Omaukiro kOengipte
1 Muhona wa hungira ku ami meyuva oritjamurongo na yevari komueze outjamurongo wombura oitjamurongo, tji twa ri mouhuura, 2 a tja: “Muatje womundu, vera ombara ya Engipte nu u i uke nehi arihe ra Engipte wina. 3 Muhona Ndjambi ma tja nai kombara ya Engipte: Owami omunavita na ove, tjipuka ove ngandu, ngu u rara monḓonḓu. Ove u tja onḓonḓu Nil oyoye, nokutja oove ngu we i uta. 4 Ami me ku hweke ombate moruyeo rwoye, nu e kakaterisa ozohi nḓe ri monḓonḓu yoye kovikotji vyoye. Tjazumba arire tji mbe ku nana monḓonḓu Nil, ozohi azehe ngunda aza kakatere kove. 5 Ami me ku nakaura mokuti onguza puna ozohi azehe nḓa. Orurova rwoye maru wire pehi nu aru saravara mbo nokuhinokupakwa. Ami me ru yandja kozonḓera zeyuru na kovipuka vyokuti ru rire ovikurya vyavyo. 6 Notjiwaṋa tja Engipte atjihe otji matji tjiwa kutja owami ngu mbi ri Muhona.”
Muhona ma tja nai: “Ovaisrael ve riyameka ku eṋe, Vaengipte, kutja mu ve vatere, nungwari eṋe kamwa ri ovasemba pokati okapupu. 7 Tji va yama ku eṋe, eṋe mwa teka, amu twere omakuapa wawo nu amu sotorora omatambo wawo. 8 Nambano ami, ngu mbi ri Muhona Ndjambi, me mu raere kutja me eta ovarumendu mbu mave mu rwisa nomangaruvyo, nowo mave zepa ovandu novinamuinyo vyeṋu. 9 Engipte mari rire ongaango. Notji mamu tjiwa kutja owami ngu mbi ri Muhona.
“Mena rokutja ove wa tja onḓonḓu Nil oyoye nokutja ya utwa i ove, 10 ami otjinga ambi ri omunavita na ove nomunavita nonḓonḓu yoye Nil wina. Ami me tjiti Engipte arihe ri rire ongaango okuza kotjihuro Migdol, komukuma wokokunene kweyuva, nga kotjihuro Aswan, komukuma wokokumuho kweyuva, ehi arihe ndo nga komukuro wehi ra Sudan. 11 Kape nomundu poo otjinamuinyo tji matji ryanga okutuurunga ro. Kape notjiṋa tji matji tura mo oure wozombura omirongo vine. 12 Engipte me ri ririsa ongaango tjinene pomahi aehe mouye. Oure wozombura omirongo vine ovihuro vya Engipte mavi rire ovitambatundu, ovitambatundu ovivi tjinene pu imbi vyovihuro avihe ovikwao. Me yandja Ovaengipte kondauriro. Owo mave taurire komahi aehe nu ave katura mokati koviwaṋa vyarwe.”
13 Muhona Ndjambi ma tja nai: “Kombunda yozombura omirongo vine ami me kakotora Ovaengipte ame keveisa mo moviwaṋa mu mbe ve rimba, 14 nu meve turisa mehi ra Engipte rokokumuho kweyuva, ndi ri omaturiro wawo omatengatenga. Mu ro mave kara nouhona oungundi, 15 imbwi ouhona oungundi tjinene pomauhona aehe, nowo kamaave kahonaparera oviwaṋa vyarwe rukwao. Ami me tjaere kutja ave ha rire ovatjiukwa nga tji ve hi nokusora okupopera otjiwaṋa tjarwe kokutjita ombango yawo. 16 Ovaisrael kamaave riyameke rukwao ku wo kutja ve mune ombatero ku wo. Oumba wa Engipte mau zemburukisa Ovaisrael kutja owo va tataiza tji ve riyameka kOvaengipte. Ovaisrael otji mave tjiwa kutja owami ngu mbi ri Muhona Ndjambi.”
Ombara Nebukadnesar ma huura Engipte
17 Meyuva etenga komueze omutenga wombura oitjamirongo vivari na hambombari youhuura wetu Muhona wa hungira ku ami 18 a tja: “Muatje womundu, Nebukadnesar, ombara ya Babilon, wa tjita omarwisiro omazeu kOtirus. Eye wa tjindisa ovarwe ve wovita omitwaro omizeu, nga oviuru vyawo tji vya hara omaparu, noviṱuve vyawo tji vya topoka, nungwari nangarire ombara poo otjimbumba tjayo tjovita katji munine ondjambi kozongondjero zatjo azehe. 19 Nambano ami, ngu mbi ri Muhona Ndjambi, me tja nai: ‘Ami me yandja ehi ra Engipte kombara Nebukadnesar. Eye ma huura na pundu ro, nu ma twara outumbe wa Engipte auhe u karire otjisuta tjotjimbumba tje tjovita. 20 Ami me mu pe Engipte otja otjisuta koviungura vye mbya ungura, orondu otjimbumba tje tjovita tja ungurira ami. Ami, ngu mbi ri Muhona Ndjambi, owami ngu mba hungire.’
21 “Ihi tji tja tjitwa, ami me zeuparisa otjiwaṋa tja Israel ne yandjere ove, Esekiel, kutja u hungire oukahu apehe ngamwa auhe puma sora okukuzuva, kokutja owo ve tjiwa kutja owami ngu mbi ri Muhona.”
