1 David tja mana ehungi re na Saul, Jonatan, omuzandu wa Saul, wa kara nombango na David ne mu suvere tjinene otja tje risuvera omuini. 2 Okuza keyuva ndo Saul wa ṱizira David pu ye, ne he mu esa okuyaruka rukwao koyawo. 3 Jonatan wa tjita oupanga kuna David, tjinga e mu suverere tjinene otja tje risuvera omuini. 4 Nu Jonatan wa hukura ombanda ye ndja ri na yo morutu, e i yandja ku David, nombanda ye yovita, nengaruvyo re, nouta nekwamo wina. 5 David wa ri nouṋingandu akuhe Saul kuye mu hindi; nu Saul otje mu zika okurira omuhongore wotjimbumba tje tjovita. Ihi tja nyandisa ovandu va Saul avehe novahongore ve.
Saul ma ṱeruru na David
6 Novarwe wovita tji va kotoka konganda, David tja za nokuzepa Goliat, nu ovakazendu vovihuro avihe vyOvaisrael otji va tjakanena ombara Saul amave imbura omaimburiro wondjoroka nokupunda nokunyanda ovihumba novinangoma. 7 Nu mondjorokero yawo ovakazendu mba va imbura ave tja: “Saul wa zepa eyovi nungwari David wa zepa omayovi omurongo!” 8 Saul ka vangere otjiṋa hi; notja pindika tjinene a tja: “Ku David va yandja omayovi omurongo, nungwari ku ami va yandja eyovi rimwe uriri; otjiṋa tji tja sewa po ku ye porwatjo okurira ombara.” 9 Nokuza keyuva ndo Saul otjaa ṱeruru na David.
10 Nu mependukirwa ombepo ombi ndja hindwa i Ndjambi ya hita mu Saul, neye otja zungana tjinene mondjuwo ye tjimuna omundu ngwa vere oviyoze. David aa nyanda otjiharpe otja tje tjita aruhe, nu Saul wa ri nenga meke. 11 Saul wa yumba enga ame ripura nai: “Me papere David kekuma!” Nungwari David wa yepa ro tuvari.
12 Saul wa tira David, Muhona tjinga a kara puna David; nungwari Muhona wa zapo pu Saul. 13 Nu Saul we mu isa po pu ye, ne mu ziki okurira omuhongore wotjimbumba tjovita tjeyovi. David otjaa hongorere otjimbumba tjovita, 14 neye wa ri nondoṋeno mu avihe mbya tjiti, Muhona tjinga a ri puna ye. 15 Saul tja muna kutja David omuṋingandu, arire tja utu okumutirira ko tjinene. 16 Nungwari Ovaisrael nOvajuda avehe va suverere David tjinene, eye tjinga a ri omuhongore wawo omusemba.
David ma kupu omusuko wa Saul
17 Saul wa tja nai ku David: “Omusuko wandje Merab, ingwi erumbi, eye ngo; ami me ku pe u kupe. Nungwari rutenga riraisa otja omurumendu ependa, nu hinga ovita vya Muhona.” Saul we ripura kutja momuano mbwi David ma ṱu i Ovafilisti, nungwari ke nakuṱa i ye omuini.
18 David wa zira a tja: “Ami owami omukendu, nonganda ya tate mOisrael ongenganda kutja me yenene okurira omukwe wombara yandje?” 19 Nungwari indwi oruveze tji rweya kutja Merab, omusuko wa Saul, a yandjewe ku David, otja yandjewa komurumendu Omumehola wena Adriel.
20 Nungwari Mikal, omusuko wa Saul, wa hura David. Nu Saul tja zuva otjiṋa hi wa kara nohange. 21 Saul we ripura nai: “Ami me yandja Mikal ku David, a rire ongwehe ku ye kutja a ṱe i Ovafilisti.” Saul opa tjera nai ku David porutjavari: “Ove mo rire omukwe wandje.” 22 Nu Saul wa rakiza kovakarere ve na tja: “Hungireye na David mongumumu, nu itjeye nai: ‘Tara, ombara i nonyuṋe move na mu imba ovakarere voye avehe wina. Nambano ṱokurira omukwe wombara.’ ”
23 Novakarere va Saul otji va hungira omambo nga ku David; neye wa zira a tja: “Mamu tjangovasi okukupa omusuko wombara otjiṋa otjipupu komurumendu omusyona nowokehi otja ami?”
24 Novakarere va tjivisa Saul imbi David mbya hungira. 25 Saul wa rakiza a tja: “Katjeye nai ku David: ‘Ombara kai nokuvanga ovitunya vyarwe, posi yomikova esere rimwe vyOvafilisti vyomasukarekero, okutjita omasutisiro kovanavita vombara.’ ” Inga ya ri omeripuriro wa Saul kutja David a ṱe i Ovafilisti. 26 Novakarere va Saul va kahungira omambo nga ku David, nu David wa itavera okurira omukwe wombara. Noruveze ngunda aru hiya kapita, 27 David we rirongera puna ovandu ve na kazepa Ovafilisti omasere yevari. Neye wa eta omikova vyawo vyomasukarekero kombara, ne vi yandja avihe otja kotjivaro tjavyo, kokutja a sore okurira omukwe wombara. Komuhingo mbwi Saul otja yandja omusuko we Mikal a kupwe i David.
28 Saul wa muna ongahukiro kutja Muhona u ri puna David nokutja omusuko we Mikal wa suvera David. 29 Saul otja harera ko ondira tjinene na David, na rire omunavita na David ngunda e nomuinyo.
30 Nu aruhe, otjimbumba tjovita tjOvafilisti tji matji hingi ovita, David otjaa kara noutoṋi, komeho yovahongore varwe va Saul; neye otja rira omutjiukwa tjinene.
