1 Muhona wa hungira ku ami mena rourumbu na tja:
2 “Juda arihe ri ri momutambo;
ovihuro vyaro mavi yanda,
ovandu varo va saravara pehi moruhoze,
nu Jerusalem matji ku ombatero.
3 Ovatumbe mave hindi ovakarere
vawo okukateka omeva,
owo mave i kozombu,
nungwari kave nokukamuna mo omeva;
mave kotoka novitjuma mbi ri tjo.
Owo mave horeke omirungu vyawo
ave rihahiza nava kumwa.
4 Ovakune ve rihahiza,
nu mave horeke omirungu vyawo,
orondu ombura otjinga aya kanuka,
nehi tjinga ra kukuta.
5 Mokuti omenye onḓenḓu
mai isa okamenyona kayo
ku ya kwata nambano,
ehozu tjinga ari hiya nyomoka.
6 Ozongoro maze teremana
kozondundu nḓa kuruka,
nu maze hekana otja ozombandje,
omeho wazo ya kahita mena rokuhinaviriwa.
7 Otjiwaṋa tjandje matji uru ku ami ama tji tja:
‘Nandarire kutja omauvi wetu maye tu pe ondjo,
tu tjitira ouwa motjimbe tjena roye.
Eṱe twa poka kove potuingi;
twa tura ondjo komurungu woye.
8 Oove ngu u ri omaundjiro wa Israel porwe.
Oove erike ngu u tu yama kotjiwonga.
Okutjavi tji u ri otja owozonganda mehi retu,
otja omuryange ngu rara ouṱuku umwe uriri?
9 Okutjavi tji u ri otja omurumendu ngwa yumana,
otja omurwe wovita ngu hi nomasa okutuvatera?
Tjiri, Muhona, ove u ri mokati ketu!
Oweṱe otjiwaṋa tjoye.
O tu esa ko.’ ”
10 Muhona wa hungirira otjiwaṋa hi na tja:
“Owo va suvera okuryangaryanga,
nu kave suvisa ozombaze zawo.
Ami otji mbi hi nohange na wo.
Nambano me zemburuka
ozongatukiro nḓu va tjita,
nu meve verere omauvi wawo.”
11 Muhona wa tja nai ku ami: “O ndji ningire kutja mbi vatere otjiwaṋa hi. 12 Nangarire kutja otjo matji ritjaere kovikurya, ami hi nokupuratena ko, tji matji ku ombatero; nu nangarire kutja matji ndji punguhire ozombunguhiro ozoningiririsiwa nozovikurya, ami himee kara nonyuṋe mu tjo. Moruveze rwanao ami me tji yandeke movita, nu me tji zepa nondjara nomutjise wina.”
13 Ami mba tja nai: “Muhona Ndjambi, ove mo tjiwa kutja ovaprofete ve raera ovandu kutja kape nokukara ovita nondjara, nungwari owo ve tja ove wa kwizika kutja mamu kara ohange porwayo mehi retu.”
14 Nungwari Muhona wa zira a tja: “Ovaprofete ve kora ovizeze mena randje; ami hi ve hindire, wina hi ve pere omarakiza ngamwa, nu hi hungirire embo nangarire rimwe ku wo. Ovirimunikise, mbi ve serekarera, kavi zire ku ami; omaukiro wawo oviṋa uriri mbi ve ripura oveni. 15 Ami, ngu mbi ri Muhona, me ku raere imbi mbi me tjiti kovaprofete imba ami mbu mbi ha hindire, nungwari mbe hungira mena randje mokutja ovita nondjara kavi nokuya mehi ndi. Ami meve yandeke movita nu meve zepa nondjara. 16 Ovandu owo ku va hungira oviṋa mbi, wina mave ṱu momuhingo tjingewo. Oturova twawo matu nakaurwa momivanda vya Jerusalem, nu kape nokukara omundu ngu me tu paka. Oviṋa mbi mavi tjitwa ku wo avehe, nangarire kovakazendu novanatje vawo ovazandu novakazona. Ami meve sutisire ouvi wawo.”
