Ombunguhiro oningiririsiwa
1 Muhona wa isana Moses na hungirire mOndanda yOmahakaeneno kuna ye ne mu pe omazikamisiro 2 ngu ma sokuraera kOvaisrael tji mave tjitire Muhona ozombunguhiro natja nai: “Auhe ngu ma punguhire Muhona ombunguhiro yotjinamuinyo, nga rire imwe yozongombe poo ozonḓu poo ozongombo ze.
3 “Ngu ma punguha ongombe ye i rire ombunguhiro oningiririsiwa, ngai rire ondwezu nu ndji hi notjipo. Nge i ete pomahitiro wOndanda yOmahakaeneno kutja Muhona e i yakure. 4 Tjazumba nga twe eke re kotjiuru tjayo, otji mai yakurwa otja ombunguhiro yokuisapo ourunde we. 5 Nga zepere ondwezu ndji momurungu wa Muhona; novazandu va Aron, ovapristeri, ngave ete ombinḓu nu ve i pemenene keṋe yotjipunguhiro okukondorokisa tji tji ri pomahitiro wOndanda yOmahakaeneno. 6 Tjazumba nga purure otjinamuinyo tje, nu nge tji haṋe mozonyama pekepeke. 7 Novazandu va Aron, ovapristeri, ngave twe ko ozonguṋe kotjipunguhiro ve yakise omuriro. 8 Nu wina ngave twe inḓa ozonyama puna otjiuru nozonḓura momuriro wokotjipunguhiro. 9 Nungwari oviṋa vyopehuri nozonyu zotjinamuinyo nge vi kohe momeva. Nomupristeri nga ningiririsire avihe mbi kotjipunguhiro. Oviṋa mbi otji mavi rire ombunguhiro oningiririsiwa, nomuṋuko wavyo ma u yandja onyuṋe ku Muhona.
10 “Nu ngu ma punguha imwe yozonḓu poo yozongombo ze, i rire ombunguhiro oningiririsiwa, ngai rire ondwezu nu ndji hi notjipo. 11 Neye nge i zepere momurungu wa Muhona komukuma wokeyuva kokunene kwotjipunguhiro; novazandu va Aron, ovapristeri, ngave pemenene ombinḓu yayo keṋe yotjipunguhiro okukondorokisa. 12 Tjazumba nge i haṋe mozonyama pekepeke, nomupristeri nge ze twe puna otjiuru nozonḓura momuriro wokotjipunguhiro. 13 Nungwari oviṋa vyopehuri nozonyu nge vi kohe momeva. Nomupristeri nga ningiririsire avihe mbi kotjipunguhiro. Oviṋa mbi otji mavi rire ombunguhiro oningiririsiwa, nomuṋuko wavyo ma u yandja onyuṋe ku Muhona.
14 “Ngu ma punguha onḓera, i rire ombunguhiro oningiririsiwa, nga rire ohanda poo otjingutyona. 15 Omupristeri nge i ete kotjipunguhiro nu nge i pore otjiuru, e tji ningiririsire kotjipunguhiro. Nombinḓu yayo ngai kamenwe keṋe yotjipunguhiro. 16 Tjazumba nga ise mo otjinikorero na imbi mbi ri mu tjo me vi imbirahi komukuma wokomuhuka wotjipunguhiro, poṋa pu pe tirahirwa omutwe. 17 Omupristeri nge i kamburire kovivava ne vi paure kaṱiṱi nokuhinokuvihaṋa, nu nge i ningiririsire kotjipunguhiro. Oyo ondji ri ombunguhiro oningiririsiwa, nomuṋuko wavyo ma u yandja onyuṋe ku Muhona.”
Ombunguhiro oningiririsiwa
1 Muhona wa isana Moses na hungirire mOndanda yOmahakaeneno kuna ye ne mu pe omazikamisiro 2 ngu ma sokuraera kOvaisrael tji mave tjitire Muhona ozombunguhiro natja nai: “Auhe ngu ma punguhire Muhona ombunguhiro yotjinamuinyo, nga rire imwe yozongombe poo ozonḓu poo ozongombo ze.
3 “Ngu ma punguha ongombe ye i rire ombunguhiro oningiririsiwa, ngai rire ondwezu nu ndji hi notjipo. Nge i ete pomahitiro wOndanda yOmahakaeneno kutja Muhona e i yakure. 4 Tjazumba nga twe eke re kotjiuru tjayo, otji mai yakurwa otja ombunguhiro yokuisapo ourunde we. 5 Nga zepere ondwezu ndji momurungu wa Muhona; novazandu va Aron, ovapristeri, ngave ete ombinḓu nu ve i pemenene keṋe yotjipunguhiro okukondorokisa tji tji ri pomahitiro wOndanda yOmahakaeneno. 6 Tjazumba nga purure otjinamuinyo tje, nu nge tji haṋe mozonyama pekepeke. 7 Novazandu va Aron, ovapristeri, ngave twe ko ozonguṋe kotjipunguhiro ve yakise omuriro. 8 Nu wina ngave twe inḓa ozonyama puna otjiuru nozonḓura momuriro wokotjipunguhiro. 9 Nungwari oviṋa vyopehuri nozonyu zotjinamuinyo nge vi kohe momeva. Nomupristeri nga ningiririsire avihe mbi kotjipunguhiro. Oviṋa mbi otji mavi rire ombunguhiro oningiririsiwa, nomuṋuko wavyo ma u yandja onyuṋe ku Muhona.
10 “Nu ngu ma punguha imwe yozonḓu poo yozongombo ze, i rire ombunguhiro oningiririsiwa, ngai rire ondwezu nu ndji hi notjipo. 11 Neye nge i zepere momurungu wa Muhona komukuma wokeyuva kokunene kwotjipunguhiro; novazandu va Aron, ovapristeri, ngave pemenene ombinḓu yayo keṋe yotjipunguhiro okukondorokisa. 12 Tjazumba nge i haṋe mozonyama pekepeke, nomupristeri nge ze twe puna otjiuru nozonḓura momuriro wokotjipunguhiro. 13 Nungwari oviṋa vyopehuri nozonyu nge vi kohe momeva. Nomupristeri nga ningiririsire avihe mbi kotjipunguhiro. Oviṋa mbi otji mavi rire ombunguhiro oningiririsiwa, nomuṋuko wavyo ma u yandja onyuṋe ku Muhona.
14 “Ngu ma punguha onḓera, i rire ombunguhiro oningiririsiwa, nga rire ohanda poo otjingutyona. 15 Omupristeri nge i ete kotjipunguhiro nu nge i pore otjiuru, e tji ningiririsire kotjipunguhiro. Nombinḓu yayo ngai kamenwe keṋe yotjipunguhiro. 16 Tjazumba nga ise mo otjinikorero na imbi mbi ri mu tjo me vi imbirahi komukuma wokomuhuka wotjipunguhiro, poṋa pu pe tirahirwa omutwe. 17 Omupristeri nge i kamburire kovivava ne vi paure kaṱiṱi nokuhinokuvihaṋa, nu nge i ningiririsire kotjipunguhiro. Oyo ondji ri ombunguhiro oningiririsiwa, nomuṋuko wavyo ma u yandja onyuṋe ku Muhona.”
