1 Okuza ku Paulus, omukarere wa Kristus Jesus, nomuapostele ngu mba toororwa nu ngu mba yapurwa i Ndjambi okuzuvarisa Ombuze ye Ombwa. 2 Ombuze Ombwa ndji ya kwizikirwe rukuru i Ndjambi notjinyo tjovaprofete ve otja tjinga apa tjangwa momatjangwa omayapuke. 3 Oyo mai hee Omuna we, oMuhona wetu Jesus Kristus: Otja omundu eye wa ri ondekurona ya David; 4 notja ngwa za mouyapuke wa Ndjambi, eye wa tjiukisiwa nomasa omanene okurira Omuna wa Ndjambi indu tja pendurwa movakoke. Eye onguri Jesus Kristus oMuhona wetu. 5 Mu ye ami omu mba pewa otjari okurira omuapostele mokati kovandu voviwaṋa avihe, kutja kondjozikiro yena re, mbi ve tware kongamburiro na konḓuviro. 6 Movandu mba eṋe wina mbu mu ri mOroma omu mamu varerwa; eṋe wina mwa isanewa i Ndjambi okurira ova Jesus Kristus.
7 Ami otji me tjanga ku eṋe amuhe mOroma mbu mwa suverwa i Ndjambi nu mbu mwa isanewa i ye okurira otjiwaṋa tje.
Ndjambi Tate na Muhona Jesus Kristus nge mu pe otjari nohange.
Ongumbiro yokutja okuhepa
8 Rutenga ami me mu tjere okuhepa amuhe ku Ndjambi wandje mu Jesus Kristus, ouye auhe tjinga awa zuva ongamburiro yeṋu. 9 Ndjambi ngu mbi karera nomutima auhe mokuzuvarisa Ombuze Ombwa yOmuna we, eye omuhongonone wandje wokutja ami aruhe mbi mu zemburuka mozongumbiro zandje. 10 Otjikando atjihe tji me kumbu, mbi ningira Ndjambi kutja nani eye ma sora okundjipa oruveze nawa okuyekumuvarura. 11 Orondu ami me zeri okumumuna tjinene kokutja mu kare norupa pamwe na ami motjiyandjewa tjOmbepo okumuzeuparisa. 12 Ami me hee kutja atuhe pamwe tu vaterasane mongamburiro, ami mbi vaterwe i ongamburiro yeṋu, neṋe mu vaterwe i ongamburiro yandje.
13 Vakwetu, me vanga kutja, tjiri, mu tjiwe kutja potuingi ami mba tya okuyekumuvarura, nungwari aruhe pe kara otjiṋa tji tji ndji tjaera okuya. Ami wina mbi zera okutanaurira ku Kristus ovandu tjiva mokati keṋu, eṋe imba Ovaroma, otja tji mbi tjita mokati kaimba mbe he ri Ovajuda. 14 Ami mbi notjiungura tjokutanaurira ovandu avehe ku Kristus, kutja Ovagrike poo kutja owo mba mbe he ri Ovagrike poo kutja owo mba mbe nomahongero wokombanda poo kutja owo mba mbe ha hongerwe nawa. 15 Nami opu mba karera nonḓero okuzuvarisa Ombuze Ombwa ku eṋe wina mbu mwa tura mOroma.
Omasa wOmbuze Ombwa
16 Ami hi nokuṱohoṋi nOmbuze Ombwa, orondu oyo omasa wa Ndjambi kondjamo yaauhe ngu ma kambura, tjandje rutenga Omujuda, tjazumba a rire ingwi ngu he ri Omujuda wina. 17 Orondu Ombuze Ombwa ndji i raisa kutja Ndjambi ovandu u ve vara otja ovasemba komurungu we mena rongamburiro, nongamburiro aiyerike. Otja tji pa tjangwa nai: “Ingwi ngu ma varwa otja omusemba komurungu wa Ndjambi mena rongamburiro ma kara nomuinyo.”
Ourunde wovandu
18 Ndjambi u raisa omazenge we okuza keyuru okupangura ourunde nouvi auhe wovandu mbu va tjita. Owo mokutjita ouvi ve tjaera ovandu varwe okutjiwa ouatjiri ohunga na Ndjambi. 19 Eye meve pangura motjimbe tjokutja imbi mbi mave sokutjiwa ohunga na Ndjambi ve vi tjiwa ongahukiro. Ndjambi omuini ongwe vi tjiukisa ku wo. 20 Okuza kombutiro youye imbi ovihamunika vya Ndjambi, okutja omasa we waaruhe nongaro ye otja ngu ri Ndjambi, vya vandururwa poruhaera; ovyo vi munikira kovitjitwa vye. Ovandu mba otji ve hi na maave tja kave nondjo oparukaze! 21 Nandi ve tjiwa Ndjambi, kave mu yozike pu pa yenena, nu kave mu tjere okuhepa. Nungwari omeripuriro wawo omehinazondunge, nomitima vyawo vye ura nonḓorera. 22 Owo ve ritja ozonongo averi omayova. 23 Moruveze rwokurikotamena ku Ndjambi ngu ha ṱu, owo ve rikotamena kovisanekero vyovandu mbe ṱa novyozonḓera novyovipuka ovinavikoti vine novyovikokozoke.
