Otjirimunikise tjongoze osaneke
1 Motjirimunikise tjarwe ami mba muna omurumendu ngwa ri nongoze osaneke meke re. 2 Ami mba pura nai: “Mo i pi?”
Eye wa zira a tja: “Me kasaneka Jerusalem, mbi mune kutja tji noure nouparanga mbu ṱeki pi.”
3 Tjazumba omuengeri ngwa hungirire na ami ngunda ama ryama, omuengeri omukwao arire tje ya okumutjakanena. 4 Ingwi omutenga wa tja nai komukwao: “Tupuka u karaera omuzandona ngo ngu nongoze osaneke kutja mamu kara ovandu ovengi nozongombe ozengi mOjerusalem; otjihuro matji rire otjinene tjinene nai nga tji tji hi nokusora okukara norumbo. 5 Muhona wa kwizika kutja eye omuini ongu ma rire orumbo rwomuriro mbu mau kondoroka otjihuro okutjiyama, nokutja eye ma tura mo nongeṋangeṋeno ye aihe.”
Ovahuurwa mave isanewa kutja ve kotoke konganda
6-7 Muhona wa tja nai kotjiwaṋa tje: “Ami mbe mu rimba kominda avihe. Nungwari nambano, eṋe vahuurwa, taureye mObabilon nu mu yaruke kOjerusalem! 8 Auhe ngu me mu tono, ma tono ihi tji tji ri otjihuze pu avihe ku ami.”
Muhona Omunamasaaehe ope ndji hindire nombuze ndji koviwaṋa mbya pundire otjiwaṋa tje: 9 “Muhona omuini me mu rwisa, neṋe mamu pundwa i ovandu rukuru mba ri ovakarere veṋu.”
Otjiṋa hi tji tja tjitwa, omundu auhe otji ma tjiwa kutja Muhona Omunamasaaehe ongwe ndji tuma.
10 Muhona ma tja nai: “Imbureye nu mu yoroke, vature va Jerusalem! Ami meya okutura mokati keṋu.”
11 Moruveze ndo omihoko omingi mavi ya ku Muhona navi rire otjiwaṋa tje. Eye ma tura mokati keṋu, neṋe mamu tjiwa kutja eye ongwe ndji hinda ku eṋe. 12 Norukwao Ovajuda mave rire ouini wapeke wa Muhona Omunamasaaehe mehi re eyapuke, nu Jerusalem matji rire otjihuro eye tja suvera pu avihe.
13 Mwineye amuhe momurungu wa Muhona, eye tjinga a meya okuza komaturiro we omayapuke.
Otjirimunikise tjongoze osaneke
1 Motjirimunikise tjarwe ami mba muna omurumendu ngwa ri nongoze osaneke meke re. 2 Ami mba pura nai: “Mo i pi?”
Eye wa zira a tja: “Me kasaneka Jerusalem, mbi mune kutja tji noure nouparanga mbu ṱeki pi.”
3 Tjazumba omuengeri ngwa hungirire na ami ngunda ama ryama, omuengeri omukwao arire tje ya okumutjakanena. 4 Ingwi omutenga wa tja nai komukwao: “Tupuka u karaera omuzandona ngo ngu nongoze osaneke kutja mamu kara ovandu ovengi nozongombe ozengi mOjerusalem; otjihuro matji rire otjinene tjinene nai nga tji tji hi nokusora okukara norumbo. 5 Muhona wa kwizika kutja eye omuini ongu ma rire orumbo rwomuriro mbu mau kondoroka otjihuro okutjiyama, nokutja eye ma tura mo nongeṋangeṋeno ye aihe.”
Ovahuurwa mave isanewa kutja ve kotoke konganda
6-7 Muhona wa tja nai kotjiwaṋa tje: “Ami mbe mu rimba kominda avihe. Nungwari nambano, eṋe vahuurwa, taureye mObabilon nu mu yaruke kOjerusalem! 8 Auhe ngu me mu tono, ma tono ihi tji tji ri otjihuze pu avihe ku ami.”
Muhona Omunamasaaehe ope ndji hindire nombuze ndji koviwaṋa mbya pundire otjiwaṋa tje: 9 “Muhona omuini me mu rwisa, neṋe mamu pundwa i ovandu rukuru mba ri ovakarere veṋu.”
Otjiṋa hi tji tja tjitwa, omundu auhe otji ma tjiwa kutja Muhona Omunamasaaehe ongwe ndji tuma.
10 Muhona ma tja nai: “Imbureye nu mu yoroke, vature va Jerusalem! Ami meya okutura mokati keṋu.”
11 Moruveze ndo omihoko omingi mavi ya ku Muhona navi rire otjiwaṋa tje. Eye ma tura mokati keṋu, neṋe mamu tjiwa kutja eye ongwe ndji hinda ku eṋe. 12 Norukwao Ovajuda mave rire ouini wapeke wa Muhona Omunamasaaehe mehi re eyapuke, nu Jerusalem matji rire otjihuro eye tja suvera pu avihe.
13 Mwineye amuhe momurungu wa Muhona, eye tjinga a meya okuza komaturiro we omayapuke.
