Omiano omikwao vya Salomo
1 Imbi wina ovyo omiano vya Salomo mbya tjangururwa i ovarumendu va Hiskija, ombara ya Juda.
2 Eṱe tu yozika Ndjambi mu imbi mbya undika; nu tu yozika ozombara mu imbi mbi ze handjaura.
3 Otja evaverwa punga ara tongama kombanda nehi punga ari ri ekoto, omitima vyozombara opunga avi ha tjiukwa.
4 Zuzura osilveri okuisa mo esuzu, nomuhambure wosilveri ma yenene okuungura po otjiṋa. 5 Isa po omunauvi komurungu wombara, otjihavero tjayo tjouhona matji zikama mousemba.
6 Tji wa kurama komurungu wombara, o rihivi, nu okurama poruveze rwovananḓengu. 7 Okokuwa tji mo isanewa okukahaama poruveze rwokombanda komurungu wokuraerwa kutja yandja oruveze ku warwe ngu ri omunanḓengu pove.
8 O hakahana okuyenda kotjombanguriro ohunga notjiṋa tji wa munu. Orondu mo tjiti vi korusenina omukweṋu tje ku ṱisa ohoṋi.
9 Ṱuna otjiposa tjoye tji u na tjo nomukweṋu, nungwari o horora oviundikwa vyarwe vyomukweṋu, 10 tjapo umwe ngwa zuu me ku yamburura na ha isa okuserekarera omainganeno woye omavi.
11 Otja otjihape otjingoldo punga atji ri mokayaha okasilveri ku ka harekwa, opunga ape ri embo, ndi mari hungirwa moruveze orusemba.
12 Otja punga ape ri ongoho ongoldo nourenga wongoho ongohoke, opunga apa sana nomuronge onongo kokutwi ku maku puratene.
13 Otja omeva omatarazu punga aye tarareka moupyu woruveze rwomakondero, opunga ape ri omuhindwa omuṱakame ku imba mbe mu hindi; eye u kovisa omuinyo womuhona we.
14 Omundu ngu kwizika otjiyandjewa tje hi na maa yandja, wa sana novikamba nombepo ndji ha rokisa ombura.
15 Okuporimana kwomuretima ku popa omunane; eraka etarazu ri teya omaṱupa.
16 Tji wa tapa ouitji wozonyutji, ryaa nga tji wa kowa; nungwari o ri komurungu wanao, tjapo mo kungu. 17 O kara pokuryangera koyomuraranganda woye aruhe, tjapo ma urwa na ove na utu okukunyengwa.
18 Ngu ma hungire omahongonona wovizeze komukwao u ri otja engaruvyo nongwinya notjiku otjitwe.
19 Okuriyameka komundu omuhaṱakama tji u ri mombamisiro, kwa sana nokuṱaṱuna neyo nda hokoka, poo nokukawondja nombaze otjiṱeṱu.
20 Ngu imburira omundu ngu ri moruhoze, wa sana nomundu ngu hukura ombanda ye ngunda aku nombepera poo wa sana nomundu ngu tirira omeva womongwa motjirwaro.
21 Omunavita na ove tje nondjara, mu pao ovikurya; nu tje nonyota, mu pao omeva. 22 Mokutjita nai ove mo mu ṱisa ohoṋi, nu Muhona me ku sutire otjiṋa hi.
