Omberero ya Muhona kOjerusalem
1 Owee, Muhona momazenge we
wa kutjira Sion nonḓorera.
Eye wa nakaurira ondjozikiro
ya Israel pehi okuza meyuru;
ke rizemburukire nondjuwo
ye meyuva romazenge we.
2 Muhona wa haṋa ozonganda azehe
zomuhoko wa Jakob nokuhinotjari;
nu momazenge we wa hahaura oviṱunga vya Juda.
Eye wa yamburura ouhona novanane vawo.
3 Momapindi we omanene eye wa nyanyaura
omasa aehe wa Israel;
eye wa panḓa okutuvatera, omunavita tje ya.
Omazenge we ya yaka tjimuna
omuriro mehi ra Jakob,
nowo ya seseta oviṋa avihe.
4 Muhona wa yumba oviku vye
ku eṱe komuhingo womunavita;
eye wa zepa avihe mbye tu nyandisa
omitima nokutuyorokisa.
Muno mOjerusalem twa muna omazenge we
ngaa e nyosa tjimuna omuriro.
5 Muhona we riraisa otja omunavita;
eye wa yandeka otjiwaṋa tja Israel
na hahaura ozondjuwo azehe zouhona
na nyanyaura oviṱunga vyatjo;
eye wa eta oruhoze ndu hi
nomaandero komuhoko wa Juda.
6 Eye wa hahaura ondjuwo ye
maa tu rikotamene ku ye tjimuna
otjikunino tji tja tombwa;
eye wa yandisa omayuva
omayapuke nOmasabata,
nu wa nakaura ombara
nomupristeri momazenge we.
7 Muhona wa tonda otjipunguhiro tje
nu wa tengurura ondjuwo ye;
eye wa yandjera kutja omunavita
a haṋe orumbo rwayo.
Ovanavita va rokohera poṋa paa tu
rikotamenene nondjoroka
tjimuna meyuva romukandi.
8 Muhona we rimanena okuteya
orumbo rwotjihuro tja Sion;
eye we ru saneka nongoze,
nu ka isire po eke re ngandu
ndi tje ru haṋa okumana.
Eye wa eta oruhoze korumbo
rwotjihuro na kotuhungu,
novyo avihe pamwe vya rira ovitambatundu.
9 Omivero vyotjihuro vya sirwa mehi,
novipate vyavyo vya ṱukuṱurwa.
Ombara novaingona votjihuro nambano
ve ri mokati kovanavisenginina.
Omatwako kaye tji hongwa rukwao,
novaprofete vatjo kave tji
pewa ovirimunikise i Muhona.
10 Ovakururume va Jerusalem ve ri pehi kumwi,
ave ritirire oruuma moviuru
nave zara ozombanda zomakutu.
Ovasuko va Jerusalem ve ripete oviuru
vyawo nga tji mavi ṱunu mehi.
11 Omeho wandje ya urwa nokurira;
omuinyo wandje u ri mombamisiro.
Ami mba urisiwa i oruhoze mena
romayandekero wotjiwaṋa tjandje.
Ovanatje novanyame mave
seukire momivanda vyotjihuro.
12 Owo mave uru kooina amave tja:
“Twa ṱondjara nonyota!”
Owo mave wire momivanda
vyotjihuro aayo va tendwa,
nu mave ṱire momake wooina.
13 Hi tje vi, hi ku sasaneke na tjike,
musuko wa Jerusalem?
Hi ku sasaneke na uṋe kutja mbi ku huhumiṋe,
musuko, mukazona wa Sion?
Otjiwonga tjoye otjinene tjinene tjimuna okuvare;
owaṋi ngwa pu okukuverukisa?
14 Ovaprofete voye kava ri notjiṋa
okukuserekarerera posi yovizeze
nomatiku porwe;
omazuvarisiro wawo ye ku wovisa indu
tji ve he ku vandurururire ondjo yoye.
Owo ve ku pa omeripura wokutja
ko nokuhepa okuritanaura.
15 Avehe mbu mave kapita potjihuro
mave tara kove nonyengo.
Owo mave tono otukwise nu mave
nyekerere omanyoneneno wa
Jerusalem amave tja:
“Ihi otji tji ri otjiwa otjimanise are?”
