Omaukiro omatenga wa Balaam
1 Balaam wa tja nai ku Balak: “Ndji tungira ovipunguhiro hambombari poṋa mba, nu ndji etera ozondwezu hambombari zozongombe na hambombari zozonḓu.”
2 Nu Balak wa tjita otja Balaam pa vanga; nu aveyevari va punguhira ondwezu yongombe imwe noyonḓu imwe kotjipunguhiro atjihe peke. 3 Balaam wa tja nai ku Balak: “Kurama mba pombunguhiro yoye oningiririsiwa, ami ngunda ame i mutu Muhona me ndji tjakanene. Ami me ku serekarerere ngamwa atjihe eye tji me ndji tjivisa.” Neye otja ya kondunda ndja kuruka. 4 Ndjambi wa tjakanena Balaam. Nu Balaam wa tja ku ye: “Ami mba tungu ovipunguhiro hambombari, nu ku atjihe mba punguhire ko ondwezu yongombe noyonḓu.”
5 Muhona wa zira Balaam a tja: “Twende, yaruka ku Balak u kemuraere ombuze yandje.” 6 Nu eye otja yaruka, na kavaza Balak a kurama pombunguhiro ye oningiririsiwa puna imba ovanane ve avehe va Moab.
7 Nu Balaam wa uka a tja:
“Balak, ombara ya Moab,
we ndji eta okuza kOaram, okuza kozondundu zokomuhuka,
na tja: ‘Indjo,
ndji sengira Jakob, nu indjo, ndji tandera Israel!’
8 Me sengi vi ingwi ngu ha sengirwe i Ndjambi?
Me tanda vi ingwi Muhona ngwe ha tandere?
9 Kondongamo yotuuwa ami meve munu,
nokuza kondunda ami me tara ku wo.
Tara, otjo otjiwaṋa tji tji tura peke,
nu katji rivara kumwe noviwaṋa.
10 Ozondekurona za Israel ze ṱeki poruuma,
ozo ozengi tjinene okuvarwa.
Ndji esa mbi koke onḓiro yovasemba,
nondjandero yandje ngai sane koyawo!”
11 Nu Balak wa tja ku Balaam: “Ove we ndji tjiti vi? Ami mbe kekupahera okusenga ovanavita na ami, nu tara, ove we ve sere ondaya!”
12 Neye we mu zira a tja: “Ami hi sokuhungira nouṱakame imbi avihe Muhona mbye ndji raere are?”
Omaukiro oyetjavari wa Balaam
13 Balak wa tja ku Balaam: “Indjo tu yende pamwe koṋa ku mo sora okukamuna tjiva uriri vOvaisrael. Nu u kendjisengire wo koṋa ngo.” 14 Neye we mu twara kOkuti kwOzohoze kondomba yondundu Pisga, na katunga ko ovipunguhiro hambombari na kapunguhira ko ondwezu yongombe noyonḓu kotjipunguhiro atjihe peke.
15 Balaam wa tja nai ku Balak: “Kurama mba pombunguhiro yoye oningiririsiwa, nami me katjakanenena Ndjambi ngwina.”
16 Muhona wa kahakaena na Balaam, ne mu raere a tja: “Twende yaruka ku Balak u kemuraere ombuze yandje.” 17 Nu eye otje ya ku Balak ngwa kurama pombunguhiro ye oningiririsiwa puna imba ovanane ve avehe va Moab. Nu Balak we mu pura a tja: “Muhona we ku raere tjike?”
18 Neye wa uka a tja:
“Sekama, Balak, nu u zuve!
Puratena ku ami, muzandu wa Sipor!
19 Ndjambi kamundu ngu kora ovizeze,
nu kamuatje womundu ngu
rundurura omeripuriro we.
Eye ka tamuna otjiṋa nokuhinokutjitjita;
Ka kwizike otjiṋa nokuhinokutjiyenenisa.