23 Ombepo yokomuhuka tjiri punga ai rokisa ombura eraka roruyambo opunga ari eta omapindi.
24 Okokuwa okukara komututu wondjuwo komurungu wokukara mondjuwo onene puna omukazendu ngu posa.
25 Okuzuva ombuze ombwa okuza kehi rokokure kwa sana nokunwa omeva omatarazu tji wa ṱonyota.
26 Omundu omusemba ngu ivaiva komurungu womunauvi wa sana noruharwi rwotjitombo poo wa sana nondjombo ndja wora.
27 Kakokuwa okurya ouitji wozonyutji ouingi tjinene, nu kakokuwa okuripahera ondangero.
28 Omundu ngu ha sora okuritjaera komazenge we omuini, wa sana notjihuro tjorumbo ndwa haṋika.
Omiano omikwao vya Salomo
1 Imbi wina ovyo omiano vya Salomo mbya tjangururwa i ovarumendu va Hiskija, ombara ya Juda.
2 Eṱe tu yozika Ndjambi mu imbi mbya undika; nu tu yozika ozombara mu imbi mbi ze handjaura.
3 Otja evaverwa punga ara tongama kombanda nehi punga ari ri ekoto, omitima vyozombara opunga avi ha tjiukwa.
4 Zuzura osilveri okuisa mo esuzu, nomuhambure wosilveri ma yenene okuungura po otjiṋa. 5 Isa po omunauvi komurungu wombara, otjihavero tjayo tjouhona matji zikama mousemba.
6 Tji wa kurama komurungu wombara, o rihivi, nu okurama poruveze rwovananḓengu. 7 Okokuwa tji mo isanewa okukahaama poruveze rwokombanda komurungu wokuraerwa kutja yandja oruveze ku warwe ngu ri omunanḓengu pove.
8 O hakahana okuyenda kotjombanguriro ohunga notjiṋa tji wa munu. Orondu mo tjiti vi korusenina omukweṋu tje ku ṱisa ohoṋi.
9 Ṱuna otjiposa tjoye tji u na tjo nomukweṋu, nungwari o horora oviundikwa vyarwe vyomukweṋu, 10 tjapo umwe ngwa zuu me ku yamburura na ha isa okuserekarera omainganeno woye omavi.
11 Otja otjihape otjingoldo punga atji ri mokayaha okasilveri ku ka harekwa, opunga ape ri embo, ndi mari hungirwa moruveze orusemba.
12 Otja punga ape ri ongoho ongoldo nourenga wongoho ongohoke, opunga apa sana nomuronge onongo kokutwi ku maku puratene.
13 Otja omeva omatarazu punga aye tarareka moupyu woruveze rwomakondero, opunga ape ri omuhindwa omuṱakame ku imba mbe mu hindi; eye u kovisa omuinyo womuhona we.
14 Omundu ngu kwizika otjiyandjewa tje hi na maa yandja, wa sana novikamba nombepo ndji ha rokisa ombura.
15 Okuporimana kwomuretima ku popa omunane; eraka etarazu ri teya omaṱupa.
16 Tji wa tapa ouitji wozonyutji, ryaa nga tji wa kowa; nungwari o ri komurungu wanao, tjapo mo kungu. 17 O kara pokuryangera koyomuraranganda woye aruhe, tjapo ma urwa na ove na utu okukunyengwa.
18 Ngu ma hungire omahongonona wovizeze komukwao u ri otja engaruvyo nongwinya notjiku otjitwe.
19 Okuriyameka komundu omuhaṱakama tji u ri mombamisiro, kwa sana nokuṱaṱuna neyo nda hokoka, poo nokukawondja nombaze otjiṱeṱu.
20 Ngu imburira omundu ngu ri moruhoze, wa sana nomundu ngu hukura ombanda ye ngunda aku nombepera poo wa sana nomundu ngu tirira omeva womongwa motjirwaro.
21 Omunavita na ove tje nondjara, mu pao ovikurya; nu tje nonyota, mu pao omeva. 22 Mokutjita nai ove mo mu ṱisa ohoṋi, nu Muhona me ku sutire otjiṋa hi.
23 Ombepo yokomuhuka tjiri punga ai rokisa ombura eraka roruyambo opunga ari eta omapindi.
24 Okokuwa okukara komututu wondjuwo komurungu wokukara mondjuwo onene puna omukazendu ngu posa.
25 Okuzuva ombuze ombwa okuza kehi rokokure kwa sana nokunwa omeva omatarazu tji wa ṱonyota.
26 Omundu omusemba ngu ivaiva komurungu womunauvi wa sana noruharwi rwotjitombo poo wa sana nondjombo ndja wora.
27 Kakokuwa okurya ouitji wozonyutji ouingi tjinene, nu kakokuwa okuripahera ondangero.
28 Omundu ngu ha sora okuritjaera komazenge we omuini, wa sana notjihuro tjorumbo ndwa haṋika.
