Kristus ombatero yetu
1 Vanatje vandje, ami me mu tjangere omambo nga, kokutja amu ha tjiti ourunde; nungwari ngamwa ngu ma tjiti ourunde, eá¹±e tu nomuhungirirepo ku Tate. Eye oJesus Kristus, ingwi omusemba. 2 Nu mu Kristus omuini eá¹±e omu tu isirwa ourunde wetu, nu kawo mbwi ourunde wetu porwe, nungwari wina owo mbwi ourunde wouye auhe.
3 Tji matu kara nonḓuviro komatwako wa Ndjambi, tjiri, matu tjiwa kutja tu mu i. 4 Ingwi ngu ma tja u mu i, nungwari e hi nonḓuviro komatwako we, eye omunavizeze, nu mu ye kamu nouatjiri. 5 Nungwari ingwi ngu ma kara nonḓuviro kembo ra Ndjambi, tjiri, eye u norusuvero rwa Ndjambi okuura mu ye. Nu motjiṋa hi opu matu tjivirwa kutja tu noruwano na Ndjambi. 6 Ingwi ngu ma tja u noruwano na Ndjambi u sokukara nongaro ohamukwao na indji oya Jesus Kristus.
Etwako epe
7 Vakwetu ovasuverwa, ami hi nokumutjangera etwako epe, nungwari oro etwako ekuru ndi mwa kara na ro okuza kombutiro. Etwako ekuru ndi oro ombuze ndji ndji mwa zuva rukuru. 8 Nungwari etwako, ndi me mu tjangere oro epe wina, ouatjiri waro tjinga au munika mu Kristus na mu eṋe wina; orondu onḓorera mai zu po nondjerera yatjiri nambano ai yere.
9 Ingwi ngu ma tja u ri mondjerera nu a tondo omukwao, eye nga mba u ri monḓorera. 10 Nu ingwi ngwa suvera omukwao ma kara mondjerera, nu kape notjiṋa tji matji mu putarisa. 11 Nungwari ingwi ngu ma tondo omukwao eye u ri monḓorera. Eye ma ryanga monḓorera, nu ke nokutjiwa ku ma i, onḓorera tjinga aye mu poṱuparisa.
12 Ami me tjanga ku eṋe, vanatje vandje, ourunde weṋu tjinga amwa isirwa mena ra Kristus. 13 Nu me tjanga ku eṋe, eṋe imba ooihe, tjinga amamu tjiwa ingwi ngwa kara ko okuza kombutiro. Me tjanga ku eṋe, vazandu omitanda, tjinga amwa toṋa ingwi Omunauvi.
14 Ami me tjanga ku eṋe, vanatje vandje, tjinga amamu tjiwa Tate. Nu me tjanga ku eṋe, eṋe imba ooihe, tjinga amamu tjiwa ingwi ngwa kara ko okuza kombutiro. Me tjanga ku eṋe, vazandu omitanda, tjinga amu nomasa; embo ra Ndjambi ra tura mu eṋe, neṋe mwa toṋa ingwi Omunauvi.
15 Amu suvere ko ouye noviṋa avihe vyouye. Tji mwa suvere ouye, okutja kamuya suvera Tate. 16 Oviṋa avihe vyouye, okutja imbi omundu omunauvi mbye zera, na imbi ovandu mbi ve muna nu mbi ve vanga, na imbi avihe mouye mbwi ovandu mbi ve rihivira, kape na nangarire tjimwe tji tji za ku Tate; avihe vi za mouye. 17 Ouye na imbi avihe mbi ri mu wo, ovandu mbi ve zera, vi yanda; nungwari ingwi ngu ma tjiti ombango ya Ndjambi, eye ma karerere nga aruhe.
Omunavita na Kristus
18 Vanatje vandje, indji oiri osenina. Eṋe mwa raerwa kutja Omunavita na Kristus meya; nu nambano ovanavita na Kristus ovengi ve ya, nopu matu tjivirwa kutja indji ondji ri oiri osenina. 19 Ovandu mba, tjiri, kava ri oworuwano na eṱe, nopu va zokutuesa; andakuzu owo va ri oworuwano na eṱe, atjave kara pamwe na eṱe. Nungwari owo va ya, okutja pe munike ongahukiro kutja kape na nangarire umwe wawo, tjiri, ngu ri oworuwano na eṱe.
