Jitro ma kavarura Moses
1 Jitro, omupristeri wa Midian, omukwe wa Moses, wa zuvire avihe Ndjambi mbya tjita ku Moses na kotjiwaṋa tje Israel kutja Muhona wa pitisa Ovaisrael mOengipte. 2 Nu Jitro wa twara omusuko we Sipora, omukazendu wa Moses, ngwa yarurirwe i Moses ku ye, 3 puna ovanatje ve ovazandu vevari. Ena raumwe ra ri Gersom, orondu Moses tja tja: “Ami mba rira owozonganda mehi rozonganda.” 4 Nena romukwao ra ri Elieser, orondu Moses tja tja: “Ndjambi wootate, ombatero yandje, we ndji kutura kengaruvyo ra Farao.”
5 Nu Jitro weya ku Moses puna omukazendu wa Moses novanatje ve ovazandu mokuti onguza, Moses ka ri pondundu ya Ndjambi, pa tunga ondanda ye. 6 Neye wa tjivisa Moses na tja: “Ami, omukwe woye Jitro, mbe ya kove puna omukazendu woye, novazandu ve aveyevari.” 7 Moses otja pita okukemutjakanena, neye we ripeta ne mu hupite. Nowo va korisasana nave hiti mondanda. 8 Nu Moses wa serekarera avihe komukwe we, Muhona mbya tjita ku Farao na kOvaengipte mena rOvaisrael. Neye we mu raera ouzeu auhe mbu va kara na wo mondjira, na Muhona tje ve vatera.
9 Nu Jitro wa yorokera ouwa auhe, Muhona mbwa tjitire kOvaisrael kutja eye we ve kutura kOvaengipte. 10 Jitro opa tjera nai: “Muhona nga tangwe, ngwe mu kutura kOvaengipte na ku Farao, nu ngwa yama otjiwaṋa tje kouhuura wOvaengipte. 11 Nambano mba tjiwa kutja Muhona omunene kombanda yoomukuru avehe, orondu eye wa tjita nai, imba Ovaengipte tji ve ritongamisa kombanda yOvaisrael.” 12 Jitro opa punguhira ozombunguhiro ozoningiririsiwa nozovinamuinyo kondjozikiro ya Ndjambi. Nu Aron novanene va Israel avehe ve ya okurya omukandi pamwe nomukwe wa Moses komurungu wa Ndjambi.
Omazikiro wovapangure
(Deu 1:9-18)13 Neyuva rokombunda yaindo Moses wa haama okupangura otjiwaṋa; notjiwaṋa tja kurama komurungu wa Moses okuza komuhuka nga kongurova. 14 Nu omukwe wa Moses tja muna avihe mbi Moses mbya tjiti kotjiwaṋa, wa tja: “Ovikeṋa mbi mo tjiti kotjiwaṋa? Okutjavi tji mo haama erike mombanguriro, otjiwaṋa atjihe ngunda atja kurama komurungu woye okuza komuhuka nga kongurova?”
15 Moses wa zira komukwe we a tja: “Me tjiti imbi avihe, orondu otjiwaṋa tjinga atje ya ku ami okupura Ndjambi kutja ma tye vi. 16 Tji ve notjiposa, mave ya ku ami; nu ami me pangura pokati kawo, ne ve tjivisa inḓa ozondyero nomatwako wa Ndjambi.”
17 Nungwari Jitro wa tja ku Moses: “otjiṋa hi tji mo tjiti, kasemba. 18 Ove notjiwaṋa hi tji tji ri puna ove, mamu urwa; orondu otjiṋa hi otjizeu kove, ko nokusora okutjingura erike. 19 Nambano puratena ku ami; me ku pe ondunge, nu Ndjambi nga kare puna ove. Ove nga rire ngu wa kuramenepo otjiwaṋa komurungu wa Ndjambi nu u ete oviposa vyawo ku Ndjambi. 20 Nove mo ve hongo ozondyero nomatwako, no ve tjivisa indji ondjira mu ve sokukayenda noviungura, mbi ve sokutjita. 21 Nungwari toorora ovarumendu ovaṱakame mbe tira Ndjambi, ovarumendu ovaṱakame mbe ha kambura oviṋa vyombopero. Nu imba ve zika ve rire ovanane vomayovi novamasere novomirongo vitano novomurongo. 22 Nu ve rire ovapangure vovandu moruveze aruhe. Noviposa ovizeu ngavi etwe kove, nungwari imbi ovipupu ngave vi pangure oveni. Ihi matji rire oupupu kove, tji mamu vaterasana. 23 Tji mo tjiti ihi, nu Ndjambi tje ku raya nai, komoo urwa; novandu mba avehe wina mave yaruka kozoyawo ave nohange.”
24 Moses wa puratena komukwe we, na tjiti avihe mbye mu raera. 25 Nu Moses wa toorora ovarumendu mba pwire okurira ovanane mOvaisrael avehe, ne ve ziki okurira ovanane vomayovi novamasere novomirongo vitano novomurongo. 26 Nowo va ri ovapangure votjiwaṋa moruveze aruhe; oviposa ovizeu ve vi eta ku Moses, nu imbi ovipupu ve vi pangura oveni.
