Ovahonge woposyo
1 Ombepo Ondjapuke i hungira oukahu kutja momayuva omasenina ovandu tjiva mave poka kongamburiro; owo mave kakatere kozombepo ozombukise nave kongorere omahongero wozombepo ozohakohoke. 2 Ovandu mba owo ovawovise ovanavizeze nu omeritjiviro wawo womomutima ya koka tjimuna ya nyosiwa notjikangure otjipyu. 3 Owo ve tjaera ovandu okukupa nokutja ave ha ri ovikurya tjiva vyorive. Nungwari Ndjambi wa uta ovikurya mbi kokutja imba mba kambura nu mba tjiwa ouatjiri, ve vi rye tji va zu nokutja okuhepa. 4 Oviṋa avihe Ndjambi mbya uta oviwa. Kape na tjimwe tji tji sokuimbirahiwa, nungwari avihe vi sokuyakurwa nongumbiro yokutja okuhepa, 5 orondu ovyo vi yapurwa i embo ra Ndjambi nongumbiro.
Omukarere omuwa wa Kristus Jesus
6 Tji mo hongo ovakweṋu oviṋa mbi, ove mo rire omukarere omuwa wa Kristus Jesus. Nove mo riparura omuini nomambo wongamburiro nomahongero watjiri ngu wa panḓera po. 7 Nungwari isa ovimbaharere vyourunde noviporoporo. Ritjevera nawa kokutja u hupe omuinyo wondira ku Ndjambi. 8 Okurongerisa orutu ku nonḓengu okaṱiṱi, nungwari okurirongerisira Ndjambi ku nonḓengu tjinene moviṋa avihe, orondu oko ku nomakwizikiro womuinyo wa nambano na ku imbwi woruveze ndu maru ya. 9 Omambo nga ouatjiri nu ya pwa okuyakurwa oparukaze. 10 Eṱe twa kondjera nokuungurira onduri ndji tjinene, tjinga atwa twa omaundjiro wetu mu Ndjambi omunamuinyo. Eye Omuyame wovandu avehe, nu tjinene wa imba mba kambura.
11 Oviṋa mbi nga rire mbi wa yandja kovandu nokuvehonga. 12 Ape ningi omundu ngu me ku nyengura mena roumutanda woye, nungwari rira otjihorera kovakambure momambo, momeritjindiro woye, morusuvero kovakweṋu, monḓakameno yoye mu Kristus, na mokuhupa omuinyo mbuhineṋi. 13 Panḓera pokuresera ovandu omatjangwa nokuzuvarisa nokuhonga nga tji mbe ya. 14 O imbirahi otjiyandjewa tji wa pewa i Ombepo Ondjapuke, indu omambo womaprofetero tji ya hungirirwa ove, novanene wombongo tji va yambeka omake kove. 15 Hupa nu zikama moviṋa mbi, kokutja omekuriro woye mongamburiro ye munike kovandu avehe. 16 Ritjevera omuini nu wina u tjevere omahongero woye. Panḓera pokutjita oviṋa mbi, orondu tji wa tjiti nai, ove mo riyama omuini na imba mbu mave puratene kove.
Ovahonge woposyo
1 Ombepo Ondjapuke i hungira oukahu kutja momayuva omasenina ovandu tjiva mave poka kongamburiro; owo mave kakatere kozombepo ozombukise nave kongorere omahongero wozombepo ozohakohoke. 2 Ovandu mba owo ovawovise ovanavizeze nu omeritjiviro wawo womomutima ya koka tjimuna ya nyosiwa notjikangure otjipyu. 3 Owo ve tjaera ovandu okukupa nokutja ave ha ri ovikurya tjiva vyorive. Nungwari Ndjambi wa uta ovikurya mbi kokutja imba mba kambura nu mba tjiwa ouatjiri, ve vi rye tji va zu nokutja okuhepa. 4 Oviṋa avihe Ndjambi mbya uta oviwa. Kape na tjimwe tji tji sokuimbirahiwa, nungwari avihe vi sokuyakurwa nongumbiro yokutja okuhepa, 5 orondu ovyo vi yapurwa i embo ra Ndjambi nongumbiro.
Omukarere omuwa wa Kristus Jesus
6 Tji mo hongo ovakweṋu oviṋa mbi, ove mo rire omukarere omuwa wa Kristus Jesus. Nove mo riparura omuini nomambo wongamburiro nomahongero watjiri ngu wa panḓera po. 7 Nungwari isa ovimbaharere vyourunde noviporoporo. Ritjevera nawa kokutja u hupe omuinyo wondira ku Ndjambi. 8 Okurongerisa orutu ku nonḓengu okaṱiṱi, nungwari okurirongerisira Ndjambi ku nonḓengu tjinene moviṋa avihe, orondu oko ku nomakwizikiro womuinyo wa nambano na ku imbwi woruveze ndu maru ya. 9 Omambo nga ouatjiri nu ya pwa okuyakurwa oparukaze. 10 Eṱe twa kondjera nokuungurira onduri ndji tjinene, tjinga atwa twa omaundjiro wetu mu Ndjambi omunamuinyo. Eye Omuyame wovandu avehe, nu tjinene wa imba mba kambura.
11 Oviṋa mbi nga rire mbi wa yandja kovandu nokuvehonga. 12 Ape ningi omundu ngu me ku nyengura mena roumutanda woye, nungwari rira otjihorera kovakambure momambo, momeritjindiro woye, morusuvero kovakweṋu, monḓakameno yoye mu Kristus, na mokuhupa omuinyo mbuhineṋi. 13 Panḓera pokuresera ovandu omatjangwa nokuzuvarisa nokuhonga nga tji mbe ya. 14 O imbirahi otjiyandjewa tji wa pewa i Ombepo Ondjapuke, indu omambo womaprofetero tji ya hungirirwa ove, novanene wombongo tji va yambeka omake kove. 15 Hupa nu zikama moviṋa mbi, kokutja omekuriro woye mongamburiro ye munike kovandu avehe. 16 Ritjevera omuini nu wina u tjevere omahongero woye. Panḓera pokutjita oviṋa mbi, orondu tji wa tjiti nai, ove mo riyama omuini na imba mbu mave puratene kove.