“Indji ondji ri ondjoroka youye auhe are?”
16 Ovanavita na ove avehe mave ku
nyekerere nave ku yahamisire ovinyo.
Owo mave tono otumbweze nave
kweye omayo amave tja:
“Eṱe twe tji nyono!
Ii, indi ondi ri eyuva ndi twa undja!
Re ya, twe ri munu!”
17 Korusenina Muhona
wa yenenisa imbi
mbya tanda kutja ma tjiti:
Eye we tu yandeka nokuhinotjari
otja pe tu zuvarisire rukuru.
Eye wa yandja outoṋi kovanavita na eṱe,
nu we ve yorokisa mena romawiro wetu.
18 Jerusalem, orumbo rwoye ndo
ngaru urakane ku Muhona!
Omahoze woye ngaye pupe tjimuna onḓonḓu,
ouṱuku nomutenya;
o isa okurira nokuṱoruhoze.
19 Ouṱuku auhe penduka povikando
pekepeke okuurakana ku Muhona;
tirahi omutima woye komurungu
wa Muhona tjimuna omeva,
nu u riyarikaṋene ovanatje voye otjari ku ye,
imba ovanatje mbu mave ṱondjara
povikoro avihe vyomivanda!
20 Tara, Muhona!
Tara ku imba mbu mo hihamisa!
Ovakazendu mave ri ovakwatwa vawo,
ovanatje mbu ve kurisa norusuvero!
Ovapristeri novaprofete
mave ṱire mondjuwo yoye!
21 Ovanatje novakurundu avehe va koka
nave saravara momivanda;
ovazandu novasuko va ṱa i
omangaruvyo womunavita.
Ove we ve zepa nokuhinotjari
meyuva romazenge woye.
22 Ove wa ṋanga ovanavita na ami
mbe ndji kovera kominda avihe
kutja ve tjite otjimukandi tjondirisiro.
Nu kape na umwe ngwa yenena
okutaura meyuva ndo romazenge woye.
Owo va zepa ovanatje vandje
mbu mbe kurisa nu mbu mba suvera.
Omberero ya Muhona kOjerusalem
1 Owee, Muhona momazenge we
wa kutjira Sion nonḓorera.
Eye wa nakaurira ondjozikiro
ya Israel pehi okuza meyuru;
ke rizemburukire nondjuwo
ye meyuva romazenge we.
2 Muhona wa haṋa ozonganda azehe
zomuhoko wa Jakob nokuhinotjari;
nu momazenge we wa hahaura oviṱunga vya Juda.
Eye wa yamburura ouhona novanane vawo.
3 Momapindi we omanene eye wa nyanyaura
omasa aehe wa Israel;
eye wa panḓa okutuvatera, omunavita tje ya.
Omazenge we ya yaka tjimuna
omuriro mehi ra Jakob,
nowo ya seseta oviṋa avihe.
4 Muhona wa yumba oviku vye
ku eṱe komuhingo womunavita;
eye wa zepa avihe mbye tu nyandisa
omitima nokutuyorokisa.
Muno mOjerusalem twa muna omazenge we
ngaa e nyosa tjimuna omuriro.
5 Muhona we riraisa otja omunavita;
eye wa yandeka otjiwaṋa tja Israel
na hahaura ozondjuwo azehe zouhona
na nyanyaura oviṱunga vyatjo;
eye wa eta oruhoze ndu hi
nomaandero komuhoko wa Juda.
6 Eye wa hahaura ondjuwo ye
maa tu rikotamene ku ye tjimuna
otjikunino tji tja tombwa;
eye wa yandisa omayuva
omayapuke nOmasabata,
nu wa nakaura ombara
nomupristeri momazenge we.
7 Muhona wa tonda otjipunguhiro tje
nu wa tengurura ondjuwo ye;
eye wa yandjera kutja omunavita
a haṋe orumbo rwayo.
Ovanavita va rokohera poṋa paa tu
rikotamenene nondjoroka
tjimuna meyuva romukandi.
8 Muhona we rimanena okuteya
orumbo rwotjihuro tja Sion;
eye we ru saneka nongoze,
nu ka isire po eke re ngandu
ndi tje ru haṋa okumana.