Omaukiro kOengipte
1 Muhona wa hungira ku ami meyuva oritjamurongo na yevari komueze outjamurongo wombura oitjamurongo, tji twa ri mouhuura, 2 a tja: “Muatje womundu, vera ombara ya Engipte nu u i uke nehi arihe ra Engipte wina. 3 Muhona Ndjambi ma tja nai kombara ya Engipte: Owami omunavita na ove, tjipuka ove ngandu, ngu u rara monḓonḓu. Ove u tja onḓonḓu Nil oyoye, nokutja oove ngu we i uta. 4 Ami me ku hweke ombate moruyeo rwoye, nu e kakaterisa ozohi nḓe ri monḓonḓu yoye kovikotji vyoye. Tjazumba arire tji mbe ku nana monḓonḓu Nil, ozohi azehe ngunda aza kakatere kove. 5 Ami me ku nakaura mokuti onguza puna ozohi azehe nḓa. Orurova rwoye maru wire pehi nu aru saravara mbo nokuhinokupakwa. Ami me ru yandja kozonḓera zeyuru na kovipuka vyokuti ru rire ovikurya vyavyo. 6 Notjiwaṋa tja Engipte atjihe otji matji tjiwa kutja owami ngu mbi ri Muhona.”
Muhona ma tja nai: “Ovaisrael ve riyameka ku eṋe, Vaengipte, kutja mu ve vatere, nungwari eṋe kamwa ri ovasemba pokati okapupu. 7 Tji va yama ku eṋe, eṋe mwa teka, amu twere omakuapa wawo nu amu sotorora omatambo wawo. 8 Nambano ami, ngu mbi ri Muhona Ndjambi, me mu raere kutja me eta ovarumendu mbu mave mu rwisa nomangaruvyo, nowo mave zepa ovandu novinamuinyo vyeṋu. 9 Engipte mari rire ongaango. Notji mamu tjiwa kutja owami ngu mbi ri Muhona.
“Mena rokutja ove wa tja onḓonḓu Nil oyoye nokutja ya utwa i ove, 10 ami otjinga ambi ri omunavita na ove nomunavita nonḓonḓu yoye Nil wina. Ami me tjiti Engipte arihe ri rire ongaango okuza kotjihuro Migdol, komukuma wokokunene kweyuva, nga kotjihuro Aswan, komukuma wokokumuho kweyuva, ehi arihe ndo nga komukuro wehi ra Sudan. 11 Kape nomundu poo otjinamuinyo tji matji ryanga okutuurunga ro. Kape notjiṋa tji matji tura mo oure wozombura omirongo vine. 12 Engipte me ri ririsa ongaango tjinene pomahi aehe mouye. Oure wozombura omirongo vine ovihuro vya Engipte mavi rire ovitambatundu, ovitambatundu ovivi tjinene pu imbi vyovihuro avihe ovikwao. Me yandja Ovaengipte kondauriro. Owo mave taurire komahi aehe nu ave katura mokati koviwaṋa vyarwe.”
13 Muhona Ndjambi ma tja nai: “Kombunda yozombura omirongo vine ami me kakotora Ovaengipte ame keveisa mo moviwaṋa mu mbe ve rimba, 14 nu meve turisa mehi ra Engipte rokokumuho kweyuva, ndi ri omaturiro wawo omatengatenga. Mu ro mave kara nouhona oungundi, 15 imbwi ouhona oungundi tjinene pomauhona aehe, nowo kamaave kahonaparera oviwaṋa vyarwe rukwao. Ami me tjaere kutja ave ha rire ovatjiukwa nga tji ve hi nokusora okupopera otjiwaṋa tjarwe kokutjita ombango yawo. 16 Ovaisrael kamaave riyameke rukwao ku wo kutja ve mune ombatero ku wo. Oumba wa Engipte mau zemburukisa Ovaisrael kutja owo va tataiza tji ve riyameka kOvaengipte. Ovaisrael otji mave tjiwa kutja owami ngu mbi ri Muhona Ndjambi.”
Ombara Nebukadnesar ma huura Engipte
17 Meyuva etenga komueze omutenga wombura oitjamirongo vivari na hambombari youhuura wetu Muhona wa hungira ku ami 18 a tja: “Muatje womundu, Nebukadnesar, ombara ya Babilon, wa tjita omarwisiro omazeu kOtirus. Eye wa tjindisa ovarwe ve wovita omitwaro omizeu, nga oviuru vyawo tji vya hara omaparu, noviṱuve vyawo tji vya topoka, nungwari nangarire ombara poo otjimbumba tjayo tjovita katji munine ondjambi kozongondjero zatjo azehe. 19 Nambano ami, ngu mbi ri Muhona Ndjambi, me tja nai: ‘Ami me yandja ehi ra Engipte kombara Nebukadnesar. Eye ma huura na pundu ro, nu ma twara outumbe wa Engipte auhe u karire otjisuta tjotjimbumba tje tjovita. 20 Ami me mu pe Engipte otja otjisuta koviungura vye mbya ungura, orondu otjimbumba tje tjovita tja ungurira ami. Ami, ngu mbi ri Muhona Ndjambi, owami ngu mba hungire.’
21 “Ihi tji tja tjitwa, ami me zeuparisa otjiwaṋa tja Israel ne yandjere ove, Esekiel, kutja u hungire oukahu apehe ngamwa auhe puma sora okukuzuva, kokutja owo ve tjiwa kutja owami ngu mbi ri Muhona.”
