Omuzandu wa Jesaja ma rire otjiraisiro kotjiwaṋa
1 Muhona wa tja nai ku ami: “Toora otjitjangero otjinene, nu tjanga ku tjo omambo ngu maye sora okuresewa nawa, nu ngu maye tja nai: ‘Maher-Salal-Has-Bas’, okutja ‘Mape huurwa hakahana, mape pundwa tjimanga’. 2 Ndji pahera ovahongonone vevari ovaṱakame, okutja omupristeri Urija na Sakaria, omuzandu wa Jeberekia.”
3 Ami mba rara pomukazendu wandje omuprofete; neye wa rira otjingundi na panduka omuzandu. Nu Muhona wa tja nai ku ami: “Mu ruka Maher-Salal-Has-Bas, okutja ‘Mape huurwa hakahana, mape pundwa tjimanga’. 4 Omuzandu ngwi ngunda e hiye kura okutja ‘Mama’ na ‘Tate’, outumbe auhe wa Damaskus novihuurwa vya Samaria avihe mavi twarewa i ombara ya Asirie.”
Ombara ya Asirie mai ya
5 Muhona wa hungira rukwao ku ami a tja: 6 “Ovandu mba tjinga ava nyengwa omeva nga hirimana woruronḓu rwa Siloak nave zezera komurungu wombara Resin, nowombara Peka, omuzandu wa Remalja, 7 ami, ngu mbi ri Muhona, otji me eta ombara ya Asirie novarwe vayo avehe wovita ve rwise Juda. Owo mave ryama tjimuna omupupo omuzeu womeva wonḓonḓu Eufrat tji mau tanana ovikere vyayo. 8 Owo mave kombozora Juda otja omupupo mbu mau vaza nga posengo, nu mbu mau vandeke oviṋa avihe.”
Nungwari Ndjambi u ri puna eṱe! Ovivava vye mbya nyaturuka, mavi yama indi ehi.
9 Tjiweye, viwaṋa, nangarire kutja mamu rokoha, tjiri mamu haverwa! Purateneye, mahi wokokure, nangarire kutja mamu rirongere, tjiri mamu haverwa! Nangarire kutja mamu rirongere, tjiri mamu haverwa! 10 Ripureye ondunge, nungwari oyo mai nyonwa! Tjiteye omazuvasaneno, nowo kaye nokuzikama, orondu Ndjambi u ri puna eṱe.
Muhona ma popo omuprofete
11 Ii, Muhona wa hungire nai ku ami, indi eke re tji re ndji ṱiza okundjikotora kutja e ha ryanga mondjira mu mu ryanga otjiwaṋa hi, ama tja: 12 “Amu rihitisa momeripuriro wovandu, nu amu tira oviṋa owo mbi ve tira; amu ve tira. 13 Zemburukeye kutja ami, ngu mbi ri Muhona Omunamasaaehe, owami omuyapuke; owami ngwi ngu mu sokutira. 14 Mena rouyapuke wandje outirise ami mbi ri otja ewe mu mu riveta ovandu vouhona wa Juda nowa Israel; nu wina mbi ri otja oruuwa ovandu mba mu ve putara. Owami ombate nongwehe kovature va Jerusalem. 15 Ovengi mave putara; owo mave u nave ṱukuṱuka. Mave kamburwa mombate.”
Omaronga kokuhinokuningira ondunge kozombepo zovaṱi
16 Ami me ṱakamisa omahongonona wa Ndjambi, nu me patere omahongero we momitima vyovahongewa vandje. 17 Ami me undju ku Muhona ngu ma horeke omurungu we konganda ya Jakob, ku ye ami oku me undju.
18 Ami owami ngwi novanatje Muhona mbe ndji pa, Muhona Omunamasaaehe ngu tura kondundu Sion we tu tuma tu rire ombuze onamuinyo kotjiwaṋa tja Israel.
19 Nungwari ovandu tji mave mu raere kutja mu ningire ozombuze kozombetere na kozondjai nḓe hokora nokuzumazuma, zireye nai: “Otjiwaṋa katji sokupura ku Ndjambi watjo are? Omundu ma sokupura kovakoke motjimbe tjovanamuinyo are?
20 “Purateneye ku imbi Muhona mbi me mu hongo! Amu puratene kozombepo zovaṱi; imbi mbi maze mu raere kavi nokumupwisa.”
Omayuva woumba
21 Otjiwaṋa matji ryanga mehi atje rihahiza na tja ṱondjara. Mondjara na momazenge watjo otjo matji sengi ombara yatjo na Ndjambi watjo. Matji tara kevaverwa 22 poo kombanda yehi, nungwari katji na tji matji munu posi youmba nonḓorera, onḓorera ondirise mu matji hingirwa. 23 Kape nokukara ondjira kotjiwaṋa hi, indu tji matji taura komayuva woumba nga.
