Omaningiriro wotjihimise
(Mk 8:11-13Lk 12:54-56)1 Ovafarisei nOvasaduke tjiva ve ere ku Jesus amave vanga okumurora, nopu ve mu ningirira kutja e ve tjitire otjiraisiro tji matji zu keyuru. 2 Nungwari Jesus wa zirire a tja: “Eyuva tji ratoko eṋe mu tja maku kara nawa, evaverwa tjinga ara seraere. 3 Nu omuhuka omunene, mu tja ndino maku roko, evaverwa tjinga ara seraere nu akwa momo. Eṋe mu sora okuuka ombunikiro yombepo mokutara kevaverwa, nungwari kamu yenene okutjiwa omaheero woviraisiro vyoruveze mu mu ri! 4 Tjiri, omuhoko wa nambano omunauvi nomuhaṱakama ma u paha otjiraisiro! Kako! Otjiraisiro porwatjo tji mamu pewa otjo hi otja Jona.”
Neye arire tje ve esa na i.
Otjiworise tjOvafarisei notjOvasaduke
(Mk 8:14-21)5 Ovahongewa tji va konda munda mbwina yomuronga va zemba okutwaerera omboroto. 6 Jesus wa tjere ku wo: “Ṱakamiseye, nu mu ritjevere nawa kotjiworise tjOvafarisei na ku ihi tjOvasaduke.”
7 Owo va uta okurihungirira oveni amave tja: “Eye ma hungire nao, tjinga atu ha eterere omboroto.”
8 Jesus aa tjiwa imbi mbyaa ve hungire, nope ve purira a tja: “Okutjavi tji mamu rihungirire kutja kamu nomboroto? Tjiri mu nongamburiro okaṱiṱi! 9 Inga kamuya hara ozondunge are? Kamu nakuzemburuka indu tji mba koyorera ovandu omayovi yetano ozomboroto ndano are? Mwe urisire ovimbamba vingapi? 10 Nu wina kamu nakuzemburuka tji mba koyorera ovandu omayovi yane ozomboroto hambombari are? Mwe urisire ovimbamba vingapi? 11 Nu okutjavi tji mu hiya hara ozondunge nga nai kutja ami hiye hungire ohunga nomboroto ku eṋe? Ritjevereye nawa kotjiworise tjOvafarisei na ku ihi tjOvasaduke.”
12 Ovahongewa arire tji va zuu nawa kutja eye ke nokuheya kutja owo ve ritjevere kotjiworise tjomboroto, nungwari ma hee kutja ve ritjevere komahongero wOvafarisei nowOvasaduke.
Petrus ma hongonona Jesus
(Mk 8:27-30Lk 9:18-21)13 Jesus wa ire kozondendera zotjirongo tja Kesarea Filipi, neye wa kapura ovahongewa ve a tja: “Ovandu ve tja Omuna wOmundu ouṋe?”
14 Owo va zirire ave tja: “Tjiva ve tja oJohanes Omupapitise, tjiva ve tja oElia, nu varwe ve tja oJeremia poo umwe wovaprofete.”
15 Nu Jesus we ve purire a tja: “Neṋe mu tja ami owami uṋe?”
16 Simon Petrus arire tja ziri a tja: “Oove Omutwirisiwa, Omuna wa Ndjambi omunamuinyo.”
17 Jesus a ziri a tja: “Oove omuṋingandu, Simon, omuna wa Johanes! Orondu kamundu wonyama nombinḓu ngwe ku vandururire ouatjiri mbwi, nungwari oTate ngu ri meyuru. 18 Nopu me ku raerere kutja oove Petrus, okutja oruuwa, nu kombanda yoruuwa ndwi ami me tungu ko okereka yandje, nomasa wotjovasengwa kamaaye i uru ko. 19 Ami me ku pe otjipaturure tjouhona womayuru; nu atjihe tji mo pata kombanda yehi otjinga ama tji patwa meyuru; natjihe tji mo paturura kombanda yehi otjinga ama tji patururwa meyuru.”
