 23 Me mu papere poṋa opakukutu otja omboha, neye ma rire ondjozikiro keṱunḓu re arihe.
24 “Nungwari movazamumwe ve na imba ovokehi ye avehe mave rire omutwaro ku ye. Owo mave kakatere ku ye tjimuna ozonyungu novitjuma kotjipa. 25 Otjiṋa hi tji tja tjitwa, otjipa tji tja pamisirwe matji putuka natji u. Nu oviṋa avihe mbyaa vi rekareka kutjo mavi wire pehi navi nyanyauka.” Muhona wa hungire.
Ombuze ndja hungirirwa Jerusalem
1 Indji ondji ri ombuze ndja hungirirwa Otjana tjOtjirimunikise.
Mape tjitwa tjike? Okutjavi ovandu avehe votjihuro tji mave rondo komitutu vyozondjuwo okukatjitira ko omikandi? 2 Otjihuro atjihe matji zungana ama tji rokoha nokuyoroka.
Ovarwe voye mba ṱa movita mbi, kave ṱire motjirwa. 3 Ovanane voye avehe va taura, nowo va kamburwa ngunda ave hiya yaha otjiku nangarire tjimwe; ozombangaṋe zoye azehe za huurwa, ozo za tupuka okuyenda kokure. 4 Nambano ndji eseye mbi kare erike, mbi ririre tjinene imba ovandu vandje avehe mba koka. Amu kondjo okundjihuhumiṋa. 5 Indwi orwo oruveze rwomazunganeno norwomatombakaneno norwomapurukiro mOtjana tjOtjirimunikise, nu Muhona Ndjambi Omunamasaaehe, we vi hinda ku eṱe. Orumbo rwotjihuro tjetu rwa teyerwa pehi, novature mave kwire ombatero kozondundu.
6 Ovarwe wovita vehi ra Elam ve ya ava kavire koukambe nave ripangaṋa nomauta noviku. Novarwe wovita vehi ra Kir ve rirongera notuvao. 7 Omikutu omiwamiwa vyehi ra Juda vye ura nomatemba wovita; ovarwe wovita mba kavira koukambe va kurama momurungu womivero vya Jerusalem. 8 Okuriyeura akuhe kwa Juda otji kwa yanda.
Otjiṋa hi tji tja tjitwa, ove otji wa eta ovirwise, mbi wa isa mondjuwo yovirwise. 9 Eṋe mwa muna omiṱa korumbo rwotjihuro tja David kutja vya ri omingi. Mwa woronganisa omeva wErindi rOkehi. 10 Eṋe mwa vara ozondjuwo mOjerusalem, nu mwe ze haṋa kutja mu mune mo omawe ngu mamu zeuparisa na wo orumbo rwatjo. 11 Mokati kotjihuro eṋe mwa ungura erindi ndi mari ṱiza omeva ngu maye pupu okuza kerindi indi ekuru. Nungwari eṋe kamu karere ko na tja na Ndjambi ngwa tyere avihe mbi rukuru, nu ngwe vi utire.
12 Meyuva ndo, Muhona Ndjambi Omunamasaaehe, otje mu isana kutja mu rire nu mu kare moruhoze, nokutja mu hore oviuru vyeṋu, nu mu zare ozombanda zomakutu. 13 Moruveze rwanao eṋe mwa kara nenyando namu yoroka. Mwa zepa ozongombe nozonḓu amu ri onyama namu nu omavinu. Eṋe mwa tja: “Ngatu rye nu ngatu nwe, ngahino muhuka matu koka.”
14 Muhona Omunamasaaehe, wa hungira ku ami a tja: “Kamaamu isirwa ouvi mbwi ngunda amu nomuinyo. Ami ngu mbi ri Muhona Ndjambi Omunamasaaehe, mba hungire.”
Sebna ma rongwa
15 Muhona Ndjambi Omunamasaaehe, we ndji raera kutja mbi yende ku Sebna, omutjevere omunene wondjuwo youhona, nu mbi katje nai ku ye: 16 “Hapo mo tjangovasi oove aṋi? U nousemba watjike okurikororera eyendo moruuwa? 17 Tara, Muhona me ku toora, nu me ku nakaura kokure. 18 Eye me ku toora ondumburiri, ne ku yumbu mehi eparanga. Ove mo ṱire mbo meṋe yomatemba woye wovita nguyo ritongamisire. Oove ondjambu konganda yomuhona woye. 19 Muhona me ku ramba moviungura vyoye, nu me ku isa mo moruveze rwoye rwounane.”
20 Muhona wa tja nai ku Sebna: “Otjiṋa hi tji tja tjitwa, ami me isana omukarere wandje Eljakim, omuzandu wa Hilkija. 21 Ami me mu zarisa ombanda yoye younane, ne mu kutu ekwamo roye ne mu pe ousemba auhe ove mbu wa ri na wo. Eye ma rire ihe yovature va Jerusalem nOvajuda. 22 Me mu pe ousemba auhe kehi yombara, indji ondekurona ya David. Eye ma kara novipaturure vyondjuwo youhona; tja paturura kape na ngu ma pata, nu tja pata kape na ngu ma paturura. 23 Me mu papere poṋa opakukutu otja omboha, neye ma rire ondjozikiro keṱunḓu re arihe.
24 “Nungwari movazamumwe ve na imba ovokehi ye avehe mave rire omutwaro ku ye. Owo mave kakatere ku ye tjimuna ozonyungu novitjuma kotjipa. 25 Otjiṋa hi tji tja tjitwa, otjipa tji tja pamisirwe matji putuka natji u. Nu oviṋa avihe mbyaa vi rekareka kutjo mavi wire pehi navi nyanyauka.” Muhona wa hungire.