20 Nungwari eṋe mwa twirisiwa nOmbepo Ondjapuke i Kristus, nu amuhe opu mamu zu okutjiwa ouatjiri. 21 Ami hi nokutjangera eṋe motjimbe tjokutja ouatjiri kamu u i, nungwari omotjimbe tjokutja mamu tjiwa nawa, nu wina eṋe mamu tjiwa kutja ovizeze kavi zu mouatjiri.
22 Nu ingwi omunavizeze owaṋi? Eye ngwi auhe ngu tja Jesus kangu ri Omutwirisiwa. Eye omunavita na Kristus, nu u nyengwa Ihe nOmuna aveyevari. 23 Orondu ingwi ngu ma nyengwa Omuna, eye wina ma nyengwa Ihe; nu ngu ma yakura Omuna, eye wina ma yakura Ihe.
24 Neṋe imbi mbi mwa zuva okuza kombutiro vi ṱakamiseye momitima vyeṋu. Nu tji mwe vi ṱakamisa nawa, eṋe aruhe mamu kara noruwano nOmuna na Ihe. 25 Nu ihi Kristus omuini tje tu kwizikira okutupa otjo hi: Omuinyo waaruhe.
26 Nomambo nga ami mbe ye tjangera eṋe ohunga naimba mbe vanga okumupukisa. 27 Neṋe Kristus we mu twirisa nOmbepo ye. NOmbepo ye ndji ngunda ai ri mu eṋe, kamu nokuhepa omundu ngu me mu hongo. Orondu Ombepo ye i mu honga oviṋa avihe, nu imbi mbi i honga ovyo ouatjiri kavizeze. Ṱakamiseye omahongero wOmbepo, nu mu kare noruwano na Kristus.
28 Ii, vanatje vandje, kareye noruwano na ye, kokutja eye tje rimunikisa eṱe tu kare nokuhinemuma natu he rihoreke ku ye mohoṋi mEyuva ndi eye ndi meya. 29 Eṋe mamu tjiwa kutja Kristus omusemba; notji mamu sokutjiwa kutja auhe ngu ma tjiti ousemba eye omuatje wa Ndjambi.
Kristus ombatero yetu
1 Vanatje vandje, ami me mu tjangere omambo nga, kokutja amu ha tjiti ourunde; nungwari ngamwa ngu ma tjiti ourunde, eá¹±e tu nomuhungirirepo ku Tate. Eye oJesus Kristus, ingwi omusemba. 2 Nu mu Kristus omuini eá¹±e omu tu isirwa ourunde wetu, nu kawo mbwi ourunde wetu porwe, nungwari wina owo mbwi ourunde wouye auhe.
3 Tji matu kara nonḓuviro komatwako wa Ndjambi, tjiri, matu tjiwa kutja tu mu i. 4 Ingwi ngu ma tja u mu i, nungwari e hi nonḓuviro komatwako we, eye omunavizeze, nu mu ye kamu nouatjiri. 5 Nungwari ingwi ngu ma kara nonḓuviro kembo ra Ndjambi, tjiri, eye u norusuvero rwa Ndjambi okuura mu ye. Nu motjiṋa hi opu matu tjivirwa kutja tu noruwano na Ndjambi. 6 Ingwi ngu ma tja u noruwano na Ndjambi u sokukara nongaro ohamukwao na indji oya Jesus Kristus.
Etwako epe
7 Vakwetu ovasuverwa, ami hi nokumutjangera etwako epe, nungwari oro etwako ekuru ndi mwa kara na ro okuza kombutiro. Etwako ekuru ndi oro ombuze ndji ndji mwa zuva rukuru. 8 Nungwari etwako, ndi me mu tjangere oro epe wina, ouatjiri waro tjinga au munika mu Kristus na mu eṋe wina; orondu onḓorera mai zu po nondjerera yatjiri nambano ai yere.
9 Ingwi ngu ma tja u ri mondjerera nu a tondo omukwao, eye nga mba u ri monḓorera. 10 Nu ingwi ngwa suvera omukwao ma kara mondjerera, nu kape notjiṋa tji matji mu putarisa. 11 Nungwari ingwi ngu ma tondo omukwao eye u ri monḓorera. Eye ma ryanga monḓorera, nu ke nokutjiwa ku ma i, onḓorera tjinga aye mu poṱuparisa.