24 Ndjambi opa za okuveesa kutja ve tjite oviyaukise, omitima vyawo mbi vi zera, nowo ve tjitasana oviṋa vyohoṋi kotutu twawo oveni. 25 Owo ve pimba ouatjiri wa Ndjambi novizeze; owo ve karera nu ve rikotamena koviutwa vya Ndjambi moruveze rwokukarera Omuute omuini ngwa pwa ondangero nga ko nga aruhe. Amen!
26 Ndjambi opa za okuveyandja kozonḓuma zoviṋa vyohoṋi. Mokutjitasana oviṋa vyonyama ovakazendu vawo ve rundurura omuhingo mbu sokukara po momuhingo mbu he ri wo. 27 Nu momuhingo tjingewo ovarumendu ve isa okurara povakazendu otja tji pe sokukara nave nanukirasana oveni momuhingo mbu he ri wo. Ovarumendu ve tjitasana oviṋa vyohoṋi nu komuhingo mbwi otji ve riyetera oveni omberero ndja pwira ourunde wawo.
28 Owo tjinga ava panḓa okutjiwa Ndjambi momerizemburukiro wawo, eye otje ve esa ve hare omitima mbya zunḓaka, kokutja ve tjite oviṋa, mbi ve ha sere okutjita. 29 Owo ve ura nouhasemba pekepeke, ouvi, eraru nomananukiro, oundandi, nu wina ve ura neruru, omazepero, oviposa, ovineya nomukona. Owo ve yamba, 30 nu ve hungirasana navi; va tonda Ndjambi, nowo ovatjite voutwe noveritongamise noverihive; owo ovandu mbe ripura nouvi, nu ovahazuva kovanene vawo; 31 owo kave nozondunge, nu kave yenenisa omakwizikiro wawo, kave norusuvero novandu, nu kave ve ṱire ondjenda. 32 Owo ve tjiwa kutja omaraerero wa Ndjambi ye tja ovandu mbe tjita oviṋa otja imbi va pwa okuṱa. Owo oveni kave tjiti oviṋa tjingevyo mbi uriri, nungwari wina ve tjaterwa, ovandu varwe tji mave vi tjiti.
1 Okuza ku Paulus, omukarere wa Kristus Jesus, nomuapostele ngu mba toororwa nu ngu mba yapurwa i Ndjambi okuzuvarisa Ombuze ye Ombwa. 2 Ombuze Ombwa ndji ya kwizikirwe rukuru i Ndjambi notjinyo tjovaprofete ve otja tjinga apa tjangwa momatjangwa omayapuke. 3 Oyo mai hee Omuna we, oMuhona wetu Jesus Kristus: Otja omundu eye wa ri ondekurona ya David; 4 notja ngwa za mouyapuke wa Ndjambi, eye wa tjiukisiwa nomasa omanene okurira Omuna wa Ndjambi indu tja pendurwa movakoke. Eye onguri Jesus Kristus oMuhona wetu. 5 Mu ye ami omu mba pewa otjari okurira omuapostele mokati kovandu voviwaṋa avihe, kutja kondjozikiro yena re, mbi ve tware kongamburiro na konḓuviro. 6 Movandu mba eṋe wina mbu mu ri mOroma omu mamu varerwa; eṋe wina mwa isanewa i Ndjambi okurira ova Jesus Kristus.
7 Ami otji me tjanga ku eṋe amuhe mOroma mbu mwa suverwa i Ndjambi nu mbu mwa isanewa i ye okurira otjiwaṋa tje.
Ndjambi Tate na Muhona Jesus Kristus nge mu pe otjari nohange.
Ongumbiro yokutja okuhepa
8 Rutenga ami me mu tjere okuhepa amuhe ku Ndjambi wandje mu Jesus Kristus, ouye auhe tjinga awa zuva ongamburiro yeṋu. 9 Ndjambi ngu mbi karera nomutima auhe mokuzuvarisa Ombuze Ombwa yOmuna we, eye omuhongonone wandje wokutja ami aruhe mbi mu zemburuka mozongumbiro zandje. 10 Otjikando atjihe tji me kumbu, mbi ningira Ndjambi kutja nani eye ma sora okundjipa oruveze nawa okuyekumuvarura. 11 Orondu ami me zeri okumumuna tjinene kokutja mu kare norupa pamwe na ami motjiyandjewa tjOmbepo okumuzeuparisa. 12 Ami me hee kutja atuhe pamwe tu vaterasane mongamburiro, ami mbi vaterwe i ongamburiro yeṋu, neṋe mu vaterwe i ongamburiro yandje.