17 Muhona we ndji rakiza kutja mbi raere ovandu oruhoze rwandje nu mbi tje nai:
“Omeho wandje ngaye pupe omahoze omutenya nouṱuku,
e ha isa okurira,
orondu otjiwaṋa tjandje tja tendwa tjinene
nu tja hihamisiwa navi.
18 Tji me piti okuyenda komahi womakunino,
mbi kamuna oturova twovarumendu mba ṱa movita;
tji me hiti movihuro,
mbi muna ovandu mba ṱondjara.
Ovaprofete novapristeri ve kayendisa
oviungura vyawo komurungu,
nungwari kave tjiwa kutja mave ungura tjike.”
Otjiwaṋa matji riyarikaṋa ku Muhona
19 Muhona, ove wa imbirahi Juda oparukaze are?
Wa nyengwa otjiwaṋa tja Sion are?
Okutjavi tji we tu hihamisa tjinene nai
nga tji tu hi nokusora okuveruka?
Eṱe twa vanga ohange, nungwari kapa
ri otjiṋa otjiwa tji tja tjitwa;
twa undja omberukiro,
nungwari moruveze rwanao pe ya ondirisiro.
20 Muhona, eṱe twa tura ondjo komurungu woye;
matu rihepura omauvi wetu oveni,
nomauvi wootate mukururume wina.
21 Zemburuka omakwizikiro woye,
nu o tu imbirahi;
o eta ondjambu kOjerusalem,
poṋa potjihavero tjoye tjouhona otjinandjozikiro.
O teya omerikutiropamwe ngu wa tjita na eṱe.
22 Kape nomukuru woviwaṋa nangarire
umwe ngu hinda ombura;
evaverwa orini kari rokisa ombura onamasa.
Muhona, Ndjambi wetu, eṱe tu undja kove,
tjinga au ri ngwi ngu u tjita oviṋa avihe mbi.
1 Muhona wa hungira ku ami mena rourumbu na tja:
2 “Juda arihe ri ri momutambo;
ovihuro vyaro mavi yanda,
ovandu varo va saravara pehi moruhoze,
nu Jerusalem matji ku ombatero.
3 Ovatumbe mave hindi ovakarere
vawo okukateka omeva,
owo mave i kozombu,
nungwari kave nokukamuna mo omeva;
mave kotoka novitjuma mbi ri tjo.
Owo mave horeke omirungu vyawo
ave rihahiza nava kumwa.
4 Ovakune ve rihahiza,
nu mave horeke omirungu vyawo,
orondu ombura otjinga aya kanuka,
nehi tjinga ra kukuta.
5 Mokuti omenye onḓenḓu
mai isa okamenyona kayo
ku ya kwata nambano,
ehozu tjinga ari hiya nyomoka.
6 Ozongoro maze teremana
kozondundu nḓa kuruka,
nu maze hekana otja ozombandje,
omeho wazo ya kahita mena rokuhinaviriwa.
7 Otjiwaṋa tjandje matji uru ku ami ama tji tja:
‘Nandarire kutja omauvi wetu maye tu pe ondjo,
tu tjitira ouwa motjimbe tjena roye.
Eṱe twa poka kove potuingi;
twa tura ondjo komurungu woye.
8 Oove ngu u ri omaundjiro wa Israel porwe.
Oove erike ngu u tu yama kotjiwonga.
Okutjavi tji u ri otja owozonganda mehi retu,
otja omuryange ngu rara ouṱuku umwe uriri?
9 Okutjavi tji u ri otja omurumendu ngwa yumana,
otja omurwe wovita ngu hi nomasa okutuvatera?
Tjiri, Muhona, ove u ri mokati ketu!
Oweṱe otjiwaṋa tjoye.
O tu esa ko.’ ”
10 Muhona wa hungirira otjiwaṋa hi na tja:
“Owo va suvera okuryangaryanga,
nu kave suvisa ozombaze zawo.