12 Ami me tjanga ku eṋe, vanatje vandje, ourunde weṋu tjinga amwa isirwa mena ra Kristus. 13 Nu me tjanga ku eṋe, eṋe imba ooihe, tjinga amamu tjiwa ingwi ngwa kara ko okuza kombutiro. Me tjanga ku eṋe, vazandu omitanda, tjinga amwa toṋa ingwi Omunauvi.
14 Ami me tjanga ku eṋe, vanatje vandje, tjinga amamu tjiwa Tate. Nu me tjanga ku eṋe, eṋe imba ooihe, tjinga amamu tjiwa ingwi ngwa kara ko okuza kombutiro. Me tjanga ku eṋe, vazandu omitanda, tjinga amu nomasa; embo ra Ndjambi ra tura mu eṋe, neṋe mwa toṋa ingwi Omunauvi.
15 Amu suvere ko ouye noviṋa avihe vyouye. Tji mwa suvere ouye, okutja kamuya suvera Tate. 16 Oviṋa avihe vyouye, okutja imbi omundu omunauvi mbye zera, na imbi ovandu mbi ve muna nu mbi ve vanga, na imbi avihe mouye mbwi ovandu mbi ve rihivira, kape na nangarire tjimwe tji tji za ku Tate; avihe vi za mouye. 17 Ouye na imbi avihe mbi ri mu wo, ovandu mbi ve zera, vi yanda; nungwari ingwi ngu ma tjiti ombango ya Ndjambi, eye ma karerere nga aruhe.
Omunavita na Kristus
18 Vanatje vandje, indji oiri osenina. Eṋe mwa raerwa kutja Omunavita na Kristus meya; nu nambano ovanavita na Kristus ovengi ve ya, nopu matu tjivirwa kutja indji ondji ri oiri osenina. 19 Ovandu mba, tjiri, kava ri oworuwano na eṱe, nopu va zokutuesa; andakuzu owo va ri oworuwano na eṱe, atjave kara pamwe na eṱe. Nungwari owo va ya, okutja pe munike ongahukiro kutja kape na nangarire umwe wawo, tjiri, ngu ri oworuwano na eṱe.
20 Nungwari eṋe mwa twirisiwa nOmbepo Ondjapuke i Kristus, nu amuhe opu mamu zu okutjiwa ouatjiri. 21 Ami hi nokutjangera eṋe motjimbe tjokutja ouatjiri kamu u i, nungwari omotjimbe tjokutja mamu tjiwa nawa, nu wina eṋe mamu tjiwa kutja ovizeze kavi zu mouatjiri.
22 Nu ingwi omunavizeze owaṋi? Eye ngwi auhe ngu tja Jesus kangu ri Omutwirisiwa. Eye omunavita na Kristus, nu u nyengwa Ihe nOmuna aveyevari. 23 Orondu ingwi ngu ma nyengwa Omuna, eye wina ma nyengwa Ihe; nu ngu ma yakura Omuna, eye wina ma yakura Ihe.
24 Neṋe imbi mbi mwa zuva okuza kombutiro vi ṱakamiseye momitima vyeṋu. Nu tji mwe vi ṱakamisa nawa, eṋe aruhe mamu kara noruwano nOmuna na Ihe. 25 Nu ihi Kristus omuini tje tu kwizikira okutupa otjo hi: Omuinyo waaruhe.
26 Nomambo nga ami mbe ye tjangera eṋe ohunga naimba mbe vanga okumupukisa. 27 Neṋe Kristus we mu twirisa nOmbepo ye. NOmbepo ye ndji ngunda ai ri mu eṋe, kamu nokuhepa omundu ngu me mu hongo. Orondu Ombepo ye i mu honga oviṋa avihe, nu imbi mbi i honga ovyo ouatjiri kavizeze. Ṱakamiseye omahongero wOmbepo, nu mu kare noruwano na Kristus.
28 Ii, vanatje vandje, kareye noruwano na ye, kokutja eye tje rimunikisa eṱe tu kare nokuhinemuma natu he rihoreke ku ye mohoṋi mEyuva ndi eye ndi meya. 29 Eṋe mamu tjiwa kutja Kristus omusemba; notji mamu sokutjiwa kutja auhe ngu ma tjiti ousemba eye omuatje wa Ndjambi.