13 Vakwetu, me vanga kutja, tjiri, mu tjiwe kutja potuingi ami mba tya okuyekumuvarura, nungwari aruhe pe kara otjiṋa tji tji ndji tjaera okuya. Ami wina mbi zera okutanaurira ku Kristus ovandu tjiva mokati keṋu, eṋe imba Ovaroma, otja tji mbi tjita mokati kaimba mbe he ri Ovajuda. 14 Ami mbi notjiungura tjokutanaurira ovandu avehe ku Kristus, kutja Ovagrike poo kutja owo mba mbe he ri Ovagrike poo kutja owo mba mbe nomahongero wokombanda poo kutja owo mba mbe ha hongerwe nawa. 15 Nami opu mba karera nonḓero okuzuvarisa Ombuze Ombwa ku eṋe wina mbu mwa tura mOroma.
Omasa wOmbuze Ombwa
16 Ami hi nokuṱohoṋi nOmbuze Ombwa, orondu oyo omasa wa Ndjambi kondjamo yaauhe ngu ma kambura, tjandje rutenga Omujuda, tjazumba a rire ingwi ngu he ri Omujuda wina. 17 Orondu Ombuze Ombwa ndji i raisa kutja Ndjambi ovandu u ve vara otja ovasemba komurungu we mena rongamburiro, nongamburiro aiyerike. Otja tji pa tjangwa nai: “Ingwi ngu ma varwa otja omusemba komurungu wa Ndjambi mena rongamburiro ma kara nomuinyo.”
Ourunde wovandu
18 Ndjambi u raisa omazenge we okuza keyuru okupangura ourunde nouvi auhe wovandu mbu va tjita. Owo mokutjita ouvi ve tjaera ovandu varwe okutjiwa ouatjiri ohunga na Ndjambi. 19 Eye meve pangura motjimbe tjokutja imbi mbi mave sokutjiwa ohunga na Ndjambi ve vi tjiwa ongahukiro. Ndjambi omuini ongwe vi tjiukisa ku wo. 20 Okuza kombutiro youye imbi ovihamunika vya Ndjambi, okutja omasa we waaruhe nongaro ye otja ngu ri Ndjambi, vya vandururwa poruhaera; ovyo vi munikira kovitjitwa vye. Ovandu mba otji ve hi na maave tja kave nondjo oparukaze! 21 Nandi ve tjiwa Ndjambi, kave mu yozike pu pa yenena, nu kave mu tjere okuhepa. Nungwari omeripuriro wawo omehinazondunge, nomitima vyawo vye ura nonḓorera. 22 Owo ve ritja ozonongo averi omayova. 23 Moruveze rwokurikotamena ku Ndjambi ngu ha ṱu, owo ve rikotamena kovisanekero vyovandu mbe ṱa novyozonḓera novyovipuka ovinavikoti vine novyovikokozoke.
24 Ndjambi opa za okuveesa kutja ve tjite oviyaukise, omitima vyawo mbi vi zera, nowo ve tjitasana oviṋa vyohoṋi kotutu twawo oveni. 25 Owo ve pimba ouatjiri wa Ndjambi novizeze; owo ve karera nu ve rikotamena koviutwa vya Ndjambi moruveze rwokukarera Omuute omuini ngwa pwa ondangero nga ko nga aruhe. Amen!
26 Ndjambi opa za okuveyandja kozonḓuma zoviṋa vyohoṋi. Mokutjitasana oviṋa vyonyama ovakazendu vawo ve rundurura omuhingo mbu sokukara po momuhingo mbu he ri wo. 27 Nu momuhingo tjingewo ovarumendu ve isa okurara povakazendu otja tji pe sokukara nave nanukirasana oveni momuhingo mbu he ri wo. Ovarumendu ve tjitasana oviṋa vyohoṋi nu komuhingo mbwi otji ve riyetera oveni omberero ndja pwira ourunde wawo.
28 Owo tjinga ava panḓa okutjiwa Ndjambi momerizemburukiro wawo, eye otje ve esa ve hare omitima mbya zunḓaka, kokutja ve tjite oviṋa, mbi ve ha sere okutjita. 29 Owo ve ura nouhasemba pekepeke, ouvi, eraru nomananukiro, oundandi, nu wina ve ura neruru, omazepero, oviposa, ovineya nomukona. Owo ve yamba, 30 nu ve hungirasana navi; va tonda Ndjambi, nowo ovatjite voutwe noveritongamise noverihive; owo ovandu mbe ripura nouvi, nu ovahazuva kovanene vawo; 31 owo kave nozondunge, nu kave yenenisa omakwizikiro wawo, kave norusuvero novandu, nu kave ve ṱire ondjenda. 32 Owo ve tjiwa kutja omaraerero wa Ndjambi ye tja ovandu mbe tjita oviṋa otja imbi va pwa okuṱa. Owo oveni kave tjiti oviṋa tjingevyo mbi uriri, nungwari wina ve tjaterwa, ovandu varwe tji mave vi tjiti.
