Ongumbiro youtoṋi
Komuimburise. Epsalme ra David.
1 Muhona nge ku zuvire meyuva rombamisiro!
Ndjambi wa Jakob nge ku yame!
2 Eye nge ku hindire ombatero
okuza mondjuwo ye,
nge ku yame okuza kondundu ya Sion.
3 Eye nga yakure ozombunguhiro
zoye azehe zovikurya,
nu nga kare nonyuṋe mozombunguhiro
zoye ozoningiririsiwa.
4 Eye nge ku pe imbi mbi mo zeri nomutima woye,
nga ṋingaparise ouripura woye auhe.
5 Otji matu yorokere outoṋi woye,
nu matu turike erapi routoṋi
mena ra Ndjambi wetu.
Muhona nga yenenise
omaningiriro woye aehe.
6 Nambano ami mba tjiwa kutja Muhona ma
yandja ondoṋeno kombara ye ondoororwa;
eye me i zuvire motjouyapuke tje meyuru,
nu momasa we eye me i pe outoṋi ounene.
7 Tjiva ve riyameka komatemba wovita,
nu tjiva ave riyameke koukambe wawo;
nungwari eṱe tu riyameka kena
ra Muhona, Ndjambi wetu.
8 Ovandu otja imba mave putara nave u,
nungwari eṱe matu kara kamuseka natu zikama.
9 Muhona, yandja outoṋi kombara!
Nu tu zuvira tji matu ku kove.
Ongumbiro youtoṋi
Komuimburise. Epsalme ra David.
1 Muhona nge ku zuvire meyuva rombamisiro!
Ndjambi wa Jakob nge ku yame!
2 Eye nge ku hindire ombatero
okuza mondjuwo ye,
nge ku yame okuza kondundu ya Sion.
3 Eye nga yakure ozombunguhiro
zoye azehe zovikurya,
nu nga kare nonyuṋe mozombunguhiro
zoye ozoningiririsiwa.
4 Eye nge ku pe imbi mbi mo zeri nomutima woye,
nga ṋingaparise ouripura woye auhe.
5 Otji matu yorokere outoṋi woye,
nu matu turike erapi routoṋi
mena ra Ndjambi wetu.
Muhona nga yenenise
omaningiriro woye aehe.
6 Nambano ami mba tjiwa kutja Muhona ma
yandja ondoṋeno kombara ye ondoororwa;
eye me i zuvire motjouyapuke tje meyuru,
nu momasa we eye me i pe outoṋi ounene.
7 Tjiva ve riyameka komatemba wovita,
nu tjiva ave riyameke koukambe wawo;
nungwari eṱe tu riyameka kena
ra Muhona, Ndjambi wetu.
8 Ovandu otja imba mave putara nave u,
nungwari eṱe matu kara kamuseka natu zikama.
9 Muhona, yandja outoṋi kombara!
Nu tu zuvira tji matu ku kove.