20 Okuzambo Jesus a rakiza ovahongewa ve kutja ave ha roro okuserekarera komundu kutja eye onguri Omutwirisiwa.
Jesus ma hungire ondatumisiro nonḓiro ye
(Mk 8:31—9:1Lk 9:22-27)21 Okuza komayuva ngo Jesus wa utire okuhungira ongahukiro kovahongewa ve a tja: “Ami me sokuyenda kOjerusalem nokukahihamisiwa tjinene i ovanene novapristeri oviuru, nozonongo zomambo. Ami me ṱu, nungwari kombunda yomayuva yetatu me pendurwa komuinyo.”
22 Petrus arire tje mu twara peke na utu okumuronga nomambo a tja: “Ape ha kara nao, Muhona! Ape ha tjitwa nao kove!”
23 Nu Jesus wa tanauka na tja ku Petrus: “Yaruka kombunda yandje, Satan! Oove otjiputarise ku ami, orondu ove ko nakuripura na imbi Ndjambi mbi ma vanga, nungwari mo ripura na imbi ovandu mbi mave vanga!”
24 Tjazumba Jesus a tja kovahongewa ve: “Auhe ngu ma vanga okundjikongorera, nge rizembe omuini, a toore otjikoroise tje, nu e ndji kongorere. 25 Orondu ingwi ngu ma vanga okuhupisa omuinyo we omuini me u pandjarisa; nungwari ngu ma pandjarisire ami omuinyo we, eye me u hupisa. 26 Pe nombatero yatjike omundu okukara noviṋa avihe mouye auhe, nu a pandjarisa omuinyo we? Kako! Eye ke notjiṋa tji ma yandja okumunina po omuinyo we. 27 Orondu Omuna wOmundu u ri pokuya mongeṋangeṋeno ya Ihe puna ovaengeri ve, nokuzambo a yandja ku auhe ondjambi ndja pu poviungura vye. 28 Tjiri, me mu raere, mokati kaimba mba kurama mba, mu na tjiva mbe hi na maave ṱu ngunda ave hiya muna Omuna wOmundu a meya otja ngu ri Ombara.”
Omaningiriro wotjihimise
(Mk 8:11-13Lk 12:54-56)1 Ovafarisei nOvasaduke tjiva ve ere ku Jesus amave vanga okumurora, nopu ve mu ningirira kutja e ve tjitire otjiraisiro tji matji zu keyuru. 2 Nungwari Jesus wa zirire a tja: “Eyuva tji ratoko eṋe mu tja maku kara nawa, evaverwa tjinga ara seraere. 3 Nu omuhuka omunene, mu tja ndino maku roko, evaverwa tjinga ara seraere nu akwa momo. Eṋe mu sora okuuka ombunikiro yombepo mokutara kevaverwa, nungwari kamu yenene okutjiwa omaheero woviraisiro vyoruveze mu mu ri! 4 Tjiri, omuhoko wa nambano omunauvi nomuhaṱakama ma u paha otjiraisiro! Kako! Otjiraisiro porwatjo tji mamu pewa otjo hi otja Jona.”
Neye arire tje ve esa na i.
Otjiworise tjOvafarisei notjOvasaduke
(Mk 8:14-21)5 Ovahongewa tji va konda munda mbwina yomuronga va zemba okutwaerera omboroto. 6 Jesus wa tjere ku wo: “Ṱakamiseye, nu mu ritjevere nawa kotjiworise tjOvafarisei na ku ihi tjOvasaduke.”
7 Owo va uta okurihungirira oveni amave tja: “Eye ma hungire nao, tjinga atu ha eterere omboroto.”
8 Jesus aa tjiwa imbi mbyaa ve hungire, nope ve purira a tja: “Okutjavi tji mamu rihungirire kutja kamu nomboroto? Tjiri mu nongamburiro okaṱiṱi! 9 Inga kamuya hara ozondunge are? Kamu nakuzemburuka indu tji mba koyorera ovandu omayovi yetano ozomboroto ndano are? Mwe urisire ovimbamba vingapi? 10 Nu wina kamu nakuzemburuka tji mba koyorera ovandu omayovi yane ozomboroto hambombari are? Mwe urisire ovimbamba vingapi? 11 Nu okutjavi tji mu hiya hara ozondunge nga nai kutja ami hiye hungire ohunga nomboroto ku eṋe? Ritjevereye nawa kotjiworise tjOvafarisei na ku ihi tjOvasaduke.”