27 Moses wa isa omukwe we Jitro, a yaruke. Neye wa yaruka kehi re.
Jitro ma kavarura Moses
1 Jitro, omupristeri wa Midian, omukwe wa Moses, wa zuvire avihe Ndjambi mbya tjita ku Moses na kotjiwaṋa tje Israel kutja Muhona wa pitisa Ovaisrael mOengipte. 2 Nu Jitro wa twara omusuko we Sipora, omukazendu wa Moses, ngwa yarurirwe i Moses ku ye, 3 puna ovanatje ve ovazandu vevari. Ena raumwe ra ri Gersom, orondu Moses tja tja: “Ami mba rira owozonganda mehi rozonganda.” 4 Nena romukwao ra ri Elieser, orondu Moses tja tja: “Ndjambi wootate, ombatero yandje, we ndji kutura kengaruvyo ra Farao.”
5 Nu Jitro weya ku Moses puna omukazendu wa Moses novanatje ve ovazandu mokuti onguza, Moses ka ri pondundu ya Ndjambi, pa tunga ondanda ye. 6 Neye wa tjivisa Moses na tja: “Ami, omukwe woye Jitro, mbe ya kove puna omukazendu woye, novazandu ve aveyevari.” 7 Moses otja pita okukemutjakanena, neye we ripeta ne mu hupite. Nowo va korisasana nave hiti mondanda. 8 Nu Moses wa serekarera avihe komukwe we, Muhona mbya tjita ku Farao na kOvaengipte mena rOvaisrael. Neye we mu raera ouzeu auhe mbu va kara na wo mondjira, na Muhona tje ve vatera.
9 Nu Jitro wa yorokera ouwa auhe, Muhona mbwa tjitire kOvaisrael kutja eye we ve kutura kOvaengipte. 10 Jitro opa tjera nai: “Muhona nga tangwe, ngwe mu kutura kOvaengipte na ku Farao, nu ngwa yama otjiwaṋa tje kouhuura wOvaengipte. 11 Nambano mba tjiwa kutja Muhona omunene kombanda yoomukuru avehe, orondu eye wa tjita nai, imba Ovaengipte tji ve ritongamisa kombanda yOvaisrael.” 12 Jitro opa punguhira ozombunguhiro ozoningiririsiwa nozovinamuinyo kondjozikiro ya Ndjambi. Nu Aron novanene va Israel avehe ve ya okurya omukandi pamwe nomukwe wa Moses komurungu wa Ndjambi.
Omazikiro wovapangure
(Deu 1:9-18)13 Neyuva rokombunda yaindo Moses wa haama okupangura otjiwaṋa; notjiwaṋa tja kurama komurungu wa Moses okuza komuhuka nga kongurova. 14 Nu omukwe wa Moses tja muna avihe mbi Moses mbya tjiti kotjiwaṋa, wa tja: “Ovikeṋa mbi mo tjiti kotjiwaṋa? Okutjavi tji mo haama erike mombanguriro, otjiwaṋa atjihe ngunda atja kurama komurungu woye okuza komuhuka nga kongurova?”
15 Moses wa zira komukwe we a tja: “Me tjiti imbi avihe, orondu otjiwaṋa tjinga atje ya ku ami okupura Ndjambi kutja ma tye vi. 16 Tji ve notjiposa, mave ya ku ami; nu ami me pangura pokati kawo, ne ve tjivisa inḓa ozondyero nomatwako wa Ndjambi.”
17 Nungwari Jitro wa tja ku Moses: “otjiṋa hi tji mo tjiti, kasemba. 18 Ove notjiwaṋa hi tji tji ri puna ove, mamu urwa; orondu otjiṋa hi otjizeu kove, ko nokusora okutjingura erike. 19 Nambano puratena ku ami; me ku pe ondunge, nu Ndjambi nga kare puna ove. Ove nga rire ngu wa kuramenepo otjiwaṋa komurungu wa Ndjambi nu u ete oviposa vyawo ku Ndjambi. 20 Nove mo ve hongo ozondyero nomatwako, no ve tjivisa indji ondjira mu ve sokukayenda noviungura, mbi ve sokutjita. 21 Nungwari toorora ovarumendu ovaṱakame mbe tira Ndjambi, ovarumendu ovaṱakame mbe ha kambura oviṋa vyombopero. Nu imba ve zika ve rire ovanane vomayovi novamasere novomirongo vitano novomurongo. 22 Nu ve rire ovapangure vovandu moruveze aruhe. Noviposa ovizeu ngavi etwe kove, nungwari imbi ovipupu ngave vi pangure oveni. Ihi matji rire oupupu kove, tji mamu vaterasana. 23 Tji mo tjiti ihi, nu Ndjambi tje ku raya nai, komoo urwa; novandu mba avehe wina mave yaruka kozoyawo ave nohange.”
24 Moses wa puratena komukwe we, na tjiti avihe mbye mu raera. 25 Nu Moses wa toorora ovarumendu mba pwire okurira ovanane mOvaisrael avehe, ne ve ziki okurira ovanane vomayovi novamasere novomirongo vitano novomurongo. 26 Nowo va ri ovapangure votjiwaṋa moruveze aruhe; oviposa ovizeu ve vi eta ku Moses, nu imbi ovipupu ve vi pangura oveni.
27 Moses wa isa omukwe we Jitro, a yaruke. Neye wa yaruka kehi re.
