Ovaisrael mave kondo onḓonḓu Jordan
1 Josua wa penduka omuhuka omunene. Eye nOvaisrael va za mozondanda za Sitim, ave i kOjordan nave katona ozondanda mbo ngunda ave hiye i konda. 2 Kombunda yomayuva yetatu ovanane va tuurunga ozondanda 3 nave raere otjiwaṋa ave tja: “Eṋe tjimwa munu ovapristeri amave tjindi Otjipwikiro tjOmerikutiropamwe wa Muhona, Ndjambi weṋu, tooreye oviṋa vyeṋu nu mu tji kongorere. 4 Otji mamu tjiwa kutja mamu twara ondjira ine, tjinga amu hi na mwa twarere ondjira ndji rutenga. Amu ya popezu nOtjipwikiro tjOmerikutiropamwe, nungwari kareye ohumburuko na tjo, okirometa mangara imwe.”
5 Josua wa raera otjiwaṋa ama tja: “Riyapurireye Muhona orondu muhuka Muhona ma tjiti ovihimise mokati keṋu.” 6 Josua wa raera nai kovapristeri: “Tooreye Otjipwikiro tjomerikutiropamwe mu kayende komurungu wotjiwaṋa.” Nowo va tjita otja punga e ve raera.
7 Muhona wa tja ku Josua: “Ami ndino me ku tjiti, u rire omurumendu omutjiukwa kOvaisrael avehe, ve tjiwe tjiri kutja ami mbi ri puna ove otja tji mba ri puna Moses. 8 Rakiza nai kovapristeri mbu mave tjindi Otjipwikiro tjOmerikutiropamwe: ‘Tji mamu ya ponḓonḓu Jordan kurameye momeva popezu nomukuro.’ ”
9 Tjazumba Josua wa raera otjiwaṋa a tja: “Indjeye mba nu mu puratene komambo wa Muhona, Ndjambi weṋu. 10 Ndinondi eṋe mamu tjiwa kutja Muhona, Ndjambi omunamuinyo, u ri mokati keṋu; eye ma ramba Ovakanaan nOvahetite nOvahevi nOvaperesi nOvagirgasi nOvaamori nOvajebusi komurungu weṋu. 11 Ihi Otjipwikiro tjOmerikutiropamwe wa Muhona wehi arihe ndi, matji kondo Jordan komurungu weṋu. 12 Nambano toororeye ovarumendu omurongo na vevari, umwe momuhoko auhe wa Israel. 13 Nu imba ovapristeri mbu mave tjindi Otjipwikiro tjOmerikutiropamwe wa Muhona wehi arihe tji mave twa ozombaze zawo momeva, Jordan otji i hi nokupupa, nomeva ngu maye pupu otji maye kurama poṋa pemwe tjimuna otjikere tjonḓonḓu.”
14 Indwi rwa ri oruveze rwomakondero wovikokotwa, nonḓonḓu ye urire komikuro. Otjiwaṋa otji tja za mozondanda okukakonda Jordan, novapristeri va hongora amave tjindi Otjipwikiro tjOmerikutiropamwe. 15 Nowo tji ve ya komukuro wa Jordan nave twa ozombaze zawo momeva, 16 omeva otji ya kurama tjimuna otjikere nga kokure tjinene kotjirongo tja Adam, tji tja ri popezu na Saretan. Omeva ngaa e pupire mOmuronga wOmongwa ya kondikana oparukaze, notjiwaṋa otji tja kondera onḓonḓu popezu na Jeriko. 17 Ovapristeri mbaa ve tjindi Otjipwikiro tjOmerikutiropamwe wa Muhona va kurama mehi nda kaha mokati ka Jordan, Ovaisrael avehe ngunda amave kondo mehi ekukutu, nga otjiwaṋa atjihe tji tja mana okukonda onḓonḓu.
Ovaisrael mave kondo onḓonḓu Jordan
1 Josua wa penduka omuhuka omunene. Eye nOvaisrael va za mozondanda za Sitim, ave i kOjordan nave katona ozondanda mbo ngunda ave hiye i konda. 2 Kombunda yomayuva yetatu ovanane va tuurunga ozondanda 3 nave raere otjiwaṋa ave tja: “Eṋe tjimwa munu ovapristeri amave tjindi Otjipwikiro tjOmerikutiropamwe wa Muhona, Ndjambi weṋu, tooreye oviṋa vyeṋu nu mu tji kongorere. 4 Otji mamu tjiwa kutja mamu twara ondjira ine, tjinga amu hi na mwa twarere ondjira ndji rutenga. Amu ya popezu nOtjipwikiro tjOmerikutiropamwe, nungwari kareye ohumburuko na tjo, okirometa mangara imwe.”
5 Josua wa raera otjiwaṋa ama tja: “Riyapurireye Muhona orondu muhuka Muhona ma tjiti ovihimise mokati keṋu.” 6 Josua wa raera nai kovapristeri: “Tooreye Otjipwikiro tjomerikutiropamwe mu kayende komurungu wotjiwaṋa.” Nowo va tjita otja punga e ve raera.
7 Muhona wa tja ku Josua: “Ami ndino me ku tjiti, u rire omurumendu omutjiukwa kOvaisrael avehe, ve tjiwe tjiri kutja ami mbi ri puna ove otja tji mba ri puna Moses. 8 Rakiza nai kovapristeri mbu mave tjindi Otjipwikiro tjOmerikutiropamwe: ‘Tji mamu ya ponḓonḓu Jordan kurameye momeva popezu nomukuro.’ ”
9 Tjazumba Josua wa raera otjiwaṋa a tja: “Indjeye mba nu mu puratene komambo wa Muhona, Ndjambi weṋu. 10 Ndinondi eṋe mamu tjiwa kutja Muhona, Ndjambi omunamuinyo, u ri mokati keṋu; eye ma ramba Ovakanaan nOvahetite nOvahevi nOvaperesi nOvagirgasi nOvaamori nOvajebusi komurungu weṋu. 11 Ihi Otjipwikiro tjOmerikutiropamwe wa Muhona wehi arihe ndi, matji kondo Jordan komurungu weṋu. 12 Nambano toororeye ovarumendu omurongo na vevari, umwe momuhoko auhe wa Israel. 13 Nu imba ovapristeri mbu mave tjindi Otjipwikiro tjOmerikutiropamwe wa Muhona wehi arihe tji mave twa ozombaze zawo momeva, Jordan otji i hi nokupupa, nomeva ngu maye pupu otji maye kurama poṋa pemwe tjimuna otjikere tjonḓonḓu.”
14 Indwi rwa ri oruveze rwomakondero wovikokotwa, nonḓonḓu ye urire komikuro. Otjiwaṋa otji tja za mozondanda okukakonda Jordan, novapristeri va hongora amave tjindi Otjipwikiro tjOmerikutiropamwe. 15 Nowo tji ve ya komukuro wa Jordan nave twa ozombaze zawo momeva, 16 omeva otji ya kurama tjimuna otjikere nga kokure tjinene kotjirongo tja Adam, tji tja ri popezu na Saretan. Omeva ngaa e pupire mOmuronga wOmongwa ya kondikana oparukaze, notjiwaṋa otji tja kondera onḓonḓu popezu na Jeriko. 17 Ovapristeri mbaa ve tjindi Otjipwikiro tjOmerikutiropamwe wa Muhona va kurama mehi nda kaha mokati ka Jordan, Ovaisrael avehe ngunda amave kondo mehi ekukutu, nga otjiwaṋa atjihe tji tja mana okukonda onḓonḓu.
