Ovajuda mave yandeke ovanavita na wo
1 Eyuva oritjamurongo na yetatu romueze Adar re ya, eyuva omaraerero wombara mu ya sokuungura, eyuva ovanavita nOvajuda mu va undja okutwa Ovajuda kehi youvara wawo. Nungwari moruveze rwanao, Ovajuda omba kara noutoṋi kombanda yawo. 2 Momaturiro wOvajuda motjihuro atjihe peke mehi rouhona, Ovajuda ve rikuta kumwe kutja ve rwise ngamwa auhe ngu ma vanga okuvehihamisa. Novandu ngamwa akuhe ave tira Ovajuda, nu kapa ri umwe ngwaa yenene okuvepirukira. 3 Mouatjiri, ozohongora azehe zomahi, okutja ozongooneya novakarere vouhona, novakuramenepo vouhona, va vatera Ovajuda, owo avehe tjinga aave tira Mordekai. 4 Otjiṋa hi tja tjiukwa nawa mouhona auhe kutja Mordekai nambano omurumendu omunauvara nomunamasa mondjuwo youhona, nokutja u rira ko omunamasa tjinene. 5 Ovajuda otjaave tjiti otja pu mave vanga kovanavita na wo. Owo ve ve rwisa nomangaruvyo nave ve zepa.
6 MOsusa, otjihuro ohongora otjini, Ovajuda va zepa mo ovandu omasere yetano. 7 Mokati kawo mwa ri ovazandu mba omurongo va Haman, omuzandu wa Hamedata, omunavita nOvajuda: OoParsandata na Dalfon na Aspara, 8 na Porata na Adalia na Aridata, 9 na Parmasta na Arisai na Aridai na Wajesata. 10 Nungwari kapa ri oviṋa mbya huurwa.
11 Meyuva tjingero ndo otjivaro tjovandu mba ṱa mOsusa tja tjivisiwa kombara. 12 Nu ombara arire tji ya tja nai kombara oserekaze Ester: “MOsusa atjiyerike Ovajuda va zepa mo ovandu omasere yetano puna ovanatje omurongo va Haman. Okutja motukondwa twarwe twouhona va zepa mbe ṱeki pi! Mo vanga tjike rukwao? Pewa ihi tji mo vanga. Nu ndji raera otjiṋa tjarwe tji movanga, nami me ku pe.”
13 Ester wa zira a tja: “Omuhona ombara tji ma vanga, ve esa Ovajuda ve tjite rukwao muhuka imbi mbi va yandjerwa okutjita ndino. Rakiza kutja oturova twovazandu mba omurongo va Haman tu rekarekisiwe komiti kukuturikwa ovandu.” 14 Ombara ya rakiza kutja otjiṋa hi tji tjitwe nao, nomaraerero nga ya tjivisiwa mOsusa. Oturova twovazandu omurongo va Haman twa raisiwa mouhaiya motjirongo. 15 Meyuva oritjamurongo na yane romueze Adar, Ovajuda va Susa ve rikuta kumwe rukwao nave zepa ovandu varwe omasere yetatu motjihuro. Nungwari wina kave huurire ovihuurwa.
16 Ovajuda momahi wouhona wina ve rikuta kumwe nave riyeura oveni. Owo va humburura ovanavita na wo mokuzepa ovandu 75,000 mbe ve nyengerwe. Nungwari owo kave huurire ovihuurwa. 17 Imbi vya tjitwa meyuva oritjamurongo na yetatu romueze Adar. Nu mependukirwa, meyuva ndi oritjamurongo na yane, kape tjitirwe omazepero rukwao; nowo otji va tjita eyuva ndo ri rire eyuva rondjoroka norokunyanda omukandi. 18 Nungwari Ovajuda mba va Susa va tjita eyuva oritjamurongo na yetano ri rire eyuva rondjoroka, indu tji va za nokuzepa ovanavita na wo meyuva oritjamurongo na yetatu noritjamurongo na yane, nave isa okuzepa ovandu meyuva ndi oritjamurongo na yetano. 19 Ovajuda mbe tura movirongo oviṱiṱi opaave zu okutjita eyuva oritjamurongo na yane romueze Adar ri rire eyuva rondjoroka noromukandi norokupasana oviyandjewa vyovikurya.
Omukandi wo Purim
20 Mordekai wa tjangisa ovitjitwa mbi, na hindi otutuu kOvajuda avehe, popezu nokokure, mouhona auhe wOvapersie, 21 ame ve raere kutja ve ṱakamise eyuva oritjamurongo na yane noritjamurongo na yetano komueze Adar ye rire omayuva womasuviro mombura aihe. 22 Inga onga ri omayuva Ovajuda mu ve rikuturire oveni kovanavita na wo; imbwi ombwa ri omueze mu mwa runduruka oruveze rworuhoze norwomerihahiziro ru rire oruveze rwondjoroka norwenyando. Ovajuda va raerwa kutja ve zepe omukandi momayuva nga wenyando, nokutja ve pasane oviyandjewa vyovikurya, nokuyandja kovasyona wina. 23 Ovajuda otji va ṱakamisa omaraerero wa Mordekai nga, nomatjitiro wenyando nga ya rira otjitjitwa tjombura aihe kOvajuda.