1 David tja mana ehungi re na Saul, Jonatan, omuzandu wa Saul, wa kara nombango na David ne mu suvere tjinene otja tje risuvera omuini. 2 Okuza keyuva ndo Saul wa ṱizira David pu ye, ne he mu esa okuyaruka rukwao koyawo. 3 Jonatan wa tjita oupanga kuna David, tjinga e mu suverere tjinene otja tje risuvera omuini. 4 Nu Jonatan wa hukura ombanda ye ndja ri na yo morutu, e i yandja ku David, nombanda ye yovita, nengaruvyo re, nouta nekwamo wina. 5 David wa ri nouṋingandu akuhe Saul kuye mu hindi; nu Saul otje mu zika okurira omuhongore wotjimbumba tje tjovita. Ihi tja nyandisa ovandu va Saul avehe novahongore ve.
Saul ma ṱeruru na David
6 Novarwe wovita tji va kotoka konganda, David tja za nokuzepa Goliat, nu ovakazendu vovihuro avihe vyOvaisrael otji va tjakanena ombara Saul amave imbura omaimburiro wondjoroka nokupunda nokunyanda ovihumba novinangoma. 7 Nu mondjorokero yawo ovakazendu mba va imbura ave tja: “Saul wa zepa eyovi nungwari David wa zepa omayovi omurongo!” 8 Saul ka vangere otjiṋa hi; notja pindika tjinene a tja: “Ku David va yandja omayovi omurongo, nungwari ku ami va yandja eyovi rimwe uriri; otjiṋa tji tja sewa po ku ye porwatjo okurira ombara.” 9 Nokuza keyuva ndo Saul otjaa ṱeruru na David.
10 Nu mependukirwa ombepo ombi ndja hindwa i Ndjambi ya hita mu Saul, neye otja zungana tjinene mondjuwo ye tjimuna omundu ngwa vere oviyoze. David aa nyanda otjiharpe otja tje tjita aruhe, nu Saul wa ri nenga meke. 11 Saul wa yumba enga ame ripura nai: “Me papere David kekuma!” Nungwari David wa yepa ro tuvari.
12 Saul wa tira David, Muhona tjinga a kara puna David; nungwari Muhona wa zapo pu Saul. 13 Nu Saul we mu isa po pu ye, ne mu ziki okurira omuhongore wotjimbumba tjovita tjeyovi. David otjaa hongorere otjimbumba tjovita, 14 neye wa ri nondoṋeno mu avihe mbya tjiti, Muhona tjinga a ri puna ye. 15 Saul tja muna kutja David omuṋingandu, arire tja utu okumutirira ko tjinene. 16 Nungwari Ovaisrael nOvajuda avehe va suverere David tjinene, eye tjinga a ri omuhongore wawo omusemba.
David ma kupu omusuko wa Saul
17 Saul wa tja nai ku David: “Omusuko wandje Merab, ingwi erumbi, eye ngo; ami me ku pe u kupe. Nungwari rutenga riraisa otja omurumendu ependa, nu hinga ovita vya Muhona.” Saul we ripura kutja momuano mbwi David ma ṱu i Ovafilisti, nungwari ke nakuṱa i ye omuini.
18 David wa zira a tja: “Ami owami omukendu, nonganda ya tate mOisrael ongenganda kutja me yenene okurira omukwe wombara yandje?” 19 Nungwari indwi oruveze tji rweya kutja Merab, omusuko wa Saul, a yandjewe ku David, otja yandjewa komurumendu Omumehola wena Adriel.
20 Nungwari Mikal, omusuko wa Saul, wa hura David. Nu Saul tja zuva otjiṋa hi wa kara nohange. 21 Saul we ripura nai: “Ami me yandja Mikal ku David, a rire ongwehe ku ye kutja a ṱe i Ovafilisti.” Saul opa tjera nai ku David porutjavari: “Ove mo rire omukwe wandje.” 22 Nu Saul wa rakiza kovakarere ve na tja: “Hungireye na David mongumumu, nu itjeye nai: ‘Tara, ombara i nonyuṋe move na mu imba ovakarere voye avehe wina. Nambano ṱokurira omukwe wombara.’ ”
23 Novakarere va Saul otji va hungira omambo nga ku David; neye wa zira a tja: “Mamu tjangovasi okukupa omusuko wombara otjiṋa otjipupu komurumendu omusyona nowokehi otja ami?”
24 Novakarere va tjivisa Saul imbi David mbya hungira. 25 Saul wa rakiza a tja: “Katjeye nai ku David: ‘Ombara kai nokuvanga ovitunya vyarwe, posi yomikova esere rimwe vyOvafilisti vyomasukarekero, okutjita omasutisiro kovanavita vombara.’ ” Inga ya ri omeripuriro wa Saul kutja David a ṱe i Ovafilisti. 26 Novakarere va Saul va kahungira omambo nga ku David, nu David wa itavera okurira omukwe wombara. Noruveze ngunda aru hiya kapita, 27 David we rirongera puna ovandu ve na kazepa Ovafilisti omasere yevari. Neye wa eta omikova vyawo vyomasukarekero kombara, ne vi yandja avihe otja kotjivaro tjavyo, kokutja a sore okurira omukwe wombara. Komuhingo mbwi Saul otja yandja omusuko we Mikal a kupwe i David.
28 Saul wa muna ongahukiro kutja Muhona u ri puna David nokutja omusuko we Mikal wa suvera David. 29 Saul otja harera ko ondira tjinene na David, na rire omunavita na David ngunda e nomuinyo.
30 Nu aruhe, otjimbumba tjovita tjOvafilisti tji matji hingi ovita, David otjaa kara noutoṋi, komeho yovahongore varwe va Saul; neye otja rira omutjiukwa tjinene.