Eye wa eta oruhoze korumbo
rwotjihuro na kotuhungu,
novyo avihe pamwe vya rira ovitambatundu.
9 Omivero vyotjihuro vya sirwa mehi,
novipate vyavyo vya ṱukuṱurwa.
Ombara novaingona votjihuro nambano
ve ri mokati kovanavisenginina.
Omatwako kaye tji hongwa rukwao,
novaprofete vatjo kave tji
pewa ovirimunikise i Muhona.
10 Ovakururume va Jerusalem ve ri pehi kumwi,
ave ritirire oruuma moviuru
nave zara ozombanda zomakutu.
Ovasuko va Jerusalem ve ripete oviuru
vyawo nga tji mavi ṱunu mehi.
11 Omeho wandje ya urwa nokurira;
omuinyo wandje u ri mombamisiro.
Ami mba urisiwa i oruhoze mena
romayandekero wotjiwaṋa tjandje.
Ovanatje novanyame mave
seukire momivanda vyotjihuro.
12 Owo mave uru kooina amave tja:
“Twa ṱondjara nonyota!”
Owo mave wire momivanda
vyotjihuro aayo va tendwa,
nu mave ṱire momake wooina.
13 Hi tje vi, hi ku sasaneke na tjike,
musuko wa Jerusalem?
Hi ku sasaneke na uṋe kutja mbi ku huhumiṋe,
musuko, mukazona wa Sion?
Otjiwonga tjoye otjinene tjinene tjimuna okuvare;
owaṋi ngwa pu okukuverukisa?
14 Ovaprofete voye kava ri notjiṋa
okukuserekarerera posi yovizeze
nomatiku porwe;
omazuvarisiro wawo ye ku wovisa indu
tji ve he ku vandurururire ondjo yoye.
Owo ve ku pa omeripura wokutja
ko nokuhepa okuritanaura.
15 Avehe mbu mave kapita potjihuro
mave tara kove nonyengo.
Owo mave tono otukwise nu mave
nyekerere omanyoneneno wa
Jerusalem amave tja:
“Ihi otji tji ri otjiwa otjimanise are?”
“Indji ondji ri ondjoroka youye auhe are?”
16 Ovanavita na ove avehe mave ku
nyekerere nave ku yahamisire ovinyo.
Owo mave tono otumbweze nave
kweye omayo amave tja:
“Eṱe twe tji nyono!
Ii, indi ondi ri eyuva ndi twa undja!
Re ya, twe ri munu!”
17 Korusenina Muhona
wa yenenisa imbi
mbya tanda kutja ma tjiti:
Eye we tu yandeka nokuhinotjari
otja pe tu zuvarisire rukuru.
Eye wa yandja outoṋi kovanavita na eṱe,
nu we ve yorokisa mena romawiro wetu.
18 Jerusalem, orumbo rwoye ndo
ngaru urakane ku Muhona!
Omahoze woye ngaye pupe tjimuna onḓonḓu,
ouṱuku nomutenya;
o isa okurira nokuṱoruhoze.
19 Ouṱuku auhe penduka povikando
pekepeke okuurakana ku Muhona;
tirahi omutima woye komurungu
wa Muhona tjimuna omeva,
nu u riyarikaṋene ovanatje voye otjari ku ye,
imba ovanatje mbu mave ṱondjara
povikoro avihe vyomivanda!
20 Tara, Muhona!
Tara ku imba mbu mo hihamisa!
Ovakazendu mave ri ovakwatwa vawo,
ovanatje mbu ve kurisa norusuvero!
Ovapristeri novaprofete
mave ṱire mondjuwo yoye!
21 Ovanatje novakurundu avehe va koka
nave saravara momivanda;
ovazandu novasuko va ṱa i
omangaruvyo womunavita.
Ove we ve zepa nokuhinotjari
meyuva romazenge woye.
22 Ove wa ṋanga ovanavita na ami
mbe ndji kovera kominda avihe
kutja ve tjite otjimukandi tjondirisiro.
Nu kape na umwe ngwa yenena
okutaura meyuva ndo romazenge woye.
Owo va zepa ovanatje vandje
mbu mbe kurisa nu mbu mba suvera.