24 Haman, omuzandu wa Hamedata nondekurona ya Agag, omunavita nOvajuda, wa yumbire ozohanga nḓaa ku zu “oPurim,” okuzikamisa eyuva rokuyandeka Ovajuda; eye we ripurire okuzepa Ovajuda avehe. 25 Nungwari Ester wa ya kombara, nombara ya tjanga nai pitisa omarakiza, nga tjita kutja Haman a hihamisirwe omayengero eye nga ri na wo nOvajuda, indu eye novazandu ve tji va turikirwe komuti. 26 Omayuva ngo wondjoroka opu ya isanenwa kutja oPurim mena rorutuu rwa Mordekai na mena raimbi avihe mbya tjitirwe kOvajuda. 27 Ovajuda oveni ve rizikira etwako pamwe nozondekurona zawo nauhe ngu ma rire Omujuda, kokutja moruveze ndwa zikamisiwa mombura aihe, omayuva nga yevari ye ṱakamisiwe aruhe otja komaraerero wa Mordekai. 28 Ihi tja tjivisiwa kutja omaṱunḓu aehe wOvajuda, wozondekurona nḓu maaze ya kombunda, momahi aehe wouhona na movihuro avihe, maye sokuzemburuka nokuṱakamisa omayuva wOpurim moruveze aruhe ndu maru ya.
29 Nu ombara oserekaze Ester, omusuko wa Abihail, wina wa tjanga orutuu nouvara we auhe kutja a zeuparise indwi orutuu Mordekai ndwa tjangerere oPurim rukuru. 30 Orutuu ndwi rwa hindwa kOvajuda avehe, nomatjangururiro warwo ya hindwa komahi aehe esere nomirongo vivari na hambombari wouhona wa Persie. Oyo ya zerira po ohange nouṋingandu kOvajuda, 31 nai ve raere kutja owo nozondekurona zawo ve ṱakamise omayuva wOpurim, moruveze ndwa zikamisiwa tjimuna tji va yakurire omazikamisiro wokutjita omayuva wokuritjaera kovikurya noworuhoze. Ihi tja rakiziwa i Mordekai nombara oserekaze Ester. 32 Omarakiza wa Ester, nga zeuparisa omazikamisiro wOpurim, ya tjangwa membo rekuruhungi emangwa.
Ovajuda mave yandeke ovanavita na wo
1 Eyuva oritjamurongo na yetatu romueze Adar re ya, eyuva omaraerero wombara mu ya sokuungura, eyuva ovanavita nOvajuda mu va undja okutwa Ovajuda kehi youvara wawo. Nungwari moruveze rwanao, Ovajuda omba kara noutoṋi kombanda yawo. 2 Momaturiro wOvajuda motjihuro atjihe peke mehi rouhona, Ovajuda ve rikuta kumwe kutja ve rwise ngamwa auhe ngu ma vanga okuvehihamisa. Novandu ngamwa akuhe ave tira Ovajuda, nu kapa ri umwe ngwaa yenene okuvepirukira. 3 Mouatjiri, ozohongora azehe zomahi, okutja ozongooneya novakarere vouhona, novakuramenepo vouhona, va vatera Ovajuda, owo avehe tjinga aave tira Mordekai. 4 Otjiṋa hi tja tjiukwa nawa mouhona auhe kutja Mordekai nambano omurumendu omunauvara nomunamasa mondjuwo youhona, nokutja u rira ko omunamasa tjinene. 5 Ovajuda otjaave tjiti otja pu mave vanga kovanavita na wo. Owo ve ve rwisa nomangaruvyo nave ve zepa.
6 MOsusa, otjihuro ohongora otjini, Ovajuda va zepa mo ovandu omasere yetano. 7 Mokati kawo mwa ri ovazandu mba omurongo va Haman, omuzandu wa Hamedata, omunavita nOvajuda: OoParsandata na Dalfon na Aspara, 8 na Porata na Adalia na Aridata, 9 na Parmasta na Arisai na Aridai na Wajesata. 10 Nungwari kapa ri oviṋa mbya huurwa.
11 Meyuva tjingero ndo otjivaro tjovandu mba ṱa mOsusa tja tjivisiwa kombara. 12 Nu ombara arire tji ya tja nai kombara oserekaze Ester: “MOsusa atjiyerike Ovajuda va zepa mo ovandu omasere yetano puna ovanatje omurongo va Haman. Okutja motukondwa twarwe twouhona va zepa mbe ṱeki pi! Mo vanga tjike rukwao? Pewa ihi tji mo vanga. Nu ndji raera otjiṋa tjarwe tji movanga, nami me ku pe.”