20 Tara, mba raerwa okusera ondaya.
Nu Ndjambi tja sere ondaya,
ami hi nokusora okurundurura.
21 Ouhasemba kau nakumunika mu Jakob,
noruhoze mu Israel; Muhona,
Ndjambi we, u ri puna ye,
nondjoroka ku Muhona, Ombara, i ri mu ye.
22 Ndjambi ngwe ve pitisa mOengipte
meve rwire otja otjimburu.
23 Oundjai kau eta otjipo ku Jakob,
nomaveterero kaye eta otjipo ku Israel.
Nambano ku Jakob na ku Israel maku zu nai:
‘Tara imbi Ndjambi mbya tjita!’
24 Tara, otjiwaṋa tjOvaisrael matji
sekama otja ongeyama onḓenḓu,
nu matji riyerurura otja ongeyama,
ndji ha rangavara ngunda
ai hiya rya otjikamburwa tjayo,
nu ngunda ai hiya nwa ombinḓu yaihi tji ya zepa.”
25 Nu Balak wa tja ku Balaam: “Ndoovazu ko nokuvanga okuvesenga, o ve sere ondaya!”
26 Nu Balaam wa zira a tja ku Balak: “Hi ku raerere ongahukiro kutja me tjiti avihe Muhona mbi me ndji raere are?”
Omaukiro oyetjatatu wa Balaam
27 Balak wa tja nai ku Balaam: “Indjo tu yende pamwe koṋa kwarwe. Ngahino Ndjambi ma vanga kutja u kendjisengire wo ngo.” 28 Balaam otja kayenda puna Balak kondomba yondundu Peor ndja tongamena okuti onguza. 29 Balaam arire tja tja ku Balak: “Ndji tungira ovipunguhiro hambombari poṋa mba, nu ndji etera ozondwezu hambombari zozongombe na hambombari zozonḓu.” 30 Nu Balak wa tjita otja Balaam pa vanga, na punguhire ondwezu yongombe noyonḓu kotjipunguhiro atjihe peke.
Omaukiro omatenga wa Balaam
1 Balaam wa tja nai ku Balak: “Ndji tungira ovipunguhiro hambombari poṋa mba, nu ndji etera ozondwezu hambombari zozongombe na hambombari zozonḓu.”
2 Nu Balak wa tjita otja Balaam pa vanga; nu aveyevari va punguhira ondwezu yongombe imwe noyonḓu imwe kotjipunguhiro atjihe peke. 3 Balaam wa tja nai ku Balak: “Kurama mba pombunguhiro yoye oningiririsiwa, ami ngunda ame i mutu Muhona me ndji tjakanene. Ami me ku serekarerere ngamwa atjihe eye tji me ndji tjivisa.” Neye otja ya kondunda ndja kuruka. 4 Ndjambi wa tjakanena Balaam. Nu Balaam wa tja ku ye: “Ami mba tungu ovipunguhiro hambombari, nu ku atjihe mba punguhire ko ondwezu yongombe noyonḓu.”
5 Muhona wa zira Balaam a tja: “Twende, yaruka ku Balak u kemuraere ombuze yandje.” 6 Nu eye otja yaruka, na kavaza Balak a kurama pombunguhiro ye oningiririsiwa puna imba ovanane ve avehe va Moab.
7 Nu Balaam wa uka a tja:
“Balak, ombara ya Moab,
we ndji eta okuza kOaram, okuza kozondundu zokomuhuka,
na tja: ‘Indjo,
ndji sengira Jakob, nu indjo, ndji tandera Israel!’
8 Me sengi vi ingwi ngu ha sengirwe i Ndjambi?
Me tanda vi ingwi Muhona ngwe ha tandere?
9 Kondongamo yotuuwa ami meve munu,
nokuza kondunda ami me tara ku wo.
Tara, otjo otjiwaṋa tji tji tura peke,
nu katji rivara kumwe noviwaṋa.
10 Ozondekurona za Israel ze ṱeki poruuma,
ozo ozengi tjinene okuvarwa.