Omuzandu wa Jesaja ma rire otjiraisiro kotjiwaṋa
1 Muhona wa tja nai ku ami: “Toora otjitjangero otjinene, nu tjanga ku tjo omambo ngu maye sora okuresewa nawa, nu ngu maye tja nai: ‘Maher-Salal-Has-Bas’, okutja ‘Mape huurwa hakahana, mape pundwa tjimanga’. 2 Ndji pahera ovahongonone vevari ovaṱakame, okutja omupristeri Urija na Sakaria, omuzandu wa Jeberekia.”
3 Ami mba rara pomukazendu wandje omuprofete; neye wa rira otjingundi na panduka omuzandu. Nu Muhona wa tja nai ku ami: “Mu ruka Maher-Salal-Has-Bas, okutja ‘Mape huurwa hakahana, mape pundwa tjimanga’. 4 Omuzandu ngwi ngunda e hiye kura okutja ‘Mama’ na ‘Tate’, outumbe auhe wa Damaskus novihuurwa vya Samaria avihe mavi twarewa i ombara ya Asirie.”
Ombara ya Asirie mai ya
5 Muhona wa hungira rukwao ku ami a tja: 6 “Ovandu mba tjinga ava nyengwa omeva nga hirimana woruronḓu rwa Siloak nave zezera komurungu wombara Resin, nowombara Peka, omuzandu wa Remalja, 7 ami, ngu mbi ri Muhona, otji me eta ombara ya Asirie novarwe vayo avehe wovita ve rwise Juda. Owo mave ryama tjimuna omupupo omuzeu womeva wonḓonḓu Eufrat tji mau tanana ovikere vyayo. 8 Owo mave kombozora Juda otja omupupo mbu mau vaza nga posengo, nu mbu mau vandeke oviṋa avihe.”
Nungwari Ndjambi u ri puna eṱe! Ovivava vye mbya nyaturuka, mavi yama indi ehi.
9 Tjiweye, viwaṋa, nangarire kutja mamu rokoha, tjiri mamu haverwa! Purateneye, mahi wokokure, nangarire kutja mamu rirongere, tjiri mamu haverwa! Nangarire kutja mamu rirongere, tjiri mamu haverwa! 10 Ripureye ondunge, nungwari oyo mai nyonwa! Tjiteye omazuvasaneno, nowo kaye nokuzikama, orondu Ndjambi u ri puna eṱe.
Muhona ma popo omuprofete
11 Ii, Muhona wa hungire nai ku ami, indi eke re tji re ndji ṱiza okundjikotora kutja e ha ryanga mondjira mu mu ryanga otjiwaṋa hi, ama tja: 12 “Amu rihitisa momeripuriro wovandu, nu amu tira oviṋa owo mbi ve tira; amu ve tira. 13 Zemburukeye kutja ami, ngu mbi ri Muhona Omunamasaaehe, owami omuyapuke; owami ngwi ngu mu sokutira. 14 Mena rouyapuke wandje outirise ami mbi ri otja ewe mu mu riveta ovandu vouhona wa Juda nowa Israel; nu wina mbi ri otja oruuwa ovandu mba mu ve putara. Owami ombate nongwehe kovature va Jerusalem. 15 Ovengi mave putara; owo mave u nave ṱukuṱuka. Mave kamburwa mombate.”
Omaronga kokuhinokuningira ondunge kozombepo zovaṱi
16 Ami me ṱakamisa omahongonona wa Ndjambi, nu me patere omahongero we momitima vyovahongewa vandje. 17 Ami me undju ku Muhona ngu ma horeke omurungu we konganda ya Jakob, ku ye ami oku me undju.
18 Ami owami ngwi novanatje Muhona mbe ndji pa, Muhona Omunamasaaehe ngu tura kondundu Sion we tu tuma tu rire ombuze onamuinyo kotjiwaṋa tja Israel.
19 Nungwari ovandu tji mave mu raere kutja mu ningire ozombuze kozombetere na kozondjai nḓe hokora nokuzumazuma, zireye nai: “Otjiwaṋa katji sokupura ku Ndjambi watjo are? Omundu ma sokupura kovakoke motjimbe tjovanamuinyo are?
20 “Purateneye ku imbi Muhona mbi me mu hongo! Amu puratene kozombepo zovaṱi; imbi mbi maze mu raere kavi nokumupwisa.”
Omayuva woumba
21 Otjiwaṋa matji ryanga mehi atje rihahiza na tja ṱondjara. Mondjara na momazenge watjo otjo matji sengi ombara yatjo na Ndjambi watjo. Matji tara kevaverwa 22 poo kombanda yehi, nungwari katji na tji matji munu posi youmba nonḓorera, onḓorera ondirise mu matji hingirwa. 23 Kape nokukara ondjira kotjiwaṋa hi, indu tji matji taura komayuva woumba nga.