13 Ester wa zira a tja: “Omuhona ombara tji ma vanga, ve esa Ovajuda ve tjite rukwao muhuka imbi mbi va yandjerwa okutjita ndino. Rakiza kutja oturova twovazandu mba omurongo va Haman tu rekarekisiwe komiti kukuturikwa ovandu.” 14 Ombara ya rakiza kutja otjiṋa hi tji tjitwe nao, nomaraerero nga ya tjivisiwa mOsusa. Oturova twovazandu omurongo va Haman twa raisiwa mouhaiya motjirongo. 15 Meyuva oritjamurongo na yane romueze Adar, Ovajuda va Susa ve rikuta kumwe rukwao nave zepa ovandu varwe omasere yetatu motjihuro. Nungwari wina kave huurire ovihuurwa.
16 Ovajuda momahi wouhona wina ve rikuta kumwe nave riyeura oveni. Owo va humburura ovanavita na wo mokuzepa ovandu 75,000 mbe ve nyengerwe. Nungwari owo kave huurire ovihuurwa. 17 Imbi vya tjitwa meyuva oritjamurongo na yetatu romueze Adar. Nu mependukirwa, meyuva ndi oritjamurongo na yane, kape tjitirwe omazepero rukwao; nowo otji va tjita eyuva ndo ri rire eyuva rondjoroka norokunyanda omukandi. 18 Nungwari Ovajuda mba va Susa va tjita eyuva oritjamurongo na yetano ri rire eyuva rondjoroka, indu tji va za nokuzepa ovanavita na wo meyuva oritjamurongo na yetatu noritjamurongo na yane, nave isa okuzepa ovandu meyuva ndi oritjamurongo na yetano. 19 Ovajuda mbe tura movirongo oviṱiṱi opaave zu okutjita eyuva oritjamurongo na yane romueze Adar ri rire eyuva rondjoroka noromukandi norokupasana oviyandjewa vyovikurya.
Omukandi wo Purim
20 Mordekai wa tjangisa ovitjitwa mbi, na hindi otutuu kOvajuda avehe, popezu nokokure, mouhona auhe wOvapersie, 21 ame ve raere kutja ve ṱakamise eyuva oritjamurongo na yane noritjamurongo na yetano komueze Adar ye rire omayuva womasuviro mombura aihe. 22 Inga onga ri omayuva Ovajuda mu ve rikuturire oveni kovanavita na wo; imbwi ombwa ri omueze mu mwa runduruka oruveze rworuhoze norwomerihahiziro ru rire oruveze rwondjoroka norwenyando. Ovajuda va raerwa kutja ve zepe omukandi momayuva nga wenyando, nokutja ve pasane oviyandjewa vyovikurya, nokuyandja kovasyona wina. 23 Ovajuda otji va ṱakamisa omaraerero wa Mordekai nga, nomatjitiro wenyando nga ya rira otjitjitwa tjombura aihe kOvajuda.
24 Haman, omuzandu wa Hamedata nondekurona ya Agag, omunavita nOvajuda, wa yumbire ozohanga nḓaa ku zu “oPurim,” okuzikamisa eyuva rokuyandeka Ovajuda; eye we ripurire okuzepa Ovajuda avehe. 25 Nungwari Ester wa ya kombara, nombara ya tjanga nai pitisa omarakiza, nga tjita kutja Haman a hihamisirwe omayengero eye nga ri na wo nOvajuda, indu eye novazandu ve tji va turikirwe komuti. 26 Omayuva ngo wondjoroka opu ya isanenwa kutja oPurim mena rorutuu rwa Mordekai na mena raimbi avihe mbya tjitirwe kOvajuda. 27 Ovajuda oveni ve rizikira etwako pamwe nozondekurona zawo nauhe ngu ma rire Omujuda, kokutja moruveze ndwa zikamisiwa mombura aihe, omayuva nga yevari ye ṱakamisiwe aruhe otja komaraerero wa Mordekai. 28 Ihi tja tjivisiwa kutja omaṱunḓu aehe wOvajuda, wozondekurona nḓu maaze ya kombunda, momahi aehe wouhona na movihuro avihe, maye sokuzemburuka nokuṱakamisa omayuva wOpurim moruveze aruhe ndu maru ya.
29 Nu ombara oserekaze Ester, omusuko wa Abihail, wina wa tjanga orutuu nouvara we auhe kutja a zeuparise indwi orutuu Mordekai ndwa tjangerere oPurim rukuru. 30 Orutuu ndwi rwa hindwa kOvajuda avehe, nomatjangururiro warwo ya hindwa komahi aehe esere nomirongo vivari na hambombari wouhona wa Persie. Oyo ya zerira po ohange nouṋingandu kOvajuda, 31 nai ve raere kutja owo nozondekurona zawo ve ṱakamise omayuva wOpurim, moruveze ndwa zikamisiwa tjimuna tji va yakurire omazikamisiro wokutjita omayuva wokuritjaera kovikurya noworuhoze. Ihi tja rakiziwa i Mordekai nombara oserekaze Ester. 32 Omarakiza wa Ester, nga zeuparisa omazikamisiro wOpurim, ya tjangwa membo rekuruhungi emangwa.