Ndji esa mbi koke onḓiro yovasemba,
nondjandero yandje ngai sane koyawo!”
11 Nu Balak wa tja ku Balaam: “Ove we ndji tjiti vi? Ami mbe kekupahera okusenga ovanavita na ami, nu tara, ove we ve sere ondaya!”
12 Neye we mu zira a tja: “Ami hi sokuhungira nouṱakame imbi avihe Muhona mbye ndji raere are?”
Omaukiro oyetjavari wa Balaam
13 Balak wa tja ku Balaam: “Indjo tu yende pamwe koṋa ku mo sora okukamuna tjiva uriri vOvaisrael. Nu u kendjisengire wo koṋa ngo.” 14 Neye we mu twara kOkuti kwOzohoze kondomba yondundu Pisga, na katunga ko ovipunguhiro hambombari na kapunguhira ko ondwezu yongombe noyonḓu kotjipunguhiro atjihe peke.
15 Balaam wa tja nai ku Balak: “Kurama mba pombunguhiro yoye oningiririsiwa, nami me katjakanenena Ndjambi ngwina.”
16 Muhona wa kahakaena na Balaam, ne mu raere a tja: “Twende yaruka ku Balak u kemuraere ombuze yandje.” 17 Nu eye otje ya ku Balak ngwa kurama pombunguhiro ye oningiririsiwa puna imba ovanane ve avehe va Moab. Nu Balak we mu pura a tja: “Muhona we ku raere tjike?”
18 Neye wa uka a tja:
“Sekama, Balak, nu u zuve!
Puratena ku ami, muzandu wa Sipor!
19 Ndjambi kamundu ngu kora ovizeze,
nu kamuatje womundu ngu
rundurura omeripuriro we.
Eye ka tamuna otjiṋa nokuhinokutjitjita;
Ka kwizike otjiṋa nokuhinokutjiyenenisa.
20 Tara, mba raerwa okusera ondaya.
Nu Ndjambi tja sere ondaya,
ami hi nokusora okurundurura.
21 Ouhasemba kau nakumunika mu Jakob,
noruhoze mu Israel; Muhona,
Ndjambi we, u ri puna ye,
nondjoroka ku Muhona, Ombara, i ri mu ye.
22 Ndjambi ngwe ve pitisa mOengipte
meve rwire otja otjimburu.
23 Oundjai kau eta otjipo ku Jakob,
nomaveterero kaye eta otjipo ku Israel.
Nambano ku Jakob na ku Israel maku zu nai:
‘Tara imbi Ndjambi mbya tjita!’
24 Tara, otjiwaṋa tjOvaisrael matji
sekama otja ongeyama onḓenḓu,
nu matji riyerurura otja ongeyama,
ndji ha rangavara ngunda
ai hiya rya otjikamburwa tjayo,
nu ngunda ai hiya nwa ombinḓu yaihi tji ya zepa.”
25 Nu Balak wa tja ku Balaam: “Ndoovazu ko nokuvanga okuvesenga, o ve sere ondaya!”
26 Nu Balaam wa zira a tja ku Balak: “Hi ku raerere ongahukiro kutja me tjiti avihe Muhona mbi me ndji raere are?”
Omaukiro oyetjatatu wa Balaam
27 Balak wa tja nai ku Balaam: “Indjo tu yende pamwe koṋa kwarwe. Ngahino Ndjambi ma vanga kutja u kendjisengire wo ngo.” 28 Balaam otja kayenda puna Balak kondomba yondundu Peor ndja tongamena okuti onguza. 29 Balaam arire tja tja ku Balak: “Ndji tungira ovipunguhiro hambombari poṋa mba, nu ndji etera ozondwezu hambombari zozongombe na hambombari zozonḓu.” 30 Nu Balak wa tjita otja Balaam pa vanga, na punguhire ondwezu yongombe noyonḓu kotjipunguhiro atjihe peke.