Ami otji mbi hi nohange na wo.
Nambano me zemburuka
ozongatukiro nḓu va tjita,
nu meve verere omauvi wawo.”
11 Muhona wa tja nai ku ami: “O ndji ningire kutja mbi vatere otjiwaṋa hi. 12 Nangarire kutja otjo matji ritjaere kovikurya, ami hi nokupuratena ko, tji matji ku ombatero; nu nangarire kutja matji ndji punguhire ozombunguhiro ozoningiririsiwa nozovikurya, ami himee kara nonyuṋe mu tjo. Moruveze rwanao ami me tji yandeke movita, nu me tji zepa nondjara nomutjise wina.”
13 Ami mba tja nai: “Muhona Ndjambi, ove mo tjiwa kutja ovaprofete ve raera ovandu kutja kape nokukara ovita nondjara, nungwari owo ve tja ove wa kwizika kutja mamu kara ohange porwayo mehi retu.”
14 Nungwari Muhona wa zira a tja: “Ovaprofete ve kora ovizeze mena randje; ami hi ve hindire, wina hi ve pere omarakiza ngamwa, nu hi hungirire embo nangarire rimwe ku wo. Ovirimunikise, mbi ve serekarera, kavi zire ku ami; omaukiro wawo oviṋa uriri mbi ve ripura oveni. 15 Ami, ngu mbi ri Muhona, me ku raere imbi mbi me tjiti kovaprofete imba ami mbu mbi ha hindire, nungwari mbe hungira mena randje mokutja ovita nondjara kavi nokuya mehi ndi. Ami meve yandeke movita nu meve zepa nondjara. 16 Ovandu owo ku va hungira oviṋa mbi, wina mave ṱu momuhingo tjingewo. Oturova twawo matu nakaurwa momivanda vya Jerusalem, nu kape nokukara omundu ngu me tu paka. Oviṋa mbi mavi tjitwa ku wo avehe, nangarire kovakazendu novanatje vawo ovazandu novakazona. Ami meve sutisire ouvi wawo.”
17 Muhona we ndji rakiza kutja mbi raere ovandu oruhoze rwandje nu mbi tje nai:
“Omeho wandje ngaye pupe omahoze omutenya nouṱuku,
e ha isa okurira,
orondu otjiwaṋa tjandje tja tendwa tjinene
nu tja hihamisiwa navi.
18 Tji me piti okuyenda komahi womakunino,
mbi kamuna oturova twovarumendu mba ṱa movita;
tji me hiti movihuro,
mbi muna ovandu mba ṱondjara.
Ovaprofete novapristeri ve kayendisa
oviungura vyawo komurungu,
nungwari kave tjiwa kutja mave ungura tjike.”
Otjiwaṋa matji riyarikaṋa ku Muhona
19 Muhona, ove wa imbirahi Juda oparukaze are?
Wa nyengwa otjiwaṋa tja Sion are?
Okutjavi tji we tu hihamisa tjinene nai
nga tji tu hi nokusora okuveruka?
Eṱe twa vanga ohange, nungwari kapa
ri otjiṋa otjiwa tji tja tjitwa;
twa undja omberukiro,
nungwari moruveze rwanao pe ya ondirisiro.
20 Muhona, eṱe twa tura ondjo komurungu woye;
matu rihepura omauvi wetu oveni,
nomauvi wootate mukururume wina.
21 Zemburuka omakwizikiro woye,
nu o tu imbirahi;
o eta ondjambu kOjerusalem,
poṋa potjihavero tjoye tjouhona otjinandjozikiro.
O teya omerikutiropamwe ngu wa tjita na eṱe.
22 Kape nomukuru woviwaṋa nangarire
umwe ngu hinda ombura;
evaverwa orini kari rokisa ombura onamasa.
Muhona, Ndjambi wetu, eṱe tu undja kove,
tjinga au ri ngwi ngu u tjita oviṋa avihe mbi.