12 Ovahongewa arire tji va zuu nawa kutja eye ke nokuheya kutja owo ve ritjevere kotjiworise tjomboroto, nungwari ma hee kutja ve ritjevere komahongero wOvafarisei nowOvasaduke.
Petrus ma hongonona Jesus
(Mk 8:27-30Lk 9:18-21)13 Jesus wa ire kozondendera zotjirongo tja Kesarea Filipi, neye wa kapura ovahongewa ve a tja: “Ovandu ve tja Omuna wOmundu ouṋe?”
14 Owo va zirire ave tja: “Tjiva ve tja oJohanes Omupapitise, tjiva ve tja oElia, nu varwe ve tja oJeremia poo umwe wovaprofete.”
15 Nu Jesus we ve purire a tja: “Neṋe mu tja ami owami uṋe?”
16 Simon Petrus arire tja ziri a tja: “Oove Omutwirisiwa, Omuna wa Ndjambi omunamuinyo.”
17 Jesus a ziri a tja: “Oove omuṋingandu, Simon, omuna wa Johanes! Orondu kamundu wonyama nombinḓu ngwe ku vandururire ouatjiri mbwi, nungwari oTate ngu ri meyuru. 18 Nopu me ku raerere kutja oove Petrus, okutja oruuwa, nu kombanda yoruuwa ndwi ami me tungu ko okereka yandje, nomasa wotjovasengwa kamaaye i uru ko. 19 Ami me ku pe otjipaturure tjouhona womayuru; nu atjihe tji mo pata kombanda yehi otjinga ama tji patwa meyuru; natjihe tji mo paturura kombanda yehi otjinga ama tji patururwa meyuru.”
20 Okuzambo Jesus a rakiza ovahongewa ve kutja ave ha roro okuserekarera komundu kutja eye onguri Omutwirisiwa.
Jesus ma hungire ondatumisiro nonḓiro ye
(Mk 8:31—9:1Lk 9:22-27)21 Okuza komayuva ngo Jesus wa utire okuhungira ongahukiro kovahongewa ve a tja: “Ami me sokuyenda kOjerusalem nokukahihamisiwa tjinene i ovanene novapristeri oviuru, nozonongo zomambo. Ami me ṱu, nungwari kombunda yomayuva yetatu me pendurwa komuinyo.”
22 Petrus arire tje mu twara peke na utu okumuronga nomambo a tja: “Ape ha kara nao, Muhona! Ape ha tjitwa nao kove!”
23 Nu Jesus wa tanauka na tja ku Petrus: “Yaruka kombunda yandje, Satan! Oove otjiputarise ku ami, orondu ove ko nakuripura na imbi Ndjambi mbi ma vanga, nungwari mo ripura na imbi ovandu mbi mave vanga!”
24 Tjazumba Jesus a tja kovahongewa ve: “Auhe ngu ma vanga okundjikongorera, nge rizembe omuini, a toore otjikoroise tje, nu e ndji kongorere. 25 Orondu ingwi ngu ma vanga okuhupisa omuinyo we omuini me u pandjarisa; nungwari ngu ma pandjarisire ami omuinyo we, eye me u hupisa. 26 Pe nombatero yatjike omundu okukara noviṋa avihe mouye auhe, nu a pandjarisa omuinyo we? Kako! Eye ke notjiṋa tji ma yandja okumunina po omuinyo we. 27 Orondu Omuna wOmundu u ri pokuya mongeṋangeṋeno ya Ihe puna ovaengeri ve, nokuzambo a yandja ku auhe ondjambi ndja pu poviungura vye. 28 Tjiri, me mu raere, mokati kaimba mba kurama mba, mu na tjiva mbe hi na maave ṱu ngunda ave hiya muna Omuna wOmundu a meya otja ngu ri Ombara.”
